มัทธิว 10:40 - ลีเทส่อพ๊าอาเซ เร๊อ เห่ขุทวาลู๊

⁴⁰ “แกแย เด๊อ อา เอ๊ฉื่อ ซี เนอหม่า อา เอ๊ฉื่อเฮ๊อ แว เฮ๊อ. เร๊อ แกแย เด๊อ อา เอ๊ฉื่อ แว เนอหม่า, อา เอ๊ฉื่อเฮ๊อ เพ จอแปแหร่ เด๊อ อา นอกา แว เออเนอ เตเพร เฮ๊อ.

Eastern Kayah Shadaw Dialect

⁴⁰ “ꤊꤣꤧ꤬ꤛꤢꤧ꤭ ꤘꤣ ꤢ꤬ ꤢꤩꤏꤢꤦ꤬ ꤞꤤ꤭ ꤔꤣꤧ꤬ꤗꤢ꤬ ꤢ꤬ ꤢꤩꤏꤢꤦ꤬ꤟꤣꤧ ꤠꤢꤧ꤭ ꤟꤣꤧ꤯ ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤢꤩꤏꤢꤦ꤬ ꤠꤢꤧ꤭ ꤔꤣꤧ꤬ꤗꤢ꤬, ꤢ꤬ ꤢꤩꤏꤢꤦ꤬ꤟꤣꤧ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤔꤢꤪ꤭ꤟꤢꤧ꤭ ꤠꤢꤧ꤭ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯

มัทธิว 10:40 ပူးပေါင်းရင်းမြစ်များ

ꤛꤥ꤭ꤟꤢ꤬ 13:20

แว เฮ๊จ๊อจ๊อ ซี, แกแย เตเพรเพร เด๊อ อา เอ๊โมฉื่อ แกแย เด๊อ แว นอแฮ อา เออเตเพร เนอหม่า, อา เอ๊โมฉื่อ เฮ๊อ แว เฮ๊อ. แกแย เตเพรเพร เด๊อ อา เอ๊โมฉื่อ แว เนอหม่า อา เอ๊โมฉื่อ เฮ๊อ เพร เด๊อ อา นอแฮ แวเออ เนอเตเพร เฮ๊อ.”

ꤜꤢꤨꤊꤢ꤬ 9:48

เร๊อ อา เฮ๊ เหย่ซี เน๊อ, “แกแย เด๊อ อา แม๊ แวเป๊เส่ เร๊อ อา เก่ เอ๊โมฉื่อ เป๊เจ่พู๊ แซ่เน๊อ เออเตเพร เตเพร เพรเนอ, อา เอ๊โมฉื่อ เฮ๊อ แว เฮ๊อ. เร๊อ แกแย เตเพร เพร เด๊อ อา เอ๊ฉื่อ แว เนอหม่า, อา เอ๊ฉื่อ เพร เด๊อ อา นอแฮแล แว เออเตเพรเนอ เฮ๊อ. เมเตเฮ๊เรอ, แกแย เด๊อ อา เตเนปีตี๊ แลปีเล๊อ อาเหน่ เด๊อ ซีเกล เตเพร เพร เนอหม่า, แกแย เด๊อ อา ทวาดุเล๊อ อู เฮ๊อ.”

ꤜꤢꤨꤊꤢ꤬ 10:16

เหย่ซู่ เฮ๊ อา โคเจ่ เช๊อซิเนอ เออเต๊เห่ เน๊อ, “แกแย เด๊อ อา หนิดา ซีโหง่ เต๊เห่ เนอหม่า หม่าเฮ๊อ อา หนิดา เฮ๊อ แวโหง่ เฮ๊อ. แกแย เด๊อ อา เท๊แตแอโชโม๊บิแก ซี เต๊เห่ เนอหม่า โชโม๊บิแกเฮ๊อ แว เฮ๊อ. เร๊อ แกแย เด๊อ อา โชโม๊บิแก แว เต๊เห่ เนอหม่า อา โชโม๊บิแก แกแย เด๊อ อา นอตาแล แว เออเนอ เตเพร เฮ๊อ.”

มัทธิว 18:5

“แกแย เด๊อ อา แม๊ แวเป๊เส่ เร๊อ อา เก่ เอ๊โมฉื่อ เป๊เจ่ฮู๊ แซ่ เร๊อ เออเตเพร เตเพรเพรเนอ, อา เอ๊โมฉื่อ เกอ เฮ๊อ แว เฮ๊อ.”

ยอห์น เนอบ่า ต๊าบ่า 1:9

แกแย เด๊อ อา โอ่หม่าโอ่กลอ เกออู เด๊อ ครี๊ อา เตอิซว๊าอี๊แส่ อากู โต่, เร๊อ อา ฉู่โนเล๊อ โป่ อา เตอิซว๊าอี๊แส่ เต๊เห่ เด๊อ ครี๊ อา เตอิซว๊าอี๊แส่ อากู เต๊เห่เนอ, จอแปแหร่ โอ่เกอ เร๊อ เหย่ซี โต่. แกแย เด๊อ อา โอ่หม่าโอ่กลอ เด๊อ ครี๊ อา เตอิซว๊าอี๊แส่ อากู เต๊เห่เนอ, เพเร๊อพู๊ ซิเนอลอ เก่ โอ่เกอ เร๊อ เหย่ซี แพ๊.

ꤛꤥ꤭ꤟꤢ꤬ 20:21

แบ่เจ่ เหย่ซู่ เฮ๊ คยาแซ๊ เหย่ซี เน๊อ, “ซิปล่อ ตู๊จู่เตอเจ๊อ เก่ โอ่ดื่อ เร๊อ ซี นี๋! เร๊อ ฮู๊ แวเพ นอแฮ แว เนอ, แว นอจว๊าเกอ ซี.”

มัทธิว 25:40

“คุ๊ย เออเตเพร เก่ เฮ๊ฉื่อ เหย่ซี เน๊อ, ‘แว เฮ๊แหน่ เจ๊อ ซี, เด๊อ แว โป่แหว่ เต๊เห่ อาเกล, ซี เมจว่าน๊อ แกแย เด๊อ อู เตเน ปีติ้วเล๊อ ลู เตเพร เนอหม่า หม่าเฮ๊อ ซี เมจว่า แว เฮ๊อ.’

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:8

ฮู๊เนอ อาขว่าอาคยา, แกแย เตเพรเพร เด๊อ อา เท๊ฉื่อ เตอิซว๊าอี๊แส่ เออเนอหมา, อา เท๊ฉื่อ แกแยเห่ขุพู๊ หม่าโต่. อา เท๊ฉื่อเฮ๊อ จอแปแหร่ เด๊อ อา เด๊อ ซี แหย่โยบูโพ๊ แบ่เจ่ เออเตเพร เนอเฮ๊อ.

ꤊꤢ꤬ꤜꤢ꤬ꤒꤤ 4:14

แว เหน่กล่อ อา เตชุ๊ยเตเช เออ อา ทวาแถ่ แหน่เจ๊อ เตแป่เตเช เด๊อ ซีเง หม่าแน๊เรอ ซี ซิเถ่ ซิโตโคน๊อ เร๊อ แว โตโพ๋ โต่. ซี ลื๋อ เอ๊โมฉื่อ แร๊ เตเปล๋ ปา เจ๊อ แว แซ่เจ๊อเร๊อ แว ทวา จอแปแหร่ อา เตเน่วพู๊ เตเพรเนอ เจ๊อ, โท๊โต่ ซี เอ๊โมฉื่อ แว เออเนอ, อา แซ่เฮ๊อ เน๊อ ซี เอ๊โมฉื่อ เหย่ซู่ครี๊ อาเหน่แบ่เจ่ เนอ เจ๊อ เฮ๊อ.

ꤛꤥ꤭ꤟꤢ꤬ 5:23

เมเตเฮ๊เรอ, แซ่ฮู๊ แกแย ล๋อ ปลี เก่ เบ่หยื่อเบ่แหน่ อาพู๊คู ฮู๊ อู เบ่หยื่อเบ่แหน่ เพเนอ เร๊อ อา เด๊อะตา ลอ เต เมจากาคยา เด๊อ ลู กู๊ยากู. แกแย เด๊อ อา เบ่หยื่อเบ่แหน่ พู๊คู โต่ เต๊เห่เนอ, หม่าเฮ๊อ อา เบ่หยื่อเบ่แหน่ เพ เด๊อ อา นอแฮแล ลู เนอเตเพร โต่ เฮ๊อ.

ꤗꤢ꤬ꤊꤢꤨ 9:37

“แกแย เด๊อ อา แม๊ แวเป๊เส่ เร๊อ อา เก่ เอ๊โมฉื่อ พู๊เจ่ฮู๊ แซ่เน๊อ เออเตเพร เตเพรเพรเนอ อา เอ๊โมฉื่อ เฮ๊อ แว เฮ๊อ โทเรอ แกแย เด๊อ อา เอ๊โมฉื่อ แว เตเพรเพรเนอ อาแซ่เน๊อ อา เอ๊โมฉื่อ เฮ๊อ เพร เด๊อ อา นอจว๊า แว เบ๊อะเออ เนอเตเพร เฮ๊อ.”

มัทธิว 25:45

“เร๊อ อา เก่ เฮ๊ฉื่อ เหย่ซี เน๊อ, ‘แว เฮ๊แหน่ เจ๊อ ซี, เด๊อ แว โป่แหว่ เต๊เห่ อาเกล เนอ, ซี เก่ เมจว่าน๊อ อู แกแย เด๊อ อู เตเน ปีติ้ว เล๊อ ลู เตเพร่ว โต่ เนอหม่า แซ่เฮ๊อ ซี เมจว่า น๊อ แว โต่ เฮ๊อ.’

โครินธ์ เนอบ่า ต๊าบ่า 5:20

ฮู๊เนอเรอ, กู๊แหน่เออ เป ทวา เป่ เพรเฮ๊เบ่เต เด๊อ ครี๊ อาเหล่โอ่. จอแปแหร่ อาเหน่แบ่เจ่ เร๊อดื่อ นอกุยซิยอ แฮเง เป เร๊อ ซี เด๊อ ซี เก่ หนิดา เป เตเฮ๊โฉ่โด่แน ซี เออ. เป กุยซิยอ ซี เด๊อ ครี๊ อามุยกู เร๊อ ครี๊ เก่ เมทวาแถ่ คยา ซี เร๊อ จอแปแหร่ อา โคแบ๊ซว๊า เต๊เห่.