มัทธิว 10:25 - ลีเทส่อพ๊าอาเซ เร๊อ เห่ขุทวาลู๊

²⁵ โคเจ่ เตเพร เก่ แจ่ บ๊า อาซ๊าร๊า เนอ, เร๊อ หลู่ เตเพร เก่ แจ่ บ๊า อาแบ่เจ่ เนอ เฮ๊หม่า โป่เฮ๊อ. แว ทวา เจ๊อ หี่กู่กล๊อ เตเพร เร๊อ เหย่ซี เก่ เอ๊ แว เร๊อ โลเน๊โลหน่า อา กู่กล๊อดุ เด๊อ อามุย เร๊อ เบเอลเซบูล เออ เก่เฮ๊เรอ ซี เด๊อ อา ทวา แพ๊ หี่พู๊แพพู๊ เต๊เห่เนอ, อา เก่ เอ๊ จา เอ๊ มู๊แหม่ เล๊อ ปา เจ๊อ ซีมุย ปา.

Eastern Kayah Shadaw Dialect

²⁵ ꤋꤥ꤭ꤖꤢꤨꤡ꤫ꤢꤩ꤬ ꤒꤣ꤬ꤖꤚꤢꤩ꤬ ꤊꤢꤩ꤬ ꤡ꤫ꤢꤧ꤬ ꤙꤢ ꤢ꤬ꤞꤢꤚꤢ ꤔꤣꤧ꤬, ꤚꤣꤧ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣ꤬ꤖꤚꤢꤩ꤬ ꤊꤢꤩ꤬ ꤡ꤫ꤢꤧ꤬ ꤙꤢ ꤢ꤬ꤙꤢꤧ꤬ꤡꤢꤩ꤬ ꤔꤣꤧ꤬ ꤟꤢꤩꤗꤢ꤬ ꤕꤥ꤬ꤟꤣꤧ꤯ ꤠꤢꤧ꤭ ꤓꤝꤢ꤭ ꤚꤣꤧ ꤟꤤ꤬ꤊꤢꤨ꤬ꤊꤜꤢꤪ ꤒꤣ꤬ꤖꤚꤢꤩ꤬ ꤚꤣꤧ꤬ ꤛꤢꤩ꤬ꤞꤤ꤭ ꤊꤢꤩ꤬ ꤢꤩ ꤠꤢꤧ꤭ ꤔꤢꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤢ꤬ ꤊꤢꤨ꤬ꤊꤜꤢꤪꤘꤢꤨ꤬ ꤘꤣ ꤢ꤬ꤗꤝꤤ꤭ ꤔꤢꤧ ꤙꤢꤩ꤬ꤜꤢꤞꤢꤩ꤬ꤙꤢꤨꤜꤢ ꤣꤧ꤭ ꤊꤢꤩ꤬ꤟꤢꤩꤚꤣꤧ꤬ ꤞꤤ꤭ ꤘꤣ ꤢ꤬ ꤓꤝꤢ꤭ ꤖꤢꤧ ꤟꤤ꤬ꤖꤢꤨꤖꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤢꤩꤡꤢ꤭ꤢꤩꤡꤢꤦ꤬ ꤜꤣ ꤕꤢ꤬ ꤡꤣꤧ ꤞꤤ꤭ꤗꤝꤤ꤭ ꤕꤢ꤭꤯

มัทธิว 10:25 ပူးပေါင်းရင်းမြစ်များ

ꤜꤢꤨꤊꤢ꤬ 11:15

หม่าแน๊เรอ แกแย เต๊เห่เห่ เร๊อ อา เฮ๊ เน๊อ, “อา เหว่เถ่แก แจ่ โลเน๊ เต๊เห่ ฮู๊เออ เนอหม่า หม่าแพ๊ โลเน๊ กู่กล๊อดุ เบ่เอลเซบูล เด๊อ ลู เตโพรเตเตอเรอ แพ๊.”

มัทธิว 12:24

หม่าแน๊เรอ เบ๊อะ ฟาริสี เต๊เห่ หนิโฮ อู เฮ๊ ฮู๊เนอ อาเค, เหย่ซี เฮ๊ เน๊อ, “อา เหว่เถ่เบ๊ โลเน๊โลหน่า เนอเต๊เห่ หม่า หม่า แพ๊ โลเน๊โลหน่า อา กู่กล๊อดุ เบเอลเซบูล เมจว่า ลู แพ๊”

มัทธิว 9:34

หม่าแน๊เรอ, ฟาริสี เต๊เห่ เฮ๊ เน๊อ, “อา เหว่เถ่แก แจ่ โลเน๊ เต๊เห่ ฮู๊เออ เนอหม่า หม่าแพ๊ โลเน๊ กู่กล๊อดุ เนอเต๊เห่ ย๋อ เด๊อะ ลู เตอเรอฉว่าชอ เนอ ขว่าคยา แพ๊.”

ꤛꤥ꤭ꤟꤢ꤬ 7:20

“โลเน๊ เมเบ่ เฮ๊อ เน เฮ๊อ. อูเป เตเพร แม๊ปูเมเซอ เน เป?” แกแย เบ๊หมู่ เฮ๊ฉื่อ ลู ฮู๊เนอ.

ꤗꤢ꤬ꤊꤢꤨ 3:22

โทเรอ แกแย ซิเง เตซว๊าเตแส่ โอ่ เด๊อ วีเยรูซาเล็ม เต๊เห่ แกแล เร๊อ เหย่ซี เฮ๊ แลแค ลูเนอ, “โลเน๊เบเอลเซบูล โอ่ เด๊อ เหย่ซู่ อาเหน่กูแพ๊. เร๊อ อา ย๋อ พย๊าหนิ โลเน๊ กู่กล๊อดุ เนอเต๊เห่ อา เตอเรอดุฉว่าชอ อาคยา ตื๊อเร๊อ อา เหว่เถ่แก แจ๊ แพ๊ โลเน๊ เนอเต๊เห่ แพ๊.”

ꤛꤥ꤭ꤟꤢ꤬ 8:48

ฮู๊เนอเรอ แกแยยิวพู๊ เต๊เห่ เฮ๊ แบ่เจ่ เหย่ซู่ เน๊อ, “เป เฮ๊ เน เนอ, เน หม่า สะมาเรียพู๊ เตเพร, โทเร๊อ โลเน๊ เมเบ่ เน, เป เฮ๊ฮู๊เนอ หม่า อาหม่าแหน่โต่ แอ?”

ꤛꤥ꤭ꤟꤢ꤬ 10:20

แกแย โอ่โร๊ลู เฮ๊ เน๊อ, “อา หม่า โลเน๊ เมเบ่ ลู เร๊อ อา ตีมุย แพ๊. จว๊า หนิดา โต่ ลูโหง่ เมเต?”

ꤛꤥ꤭ꤟꤢ꤬ 8:52

แกแยยิวพู๊ เต๊เห่ เฮ๊ ลู เน๊อ, “กู๊แหน่เร๊อ เป ซิเง ตาเตเฮ๊อ เร๊อ โลเน๊ เมเบ่ เน เฮ๊อ. เพอับราฮัม เซอโทเฮ๊อ, เพรโพร เต๊เห่ หม่า อา เซอ โทเฮ๊อเฮ๊อ หม่าแน๊เรอ เน จว๊าเฮ๊โต่ เร๊อ แกแย เตเพรเพร เก่ จูเอ่ หนิดา แวโหง่ เฮ๊เนอ, อา เซอปา แตแค๋ โต่, เน เฮ๊ ฮู๊เนอ.

มัทธิว 12:27

เก่ แว เหว่เถ่ โลเน๊โลหน่า เนอ เบเอลเซบูล อา เตอเรอฉว่าชอ เก่เฮ๊เรอ, ซี โคเจ่ เต๊เห่ เกอลาติ เรอ อา นอจ่อ หม่าอูเป อา เตอเรอฉว่าชอ เร๊อ อา เหว่เถ่ เป? หม่า อา นอจ่อ โลเน๊มู๊แหม่รีแจ่ กู่กล๊อ อา เตอเรอฉว่าชอ แอ? อา นอจ่อ หม่า น๊อโต่. ฮู๊เนอ อาขว่าอาคยา, ซี โคเจ่ อา เด๊อะโล เกอเร๊อดื่อ ซี เมเต ซื๊อ เนอปา.

ꤜꤢꤨꤊꤢ꤬ 11:18

ฮู๊เนอ อาขว่าอาคยา, โลเน๊ กู่กล๊อดุ เก่ช๊ากาคยา เกอ เร๊อดื่อ อาเหน่ เฮ๊หม่า อาเทออาเก่ เต๊เห่เนอ อา โอกล่อโอ่หม่า แจ่โต่. หม่าเมเต แว เฮ๊ ฮู๊เออ เฮ๊เนอเรอ ซี เฮ๊ เร๊อ แว เหว่เถ่แก โลเน๊ เต๊เห่ เนอหม่า หม่าแพ๊ เบ่เอลเซบูล เด๊อ แว เตโพรเตอเรอ อาขว่าอาคยา แพ๊, ซี เฮ๊ แลแค ฮู๊เนอ.

ꤜꤢꤨꤊꤢ꤬ 11:19

เก่ แว เหว่เถ่แก โลเน๊ เต๊เห่ เร๊อ เบ่เอลเซบูล อา เตโพรเตเตอเรอ แพ๊ เฮ๊เรอ, ซี โคเจ่ เต๊เห่ เหว่เถ่แก โลเน๊เต๊เห่ เร๊อ อูเป อา เตโพรเตเตอเรอ เป? ซี เฮ๊เบ่ เออ อาซื๊อ แพ๊ เนอ, ซี โคเจ่ เต๊เห่ เก่ เฮ๊ฉื่อเลอตื่อ ซี ปา.

ꤗꤢ꤬ꤊꤢꤨ 10:39

เร๊อ เหย่ซี เฮ๊ฉื่อ ลู เน๊อ, “เป จ่าเพรอเบ๊ แพ๊.” เร๊อ เหย่ซู่ เฮ๊ฉื่อ เหย่ซี เน๊อ, “เทอเบ เด๊อ แว เตเร โอ เออเนอ ซี เก่ โอน๊อเกอ ปา, โทเรอ เตจาเตจือ เด๊อ แว เตเร ข่าเบ่ เออเนอ ซี เก่ ข่าเบ่น๊อ เกอดื่อ ปา.