มัทธิว 11:23 - ลีเทส่อพ๊าอาเซ เร๊อ เห่ขุทวาลู๊

²³ เก๋อ วีคาเปอรนาอูมพู๊ ซี๋, ซี เตเน แลแค เร๊อ จอแปแหร่ อา แด่แถ่โล โต่ เจ๊อ เน เด๊อ ม๊อขุ ปา เน เตเน ฮู๊เนอ แอ? อา เก่ วีตาแก เน เด๊อ หง่าหร่าปอรากยากู ปา. เตโค๊ ตีกลี๊ เด๊อ แว เด๊อะโล เด๊อ เนกู เออเต๊เห่เนอ, แว เก่ เด๊อะโล บย่า เด๊อ วีโสโดม กู เฮ๊เนอหม่า วีเนอตีวีอา โอ่ โต่ปา โต่กู๊แหน่ เจ๊อ.

Eastern Kayah Shadaw Dialect

²³ ꤊꤣ꤮ ꤠꤤ꤭ꤊꤢ꤬ꤕꤢꤩ꤬ꤚꤢ꤬ꤔꤢꤪ꤬ꤖꤢꤨ ꤞꤤ꤭꤮, ꤞꤤ꤭ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤢꤧ꤬ꤓꤢꤧ꤬ꤜꤥ꤭ ꤒ꤫ꤥ꤬ ꤡꤣꤧ ꤔꤢꤧ꤬ ꤘꤣ ꤗꤢꤪꤋꤢꤨ꤬ ꤕꤢ꤭ ꤔꤢꤧ꤬ ꤒꤣꤧ꤬ꤔꤢꤩ꤬ ꤟꤢꤨꤔꤣꤧ꤬ ꤟꤢꤧ꤭? ꤢ꤬ ꤊ꤫ꤢꤦ꤬ ꤠꤤ꤭ꤒꤢ꤭ꤊꤢꤧ꤭ ꤔꤢꤧ꤬ ꤘꤣ ꤍꤢ꤬ꤚꤢ꤬ꤊꤢꤨ꤭ ꤕꤢ꤭꤯ ꤒꤢꤩ꤬ꤋꤥꤒꤣꤧ꤬ꤊꤜꤤ ꤘꤣ ꤠꤢꤧ꤭ ꤘꤣꤧꤜꤥ꤭ ꤘꤣ ꤔꤢꤧ꤬ꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤊꤢꤩ꤬ ꤘꤣꤧꤜꤥ꤭ ꤙꤛꤢ꤬ ꤘꤣ ꤠꤤ꤭ꤎꤢ꤬ꤘꤥ꤬ ꤠꤤ꤭ꤊꤢꤨ꤭ ꤟꤢꤩꤔꤣꤧ꤬ꤗꤢ꤬ ꤠꤤ꤭ꤔꤣꤧ꤬ ꤒꤣ꤬ꤠꤤ꤭ ꤊ꤫ꤢꤦ꤬ ꤥ꤬ ꤒ꤫ꤥ꤬ꤕꤢ꤬ ꤒ꤫ꤥ꤬ꤊꤢꤨꤔ꤫ꤢꤧ꤬ ꤡꤣꤧ꤯

มัทธิว 11:23 ပူးပေါင်းရင်းမြစ်များ

มัทธิว 4:13

อา เถ่จว๊าแก เร๊อ วีนาซาเร็ธ เร๊อ เด๊อคยาเนอ อา จว๊า โอ่เด๊อ วีคาเปอรนาอูม เด๊อ อา โอ่ผื่อ เร๊อ กาลิลี เทออ่อดุ อาช๊า เนอ ตีวี. เหล่โอ่ เบ๊อะเนอ โต๊โผ่ หม่า อา โอ่ผื่อ เร๊อ เศบูลูนเก่ เร๊อ เห่ขุนัฟทาลีเก่.

เห่ขุทวาลู่ 13:13

เบ๊อะเนอเค, วีโสโดมพู๊ เต๊เห่ อาซิปล่อ มู๊แหม่รีแจ่ แหน่เจ๊อ เร๊อ อา เมซื๊อเมปล๊า ดุ แหน่เจ๊อ จอแปแหร่ ตูจูเพร.

เตเด๊อะโลแถ่ 11:8

อา เมเซอ โท เหย่ซี เร๊อ อู แด่แล เหย่ซี อาเหน่กล่อ เบ๊อะวีดุ เนอตีวี อา แกล๊เดกู เนอ ปา วีกูเนอ ตีวี หม่า วี เด๊อ อู เหล่เมเซอ อา แบ่เจ่ เด๊อ อี๊ถื่อดีเต่ลู เนอโต๊โผะ เฮ๊อ. วีเออ ตีวี เนอหม่า อู เอ๊ ลู เน๊อ เต เด๊อ อู เหล่แม๊บือแม๊ม๊า แก เกอดื่อ วีโสโดม โต่หม่าแน๊ อียิปต์เก่ เนอ แพ๊.

ꤛꤢꤨꤘꤢ꤬ 1:7

ฮู๊เนอเฮ๊อ, เตเนแถ่ หนิคยาดื่อ แลแค วีโสโดม เร๊อ วีโกโมราห์ เร๊อ วี โอ่ เด๊อ อา โอ่ผื่อโอ่ว๊า เนอเต๊เห่. แกแยวีกู เบ๊อะเนอ เต๊เห่ หม่า อา เมซื๊อ แซ่เกอ ดื่อ เต ฮู๊เนอ เนอ เฮ๊อ. เหย่ซี ลือครวาเม แลแค สุ่ยหย่าเทอ เหล่โกล ซิหยื่อ มู๊แหม่ เต๊เห่. เร๊อ เมโมหนิ แลแค อาเหน่ เร๊อ เพรเหมาะเพรคู เหล่โกล มู๊แหม่รีแจ่ เต๊เห่. เหย่ซี ข่าเบ่ เตโซพ๊าโซแร เด๊อ หมิเผ่กู ตูจูเพร เออเนอหมา อา ทวาแถ่ ดื่อ เฮ๊อ อู เหล่แม๊บือ เด๊อ แกแย ล๋อ ปลี อาเง เฮ๊อ.

เพรโด่แนพู๊ เต๊เห่ 2:27

แว ซิครือซิลอ แหน่เจ๊อ, เมเตเฮ๊เร๊อ เน วีตาแก แว ซิปล่อเซอเพร เด๊อ โลเก่เน๊ดอโต่. เน นอซอนอหล่อแก เน แกแย บูโพ๊ เออเตเพร เด๊อ โลกู โต่.

ꤜꤢꤨꤊꤢ꤬ 14:11

เมเตเฮ๊เรอ แกแย เตเพร เพร เด๊อ อา แด่ดุ อาเหน่เนอ, อู เก่ แฉ่ตา อา ปา, เร๊อ แกแย เตเพร เพร เด๊อ อา แด่หยว่า อาซิปล่อ เนอ, อู เก่ แด่แถ่โล อา ปา.”

มัทธิว 16:18

เร๊อ แว เฮ๊ เน, เนมุย เร๊อ คูเปโตร เร๊อ แว เก่ ช๊อแล แว เพรหยื่อเอ่ ตู๊หมู่ตอกล๊อ เด๊อ หล่อเออ อาลู ปา. เตเซอ อาเตฉว่าเตชอ เออเนอ, อา เมเป่แจ่ เพรหยื่อเอ่ปล๊อหมู่ โต่.

มัทธิว 8:5

เบ๊อะแบ่เจ่ เหย่ซู่ แฮโน เด๊อ วีคาเปอรนาอูม อากู เบ๊อะเนอ, โรมัน เกลอฮู๊เตเย กู่กล๊อ เตเพร แฮกุย ลู เตเมจว่า.

ꤜꤢꤨꤊꤢ꤬ 16:23

เบ๊อะแกแย ดุแหย่ ข่าเบ่ แหน่เจ๊อ เตจา เด๊อ ปอรากยากู เบ๊อะเนอ, อา แม๊แถ่ เด๊อ ม๊อขุ เร๊อ อา แม๊เถอะ แถ่จว๊าโล เพอับราฮัม, เร๊อ คูลาซารัส โอ่เกอ เด๊อ ลู ช๊า.

ꤜꤢꤨꤊꤢ꤬ 4:23

เร๊อ อา เฮ๊ฉื่อ เหย่ซี เน๊อ, “แว หยื่อเอ่ ตาเต เจ๊อ เร๊อ ซี เก่ เฮ๊ค๊าเฮ๊โข่ แว เร๊อ โหง่โด่แน โอ่ตือมือ เด๊อ อา เฮ๊ เน๊อ, ‘เตขุซ๊าร๋า แหย่โอ่เหม่ หนิเร๊อดื่อ เนเหน่ เนอ.’ โทเร๊อ ซี เก่ เฮ๊โป่ แว เน๊อ, ‘เตเหม่โคตีกลี๊แหน่เจ๊อ เด๊อ เป หนิโฮ เน เม เด๊อ วีคาเปอรนาอูม อากู เนอเต๊เห่เนอ, อาโอ่โล เป่เกอ แม๊ เป เบ๊อะเน ดุแถ่ เกอเร๊อ เมอเออ ตีวี อากูเออ เน๋อ’” ซี เฮ๊ แวฮู๊เนอ ปา.

มัทธิว 17:24

เบ๊อะแบ่เจ่ เหย่ซู่ เร๊อ อา โคเจ่ เต๊เห่ จว๊าโต่ เด๊อ วีคาเปอรนาอูม เบ๊อะเนอ, เพรโถ่ปล๊อ เตหลู่เตโฮ อาหมู่อาร๊า เต๊เห่ แฮ เด๊อ คูเปโตร อาโอ่, เร๊อ อา แด๊เฮอ คูเปโตร เน๊อ, “ซีซ๊าร๊า เด๊อะเกอ เตหลู่เแตโฮ อาหมู่อาร๊า โต่ แอ?”

มัทธิว 10:15

แว เฮ๊จ๊อจ๊อ ซี, ช๋า จอแปแหร่ เมจากาคยา แกแยเห่ขุพู๊ เบ๊อะเนอ, อาเก่ เมจา จาเล๊อ ลอเจ๊อ แกแย เออเนอ ตอดอปา. เน๊อ วีโสโดม เน๊อ วีโกโมราห์ปา.

ꤜꤢꤨꤊꤢ꤬ 10:15

วีคาเปอรนาอูม ซี๋, ซี เตเน เด๊อะ เจ๊อ ซิเหน่ เน๊อ จอแปแหร่ แด่แถ่โล โต่ เจ๊อ ซี เด๊อ ม๊อขุ แอ? อา แด่แถ่โล โต่ เร๊อ ซี โต่. อา เก่ วีตาแก ซี เด๊อ หง่าหร่าปอรากยากู ปา!”

เพรโด่แนพู๊ เต๊เห่ 2:31

โพดาวิด แม๊เถอะหนื่ออื่อ เร๊อ จอแปแหร่ เก่ เมเต ปา อาขว่าอาคยา, อา เฮ๊เบ่ หนื่ออื่อ เร๊อ ครี๊ เด๊อ จอแปแหร่ นว๊าแถ่ อา เน๊อ เพรเมแลเปล๊กา อู เออเตเพร อา เตเซอก๊อถ่อ เซอเพร กาคยา อาหรี่อาแก เร๊อ อา เฮ๊ เน๊อ, จอแปแหร่ วีแก แก อา เด๊อ โลเก่เน๊ดอ โต่. โท๊โต่ อา นอซอนอหล่อแก ลู โต่.

เตเด๊อะโลแถ่ 1:18

แว หม่า แกแย เด๊อ อา เซอเพร เตเพร. แว เซอ โทเฮ๊อ หม่าแน๊เรอ กู๊แหน่เออ แว เซอเพร ตูจูเพร แตแลเคร๊. แว โอ่เร๊อ เตอเรอฉว่าชอ เร๊อ เตโพร เร๊อ แว เป๊อะลอ เตเซอ เร๊อ โลเน๊มู๊แหม่รีแจ่ดอ เต๊เห่.

เตเด๊อะโลแถ่ 6:8

แว แม๊ เร๊อ แว แม๊เถอะ ตีซิ แบบูเล โตโด. เร๊อ แกแย เด๊อ อา แถ่แด๊ อา เตเพรเนอ อู เอ๊ ลูมูย เร๊อ เตเซอ. เร๊อ โลเก่เน๊ดอ ครวาต๊อต่อ เกอ ลูคยา. อู เด๊อะ เหย่ซี อาเตอเรอฉว่าชอ เด๊อ อา เก่ เมปย๊าแก เห่ขุ ลุยปุ๊ยตูปุ๊ย ปา. ฮู๊เนอเรอ อา เก่ เมเซอ อู เร๊อ เตช๊าเตปา, เตโอ่วีโอ่กอ, เตชุ๊ยเตเช เร๊อ เตมีเตแหม่ เต๊เห่ ปา.

เตเด๊อะโลแถ่ 20:13

โทเรอ เทอดุซาวา เออเนอ อา เด๊อะแถ่เกอ อาแกแย เซอ เด๊อ อา โอ่ เด๊อ อากู เนอ เต๊เห่. เตเซอ อาโหมะเพ เร๊อ โลเน๊มู๊แหม่รีแจ่ดอ เต๊เห่เนอ, อา เด๊อะแถ่เกอ แลแค แกแยเซอ โอ่ เด๊อ เหย่ซีกู เนอเต๊เห่เห่. เร๊อ อู เมจากาคยา ลอ แกแย ปว๋า เตเพร ฮู๊ เหย่ซี เมโทเฮ๊อ เตเนอ.