มัทธิว 11:11 - ลีเทส่อพ๊าอาเซ เร๊อ เห่ขุทวาลู๊11 เหย่ซู่ เฮ๊ โป่ เน๊อ, “แว เฮ๊จ๊อจ๊อ ซี, ล๋อ แกแย เด๊อ อา โอ่เป๊เจ่แล เต๊เห่ อาเกลเนอ, อาดุเล๊อ เจ๊อะ เร๊อ เจเทอ คูยอห์น เนอ อา โอ่ เตเพร่ว โต่. หม่าแน๊เรอ แกแย เด๊อ อา ปีตี๊เล๊ออู เด๊อ ม๊อขุ เทอเลเก่กู เตเพร เนอ, อาดุเล๊อ ปา เจ๊อ เน๊อ คูยอห์น เจ๊อ. အခန်းကိုကြည့်ပါ။Eastern Kayah Shadaw Dialect11 ꤛꤢꤩ꤬ꤏꤛꤢꤨ ꤟꤢꤩ ꤕ꤫ꤥ꤬ ꤔꤢꤧ, “ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬, ꤢ꤬ꤘꤢꤨ꤬ꤜꤣ ꤡꤣꤧ ꤔꤢꤧ ꤖꤚꤢꤩ꤬ꤡꤢꤩ꤬ ꤢꤨ꤭ ꤋꤢꤨ꤭ꤛꤥ꤭ꤟꤢ꤬ ꤔꤣꤧ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤕꤣꤧ꤬ꤒꤤꤜꤣꤢꤨ꤭ ꤘꤣ ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ꤘꤢꤨ꤬ꤜꤣ ꤕꤢ꤬ ꤡꤣꤧ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤡꤣꤧ꤯ အခန်းကိုကြည့်ပါ။ |
มัทธิว 11:11
31 ပူးပေါင်းရင်းမြစ်များ
อูเปเป๋ เบ่เบ่, เด๊อ อา เคตาลว๊าจว๊าตาแก โหง่เฮ๊แก เด๊อ อา ปีตี๊เล๊ออู ต๊อปล่อ เร๊อ อา เก่ อิซว๊า อู เนอ อู เก่ เคตาลว๊าจว๊าตาแก แซ่เกอฮู๊ เหย่ซีเนอ เก่เฮ๊หม่า เด๊อ ม๊อขุ เทอเลเก่กู ปาเนอ, จอแปแหร่ เก่ แด่ อา ฮู๊ แกแย เด๊อ อา ปีตี๊เล๊อ อู เตเพร ปา. หม่าแน๊เรอ อูเป่เป๋ เบ่เบ่ เด๊อ อาโอ่เซอเพร ครวา เตซว๊าเตแส่ เร๊อ อาอิซว๊าอู เด๊ออูเก่ ครวาเมเกอ ฮู๊เนอ เฮ๊เนอหม่า, เด๊อ ม๊อขุ เทอเลเก่กู เนอ, จอแปแหร่ เก่ แด่ อา เน๊อ แกแย เด๊อ อาดุเล๋อ อู เตเพร ปา.
เร๊อ อา เฮ๊ เหย่ซี เน๊อ, “แกแย เด๊อ อา แม๊ แวเป๊เส่ เร๊อ อา เก่ เอ๊โมฉื่อ เป๊เจ่พู๊ แซ่เน๊อ เออเตเพร เตเพร เพรเนอ, อา เอ๊โมฉื่อ เฮ๊อ แว เฮ๊อ. เร๊อ แกแย เตเพร เพร เด๊อ อา เอ๊ฉื่อ แว เนอหม่า, อา เอ๊ฉื่อ เพร เด๊อ อา นอแฮแล แว เออเตเพรเนอ เฮ๊อ. เมเตเฮ๊เรอ, แกแย เด๊อ อา เตเนปีตี๊ แลปีเล๊อ อาเหน่ เด๊อ ซีเกล เตเพร เพร เนอหม่า, แกแย เด๊อ อา ทวาดุเล๊อ อู เฮ๊อ.”
เมเตเฮ๊เร๊อ เต เด๊อ อาแร๊เล๊อ เน๊อ เออเต๊เห่เนอ, จอแปแหร่ เซเรหนื่ออื่อ เป่ โทเฮ๊อ เด๊อ เปเง เร๊อ อา เก่ เด๊อ เน๊อ เป ปา. จอแปแหร่ แด่แล โทเฮ๊อ อาซิปล่อ เน๊อ เป โตเบ่ โน โอ่ป่า เต่อเกอ เน๊อ แกแย มู๋ หนู่เค เต๊เห่. อา เตเตเนหนื่ออื่อ เนอหม่า หม่าเฮ๊อ เป เก่ เมเล๊อเมบา เต่อโหร่เกอ เน๊อ เหย่ซี เออเนอเฮ๊อ.
เด๊อ เพรโด่แนพู๊ เต๊เห่ ล๋อ ปลี อาเกลเนอ, แว หม่า แกแย เด๊อ อาต่าเจ๊อ เกออู ฮู๊ เพรโด่แนพู๊ เต๊เห่ เด๊อ อาโร เนอเต๊เห่ ตีกี๋ โต่ เตเพร เฮ๊อ, เมเตเฮ๊เรอ เบ๊อะแว หยื่อเอ่ แต่ลา เหย่ซู่ครี๊ โต่ เบ๊อะเนอ, แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่ อาขว่าอาคยา, อู เก่ เอ๊ เกอ แว เร๊อ เพรโด่แนพู๊ เต๊เห่ เตเพรแพ๊เน๋อ อา ต่าเจ๊อ ตีกี๋ โต่.
เทอ เด๊อ อาเด๊อะ อู ซิปล่อเซอเพร เด๊อ แบ่เจ่ เหย่ซู่ เฮ๊ เออเนอหมา หม่า แหย่โยบูโพ๊แบ่เจ่ แพ๊. อูเปเป๋ เบ่เบ่ เด๊อ อา หยื่อเอ่ ลู เต๊เห่เนอ, อา เก่ พย๊าหนิ ปา. แบ่เจ่ เหย่ซู่ พย๊าหนิ แล๋ เตเตอเรอดุ เตอเรอทู โต่, เมเตเฮ๊เรอ อา เซอ ก๊อถ่อกาคยา เร๊อ อา กา กี๊แถ่ เด๊อ ม๊อขุ ล๋ายโต่. ฮู๊เนอเร๊อ จอแปแหร่ อา แหย่โยบูโพ๊ แฮโนโอ่ เด๊อ เหย่ซี ซิปล่อกู เตเพร่ว ล๋ายโต่.
หม่าแน๊เรอ กู๊แหน่เออ เป แบ่เจ่ เหย่ซู่ครี๊ เด๊อ อา เมแลเปล๊กา เป เออเตเพร แฮเฮ๊อ อาขว่าอาคยา, อา เด๊อะโล เป่เฮ๊อ เป เตบุ๊ยเตเตอเรอ เออเนอเฮ๊อ. อา เมปย๊าแกเฮ๊อ เตเซอ อา เตอเรอฉว่าชอ เด๊อ อา เป่เอ่เป่โอ เป เออเต๊เห่ เฮ๊อ. โทเรอ เด๊อ เตซิครือมีลา อาขว่าอาคยา, อา เด๊อะโล โทเฮ๊อ ซิปล่อเซอเพร เด๊อ อา เซอ แจโต่ เออเนอเฮ๊อ.
ကြော်ငြာတွေ