มัทธิว 10:5 - ลีเทส่อพ๊าอาเซ เร๊อ เห่ขุทวาลู๊

⁵ เบ๊อะแบ่เจ่ เหย่ซู่ นอจว๊า อา โคเจ่ เช๊อซิเนอ เออ เบ๊อะเนอ, อา แด๊โฉ่จว๊าหนิ เหย่ซี อาโหง่ เน๊อ, “จว๊า แต่ เด๊อ แกแยยิวพู๊ หม่าโต่ เต๊เห่ อาเกลเนอ แต่เหม่ นี๋, โทเรอ จว๊าโน แต่ เด๊อ แกแยสะมาเรีย อาดออาโฉ่กู เนอ แต่เหม่เหม่ นี๋.

Eastern Kayah Shadaw Dialect

⁵ ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤔꤢꤪ꤭ꤡꤝꤢ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤏꤣꤧꤞꤤꤔꤣꤧ꤭ ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤗ꤫ꤢ꤬ꤡꤝꤢꤚꤣꤧ ꤛꤢꤩ꤬ꤞꤤ꤭ ꤍ꤫ꤥ꤬ ꤔꤢꤧ, “ꤡꤝꤢ ꤒ꤫ꤢꤧ꤬ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ, ꤓꤥ꤭ꤚꤣꤧ꤬ ꤡꤝꤢꤔꤥ꤭ ꤒ꤫ꤢꤧ꤬ ꤘꤣ ꤏꤛꤢ꤬ꤗꤢ꤬ꤚꤤꤖꤢꤨ ꤢ꤬ꤘꤢꤪ꤭ꤢ꤬ꤏꤥ꤬ꤊꤢꤨ꤭ ꤔꤣꤧ꤬ ꤒ꤫ꤢꤧ꤬ꤗꤢꤩ꤬ꤗꤢꤩ꤬ ꤔꤤ꤮꤯

มัทธิว 10:5 ပူးပေါင်းရင်းမြစ်များ

ꤛꤥ꤭ꤟꤢ꤬ 4:9

สะมาเรีย โหมะ เฮ๊ฉื่อ ลู เน๊อ, “เน หม่า แกแยยิวพู๊, แว หม่า สะมาเรียพู๊, เน จว๊า กุยโอ โต่ แวเทอ.” (อา เฮ๊ ฮู๊เออ เมเตเฮ๊เรอ แกแยยิวพู๊ เร๊อ สะมาเรียฮู๊เนอหม่า อา เกล ลู โต่)

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:16

แซ่ฮู๊ แกแยยิวพู๊ หม่าโต่ เต๊เห่ เก่ พย๊าหนิ เกอ เตเมแลเปล๊กา อาเงเนอเรอ, เป แด๊โฉ่โด่แน โล เป่เกอ เฮ๊อ เหย่ซี เร๊อ เตซิครือมีลา เฮ๊อ. เบ๊อะเนออาเค แกแยยิวพู๊ เต๊เห่ เมดู๊แด ตาตือ เป. ฮู๊เนอเร๊อ เหย่ซี เมเต เต๊เห่เนอ, อา แด่บาแถ่โจโม เกอเร๊อ ลอปลี เจ๊อ อา เตซื๊อเตโอ่หร่า เนอเต๊เห่ โต่ เจ๊อเด๊อ เหล่แด่แถ่ อาเหล่โอ่ โอ่ปา เจ๊อโต่ เฮ๊อ. กู๊แหน่เออ จอแปแหร่ อา เตซิปล่อดุ อา เตเมจากาคยา เด๊อ คยาเล๊อ เออเนอ อา เก่ แฮโต่เฮ๊อ เด๊อ เหย่ซี โอ่ เฮ๊อ.

ꤜꤢꤨꤊꤢ꤬ 17:16

โทเร๊อ อา แด๊งือจ๊อเบแล เด๊อ เหย่ซู่ อา กู๊โด่ช๊า เร๊อ อา เฮ๊บุ๊ยเฮ๊เตอเรอแถ่ ลู. อา หม่า สะมาเรียพู๊ เตเพร.

เพรโด่แนพู๊ เต๊เห่ 10:45

จอแปแหร่ จว๊า เด๊อะแล โต่เกอ แหย่โยบูโพ๊แบ่เจ่ เด๊อ แกแยยิวพู๊ หม่าโต่ เออเต๊เห่ อาลู อาขว่าอาคยา, แกแยยิวพู๊ เด๊อ อา หยื่อเอ่แลแค เฮ๊อ เต เร๊อ อา โอ่ แลแค เด๊อ วียัฟฟา อากู เร๊อ อา จว๊า เต่อโร๊ เร๊อ คูเปโตร เออเต๊เห่เนอ อา คย๊ายื๊อ แหน่เจ๊อ.

ꤜꤢꤨꤊꤢ꤬ 9:2

โทเร๊อ อา ปลวาจว๊าแก เหย่ซี เด๊อ อา เก่ จว๊า แด๊โฉ่โด่แน เป่ อู เร๊อ จอแปแหร่ อาเทออาเก่, เร๊อ อา เก่ แหย่โอ่เหม่ เป่ แกแยชุ๊ยแกแยเช เต๊เห่.

เพรโด่แนพู๊ เต๊เห่ 1:8

หม่าแน๊เรอ เบ๊อะแหย่โยบูโพ๊แบ่เจ่ ตากาแลโอ่เฮ๊อ เด๊อ ซีกู ปา เบ๊อะเนอ, ซี เก่ เล๊อบา เร๊อ เตฉว่าเตชอ ปา เร๊อ ซี เก่ ทวาแถ่ เป่แว เพรข่าเฮ๊โล เต๊เห่ เด๊อ วีเยรูซาเล็ม อากู, เร๊อ ยูดาห์เต๊เก๋ เล, เร๊อ สะมาเรียเก่, โท๊โต่ อา เก่ โต่ เจ๊อเด๊อ เห่ขุต๊าบ่า ลอ เจ๊อ ปา,” อา เฮ๊ฮู๊เนอ.

ꤛꤥ꤭ꤟꤢ꤬ 20:21

แบ่เจ่ เหย่ซู่ เฮ๊ คยาแซ๊ เหย่ซี เน๊อ, “ซิปล่อ ตู๊จู่เตอเจ๊อ เก่ โอ่ดื่อ เร๊อ ซี นี๋! เร๊อ ฮู๊ แวเพ นอแฮ แว เนอ, แว นอจว๊าเกอ ซี.”

ꤛꤥ꤭ꤟꤢ꤬ 7:35

แกแยยิวพู๊ ทวาดุทวาเต เต๊เห่ เฮ๊ เกอเร๊อ ลู เตเพร เร๊อ เตเพร เร๊อ อา เฮ๊ แลแค เน๊อ, “เป แม๊เถอะ แจ่ อา โต่ อา เฮ๊ เนอหม่า, อา เตเร เตเน จว๊า โต เบ๊อะแอ๋? หม่า อา เตเร จว๊า เด๊อ เป แกแยยิวพู๊ จว๊าโอ่ เกออู เด๊อ ครี๊พู๊ เนอเต๊เห่ อาเกล เร๊อ อา เตเร จว๊า อิซว๊าเป่ กรีกพู๊ เบ๊อะเนอเต๊เห่ แอ?

ꤛꤥ꤭ꤟꤢ꤬ 4:5

ฮู๊เนอเร๊อ อา จว๊าโต่ เด๊อ วีสิคาร์ เด๊อ อา โอ่ เบ๊อะสะมาเรียเก่ กูเนอ. วีเออตีวีเนอ, อา โอ่ผื่อ เร๊อ เพ ยาโคบ เหล่เด๊อะแก อาพู๊คู คูโยเซฟ เห่ขุ เหล่โอ่ เนอโต๊โผะ.

ꤜꤢꤨꤊꤢ꤬ 10:33

หม่าแน๊เรอ แกแยสะมาเรีย เตเพร เถ่จว๊าแก เร๊อ เบ๊อะอา แฮโต่ เบ๊อะแกแย เบ่แป่เบ่เซ เออเตเพร อา โอ่ เบ๊อะเนอ, อา แม๊เถอะ ลู เร๊อ อา ซิยอเกอ เร๊อ ลู.

มัทธิว 4:15

“เก๋อ กาลิลี เก่โหมะดุ เด๊อ แกแยยิวพู๊ หม่าโต่ เต๊เห่ โอ่ เกอเร๊อ เฮ๊อ, เศบูลูนเก่ เร๊อ นัฟทาลีเก่, เด๊อ อา โอ่ เด๊อ เทออ่อดุทือ เต๊เห่, เร๊อ เทอ แลโหมะจอร์แดน อาเทอแล แบ๊เร เต๊เห่, ล๋อ ปลี ซี๋,

เพรโด่แนพู๊ เต๊เห่ 8:1

อู เมเซอ คูสเทเฟน เออเนอ, คูเซาโล โนกู แซ่เกอ อาซิปล่อ เร๊อ เพรเมเซอ คูสเทเฟน เนอเต๊เห่ เร๊อ อา ครวาอ๊อแล แซ่เกอ ฮู๊เนอ. เป๊อแถ่ เบ๊อะเนอ เตอ เนอ ตาเป่แฮ เร๊อ แกแย เด๊อ อา โอ่ เด๊อ วีเยรูซาเล็ม อากู เร๊อ อา หยื่อเอ่แลแค เหย่ซู่ เต๊เห่เนอ, อา เมจาเมจือ แหน่เจ๊อ เหย่ ซี เจ๊อ. แกแย เด๊อ อา โอ่แก เด๊อ วีเยรูซาเล็ม อากู เต๊เห่ เนอหม่า, ตื๊อแพ๊ เพรโด่แนพู๊ เต๊เห่ แพ๊. เร๊อ ล๋อ แกแย เด๊อ อา หยื่อเอ่แหน่เอ่รี เต๊เห่เนอ, อา เถ่แกล่ จว๊าโพร๊จว๊าแพร ลอปลี เด๊อ ยูดาห์เก่ เร๊อ สะมาเรียเก่.

ꤛꤥ꤭ꤟꤢ꤬ 8:48

ฮู๊เนอเรอ แกแยยิวพู๊ เต๊เห่ เฮ๊ แบ่เจ่ เหย่ซู่ เน๊อ, “เป เฮ๊ เน เนอ, เน หม่า สะมาเรียพู๊ เตเพร, โทเร๊อ โลเน๊ เมเบ่ เน, เป เฮ๊ฮู๊เนอ หม่า อาหม่าแหน่โต่ แอ?”

ꤛꤥ꤭ꤟꤢ꤬ 4:20

เป กลุยแล สะมาเรียพู๊ เด๋อ, หนู่เค เต๊เห่เนอ, อา จ๊อเบแถ่ จอแปแหร่ เบ๊อะโฉ่ เออเนอเตเม อา ลู. หม่าแน๊เรอ ซี แกแยยิวพู๊ เต๊เห่เนอ ซี เฮ๊ เร๊อ อู โตเบ่ จ๊อเบแถ่ จอแปแหร่ เด๊อ วีเยรูซาเล็ม อากู เนอ.”

ꤜꤢꤨꤊꤢ꤬ 10:1

โทเร๊อ แบ่เจ่ เหย่ซู่ นว๊าแถ่ โอ่โหร่เอ๊ โป่ เฮ๊อ อา โคเจ่ เด๊อ อาโร โซซว๊าเตอเชอ เร๊อ ซิเนอ เร๊อ อา นอจว๊า เหย่ซี โต๊โผ่ เร๊อ ซิเนอ. เร๊อ อา นอ จว๊า เหร่อ ลอ เหย่ซี เด๊อ ดอ ปว๊าตอดอ อากู, วี ปว๊าตีวี อากู เร๊อ เหล่โอ่ ปว๋า โต๊โผ่ เบ๊อะเหล่โอ่ เด๊อ แบ่เจ่ เตเร จว๊า เออเนอ เต๊เห่.

มัทธิว 22:3

อา นอ จว๊าเอ๊ แฮ แกแย เด๊อ อา แด๊โฉ่ โทเฮ๊อ ลู เนอเต๊เห่ เร๊อ หลู่เล๊ เต๊เห่ หม่าแน๊เรอ เหย่ซี เฮ๊ฉื่อลูเนอ, ‘เปจว๊า โต่ กอ.’

ꤗꤢ꤬ꤊꤢꤨ 6:7

โทเรอ อา เอ๊แฮ ปล๊อลอ อา โคเจ่ เช๊อซิเนอ เร๊อ อา นอเถ่จว๊า ลู ตู๊หมู่ เร๊อ ซิเนอ ฮู๊เนอ. โทเร๊อ แซ่ฮู๊ เหย่ซี เก่ เหว่เถ่แกเบ๊ โลเน๊ เนอ, อา เด๊อ เป่ เหย่ซี เตอเรอฉว่าชอ.

ꤜꤢꤨꤊꤢ꤬ 9:1

เหย่ซู่ เอ๊แฮ ปล๊อลอ อา โคเจ่ เช๊อซิเนอ เร๊อ แซ่ฮู๊ เพรโด่แนพู๊ เต๊เห่ เออเต๊เห่ อา เหว่เถ่แกเบ๊ ลอ โลเน๊เต๊เห่ เร๊อ อา เก่ แหย่โอ่เหม่เบ๊ ลอ เตชุ๊ยเตเช เต๊เห่ อาเงเนอเนอ, อา เด๊อ เป่ เหย่ซี เตโพรเตเตอเรอ เร๊อ เตเตอเรอฉว่าชอ เต๊เห่.

ꤛꤥ꤭ꤟꤢ꤬ 17:18

ฮู๊ เน นอแฮ แว เด๊อ เห่ขุ เออเนอ, แว นอจว๊าเฮ๊อ เหย่ซี เด๊อ เห่ขุพู๊ เออเต๊เห่ อา โอ่ เฮ๊อ.