มัทธิว 12:23 - ลีเทส่อพ๊าอาเซ เร๊อ เห่ขุทวาลู๊

²³ แกแย เบ๊หมู่ เต๊เห่ คย๊าอายื๊อ แหน่เจ๊อ, เร๊อ อา เฮ๊ แลแค เน๊อ, “แกแย เออเตเพร หม่า คุ๊ยดาวิด อาพู๊ เจ๊อกอ?”

Eastern Kayah Shadaw Dialect

²³ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤒꤣꤧ꤬ꤟꤢꤩ꤬ ꤋꤛꤢꤛꤢꤦ ꤔꤢꤧ꤬ꤡꤣꤧ, ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤗꤢ꤬ ꤋꤝꤤꤘꤢ꤬ꤠꤤ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤡꤣꤧꤊꤢꤪ꤭?”

มัทธิว 12:23 ပူးပေါင်းရင်းမြစ်များ

มัทธิว 9:27

เบ๊อะแบ่เจ่ เหย่ซู่ เถ่จว๊าแก เบ๊อะเนอ โต๊โผ่ เบ๊อะเนอ, แกแย เป๊เส่คี๊ ซิเนอ ครวา เอ๊โท เกอ ลู เน๊อ, “เก๋อ เพดาวิด อาพู๊, ซิยอ เร๊อ เมจว่า เกอ เป นี๋.”

ꤛꤥ꤭ꤟꤢ꤬ 4:29

“แฮ แม๊เกอ แลแค มอ แว แกแย เตเพร เล๊! อา เฮ๊โพร ลอปลี เจ๊อ ล๊อ แว เมกาโทเฮ๊อ เนอเต๊เห่ เจ๊อ. อา หม่า ครี๊ เจ๊อ แอ?”

มัทธิว 21:9

แกแย จว๊า เหร่อ เด๊อ แบ่เจ่ อาเป๊เส่เง ตูปลูเต๊เผ่, อา ครวาเกอ เด๊อคยา ตูปลูเต๊เผ่ เร๊อ อา เอ๊โท แลแค เนอ, “โฮซันนา, ถู่เซ๊แถ่ แลแค คุ๊ยดาวิด อาพู๊คู.” “แบ่เจ่ เด๊อ อา แฮ เด๊อ จอแปแหร่ อามุยเออ เตเพรเนอ, เตเด๊อะบุ๊ยเด๊อะเตอเรอ เก่ แลเบ่ดื่อ อา นี๋.” “โฮซันนา, ถู่เซ๊แถ่ แลแค จอแปแหร่ เด๊อ อา โอ่ เด๊อ ม๊อขุ เหล่ โอ่ แถ่โลเล๊อ เออเตเพร.”

มัทธิว 9:33

เบ๊อะแบ่เจ่ เหย่ซู่ เหว่เถ่แก โทเฮ๊อ โลเน๊ เบ๊อะเนอ, แกแยเป๊ เออเตเพร เฮ๊เบ่ แจ่ กาคยา คยาแซ๊. เร๊อ แกแย เบ๊หมู่ เต๊เห่ คย๊าอายื๊อ แหน่เจ๊อ. “อาทวา เต ฮู๊เออ เด๊อ อิสราเอลพู๊ อาเกล เนอ แม๊เถอะ แต่ล๋าย แตแค๋ โต่,” เตเพร๊ เร๊อ เตเพร อาเฮ๊แลแค ลู เนอ.

มัทธิว 15:22

เร๊อ คานาอัน เมวเจอะโหมะ เด๊อ อา โอ่ เด๊อ เก่เบ๊อะเนอ เตเพร แฮ เด๊อ แบ่เจ่ เหย่ซู่ อา โอ่ เร๊อ อา แฮ เอ๊โท กุย ซิยอ แถ่ ลู เน๊อ, “เก๋อ แบ่เจ่, คุ๊ยดาวิด อาพู๊คู๋, ซิยอ เร๊อ แว นี๋, โลเน๊ เมเบ่ แวพู๊เหมาะ เร๊อ อา เมหน่า แหน่เจ๊อ.”

มัทธิว 7:28

เบ๊อะแบ่เจ่ เหย่ซู่ เฮ๊โทเฮ๊อ เตเออเต๊เห่ เบ๊อะเนอ, แกแย เบ๊หมู่ เด๊อ อา หนิโฮ ลู อิซว๊าอี๊แส่ เออเต๊เห่เนอ, อา คย๊าอายื๊อ ลอปลี เจ๊อ.