มัทธิว 11:5 - ลีเทส่อพ๊าอาเซ เร๊อ เห่ขุทวาลู๊

⁵ แกแย เป๊เส่คี๊ เต๊เห่ แม๊เถอะ แจ่เฮ๊อ, แกแย กู๊โด่ด๊า เต๊เห่ จว๊าแจ่เฮ๊อ, แกแย จุมู๊แหม่ เต๊เห่ โอ่เหม่ กาคยา ลอเฮ๊อ, แกแยกู๊หลิโกะ กอออ เต๊เห่ หนิโฮกาคยาเฮ๊อ, แกแยเซอ เต๊เห่ ก๊อถ่อเซอเพร กาคยา คยาแซ๊เฮ๊อ, แกแย โซพ๊าโซแรพู๊ เต๊เห่ หนิโฮเบ่ เกอเฮ๊อ เตซิครือซิลอมีลา เฮ๊อ.

Eastern Kayah Shadaw Dialect

⁵ ꤊꤣꤧ꤬ꤛꤢꤧ꤭ ꤕꤣꤧꤞꤢꤩ꤬ꤋꤤ ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ ꤡ꤫ꤢꤧ꤬ꤟꤣꤧ, ꤊꤣꤧ꤬ꤛꤢꤧ꤭ ꤋꤢꤧꤘꤥ꤬ꤘꤢ ꤒꤣꤧ꤬ꤟꤢꤩ꤬ ꤡꤝꤢꤡ꤫ꤢꤧ꤬ꤟꤣꤧ, ꤊꤣꤧ꤬ꤛꤢꤧ꤭ ꤒꤢꤩ꤬ꤏꤢꤩ꤭ꤗꤢꤨꤗ꤫ꤢꤧ꤬ ꤘꤣ ꤖꤢꤜꤥ꤬ ꤒꤣꤧ꤬ꤟꤢꤩ꤬ ꤥ꤬ꤗ꤫ꤢꤩ꤬ ꤊꤢ꤬ꤋꤛꤢ꤭ ꤜꤢꤪ꤭ꤟꤣꤧ, ꤊꤣꤧ꤬ꤛꤢꤧ꤭ ꤊꤢꤨꤜ꤫ꤤ꤬ꤊꤣꤧ꤬ꤢꤪ꤭ ꤒꤣꤧ꤬ꤟꤢꤩ꤬ ꤊꤢꤨꤜ꤫ꤤ꤬ꤊꤢꤨ꤭ꤜꤤ꤭ ꤜꤢꤪ꤭ꤟꤣꤧ, ꤊꤣꤧ꤬ꤛꤢꤧ꤭ꤞꤣꤧ꤭ ꤒꤣꤧ꤬ꤟꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧꤟꤣꤧ, ꤊꤣꤧ꤬ꤛꤢꤧ꤭ ꤏꤥ꤭ꤚꤢꤧ꤬ꤏꤥ꤭ꤖꤢꤖꤢꤨ ꤒꤣꤧ꤬ꤟꤢꤩ꤬ ꤔ꤫ꤤ꤬ꤟꤥ꤭ꤙꤢꤩ꤬ ꤊꤣꤧ꤭ꤟꤣꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤟꤣꤧ꤯

มัทธิว 11:5 ပူးပေါင်းရင်းမြစ်များ

ꤜꤢꤨꤊꤢ꤬ 4:18

“จอแปแหร่ แหย่โยบูโพ๊แบ่เจ่ โอ่ เด๊อ แวกู, เมเตเฮ๊เรอ อา นว๊าแถ่ เฮ๊อ แว เร๊อ แว เก่ แด๊โฉ่ เป่ แกแย โซพ๊าโซแรฮู๊เต๊เห่ เร๊อ เตซิครือมีลา เออเนอ เฮ๊อ. แกแย เด๊อ อู ปื่อ ด๊อโอ ลู เด๊อ ทอกู เต๊เห่ อา พย๊าหนิ เตเมแลเปล๊กา อาเง, แกแย เด๊อ อา เป๊เส่คี๊ เต๊เห่ อา เป๊เส่ลี กาคยา อาเง, เร๊อ แกแย เด๊อ อู เมจาเมจือ ลู เต๊เห่ เก่ พย๊าหนิ เตเมแลเปล๊ กา อาเงเนอ, อา นอแฮ เฮ๊อ แว เด๊อ แว เก่ แด๊โฉ่ เป่ เหย่ซี เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 2:5

โป่แหว่โม ซี๋, หนิดา แลแค. แกแย เด๊อ อา โซพ๊าโซแร เด๊อ เห่ขุ เออเต๊เห่ เนอหม่า, แซ่ฮู๊ เหย่ซี เตหยื่อเตแหน่ เก่ฉว่าเก่ชอแถ่ เร๊อ เหย่ซี เก่ เมหนิ เทอเก่ เด๊อ จอแปแหร่ อ๊อแล หนื่ออื่อ เป่ แกแย เด๊อ อา โมเร๊อ ลู เนอเต๊เห่ อาเงเนอเรอ, จอแปแหร่ นว๊าแถ่ เหย่ซี เฮ๊อ เนอหม่า ซี ซิเง ตาเต ดื่อ เฮ๊อ.

มัทธิว 21:14

แกแย เป๊เส่คี๊ กู๊โด่ด๊า เต๊เห่ แฮโนโต แบ่เจ่ เหย่ซู่ เด๊อ เตหลู่แต โฮกู, เร๊อ อา แหย่โอ่เหม่ เป่ลอ เหย่ซี.

ꤛꤥ꤭ꤟꤢ꤬ 10:38

หม่าแน๊เรอ เก่ แว เมเฮ๊อ ฮู๊ แวเพ เมเนอ เฮ๊เรอ ซี เก่ หยื่อเอ่ แลแค เจ๊อ ตีกี๋ โต่ เฮ๊เนอ, ปีตี๊ตื๊อดื่อ เร๊อ ซี โตเบ่ หยื่อเอ่ ช๊าเหล่ แลแค เต เด๊อ แว เม อาโค๊ตีกลี๊ เนอเต๊เห่. ซี เก่ หยื่อเอ่ แว เตเม เต๊เห่ เฮ๊เรอ ซี เก่ ซิเงแฮ เร๊อ เพโอ่ เด๊อ แวกู เร๊อ แว โอ่เด๊อ อากู ปา, อา เฮ๊ เหย่ซี ฮู๊เนอ.”

ꤛꤥ꤭ꤟꤢ꤬ 10:25

“แว เฮ๊โท เป่ เฮ๊อ ซี เร๊อ ซี หยื่อเอ่โต่. เตโค๊ตีกลี๊คยา เด๊อ แว เม เร๊อ แวเพ อามุย เต๊เห่เนอ, อา เฮ๊เบ่ เป่เฮ๊อ เด๊อ แวเง เฮ๊อ.

ꤛꤥ꤭ꤟꤢ꤬ 5:36

“หม่าแน๊เรอ แว เตข่าเฮ๊โล เด๊อ อาดุเล๊อ ปา เจ๊อ เร๊อ คูยอห์น อา เตข่าเฮ๊โล เออเนอ อาโอ่ เต๊เห่. แวเพ เด๊อะ แว เตเอ่เตแร เด๊อ แว เบ่ เมโทแก, เร๊อ กู๊แหน่เออ แว เม เฮ๊อ แรเต เออเต๊เห่ เฮ๊อ. แรเต เออเต๊เห่ เนอหม่า, อาข่าเฮ๊โล เฮ๊อ ซิปล่อ เร๊อ แวเพ นอแฮ หม่าแหน่ เฮ๊อ แว เนอ เฮ๊อ.

ꤛꤥ꤭ꤟꤢ꤬ 3:2

เตเซเคเนอ คูนิโคเดมัส แฮ เด๊อ เหย่ซู่ โอ่ เร๊อ อา เฮ๊ ลู เน๊อ, “ซ๊าร๊า, เป ซิเง เร๊อ เน หม่า หม่า ซ๊าร๊า เด๊อ อา โอ่ เด๊อ จอแปแหร่ อา โอ่แฮแล เตเพร. เป ซิเง เร๊อ จอแปแหร่ เก่ โอ่เกอ เร๊อ แกแย เตเพรเพร โต่ เฮ๊เนอหม่า อา เมแจ่ เตโค๊ตีกลี๊ ฮู๊ เน เม เออเนอ เตเพร่ว โต่.”

ꤛꤥ꤭ꤟꤢ꤬ 2:23

เบ๊อะเหย่ซู่ โอ่ปา วี เยรูซาเล็ม ป่วยเตจว๊า ตา ลว๊า อูป่วยกู เบ๊อะเนอ, อู แม๊เถอะ อา เม เตโค๊ตีกลี๊ เนอเต๊เห่ อาขว่าอาคยา, อู หยื่อเอ่ โหร่แหน่เจ๊อ ลู.

ꤗꤢ꤬ꤊꤢꤨ 9:25

เบ๊อะเหย่ซู่ แม๊เถอะ เร๊อ แกแย ตู๊หมู่ดุ ตอกล๊อแกล่แฮโตผื่อ เด๊อลูโอ่ เบ๊อะเนอ, อา ซิพรวา โลเน๊ เออเนอ เน๊อ, “เก๋อ โลเน๊ เด๊อ อา เมกอออ แกแย อากู๊หลิโกะ เร๊อ อา เมเป๊ แกแย เออเตเพร, แว นอเถ่จว๊า ตาพาแก เน เด๊อ เป๊เจ่เพรคูฮู๊ เออเตเพร อาเหน่ เฮ๊อ, เน เบ่ กาคยา โนหนิ ปา โตโพ๋ โต่ นี๋,” อา เฮ๊โท ฮู๊เนอ เนอ,

ꤗꤢ꤬ꤊꤢꤨ 7:37

เร๊อ ล๋อ แกแย เด๊อ อา หนิโฮ เต๊เห่เนอ, อา คย๊าอายื๊อ แหน่เจ๊อ. เหย่ซี เฮ๊ แลแค เน๊อ, “ล๋อ อา เมเต เต๊เห่ เนอหม่า อาแร๊ แหน่เจ๊อ! แกแย กู๊หลิกอออ หม่า อา เมลีกาคยาคยา, แกแย เป๊ หม่า อา นอ เฮ๊เบ่ แจ่ กาคยาคยา แหน่ เจ๊อ อู นี๋,” อา เฮ๊ แลแค ฮู๊เนอ.

มัทธิว 10:8

แหย่โอ่เหม่ แกแย เด๊อ อาชุ๊ยอาเช เต๊เห่, เมเซอเพร กาคยา แกแย เด๊อ อา เซอ เต๊เห่, แหย่โอ่เหม่แก แกแย จุมู๊แหม่ เต๊เห่, เหว่เถ่แก แลแค โลเน๊โลหน่า, ซี พย๊าหนิ ครา ลอเฮ๊อ ล๋อ เตเออ เต๊เห่ อาขว่าอาคยา, กุย แต่ อู อาคว๊าอาเก่ แต่เหม่ นี๋, เมครา เป่ เกออู นี๋.

มัทธิว 9:30

เร๊อ เหย่ซี เป๊เส่ ลีกาคยา คยาแซ๊ ลอ. แบ่เจ่ เหย่ซู่ เฮ๊ตาเฮ๊เตแก เหย่ซี เน๊อ, “แด๊โฉ่โล เป่ แต่ อู เตเพร่ว แต่เหม่ นี๋”

มัทธิว 5:3

“แกแย เด๊อ อา ซิเลแถ่ หนิ ตื๊อแพ๊ จอแปแหร่ เด๊อ เตล๋อ ปลี เออ เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ ม๊อขุ เทอเลเก่กู เนอหม่า แกแย ฮู๊เนอ เต๊เห่ อาเต เฮ๊อ.

เพรโด่แนพู๊ เต๊เห่ 2:22

เร๊อ คูเปโตร เฮ๊ โป่ เน๊อ, “แวโค อิสราเอล ซี๋, หนิดา แลแค แว เตเฮ๊เบ่เออ! เบ๊อะวีนาซาเร็ธ เหย่ซู่ โอ่เตอเกอ เร๊อ ซี เบ๊อะเนอ, อา เด๊อะโล เอ๊ เป่โทเฮ๊อ ซี เตเม อาโค๊ตีกลี๊ เต๊เห่ เนอ เตเม อาตาปา อาคย๊าอายื๊อ เต๊เห่ เน๊อ เตเม อาโค๊ตีกลี๊ อา เมม๊าเมแด เด๊อ จอแปแหร่ เด๊อะโพรเด๊อะเตอเรอ ลู เออเนอเต๊เห่ เฮ๊อ. เออเนอหมา อา เด๊อะโลเฮ๊อ เน๊อ เหย่ซู่ หม่า อา โอ่ เด๊อ จอแปแหร่ อา โอ่แฮ ฮู๊เนอ เฮ๊อ. อา เม เป่ โทลอเฮ๊อ เตเม เออเต๊เห่ เนอหม่า ซี ซิเง โทดื่อเฮ๊อ.

มัทธิว 11:4

แบ่เจ่ เหย่ซู่ เฮ๊ฉื่อ เน๊อ, “กาคยา แด๊โฉ่คยา เป่ คูยอห์น เน๊อ ล๋อ ซี หนิโฮ แม๊เถอะ เออเต๊เห่เนอ นี๋.

มัทธิว 12:13

เร๊อ อา เฮ๊ แกแย กู๊ขุเซอ โตโค๊ เออเตเพร เน๊อ, “บ๊อเถ่ เน กู๊ขุเซอ เนอโตโค๊ เนอ,” อา บ๊อเถ่ เร๊อ แร๊กาคยา แซ่เน๊อ กู๊ขุ เด๊อ อาแร๊ เนอโตโค๊.

ꤛꤥ꤭ꤟꤢ꤬ 9:7

เร๊อ อา เฮ๊ แกแยเพ เป๊เส่คี๊ เออเตเพร เน๊อ, “จว๊ามอ, จว๊า เปล่ปลีแก เน เป๊เส่เออ เด๊อ สิโลอัม เทออ่อเนอ นี๋” (สิโลอัม อาโหง่แลช๊า หม่า นอจว๊า.) เออโตโพ๊เรอ แกแยเพ เออเตเพร จว๊า เปล่ปลีแก โท อาเป๊เส่, เร๊อ อา กา เบ๊อะเนอ, อา เป๊เส่ ลี แฮ.