มัทธิว 12:41 - ลีเทส่อพ๊าอาเซ เร๊อ เห่ขุทวาลู๊

⁴¹ เด๊อ คูโยนาห์ แด๊โฉ่โด่แน โล เป่ แกแย วีนีนะเวห์ เต๊เห่ เร๊อ อา ถู่แหล่แต๊แกละ ลอปลี อาซิปล่อ อาขว่าอาคยา, ช๋า ม๊อเนอ จอแปแหร่ เมจากาคยา อู ปา แฮโต่เนอ, วีนีนะเวห์พู๊ เต๊เห่ อา ก๊อถ่อ เต่อเกอ เร๊อ แกแย เด๊อ อา เซอเพร กู๊แหน่ เออเตอทือ เต๊เห่ ปา, เร๊อ อาเก่ แด่ เหย่ซี เตซื๊อ ปา. กู๊แหน่เออ, แกแย เด๊อ อาดุเล๊อ เน๊อ คูโยนาห์ เนอ, อา โอ่ เบ๊อะเออ เตเพร.

Eastern Kayah Shadaw Dialect

⁴¹ ꤘꤣ ꤋꤢꤨ꤭ꤡꤛꤥ꤬ꤔꤢ ꤢ꤬ ꤒꤢꤩ꤬ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ ꤕ꤫ꤢꤩ꤬ ꤠꤤ꤭ꤔꤤ꤬ꤔꤢ꤬ꤠꤢꤩꤖꤢꤨ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤛꤢꤧ꤬ ꤚꤣꤧ ꤜꤢꤪ꤭ꤕꤜꤤ꤭ ꤢ꤬ꤔ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤏꤢ꤮ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ ꤢꤨ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤠꤤ꤭ꤔꤤ꤬ꤔꤢ꤬ꤠꤢꤩꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤊꤣꤧ꤬ꤓꤢꤪ꤬ ꤒ꤫ꤣ꤬ꤊꤣꤧ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤊꤢꤨꤔ꤫ꤢꤧ꤬ ꤣꤧ꤭ꤒꤣ꤬ꤓꤢꤦ꤭ ꤒꤣꤧ꤬ꤟꤢꤩ꤬ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤢꤧ꤬ ꤛꤢꤩ꤬ꤞꤤ꤭ ꤒꤢꤩ꤬ꤞꤢꤦ ꤕꤢ꤭꤯ ꤊꤢꤨꤔ꤫ꤢꤧ꤬ꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ꤘꤢꤨ꤬ꤜꤣ ꤔꤢꤧ ꤋꤢꤨ꤭ꤡꤛꤥ꤬ꤔꤢ ꤔꤣꤧ꤬ ꤢ꤬ ꤥ꤬ ꤙꤣꤧꤣꤧ꤭ ꤒꤣ꤬ꤖꤚꤢꤩ꤬꤯

มัทธิว 12:41 ပူးပေါင်းရင်းမြစ်များ

มัทธิว 12:42

เบ๊อะเมจากาคยา อาม๊อเนอ ปา เตอเนอเนอ, เก่ เด๊อ ชิแล ตากยา อาคุ๊ยโหมะ เหมาะเชบา เก่ ก๊อถ่อ เต่อเกอ เร๊อ แกแย เด๊อ อา เซอเพร กู๊แหน่เออ ตือทือ เต๊เห่ ปา, เร๊อ เก่ แด่เตซื๊อ เด๊อ เหย่ซี เออเต๊เห่ อาเหน่ลู ปา, เมเตเฮ๊เร๊อ แซ่ฮู๊ คุ๊ยโหมะ เหมาะเชบา โอ่เด๊อ อายา อาแฮ ซิหยื่อหนิดา คุ๊ยซาโลมอน อา เตอิซว๊าอี๊แส่ เตลีแม เออเต๊เห่ อาเงเนอ, อา โอ่ เจ๊อ เด๊อ เก่ ยา เด๊อ อาโร เต๊เก่ ตื๊อดื่อเรอ อา แฮ เจ๊อ. เร๊อ แวเฮ๊ ซี, แกแย เด๊อ อาดุเล๊อ เจ๊อ เน๊อ คุ๊ยซาโลมอน เนอ อา อาโอ่ เบ๊อะเออ เตเพร, หม่าแน๊เรอ ซี หยื่อเอ่โต่.

ꤟꤤꤙꤚꤢꤨ 11:7

เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

ꤚꤥꤗꤢꤩ꤬ 2:27

ฮู๊เนอเรอ แกแยยิวพู๊ หม่าโต่ เต๊เห่ เด๊อ อา ดื๊อตีลี๊ เกออู พ๊าโต่ เออเต๊เห่เนอ, เก่ อา หนิดา จอแปแหร่ อา เตซว๊าเตแส่ เฮ๊เรอ อา เก่ ยูตาแรตา ดื่อ เน เตซื๊อ ปา. เน โอ่ เร๊อ เตซว๊าเตแส่ เร๊อ เน ดื๊อตีลี๊ เจ๊อ พ๊า เบ่เบ่, เน ย๋อ หนิดา เกออู เตซว๊าเตแส่ โต่ อาขว่าอาคยา, อา เก่ยูตา เน เตซื๊อ ปา.

ꤛꤥ꤭ꤟꤢ꤬ 3:31

“แกแย โอ่ เด๊อ ม๊อขุ แฮ เออเตเพรเนอ, อาดุเล๊อ เร๊อ อู ล๋อ ปลี. แกแย โอ่ เด๊อ เห่ขุ เออเตเพรเนอ อา ซิเง เฮ๊เบ่ แพ๊ดื่อ เห่ขุ อาหรี่อาแก แพ๊. แกแย โอ่ เด๊อ ม๊อขุ แฮ เออเตเพรเนอ อาดุเล๊อ เร๊อ อู ล๋อ ปลี.

มัทธิว 12:6

แว เฮ๊ ซี, แกแย เด๊อ อาดุเล๊อ ปา เจ๊อ เนอ เตหลู่แเตโฮ เนอ, เร๊อ อา โอ่ เบ๊อะเออ เตเพร.

ꤛꤥ꤭ꤟꤢ꤬ 4:12

เปเพ เพ ยาโคบ เด๊อ งย๊าเค เด๊อะแก เป เทอกลื่อเออ. เพ ยาโคบ เร๊อ อาพู๊อาเลอ เร๊อ อา เตมีเตดอ เต๊เห่ แด๊โอ เทอเออ หม่า เน ดุเล๊อแหน่ เร๊อ เปเพ เพ ยาโคบ แอ?”

ꤜꤢꤨꤊꤢ꤬ 11:32

ช๊า เตอาจา อาม๊อเนอ ปา เตอเนอเนอ, วีนีนะเวห์ เต๊เห่ เก่ ก๊อถ่อ เร๊อ แด่เตซื๊อ เด๊อ แกแย กู๊แหน่ เออตือทือ เต๊เห่ อาโอ่ ปา, เมเตเฮ๊เรอ เบ๊อะเหย่ซี หนิโฮเบ่ คูโยนาห์ แด๊โฉ่โด่แน เป่ เหย่ซี เบ๊อะเนอ, เหย่ซี ถู่แหล่แต๊แกละกาคยา แลแค อาซิปล่อ. เร๊อ แว เฮ๊ ซี, แกแย เด๊อ อาดุเล๊อเล๊อ เนอ คูโยนาห์ เนอ, อา โอ่ เบ๊อะเออ เตเพร.

มัทธิว 23:36

แว เฮ๊จ๊อจ๊อ ซี๋, เต เออเต๊เห่เนอ อา เก่ ตาเบ่ ลอ ซี เด๊อ อา โอ่เซอเพร กู๊แหน่ เออเตอทือ เต๊เห่ อาขุ ปา.

มัทธิว 17:17

แบ่เจ่ เหย่ซู่ เฮ๊ เหย่ซี เน๊อ, “แกแย โชโด เตหยื่อ ซี๋, เร๊อ แกแยจว๊าซื๊อแกล๊ ซี๋, แว เบ่ โอ่ งยา เต่อเกอปา ซี บ๋า เต? แว โตเบ่ แด่ทูซิปล่อ เร๊อ งยาเป่เกอปา ซี บ๋า เต?” อา เฮ๊โทฮู๊เนอเนอ, อา เฮ๊ลาติ แกแยเพ เนอเตเพร เน๊อ, “เอ๊แฮ เนพู๊คู เบ๊อะเออ.”

มัทธิว 16:4

แกแยมู๊แหม่ เด๊อ อาจ๊อ เกออู เร๊อ จอแปแหร่ โต่ เออเตอทือ เต๊เห่ จว๊ากูยแม๊ โต่ แว เตเม อาโค๊ตีกลี๊ เต๊อเจ่อ, หม่าแน๊เรอ แว เก่ เด๊อะโล เป่ ตื๊อแพ๊ เหย่ซี เตโค๊ตีกลี๊ เต๊อเจ่อ เด๊อ อาแซ่เน๊อ เพรโพร คูโยนาห์ เนอปา แพ๊,” อา เฮ๊โทเรอ อา เถ่จว๊า ตาพาแก เร๊อ เหย่ซี.

มัทธิว 12:45

เร๊อ อา เถ่จว๊า เอ๊ครวากาหนิ โป่ อาโค เด๊อ อามู๊แหม่ เล๊อ เจ๊อ เน๊อ ลูเนอ โซซว๊าโตโด เจ๊อ เร๊อ เหย่ซี กาโน โอ่ แลแค เบ๊อะเนอ. เร๊อ แกแย เนอเตเพร เก่ จา เล๊อ เจ๊อ เน๊อ อา เลออาเหล่โกล เนอ เจ๊อ ปา. แกแยเด๊อ อา มู๊แหม่ รีแจ่ เออ ตือทือ อาเม ฮู๊ เนอปา.”

มัทธิว 12:39

เร๊อ อา เฮ๊ฉื่อ เหย่ซี เน๊อ, “แกแยมู๊แหม่, แกแย เด๊อ อาจ๊อ เกออู เร๊อ จอแปแหร่ โต่ เออเตอทือ เต๊เห่ จว๊ากูยแม๊ โต่ แว เตโค๊ตีกลี๊ เต๊อเจ่อ, หม่าแน๊เรอ แว เก่ เด๊อะโล เป่ตื๊อแพ๊ เหย่ซี เตโค๊ตีกลี๊ เต๊อเจ่อ เด๊อ อา แซ่ เน๊อ เพรโพรคูโยนาห์ เนอ ปาแพ๊.