มัทธิว 12:34 - ลีเทส่อพ๊าอาเซ เร๊อ เห่ขุทวาลู๊

³⁴ หรู่ซิ อากลุยอาแล ซี๋, ซี หม่า แกแย มู๊แหม่รีแจ่ เร๊อ ซี จว๊า เฮ๊เบ่ แร๊ เบ่หนิ แจ่ เกอ ฮู๊เต? เต ล๋อปลี เด๊อ เน เฮ๊เบ่ เนอ เต๊เห่ เนอ อาโอ่ เด๊อ เน ซิปล่อกูเถ่แพ๊.

Eastern Kayah Shadaw Dialect

³⁴ ꤚ꤫ꤢꤨ꤬ꤞꤤ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤞꤤ꤭꤮, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤊꤜꤝꤤ꤭ꤜꤢꤧ꤭ ꤗꤢꤨꤗ꤫ꤢꤧ꤬ ꤚꤣꤧ꤬ ꤞꤤ꤭ ꤡꤝꤢ ꤟꤢꤩꤙꤢꤩ꤬ ꤚꤢꤧ ꤙꤢꤩꤡ꤫ꤢꤧ꤬ ꤟꤢꤨꤒꤢꤩ꤭? ꤊꤣꤧ꤬ꤛꤢꤧ꤭ ꤔꤣꤧ꤬ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤥ꤬ꤙꤢ꤭ ꤒꤢ꤭ꤕꤢꤪ꤬ꤒꤢ꤭ꤕꤢꤩ꤭ ꤟꤢꤨꤒꤢꤩ꤭ꤚꤣꤧ꤬ ꤢ꤬ꤊꤢꤨꤢꤨ꤬ ꤋꤚꤝꤢ꤭ ꤟꤢꤩꤙꤢꤩ꤬ꤓꤢꤩ꤬ ꤊꤣꤧ꤭ ꤟꤢꤨꤔꤣꤧ꤬ꤖꤢꤧ꤯

มัทธิว 12:34 ပူးပေါင်းရင်းမြစ်များ

ꤜꤢꤨꤊꤢ꤬ 6:45

แกแยแร๊ เตเพรเนอ อา เฮ๊เบ่เถ่ แพ๊ เตแร๊ โอ่ เด๊อ ลู ซิปล่อกู เนอเต๊เห่ แพ๊. แกแยจาแกแยมู๊แหม่ เตเพรเนอ, อา เฮ๊เบ่เถ่ แพ๊ เตมู๊แหม่รีแจ่ โอ่ เด๊อ ลู ซิปล่อกู เนอเต๊เห่ แพ๊. แกแย เนอ อา ซิปล่อกู โอ่บา ตาป่อตาเป ฮู๊เต๊เนอ อากู๊อู่ ครวา เฮ๊เบ่เถ่ เกอ ฮู๊เนอแพ๊.

มัทธิว 15:18

หม่าแน๊เรอ เต เด๊อ อา โอ่ เด๊อ แกกู เถ่ เต๊เห่ เนอหม่า อา โอ่ เด๊อ ซิปล่อกูแฮ, เร๊อ อา เม โตโพร๊มู๊แหม่ แกแย.

เอเฟซัส 4:29

โหง่ เด๊อ อา ทวาบุ๊ยทวาเตอเรอ เด๊อ อูเง โต่ เนอ, นอเถ่เปล๊ แต่ เด๊อ ซี แกกู ตือมื๋อ แต่เหม่ นี๋. แซ่ฮู๊ อา เก่ หนิอ๊าหนิเหร่ เป่ แกแย เด๊อ อา หนิโฮ เต เต๊เห่ อาเงเนอ, เฮ๊เบ่ แลแค แพ๊ โหง่ เด๊อ อา ทวาบุ๊ยทวาเตอเรอ เร๊อ อา เก่ เมจว่า อู เตดุแถ่ทูแถ่ เนอเต๊เห่ แพ๊ นี๋. เฮ๊เบ่แพ๊ แลแค โหง่ เด๊อ อา หนิบุ๊ยหนิเตอเรอ เด๊อ อูเง เนอเต๊เห่ แพ๊ นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

จอแปแหร่ อาพู๊อาเลอ เต๊เห่ เร๊อ โลเน๊มู๊แหม่รีแจ่ กู่กล๊อ อาพู๊อาเลอ เต๊เห่เนอ, เป ซิเง ตาเต แจ่ อา ฮู๊เออ เฮ๊เรอ, อูเปเป๋ เบ่เบ่ อา เก่ เม แฮเง ตื๊อดื่อปา เต เด๊อ อา โตโต่ เต๊เห่, โต่หม่าแน๊ อา โม เกอเร๊อ เกอ อาโป่อาแหม่ ครี๊พู๊ เต๊เห่ โต่ เฮ๊เนอหม่า จอแปแหร่ อาพู๊อาเลอ หม่าโต่.

มัทธิว 12:35

แกแย แร๊ เตเพรเนอ, อา ย๋อ แด่โน โอ่ปล๊อ เตแร๊ เต๊เห่ เด๊อ อา ซิปล่อกู อาขว่าอาคยา, อา เบ่ เฮ๊เบ่ เถ่โหง่ เด๊อ อาแร๊ เต๊เห่ แพ๊. หม่าแน๊เรอ แกแยมู๊แหม่ รีแจ่ เตเพรเนอ, อา ย๋อ แด่โน โอ่ปล๊อ เตมู๊แหม่ รีแจ่ เด๊อ อา ซิปล่อกู อาขว่าอาคยา, อา เตเฮ๊เบ่ เถ่โหง่ เนอ, อา มู๊แหม่รีแจ่ แพ๊.

ꤛꤥ꤭ꤟꤢ꤬ 8:44

ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.

มัทธิว 23:33

“หรู่มู๊แหม่ซี๋, หรู่ซิ อาพู๊อาเลอ ซี๋, จอแปแหร่ เตเรเมจากาคยา ซี เด๊อ หง่าหร่าปอรากยากู ปาเนอ ซีจว๊า แลเปล๊ เบ๊ แจ่ ฮู๊ เต?

มัทธิว 3:7

หม่าแน๊เรอ เบ๊อะคูยอห์น แม๊เถอะ ฟาริสี เร๊อ สะดูสี เต๊เห่ แฮปลูแฮเผ่ เด๊อ อา เก่ แฮเจ เกอ อาเหน่ เร๊อ เทอ เบ๊อะเนอ, อา เฮ๊ เหย่ซี เน๊อ, “หรู่ซิ ซี๋! หม่าอูเป เตเพร เด๊อะรอเด๊อะเร ซี เนอ ซี อา เหล่แลเปล๊ เร๊อ จอแปแหร่ อา เตเมจากาคยา เด๊อ อา เก่ แฮปา เออเนอ เป?

ꤜꤢꤨꤊꤢ꤬ 3:7

แกแย เต๊เห่ เตเร แฮ เจ แลแค อาเหน่ เร๊อ เทอ เร๊อ อา แฮโหร่แฮเอ๊ แหน่เจ๊อ เด๊อ คูยอห์น อา โอ่. เร๊อ คูยอห์น เฮ๊ เหย่ซี เน๊อ, “หรู่ ซี๋! ซี เก่ เหล่แลเปล๊ เร๊อ จอแปแหร่ อา เต เด๊อะจา เด๊อ อา เก่ แฮปา เออเนอ อูเป เตเพร เด๊อะรอเด๊อะเร ซี เป?

เอเฟซัส 5:4

เตเฮ๊เบ่ เด๊อ อู ซิรอซิเร, เตเฮ๊เบ่ เด๊อ อาโหง่แลช๊า โอ่โต่ เต๊เห่, เตเฮ๊เบ่ ปาต๊าเปอเตอ เต๊เห่เนอ, อาโตอาเบ่ โต่ อาขว่าอาคยา, เฮ๊เบ่ แลแค แต่เหม่ นี๋. พื๋อ เร๊อ ซี เตเร เฮ๊เบ่เต ฮู๊เนอ เต๊เห่เนอ เฮ๊บุ๊ยเฮ๊เตอเรอ แถ่เหร่อ เด๊อ จอแปแหร่ เนอ.

ꤡꤛꤢꤩ꤭ꤗꤢ꤬ꤎꤣ꤬ 3:2

เป เมซื๊อ กาคยาแฮเง ลอปลี เต ปว๋า เตเพร เฮ๊อ. หม่าแน๊เรอ แกแย เด๊อ อา เฮ๊เบ่ซื๊อน๊อ เกออู โตโพ๋ โต่ เตเพรเนอ, อา หม่า เฮ๊อ แกแย เด๊อ อาเล๊ออาบา เตเพร เน๊อ อารออาเรเบ๊ เกอเร๊อ ลอเฮ๊อ อา เหน่เชเพร เฮ๊อ.