มัทธิว 12:15 - ลีเทส่อพ๊าอาเซ เร๊อ เห่ขุทวาลู๊

¹⁵ แบ่เจ่ เหย่ซู่ ซิเง เหย่ซี อาเตเตเน มู๊แหม่ เร๊อ อา เถ่จว๊าแก เร๊อ เหล่โอ่ เบ๊อะเนอ แกแย ครวาปลูครวาเผ่ เกอลู ลูคยา เร๊อ อา แหย่โอ่เหม่ เป่ ลอปลี เจ๊อ อู เตชุ๊ยเตเช ปว๋า เตเพร เจ๊อ.

Eastern Kayah Shadaw Dialect

¹⁵ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤞꤤꤑꤢꤩ꤭ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤨꤗ꤫ꤢꤧ꤬ ꤚꤣꤧ꤬ ꤢ꤬ ꤓꤢꤩ꤬ꤡꤝꤢꤊꤢꤧ꤭ ꤔꤢꤧ ꤜ꤫ꤢꤩ꤬ꤥ꤬ ꤙꤣꤧꤔꤣꤧ꤬꤯ ꤊꤣꤧ꤬ꤛꤢꤧ꤭ ꤋꤚꤝꤢ꤭ꤕꤜꤢꤨ꤬ꤋꤚꤝꤢ꤭ꤖꤢꤩ꤬ ꤊꤣꤧ꤭ꤜꤢꤪ꤭ ꤜꤢꤨ꤭ꤋꤛꤢ꤭ ꤚꤣꤧ꤬ ꤢ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤕ꤫ꤢꤩ꤬ ꤜꤢꤪ꤭ꤕꤜꤤ꤭ ꤡꤣꤧ ꤢꤨ꤭ ꤒꤢꤩ꤬ꤏꤝꤤꤒꤢꤩ꤬ꤏꤢꤩ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤡꤣꤧ꤯

มัทธิว 12:15 ပူးပေါင်းရင်းမြစ်များ

มัทธิว 10:23

อู เก่ เมจาเมจือ ซี เบ๊อะเออ โต๊โผ่ เก่เฮ๊เรอ แกล่จว๊า โดโต่ เด๊อ อาโร โต๊โผ่ เนอ. แว เฮ๊จ๊อจ๊อ ซี, เบ๊อะซี จว๊า ปวาลอ แต่ล๋าย ล๋อ อิสราเอล อาวี เออเต๊เห่ ล๋ายโต่เนอ, แกแยเห่ขุ อาพู๊คูเออ เก่ แฮเล๊ ปา.

ꤛꤥ꤭ꤟꤢ꤬ 11:54

ฮู๊เนอเรอ, เหย่ซู่ จว๊า โล๊หล่าโล๊ลี ปา เด๊อ แกแยยิวพู๊ เต๊เห่ อาเกล โต่. อา จว๊า โอ่โค๊แก เด๊อ เก่เชเทอแก หล่อตาม๊าขุช๊า เหล่โอ่ โต๊โผ่. อา จว๊า โอ่ เกอเร๊อ ดอ เออตอดอ เนอหม่า อู เอ๊ เร๊อ ดอเอฟราอิม, อา จว๊า โอ่เต่อโหร่ เกอ เร๊อ อา โคเจ่ เต๊เห่ เบ๊อะเนอ.

ꤛꤥ꤭ꤟꤢ꤬ 7:1

แบ่เจ่ เหย่ซู่ เฮ๊โท ฮู๊เออ เนอ, อา จว๊า เด๊อ กาลิลีเก่ เนอ, อา จว๊าเล ตอดอ โท ตอดอ เบ๊อะเนอ. แกแยยิวพู๊ ทวาดุทวาเต เต๊เห่ ย๋อ แม๊ปู เมเซอ ลู อาขว่าอาคยา, อา ซิหยื่อ จว๊า เด๊อ ยูดาห์ เก่กู โต่.

มัทธิว 19:2

แกแย ครวาปลูครวาเผ่ เกอลอ ลูคยา เร๊อ อา แหย่โอ่เหม่ เป่ อู เตชุ๊ยเตเช เบ๊อะเนอ.

ꤗꤢ꤬ꤊꤢꤨ 6:56

แบ่เจ่ เหย่ซู่ จว๊าโต เบ๊อะเต๋ โต๊โผ่ เบ่เบ่, อา จว๊า เด๊อ ดอกู เบ่เบ่, อา จว๊า เด๊อ วีกู เบ่เบ่, อา จว๊า เด๊อ วีกลอ เบ่เบ่, เหย่ซี แด่ตา แลแค แกแยชุ๊ยแกแยเช เต๊เห่ เด๊อ เกล๊กู เร๊อ เหย่ซี กุยซิยอ แบ่เจ่ เนอ นอโต่เบ่ แพ๊ เนจาจวาแก เออเนอ เร๊อ เพรชุ๊ย เพรเช เออเนอเต๊เห่ ตี๊กิแพ๊ เร๊อ แกแย เด๊อ อา โต่เบ่ ลู จาจวาแก เต๊เห่เนอ, อา เตชุ๊ยเตเช โอ่เหม่ ลอปลีเจ๊อ.

เปโตร อาเหร่อเล๊อ ต๊าบ่า 2:21

แซ่ฮู๊ ซี เบ่ แด่ทูซิปล่อเบ๊ เตจาเตจือ เออ อาเงเนอเรอ, จอแปแหร่ เอ๊เถ่ เฮ๊อ ซี เฮ๊อ, เมเตเฮ๊เรอ ครี๊ อาเหน่แบ่เจ่ เร๊อดื่อ จ่าเพรอ โทเฮ๊อ เตจาเตจือ เด๊อ ซีเง เฮ๊อ. เร๊อ แซ่ฮู๊ ซี เก่ ครวา หยิเกอ อากู๊โด่เค อาเงเนอ, อา แด่แก เป่ เฮ๊อ ซี เหล่แม๊บือ เฮ๊อ.

ꤊꤢ꤬ꤜꤢ꤬ꤒꤤ 6:9

เมเตแร๊เนอ ซิปล่อปย๊า แลแค แต่เหม่ นี๋. เป เก่ ซิปล่อปย๊าโต่ เฮ๊เรอ, ช๋า ม๊อเนอม๊อเซ โตเก๊ ปาเนอ, เป เก่ เก๊เบ่น๊อ คยาแซ๊ดื่อ เตเส่เตโพ ปา.

ꤛꤥ꤭ꤟꤢ꤬ 9:4

เบ๊อะเหมาะคี๊ ล๋ายโต่ เนอ, เป เบ่ เม เป่ เพร เด๊อ อา นอแฮ แว เออเตเพร อาเตเม. เหมาะคี๊ เร๊อ อู เมแจ่ ปา เตเพร่ว โต่ เนอ, อา เก่ แฮโต่ ปา.

ꤜꤢꤨꤊꤢ꤬ 6:12

เบ๊อะเนอโทเรอ, เหย่ซู่ เตเร จว๊า กุยจ๊อเบ เร๊อ อา จว๊าแถ่ เด๊อ โฉ่ลู. เร๊อ อา จว๊า กุยจ๊อเบแถ่ จอแปแหร่ เบ๊อะเนอ เตเซ เตเซ เจ๊อ.

ꤜꤢꤨꤊꤢ꤬ 5:22

เหย่ซู่ ซิเง เหย่ซี เฮ๊ เกอเร๊อ เป่ลู เออเต๊เห่ เร๊อ อา แด๊เฮอ เหย่ซี เน๊อ, “ซี จว๊าเตเน โต่ แลแค เด๊อ ซี ซิปล่อกู ฮู๊เนอหม่า เมเต?

ꤜꤢꤨꤊꤢ꤬ 9:11

เบ๊อะแกแย เบ๊หมู่ หนิโฮ เร๊อ แบ่เจ่ เหย่ซู่ เร๊อ อา โคเจ่ เต๊เห่ จว๊าเฮ๊อ เด๊อ เมอ เนอตีวี เบ๊อะเนอ, เหย่ซี ครวาจว๊าเกอ แลแค เบ๊อะเนอ เหย่ซู่ เอ๊โมฉื่อ เหย่ซี เร๊อ แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อา แหย่โอ่เหม่ เป่ แกแย เต๊เห่ อา เตชุ๊ยเตเช.