มัทธิว 10:28 - ลีเทส่อพ๊าอาเซ เร๊อ เห่ขุทวาลู๊

²⁸ แกแย เด๊อ อา เมเซอ แจ่ ซี เหน่กล่อ ตื๊อดื่อเรอ อา เมเซอ แจ่ ซี แหย่โยบูโพ๊ โต่ เต๊เห่เนอ, ซิอิเช แต่ อาเหล่ แต่เหม่. ซิอิเช แลแค จอแปแหร่ เด๊อ อา เมเซอ แจ่ ซี เหน่กล่อ เร๊อ ซี แหย่โยบูโพ๊ เนอเจ่อลอ เออเนอ เด๊อ หง่าหร่าปอรากยากู เนอเตเพร นี๋.

Eastern Kayah Shadaw Dialect

²⁸ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤣꤧ꤭ ꤡ꤫ꤢꤧ꤬ ꤞꤤ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤗꤢꤩ꤬ꤞꤣꤧ꤭ ꤡ꤫ꤢꤧ꤬ ꤞꤤ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤꤤ꤬ꤏꤢꤩ꤭ ꤒ꤫ꤢꤧ꤬ ꤢ꤬ꤜ꤫ꤢꤩ꤬ ꤒ꤫ꤢꤧ꤬ꤗꤢꤩ꤬꤯ ꤞꤤꤤ꤬ꤏꤢꤩ꤭ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤩ꤬ꤞꤣꤧ꤭ ꤡ꤫ꤢꤧ꤬ ꤞꤤ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤔꤢꤧ ꤞꤤ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤔꤣꤧ꤭ꤡꤣ꤬ꤜꤢꤪ꤭ ꤣꤧ꤭ꤔꤣꤧ꤬ ꤘꤣ ꤍꤢ꤬ꤚꤢ꤬ꤊꤢꤨ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤤ꤮꤯

มัทธิว 10:28 ပူးပေါင်းရင်းမြစ်များ

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

ꤡꤛꤢꤩ꤭ꤗꤢ꤬ꤎꤣ꤬ 4:12

เพร เด๊อ อา เด๊อะแล เตซว๊าเตแส่ เร๊อ อา เบ่ เมจากาคยา เต เนอหม่า ตื๊อแพ๊ จอแปแหร่ เตเพร แพ๊. เพร เด๊อ อา เมแลเปล๊แจ่ เต เร๊อ อา เมปย๊าแจ่ เต เนอหม่า ตื๊อแพ๊ จอแปแหร่ เตเพร แพ๊. หม่าแน๊เรอ ซี เนอ, ซี จว๊า แด่ เตซื๊อ โต่ เจ๊อ อู เร๊อ หม่า ซี เตเน เกอเร๊อ เจ๊อ ซีเหน่ เน๊อ แกแย ฮู๊เต เตเพรเต เจ๊อ?

เปโตร อาเหร่อเล๊อ ต๊าบ่า 3:14

หม่าแน๊เรอ เด๊อ เตจ๊อเตเต อาขว่าอาคยาเร๊อ, ซี เก่ ข่าเบ่ เตจาเตจือ เก่เฮ๊เนอ, ซี เก่ พย๊าหนิ เตเด๊อะบุ๊ยเด๊อะเตอเรอปา. เหย่ซี เมหน่าเมจา ซี หม่าแน๊เรอ ซิอิเช แต่ เหย่ซีเหล่ แต่เหม่ นี๋, ซิปล่อกู่ ซิปล่อแก แต่ เหย่ซี เหล่ แต่เหม่เหม่.

มัทธิว 25:46

“ฮู๊เนอเรอ เหย่ซี เก่ ข่าเบ่ เด๊อ เตเมจากาคยา ตูจูเพร ตาแลเคร๊ ปา, หม่าแน๊เรอ แกแย จ๊อเต เออเต๊เห่เนอ อา เก่ โนหนิ เด๊อ ม๊อขุ เร๊อ อาเก่ พย๊าหนิ ซิปล่อเซอเพร ตูจูเพรปา.”

ꤟꤤꤙꤚꤢꤨ 10:31

แกแย เด๊อ อา ตาโต เด๊อ จอแปแหร่ เด๊อ อา เซอเพร เออเตเพร เตเมจากาคยา อาเกล เตเพรเพรเนอ, อา ต๊อหร่อเซ๊ ซิอิเช แหน่เจ๊อ.

มัทธิว 10:26

“เมฮู๊เนอเรอ ซิอิเช แต่ แกแย เห่ขุพู๊ แต่เหม่. ล๋อ เต ด๊อโอ๊ด๊อบี๊ เต๊เห่เนอ, จอแปแหร่ อา บ๊าโมแถ่ โลลอ อา ปา, เร๊อ ล๋อ เตเมโห่เมเซ๊ เต๊เห่เนอ, จอแปแหร่ เก่เม เถ่ โล ลอ อา ปา.

ꤟꤤꤙꤚꤢꤨ 11:35

เด๊อ เตหยื่อ อาขว่าอาคยา, เพรเหมาะ เต๊เห่เห่เนอ, อากลุยอาแล เต๊เห่ เซอ โทเฮ๊อ หม่าแน๊เรอ อา พย๊าหนิ กาคยา คยาแซ๊ เหย่ซี เด๊อ เตเซอ อากู. เพรหยื่อเอ่ เออ เต๊เห่เห่เนอ, อู เมจาเมจือ เหย่ซี. อู เฮ๊ เหย่ซี เน๊อ เหย่ซี เก่ วีแก แลแค อาเตหยื่อ เฮ๊เรอ, อู เก่ ปลวาเถ่ ปาลา จว๊าแก เหย่ซี หม่าแน๊เรอ อา จูฉื่อ อู โต่. เด๊อ เหย่ซี เมฮู๊เนอ อาขว่าอาคยา, อู เมจาเมจือเซอ เหย่ซี. หม่าแน๊เรอ, ช๋า เหย่ซี เซอ ก๊อถ่อกาคยา เฮ๊อ ปา เตอเนอเนอ, แซ่ฮู๊ เหย่ซี เก่ พย๊าหนิ แลแค เตโอ่เซอ เพร เด๊อ อา โมเล๊อ เร๊อ เออตือทือ อาเงเนอเรอ, เหย่ซี เม แลแค ฮู๊เนอ แพ๊.

เพรโด่แนพู๊ เต๊เห่ 21:13

หม่าแน๊เรอ คูเปาโล เฮ๊ฉื่อ เป เน๊อ, “ซีโหง่ซีเห่ เร๊อ ซี เม ซิเปลซิหย่อ แว เมเต? แว โอ่ตี๊หรี่แตแร หนื่ออื่อ เฮ๊อ แวเหน่ เด๊อ อู เก่ปื่อเก่จอ แว เบ๊อะวีเยรูซาเล็ม เออเนอ ปา ตื๊อดื่อ หม่าโต่, แว ตี๊หรี่แตแร หนื่ออื่อ โป่ เจ๊อเฮ๊อ เด๊อ แว เก่ เซอ เด๊อ แบ่เจ่ เหย่ซู่ อาเง เจ๊อ.”

มัทธิว 5:22

หม่าแน๊เรอ แว เฮ๊ ซี เน๊อ, แกแย เตเพรเพร เด๊อ อา ซิปล่อดุ อา โคแบ๊ซว๊า เต๊เห่เนอ, อู โตเบ่ เมจากาคยา อา. โท๊โต่ แกแย เตเพรเพร เด๊อ อา เฮ๊ แกแยจอครอ อา โคแบ๊ซว๊า เต๊เห่เนอ, อู โตเบ่ เอ๊จว๊า เมจากาคยา ลู. เด๊อ แกแยยิวพู๊ อา กู่กล๊อดุกู๊ฉู่ทู เต๊เห่ อาเป๊เส่เง. หม่าแน๊เรอ แกแย เตเพรเตเพร เก่ เฮ๊ อู เน๊อ, ‘โอ่เล๊อโอ่กลอ’ ฮู๊เนอ เฮ๊เนอหม่า, อา โต รอ เกอเร๊อ อาเหน่, เมเตเฮ๊เรอ อา แฮโต ผื่อเฮ๊อ เร๊อ หง่าหร่าปอรากยา อากูเฮ๊อ.

ꤛꤥ꤭ꤟꤢ꤬ 5:29

เบ๊อะเนออาเค ปา, แกแย โอ่ เด๊อ โลกู เต๊เห่ ก๊อถ่อเถ่กา แลแค ปา. แกแย เด๊อ อา เมแร๊ เต เต๊เห่เนอ อา เก่ เซอ ก๊อถ่อกาคยา เร๊อ เซอเพร ตูจูเพร ตาแลเคร๊ ปา. แกแย เด๊อ อา เม เตมู๊แหม่ เต๊เห่เนอ, อา เก่ เซอ ก๊อถ่อกาคยา โทปา เร๊อ อู เก่ เมจากาคยา เหย่ซี ปา.”