มัทธิว 10:23 - ลีเทส่อพ๊าอาเซ เร๊อ เห่ขุทวาลู๊

²³ อู เก่ เมจาเมจือ ซี เบ๊อะเออ โต๊โผ่ เก่เฮ๊เรอ แกล่จว๊า โดโต่ เด๊อ อาโร โต๊โผ่ เนอ. แว เฮ๊จ๊อจ๊อ ซี, เบ๊อะซี จว๊า ปวาลอ แต่ล๋าย ล๋อ อิสราเอล อาวี เออเต๊เห่ ล๋ายโต่เนอ, แกแยเห่ขุ อาพู๊คูเออ เก่ แฮเล๊ ปา.

Eastern Kayah Shadaw Dialect

²³ ꤢꤨ꤭ ꤊꤢꤩ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤞꤤ꤭ ꤙꤣꤧꤣꤧ꤭ ꤒꤣ꤬ꤖꤥ꤬ ꤊꤢꤩ꤬ꤟꤢꤩꤚꤣꤧ꤬ ꤊꤜꤢꤧ꤬ꤡꤝꤢ ꤘꤤ꤭ꤒ꤫ꤢꤦ꤬ ꤘꤣ ꤢ꤬ꤚꤥ꤬ ꤒꤣ꤬ꤖꤥ꤬ ꤔꤣꤧ꤬꤯ ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤙꤣꤧ ꤞꤤ꤭ ꤡꤝꤢ ꤕꤝꤢ꤭ꤜꤢꤪ꤭ ꤒꤢꤧ꤬ꤜꤢ꤭ꤟꤤ ꤜꤢꤪ꤭ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤢ꤬ꤠꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤜꤢ꤭ꤟꤤꤒꤥ꤬ꤔꤣꤧ꤬, ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭ ꤊ꤫ꤢꤦ꤬ ꤟꤢꤧ꤭ꤜꤢꤩ ꤕꤢ꤭꤯

มัทธิว 10:23 ပူးပေါင်းရင်းမြစ်များ

มัทธิว 16:28

แว เฮ๊ หม่าแหน่ เจ๊อ ซี, แกแย เต๊เห่เห่ เด๊อ อา ก๊อถ่อโอ่ เบ๊อะซีเกลเออ เต๊เห่เห่เนอ, เบ๊อะเหย่ซี เซอแต่ล๋าย โต่ เนอ, เหย่ซี เก่ แม๊เถอะน๊อ แลแค แกแยเห่ขุ อาพู๊คู เก่ แฮ ฮู๊ คุ๊ย เตเพรเนอ อุ้ย ปา.”

เพรโด่แนพู๊ เต๊เห่ 17:10

เหมาะคี๊เฮ๊อ เบ๊อะเนอ, เพรหยื่อเอ่ เต๊เห่ ซูจว๊าแก คูเปาโล เร๊อ คูสิลาส เด๊อ วีเบโรอา. เบ๊อะอา จว๊าโต่ เด๊อ วีกู เบ๊อะเนอ, อา จว๊าโน จ๊อจื้อ เจ๊อ เด๊อ แกแยยิวพู๊ อา เตจ๊อเบโฮ อากู เจ๊อ.

เพรโด่แนพู๊ เต๊เห่ 8:1

อู เมเซอ คูสเทเฟน เออเนอ, คูเซาโล โนกู แซ่เกอ อาซิปล่อ เร๊อ เพรเมเซอ คูสเทเฟน เนอเต๊เห่ เร๊อ อา ครวาอ๊อแล แซ่เกอ ฮู๊เนอ. เป๊อแถ่ เบ๊อะเนอ เตอ เนอ ตาเป่แฮ เร๊อ แกแย เด๊อ อา โอ่ เด๊อ วีเยรูซาเล็ม อากู เร๊อ อา หยื่อเอ่แลแค เหย่ซู่ เต๊เห่เนอ, อา เมจาเมจือ แหน่เจ๊อ เหย่ ซี เจ๊อ. แกแย เด๊อ อา โอ่แก เด๊อ วีเยรูซาเล็ม อากู เต๊เห่ เนอหม่า, ตื๊อแพ๊ เพรโด่แนพู๊ เต๊เห่ แพ๊. เร๊อ ล๋อ แกแย เด๊อ อา หยื่อเอ่แหน่เอ่รี เต๊เห่เนอ, อา เถ่แกล่ จว๊าโพร๊จว๊าแพร ลอปลี เด๊อ ยูดาห์เก่ เร๊อ สะมาเรียเก่.

ꤗꤢ꤬ꤊꤢꤨ 13:26

“โทเรอ เหย่ซี อา แม๊เถอะ แลแค แกแยพู๊คู หม่าเฮ๊อ แวเออ อา ตาแล เด๊อ อ๊อโหล่เกล เนอปา, เร๊อ อา เก่ โอ่เล๊อบา เจ๊อ เร๊อ อา โพรอาฉว่าอาชอ เร๊อ อา เตอเรอดุ เตอเรอทู เด๊อ อาฉว่าอาชอ เออเนอเต๊เห่ ปา.

ꤜꤢꤨꤊꤢ꤬ 21:27

โทเรอ เหย่ซี เก่ แม๊เถอะ แลแค แกแยพู๊คู หม่าเฮ๊อ แวเออ เก่ แฮแล เด๊อ อ๊อโหล่เกล ปา, เร๊อ แว เก่ โอ่เล๊อบา เจ๊อ เร๊อ แว เตโพรเตเตอเรอ เร๊อ แว เตเตอเรอดุ เตอเรอทู เร๊อ อาฉว่าอาชอ เออเนอเต๊เห่ ปา.

ꤜꤢꤨꤊꤢ꤬ 18:8

แว เฮ๊ ซี, จอแปแหร่ เก่ เด๊อะจ๊อเต แพรแพร เป่ เหย่ซี ปา. หม่าแน๊เรอ เบ๊อะแกแยพู๊คู หม่าเฮ๊อ แวเออ แฮ ปา เบ๊อะเนอ, เด๊อ เห่ขุเออ ปา แว แม๊เถอะ แม๊ปู แกแย เต๊เห่ เก่ โอ่ปา แลแค เร๊อ เตหยื่อเตแหน่ ปา แอ?”

ꤛꤥ꤭ꤟꤢ꤬ 7:1

แบ่เจ่ เหย่ซู่ เฮ๊โท ฮู๊เออ เนอ, อา จว๊า เด๊อ กาลิลีเก่ เนอ, อา จว๊าเล ตอดอ โท ตอดอ เบ๊อะเนอ. แกแยยิวพู๊ ทวาดุทวาเต เต๊เห่ ย๋อ แม๊ปู เมเซอ ลู อาขว่าอาคยา, อา ซิหยื่อ จว๊า เด๊อ ยูดาห์ เก่กู โต่.

มัทธิว 26:64

เร๊อ แบ่เจ่ เหย่ซู่ เฮ๊ฉื่อ ลู เน๊อ, “อ่อ, เน เฮ๊เนอหม่า อาหม่า, หม่าแน๊เรอ แว เก่ เฮ๊เป่ ลอ ซี ปว๋า เตเพร เร๊อ เนอปาเนอ ซี เก่ แม๊เถอะ แกแย อาพู๊คู เก่โอ่แน เด๊อ จอแปแหร่ อาเตโพร เตเตอเรอฉว่าชอ ฉว่าชอเล๊ออู เออเตเพร อากู๊ขุ จ๊อทว๊า เนอตากยา ปา. โทเรอ แว แถ่แฮ อ๊อโหล่ ปาเนอ ซี เก่ แม๊เถอะปา.”

มัทธิว 24:30

“เบ๊อะเนออาเค ปาเนอ, แกแยพู๊คู หม่าเฮ๊อ แวเออ อา เตแฮแล เมม๊าเมแด เก่โอ่โล แถ่ เด๊อ ม๊อเล ปา. โทเรอ ล๋อแกแย โอ่เด๊อ เก่ปว๋าเต๊เก่ เก่โหง่เก่เห่ ลอ ปา. เหย่ซี เก่ แม๊เถอะ แลแค แกแยพู๊คู หม่าเฮ๊อ แวเออ อา เก่ แถ่ แด๊ แฮหนิ อ๊อโหล่ เด๊อ ม๊อเล ปา. เร๊อ อา เก่ โอ่เล๊อบา เจ๊อ เร๊อ อา เตโพรเตเตอเรอ เร๊อ อา เตอเรอฉว่าชอ เต๊เห่ปา.

เพรโด่แนพู๊ เต๊เห่ 17:14

เพรหยื่อเอ่ เต๊เห่ ซูจว๊า โตโพ๊ ซูจว๊าแก คูเปาโล เด๊อ เทอดุซาวาทือ, หม่าแน๊เรอ คูสิลาส เร๊อ คูทิโมธี ซิเนอลอ โอ่แกปา เบ๊อะวีเบโรอา อากู เนอแพ๊.

มัทธิว 25:13

“ฮู๊เนอเรอ โอ่ส่าเซ แลแค, เมเตเฮ๊เรอ ม๊อเนอม๊อเซ เด๊อ แกแยพู๊คู เออ เก่ แฮคยาแซ๊ เบ๊อะเนอ ปาเนอ, ซี ซิเงแจ่โต่.

มัทธิว 24:48

หม่าแน๊เรอ หลู่ เด๊อ อาแร๊โต่ เออเตเพร เนอ, อา เก่ เตเน เด๊ออาซิปล่อกู เน๊อ, ‘แวแบ่เจ่ กาคยา เหล่แพร น๊อ ล๋ายโต่,’ อาเก่เตเน เร๊อ,

มัทธิว 24:27

เมเตเฮ๊เร๊อ ฮู๊ ฉ่าลีบ๊อ เตเคแถ่ เด๊อ เก่ซิเถ่ เร๊อ แกแย โอ่ เด๊อ เก่แบ๊โน เต๊เห่ แม๊เถอะเนอ, แกแยพู๊คู หม่าเฮ๊อ แวเออ เก่ แฮ ปา หม่า อา แซ่ ฮู๊เนอ ปา.

มัทธิว 23:34

ฮู๊เนอเรอ แว เก่ นอแฮ เป่ ซี เพรโพร เต๊เห่, เพรซิคว๊าซิเง เต๊เห่ เร๊อ ซ๊าร๊า ซีเต๊เห่ ปา, เต๊เห่เห่เนอ ซี เก่ มือเซอแถ่ เหย่ซี เด๊อ อี๊ถื่อดีเต่ลู ปา, เต๊เห่เห่เนอ ซี เก่ มือ ลู เร๊อ อิปลี๊แช๊ เด๊อ แกแยยิวพู๊ เตจ๊อเบโฮกูปา เร๊อ ซี เก่ จว๊าเล แม๊ปู เหย่ซี ตีวี โท ตีวี ปา.

มัทธิว 4:12

เบ๊อะเหย่ซู่ หนิโฮ เร๊อ อู ปื่อด๊อตา คูยอห์น เด๊อ ทอกู เฮ๊อ เบ๊อะเนอ, อา เถ่กาแก เด๊อ กาลิลีเก่.

มัทธิว 2:13

เบ๊อะเพรลีแมลีเพ๊ เออเต๊เห่ กาโทเฮ๊อ เนอ, จอแปแหร่ อาม๊อขุ เตเน่วพู๊ เตเพร แฮโอ่โลเถ่ เป่ เพโยเซฟ เด๊อ อา เตโอ่เมอแหม่ อากู เร๊อ อา เฮ๊ ลู เน๊อ, “ก๊อถ่อมอ! เร๊อ เอ๊หนิ เป๊เจ่พู๊ เร๊อ อาโหมะเนอ เร๊อ เถ่แกล่จว๊าแก มอ เด๊อ อียิปต์เก่ เนอ. แว เก่ แด๊โฉ่ แต่ล๋าย เน เตอเจ๋อ โต่ เก่เฮ๊เรอ ตูรู๊ โอ่ตื๊อดื่อ แลแค เบ๊อะเนอ นี๋, เมเตเฮ๊เรอ คุ๊ยเฮโรด เตเร นอ อาเกลอฮู๊ เต๊เห่ แม๊ปูเมเซอ เป๊เจ่พู๊ เออเตเพร.”

เพรโด่แนพู๊ เต๊เห่ 20:1

เบ๊อะเตซู๊ซ๊า โอ่โส่ โทเฮ๊อ อาเบ๊อะเนอ, คูเปาโล เอ๊ปล๊อ เพรหยื่อเอ่ เต๊เห่ เร๊อ อา เด๊อะอ๊าเด๊อะเหร่ เหย่ซี, อา เฮ๊โมเฮ๊แร๊แก เหย่ซี โทเร๊อ อา เถ่จว๊า เด๊อ มาซิโดเนีย เก่กู.

มัทธิว 16:27

เมเตเฮ๊เร๊อ แกแยเห่ขุ อาพู๊คู หม่าเฮ๊อ แว เออ เก่ แฮคยาแซ๊ เกอเร๊อ อาเพ อาเตอเรอดุเตอเรอทู ปา, เร๊อ อาม๊อขุ เตเน่ว เต๊เห่ ปา เร๊อ อา เก่ เด๊อะเลอ กาคยาฉื่อคยา อู ปว๋า เตเพร ฮู๊ เหย่ซี เมโทเฮ๊อ เนอเต๊เห่ ปา.

มัทธิว 23:36

แว เฮ๊จ๊อจ๊อ ซี๋, เต เออเต๊เห่เนอ อา เก่ ตาเบ่ ลอ ซี เด๊อ อา โอ่เซอเพร กู๊แหน่ เออเตอทือ เต๊เห่ อาขุ ปา.

มัทธิว 24:34

แว แด๊โฉ่โล จ๊อจ๋อ เป่ เจ๊อ ซี, ล๋อ แกแย เด๊อ อา โอ่เซอเพร กู๊แหน่เออตือทือ เต๊เห่ เซอลอ แต่ล๋ายโต่ เนอ, เบ๊อะเตเออเต๊เห่ โอ่ เก่ทวาแถ่ ลอ ปา.