มัทธิว 12:31 - ลีเทส่อพ๊าอาเซ เร๊อ เห่ขุทวาลู๊

³¹ เมฮู๊เนอเรอ แว เฮ๊ ซี, จอแปแหร่ เก่ ปลวาแก แกแย เด๊อ อา เมซื๊อ ลู, เฮ๊ซื๊อลู เนอ เต๊เห่ เตซื๊อปา. หม่าแน๊เรอ แกแย เด๊อ อา เฮ๊ซื๊อเมซื๊อ แหย่โยบูโพ๊แบ่เจ่ เนอ จอแปแหร่ ปลวาแก แจ่ ปา เหย่ซี เตซื๊อ โต่.

Eastern Kayah Shadaw Dialect

³¹ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤟꤢꤩ ꤞꤤ꤭, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤢꤦ ꤜꤢꤨ꤭, ꤢ꤬ ꤟꤢꤩꤞꤢꤦ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤞꤢꤦ꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩꤞꤢꤦꤗꤢꤩ꤬ꤞꤢꤦ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤕꤜꤝꤢ꤭ꤊꤢꤧ꤭ ꤡ꤫ꤢꤧ꤬ ꤕꤢ꤬ ꤛꤢꤩ꤬ꤞꤤ꤭ ꤒꤢꤩ꤬ꤞꤢꤦ ꤒꤥ꤬꤯

มัทธิว 12:31 ပူးပေါင်းရင်းမြစ်များ

ꤜꤢꤨꤊꤢ꤬ 12:10

ล๋อ แกแย เด๊อ อา เฮ๊ซื๊อ แกแยพู๊คู หม่าเฮ๊อ แว เออเนอ, จอแปแหร่ เก่ ปลวาแก ลูเตซื๊อ แพ๊. หม่าแน๊เรอ แกแย เด๊อ อา เฮ๊ซื๊อ แหย่โยบูโพ๊แบ่เจ่ เนอ, จอแปแหร่ ปลวาแก แจ่ ปา เหย่ซี เตซื๊อ โต่.

ꤟꤤꤙꤚꤢꤨ 10:29

ฮู๊เนอเรอ ซี เตเน แม๊มอ แกแย เด๊อ อา เฮ๊ โตโมเต๊เก่ จอแปแหร่ อาพู๊คู เออเต๊เห่, เร๊อ อา วีแก ลู เต๊เห่เนอ, จอแปแหร่ เก่ เมจากาคยา จาเล๊อแหน่ เหย่ซี ปา. โทเรอ ครี๊ ข่าเซอ อาซิปล่อ เร๊อ อา เด๊อะทวาแถ่ เฮ๊อ จอแปแหร่ อา เตอ๊อแล อาเซ เออเนอเฮ๊อ เร๊อ ครี๊ ซู๊ปลีแก เฮ๊อ เป เน๊อ อาสุ่ย เฮ๊อ. ฮู๊เนอเรอ แกแย เด๊อ อา แด่ งูดุงูชอ เกอ ครี๊ อาสุ่ย โต่ เต๊เห่เนอ, จอแปแหร่ เก่ เมจากาคยา จาเล๊อ เหย่ซี ปา. โท๊โต่ แกแย เออเต๊เห่เนอ อา เฮ๊ มู๊แหม่รีแจ่ แหย่โยบูโพ๊ แบ่เจ่ เด๊อ อา เด๊อะ เหย่ซี เตบุ๊ยเตเตอเรอ เออเตเพร อาขว่าอาคยา, จอแปแหร่ เก่ เมจากาคยา เล๊อ เจ๊อ เหย่ซี เร๊อ แกแย เด๊อ อา เมซื๊อ คูโมเสส อา เตซว๊าเตแส่ เนอเต๊เห่ ปา.

ꤟꤤꤙꤚꤢꤨ 10:26

เป พย๊าหนิ โทเฮ๊อ เตหมะเตจ๊อ อา เตซิคว๊าซิเง เร๊อ เป เก่ เม เต๊เก่ แฮเง ตื๊อดื่อปา เตซื๊อ เก่เฮ๊เรอ เตหลู่เตแต เด๊อ อา เก่ ปลวาแก เป เตซื๊อ อาเงเนอ อา โอ่ ปา โต่.

เพรโด่แนพู๊ เต๊เห่ 7:51

คูสเทเฟน เฮ๊ โป่ เน๊อ, “ซี ซิปล่อ เพรอเกอเด๊อ เจ๊อ! ซี ซิปล่อเนอ อา แซ่เจ๊อเร๊อ แกแย เด๊อ อา ซิเง จอแปแหร่ โต่ เต๊เห่ เนอ เจ๊อ! จอแปแหร่ อาลาอาโหง่ อาเง เร๊อ ซี กู๊หลิกอออ โกโน๋ โต่! ซี ครวาเมโตโคร แซ่เจ๊อเร๊อ ซี โหมะเพเพอโพ เด๋อ งย๊าเค เต๊เห่ เมเนอ เจ๊อ, เร๊อ ซี เมดี๊แด ตาตือ แหย่โยบูโพ๊ ปว๋า โตโพ๊ เจ๊อ!

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:16

แกแย เตเพรเพร เก่ แม๊เถอะ อาโป่แหว่ ครี๊พู๊ เตเพรเพร เมเตซื๊อ เด๊อ อา เก่ เด๊อ ทวาแถ่ ลู เตเซอ หม่าโต่ เฮ๊เนอ, อา เก่ กุยเต เด๊อ จอแปแหร่ อา โอ่ เร๊อ จอแปแหร่ เก่ เด๊อ แกแย เด๊อ อา เมเตซื๊อ เออเนอ เตเพร ซิปล่อเซอเพร ปา. หม่าแน๊เรอ เตซื๊อ เด๊อ อา เก่ เด๊อ ทวาแถ่ ลู เร๊อ เตเซอ เฮ๊เนอหม่า, แว ซิหยื่อ เฮ๊ ซี เร๊อ เตซื๊อ ฮู๊เนอ เต๊เห่เนอ ซี โต กุยจ๊อเบแถ่ เป่ ลูเง เด๊อ จอแปแหร่ อา โอ่ โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:9

หม่าแน๊เรอ เป เก่ แด๊โฉ่โล จอแปแหร่ เน๊อ เป เม เตซื๊อเตโอ่หร่า เต๊เห่ เฮ๊เนอหม่า จอแปแหร่ เออเนอ อาจ๊อ เร๊อ อา เตอ๊อแล เร๊อ อา เมโตเมเบ่ เต, โท๊โต่ อา เก่ ปลวาแก เป เตซื๊อ ล๋อ ปลี เร๊อ อา เก่ เมโพ๊เมปลี กาคยา คยาแซ๊ ลอ ล๋อ เป เมเตโต่ โต่ เนอเต๊เห่ ปา.

ꤟꤤꤙꤚꤢꤨ 6:4

แกแย เด๊อ อา วีแก อาเตหยื่อ เต๊เห่เนอ เหย่ซี ถู่แหล่เต๊เปล่ กาคยา แจ่ ปา อาซิปล่อ แตแค๋ โต่. เด๊อ เนอเค, เหย่ซี ซิเง โทเฮ๊อ จอแปแหร่ อา เตหมะเตจ๊อ เต๊เห่ เฮ๊อ. เหย่ซี แม๊เถอะ ซิเงแฮเบ่น๊อ โทเฮ๊อ จอแปแหร่ อาเชหยู่ เร๊อ อา พย๊าหนิโหร่ เกอโทเฮ๊อ แหย่โยบูโพ๊ แบ่เจ่ เร๊อ แกแย เด๊อ อาโรเต๊เห่ เฮ๊อ.