Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




มัทธิว 10:2 - ลีเทส่อพ๊าอาเซ เร๊อ เห่ขุทวาลู๊

2 เพรโด่แนพู๊ เต๊เห่ เช๊อซิเนอ อามุย หม่า แคร๋ อูเป เฮ๊เร๊อ, อาเหร่อเล๊อ เตเพร หม่า อามุย เร๊อ คูซีโมน หม่าโต่เรอ อู เอ๊ ลู เร๊อ คูเปโตร เร๊อ อาโป่ คูอันดรูว์, โทเรอ เพเศเบดี อาพู๊เพรคู คูยากอบ เร๊อ อาโป่ คูยอห์น,

အခန်းကိုကြည့်ပါ။ ကော်ပီ

Eastern Kayah Shadaw Dialect

2 ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤏꤣꤧꤞꤤꤔꤣꤧ꤭ ꤢ꤬ꤗꤝꤤ꤭ ꤗꤢ꤬ ꤋꤚꤢꤧ꤮ ꤢꤨ꤭ꤕꤢꤩ꤭ ꤟꤢꤩꤚꤣꤧ꤬, ꤢ꤬ꤚ꤫ꤣꤧ꤬ꤜꤣ ꤒꤣ꤬ꤖꤚꤢꤩ꤬ ꤗꤢ꤬ ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤏꤛꤤꤗꤥ꤬ ꤗ꤫ꤢ꤬ꤒꤥ꤬ꤚꤣꤧ꤬ ꤢꤨ꤭ ꤢꤩ ꤜꤢꤨ꤭ ꤔꤢꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤢ꤬ꤕ꤫ꤥ꤬ ꤋꤢꤨ꤭ꤢꤧ꤬ꤘꤚꤢꤨ, ꤓꤥ꤭ꤚꤣꤧ꤬ ꤖꤢꤩ꤭ꤞꤢꤩꤙꤢꤩ꤬ꤘꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬ ꤔꤢꤧ ꤢ꤬ꤕ꤫ꤥ꤬ ꤋꤢꤨ꤭ꤛꤥ꤭ꤟꤢ꤬,

အခန်းကိုကြည့်ပါ။ ကော်ပီ




มัทธิว 10:2
44 ပူးပေါင်းရင်းမြစ်များ  

เหย่ซี กาโต่ เด๊อ วีเยรูซาเล็ม อากู เร๊อ อา จว๊าแถ่โน เด๊อ หี่ เด๊อ เหย่ซี เหล่จว๊าโอ่โก๊ เกอเร๊อ แตแปล๊เตอเปลอ เออเนอเตเม เด๊อ อาขุเนอ โต๊โต่. เร๊อ เหย่ซี เออเต๊เห่หม่า แคร๋ อูเป เฮ๊เร๊อ คูเปโตร, คูยอห์น, คูยากอบ, คูอันดรูว์, เร๊อ คูฟีลิป, คูโธมัส, คูบารโธโลมิว, คูมัทธิว, คูอัลเฟอัส อาพู๊เพรคู คูยากอบ, คูซีโมน เด๊อ อา โม เกอเร๊อ อาเทออาเก่ เออเตเพร เน๊อ เพยากอบ อาพู๊เพรคู คูยูดาส ซีเต๊เห่ แพ๊.


แบ่เจ่ จว๊าเป่แฮ โป่ เด๊อ เง ตี๊กิแพ๊ เร๊อ อา แม๊เถอะ โป่ โป่เร๊อแหม่ ซิเนอ เด๊อ อามุย เร๊อ คูยากอบ เร๊อ คูยอห์น. เหย่ซี หม่า เศเบดี อาพู๊. เหย่ซี โอ่แนเต่อ เร๊อ อาเพ เด๊อ ส่อเกลอกู เร๊อ เช๊รี เกอเร๊อ อา ตีวี เต๊เห่. เร๊อ แบ่เจ่ เอ๊ครวา เหย่ซี.


คูฟีลิป จว๊า แด๊โฉ่ เป่ คูอันดรูว์ เร๊อ อา เร๊อ คูอันดรูว์ จว๊า แด๊โฉ่โล เป่ เหย่ซู่.


อา โคเจ่ เด๊อ อาโร เตเพร เด๊อ อามุย เร๊อ คูอันดรูว์, อา หม่าดื่อ คูซีโมน เปโตร อาโป่ เออเตเพร เฮ๊ แบ่เจ่ เน๊อ,


เพรเมโหร่เกอลู เต๊ว เร๊อ คูซีโมน เต๊เห่หม่า เพเศเบดี อาพู๊คู, คูยากอบ เร๊อ คูยอห์น แพ๊. เหย่ซี หม่า อา คย๊าอายื๊อ เกอ แหน่เจ๊อ เจ๊อ. เหย่ซู่ เฮ๊ คูซีโมน เน๊อ, “ซิอิเช แต่เหม่, เป๊อแถ่ เออเตอเนอ ตาเป่แฮ, เน เก่ ทวาแถ่ แกแย เด๊อ อา จว๊าเอ๊กา อู เด๊อ จอแปแหร่ อา โอ่ แซ่เน๊อ เน ปื่อเต๊ว เออเนอ ปา.”


เบ๊อะเหย่ซู่ จว๊า รว๊า กาลิลี เทออ่อทือ เบ๊อะเนอ, อา แม๊เถอะ โป่ เร๊อ แหม่ ซิเนอ เตเพร เร๊อ อามุย เร๊อ คูซีโมน โต่เรอ อู เอ๊ ลู เร๊อ คูเปโตร, เร๊อ อาโป่ คูอันดรูว์. เบ๊อะเนอโตโพ๊ เหย่ซี อาจว๊า วีเอ่ เต๊ว เร๊อ ตีวี เด๊อ เทอ อ่อทือ, เมเตเฮ๊เรอ อา แม๊ปูเอ่ แลแค แพ๊ อาฮ๊อกูเฉ่ เร๊อ เต๊ว แพ๊.


เด๊อ เตหรี่เตแก เออเต๊อเจ่อ อาขว่าอาคยา, จอแปแหร่ โอ่ เร๊อ อา เตลีแม เร๊อ อา เฮ๊ เน๊อ, ‘แว เก่ นอจว๊า เป่ เหย่ซี เพรโพร เต๊เห่, เร๊อ เพรโด่แนพู๊ เต๊เห่ ปา, เร๊อ เหย่ซี เก่ เมเซอแก เต๊เห่เห่ ปา, เต๊เห่เห่เรอ เหย่ซี เก่ เมจาเมจือ ลู ปา.’


แว หม่า ซี โป่แหว่ คูยอห์น เด๊อ อา หยื่อเอ่ ครี๊ แซ่เกอ เร๊อ ซี เตเพร. แว หม่า ซี โคแบ๊ซว๊า เด๊อ อา ข่าจาข่าจือ โหร่เกอเต เน๊อ ซี เตเพร, แว หม่า จอแปแหร่ อา เทอพู๊เก่พู๊ แซ่เกอ เร๊อ ซีซี, เร๊อ แว แด่ทูซิปล่อ โหร่เกอเต เร๊อ ซี เตเพร แพ๊. เด๊อ แว แด๊โฉ่โด่แน เป่ อู เร๊อ แบ่เจ่ จอแปแหร่ อา เตหรี่เตแก เร๊อ เตเด๊อ เหย่ซู่ครี๊ เด๊อะโล เป่ แว เต๊เห่ อาขว่าอาคยา, อู จว๊า แด่โอ่แก แว เด๊อ ปัทมอส กลื๊อขุ เฮ๊อ.


แว หม่า โหมะพรูโหมะเผร่ เด๊อ อา ทวา ทวาดุทวาเต เตเพร เร๊อ แว ราจว๊าเป่ ลีเออ เด๊อ โหมะ เด๊อ จอแปแหร่ นว๊าแถ่ อา เออเนอ เตเพร เร๊อ อาพู๊ ซีเต๊เห่ อา โอ่. ซี หม่า แกแย เด๊อ แว โมเร๊อ หม่าแหน่ เจ๊อ เต๊เห่. แว เตเพร โม ตื๊อดื่อ ซี เนอ หม่าโต่, แกแย เด๊อ อา ซิเง เตหมะเตจ๊อ ปว๋า เตเพร เต๊เห่ โมเร๊อ เกอดื่อ ซีซี.


เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.


แว ราจว๊าเป่ ลีเออ เด๊อ แกแย เด๊อ จอแปแหร่ นว๊าแถ่ ลู เร๊อ อา จว๊า โอ่โก๊ แตแปล๊เตอเปล๊อ, อา จว๊า ทวา ซิเผระ เด๊อ อูเทออูเก่, เร๊อ อา โอ่ จว๊าปีชี ลอ เด๊อ อาเหล่โอ่ ปว๋า โต๊โผ่ เด๊อ ปอนทัสเก่, กาลาเทียเก่, คัปปาโดเซียเก่, กาลาเทียเก่, คัปปาโดเซียเก่, เอเซียเก่ เร๊อ บิธีเนียเก่กู เนอเต๊เห่ อา โอ่. แว หม่า คูเปโตร, แว หม่า เหย่ซู่ครี๊ อา เพรโด่แน เตเพร.


ฮู๊เนอ อาขว่าอาคยา, โป่แหว่ ครี๊พู๊ เด๊อ จอแปแหร่ เอ๊ ซี เออเต๊เห๋ เตเน แม๊มอ แลแค เหย่ซู่ เด๊อ จอแปแหร่ นอแฮ ทวา ลู เน๊อ เพรเฮ๊โฉ่โด่แหน่ จอแปแหร่ อาลาอาโหง่ เน๊อ เพรหลู่แต กู่กล๊อดุเล๊อ เออเตเพรเนอ.


แซ่ฮู๊ อู เก่ ทวา เพรโดแนพู๊ เต๊เห่, อู เก่ ทวา เพรโพร เต๊เห่, อู เก่ ทวา เพรโด่แน เตซิครือมีลา เต๊เห่, อู เก่ ทวา เพรหยื่อเอ่ตู๊หมู่ตอกล๊อ ซ๊าร๊า เต๊เห่, อู เก่ ทวา เพรอิซว๊า ลีเทส่อพ๊า อาซ๊าร๊า เต๊เห่เนอเรอ, เพร เด๊อ อา เด๊อะตา อู เตแจ่เตลีแม เด๊อ อา โค๊คยาดื่อ ลู เต๊เห่ เออเตเพร เนอหม่า หม่าเฮ๊อ ครี๊ เฮ๊อ.


โทเรอ อา โอ่โลแถ่ เป่โท คูยากอบ เร๊อ อา จว๊า โอ่โลแถ่ เป่ลาติ ล๋อ เพรโด่แนพู๊ เต๊เห่ เนอเต๊เห่.


เด๊อ อา เฮ๊เบ่ อาโหง่ อาขว่าอาคยา, อู เมเซอแก คูยอห์น อาแหม่ คู ยากอบ เร๊อ เน๊.


เตอเนอเค เบ๊อะเหมาะเฮ๊แล โซมือ, อู โต กุยจ๊อเบ เบ๊อะเนอ, คูเปโตร เร๊อ คูยอห์น จว๊าแถ่ แลแค เด๊อ เตหลู่แตโฮ.


โทเร๊อ แซ่ฮู๊ เหย่ซี เก่ นว๊าแถ่ เด๊อ เออซิเนอ อาเกล เตเพร เนอเรอ, เหย่ซี บ๊อ แลแค เตแบบุ๊ย เต๊อเจ๊อ เร๊อ อา ตาโต เด๊อ คูมัทธีอัส เร๊อ อู แด่โน เต่อเกอ อา เด๊อ เพรโด่แนพู๊ เต๊เห่ เช๊อเตเพร ตู๊หมู่ตอกล๊อ เออ อากู.


เพร ราม๊าราแด เต เออเต๊เห่ หม่า แว เด๊อ อา ทวา แบ่เจ่ เหย่ซู่ อา โคเจ่ เออเตเพร แพ๊. เร๊อ อา แม๊เถอะลอ ล๋อ เตเมทวาแถ่ อาเหน่ เออเต๊เห่ เร๊อ อา ราม๊าราแด แพ๊. อา เตเฮ๊โฉ่โล เป่ เออเต๊เห่ เนอหม่า อาโต ล๊อ แพ๊ เนอ เป ซิเง.


เบ๊อะคูเปโตร แม๊กาคยา เบ๊อะเนออาเค, อา แม๊เถอะ แบ่เจ่ เหย่ซู่ อา โคเจ่ เด๊อ อา โมเร๊อ ลู เนอเตเพร ครวาเกอ เหย่ซีคยา. (อา หม่า เพร เด๊อ อา โอ่ เต๊เต่เร แบ่เจ่ เหย่ซู่ เบ๊อะเหย่ซี อาเอ่อาโอ เหมาะเฮ๊ เนอ เนอเตเพร เฮ๊อ, เร๊อ อา แด๊เฮอ ลู เน๊อ, “แบ่เจ่, อูเป เตเร อิเชตาแก เน ปา เป?” เนอเตเพร เฮ๊อ. เออ หม่า แบ่เจ่ เหย่ซู่ เซอแต๋โต่ เนอ.)


คูซีโมน เปโตร, คูโธมัส เด๊อ อู เอ๊โป่ ลูมูย เร๊อ คูดิดุโมส, เร๊อ กาลิลีเก่ วีคานาพู๊ คูนาธานาเอล เร๊อ เพเศเบดี อาพู๊เพรคู ซิเนอ เร๊อ เหย่ซู่ อา โคเจ่ เด๊อ อาโร ซิเนอ จว๊า โอ่ปล๊อ โหร่ลอ ลู.


เร๊อ อา แกล่กา เด๊อ คูซีโมน เปโตร เร๊อ เหย่ซู่ อา โคเจ่ เด๊อ อา โม เกอเร๊อ ลู เด๊อ อาโรเตเพร อา โอ่ เร๊อ อา แด๊โฉ่ เป่ เหย่ซี เน๊อ, “เหย่ซี พย๊าจว๊าแกเหม่ เฮ๊อ แบ่เจ่ เนอ เด๊อ โลกู เฮ๊อ. เหย่ซี จว๊าแด่โอ่โต ลู เบ๊อะเต๋ เนอ, เป ซิเง โต่.”


เด๊อ อา โคเจ่ อาเกล เด๊อ อา โม เกอเร๊อ แหน่เจ๊อ ลู เออเตเพรเนอ, อา โอ่แนผื่อ เด๊อ แบ่เจ่ เหย่ซู่ แก่ช๊า ตากยา.


เบ๊อะแฮโต่เฮ๊อ เด๊อ โตเบ่ เอ่โอ เฮ๊อ เตจว๊าตาลว๊าป่วย เบ๊อะเนอ, แบ่เจ่ เหย่ซู่ เร๊อ เพรโด่แนพู๊ เต๊เห่ จว๊า โอ่แนโอ่ ตาวา โหร่ลอ ลู เด๊อ เหล่เอ่ดีอาเหร่ อาช๊า.


เหย่ซู่ นอ คูเปโตร เร๊อ คูยอห์น เร๊อ อา หม่าจว๊าหนิ เหย่ซี โหง่ เน๊อ, “จว๊า ตี๊หรี่แตแร หนื่ออื่อ แลแค เป เหล่เอ่เหล่โอ ป่วยเตจว๊า ตา ลว๊า เอ่โอบูโพ๊เหมาะเฮ๊ เออเนอ นี๋.”


เพรโด่แนพู๊ เต๊เห่ กาคยา เร๊อ กาแด๊โฉ่ ลอ เหย่ซู่ เร๊อ ล๋อ เหย่ซี เมโทเฮ๊อ เตเนอเต๊เห่ อาหรี่อาแก. เหย่ซู่ เอ๊หนิ เหย่ซี เร๊อ อา เถ่จว๊า ตื๊อดื่อ แลแค เด๊อ วีตีวี เด๊อ อู เอ๊ เร๊อ เบธไซดา เนอตีวี.


เบ๊อะเหย่ซู่ โอ่แนโอ่ เด๊อ โต๊โฉ่โฉ่ขุ เร๊อ อา แม๊จว๊า ช๊าเน๊ เด๊อ เตหลู่แตโฮ โอ่ เบ๊อะเนอ, คูเปโตร, คูยากอบ, คูยอห์น, คูอันดรูว์, แฮ เด๊อ ลูโอ่ เร๊อ แด๊เฮอ ลู เนอ,


เหย่ซู่ เร๊อ อา โคเจ่ เต๊เห่ เถ่จว๊าแก เด๊อ เตจ๊อเบโฮกู เออ. เร๊อ เหย่ซี เถ่จว๊า แลแค เด๊อ คูซีโมน เร๊อ คูอันดรูว์ อาหี่. คูยากอบ เร๊อ คูยอห์น จว๊า เต่อเกอ เร๊อ เหย่ซี.


อา เอ๊ครวาจว๊าหนิ คูเปโตร เร๊อ เพเศเบดี อาพู๊เพรคู ซิเนอ จว๊าเต่อ เกออา เร๊อ อา ซิเปลซิหย่อ แฮ เร๊อ อา ซิปล่อกู่ ซิปล่อแก แฮแหน่เจ๊อ.


โทเรอ เพเศเบดี อา พู๊ คูยอกอบ เร๊อ คูยอห์น อาโหมะ เออเนอ, อา แฮ โน เต่อ เกอ เร๊อ อาพู๊ซิเนอ เด๊อ แบ่เจ่ เหย่ซู่ อา โอ่. อาโหมะเออ แฮ แด๊งือตา เด๊อ แบ่เจ่ อาเป๊เส่เง เร๊อ กุยซิยอ แบ่เจ่ เก่ เม เป่ ลู เตเต๊อเจ่อจ่อ.


ม๊อเนอ โซซว๊า บาโทเนอ แบ่เจ่ เหย่ซู่ เอ๊หนิ คูเปโตร, คูยากอบ เร๊อ คูยอห์น หม่าเฮ๊อ คูยากอบ อาโป่เออ เร๊อ เหย่ซี จว๊าแถ่ เด๊อ โฉ่แถ่โล เตเม อาลู. เร๊อ อา ซิ หยื่อ จว๊าโอ่ตื้อดื่อ เกอเร๊อ เหย่ซี แพ๊.


แว หม่า คูยอห์น. แว แม๊เถอะ หนิโฮ ลอ ล๋อ เตเออ เต๊เห่. เบ๊อะแว แม๊เถอะ หนิโฮ โทเฮ๊อ เบ๊อะเนอ, แว แด๊งือแล เด๊อ เตเน่วพู๊ เด๊อ อา เด๊อะโล แว เตเออ เต๊เห่ เนอเตเพร อา กู๊โด่ช๊า, เร๊อ แว เกเร จ๊อเบแถ่ ลู.


ลี เออต๊าบ่า หม่า ลี เด๊อ อา ราม๊าราแด เตเมทวาแถ่ อาเหน่ เด๊อ เหย่ซู่ครี๊ เด๊อะโลแถ่ เต๊เห่ อาหรี่อาแก. แซ่ฮู๊ เหย่ซู่ครี๊ เก่ แด๊โฉ่โล เป่ หลู่เล๊ เต๊เห่ เร๊อ เต เตเร ทวาแถ่ ผื่อลาเฮ๊อ ปา เออเต๊เห่ อาเงเนอ, แบ่เจ่ จอแปแหร่ เด๊อะโล เป่ เตเด๊อะโลแถ่ เออเนอ เร๊อ คูยอห์น หม่าดื่อ เฮ๊อ แว เด๊อ อา ทวา เหย่ซู่ครี๊ อาหลู่เล๊ เออเตเพร เฮ๊อ. อา ซูแล อา ม๊อขุ เตเน่วพู๊ เด๊อ แวโอ่ เร๊อ อา เด๊อะซิเง เป่ แว เร๊อ เตหรี่เตแก เออเต๊เห่.


แว หม่า โหมะพรูโหมะเผระ เด๊อ อา ทวา ทวาดุทวาเต เตเพร เร๊อ แว ราจว๊าเป่ ลีเออต๊าบ่า เด๊อ คูกายอัส อาโอ่. คูกายอัส หม่า แกแย เด๊อ แว โมเร๊อ หม่าแหน่ เจ๊อ อา เตเพร เจ๊อ.


เก๋อ ม๊อขุพู๊ ซิครือมอ แลแค, เก๋อ จอแปแหร่ อาแกแย ซี, เพรโด่แนพู๊ เต๊เห่ ซี เร๊อ เพรโพร ซี๋, เด๊อ อาปย๊าอาหลู่ เฮ๊อ อาขว่าอาคยา, ซิครือมอ แลแค. เมเตเฮ๊เรอ เด๊อ อา เมจาเมจือ โทเฮ๊อ ซี อาขว่าอาคยา, จอแปแหร่ เมจากาคยา เฮ๊อ อา.’”


เพรเมเตพู๊ กาโอ่ปล๊อ ตาวาลอ เหย่ซู่ เร๊อ เหย่ซี แด๊โฉ่ ลอ ลู เร๊อ ล๋อ เหย่ซี เมโทเฮ๊อ เตเนอเตเห่ อาคยา เร๊อ เหย่ซี อิซว๊าอี๊แส่ เป่ อู เนอเต๊เห่ อาคยา.


เร๊อ อา แด๊เฮอ อา โคเจ่ เช๊อซิเนอ เออเต๊เห่ เน๊อ, “ซีเล, ซี ซิหยื่อ เถ่กาคยา เกอ แวเหล่ ฮู๊เนอ แวเฮ๊โต่?” อา เฮ๊ เหย่ซี ฮู๊เนอ.


โทเรอ แบ่เจ่ เหย่ซู่ เฮ๊ฉื่อ เหย่ซี เน๊อ, “แว นว๊าแถ่ โทเฮ๊อ ซี เช๊อซิเนอ, หม่าโต่ แอ? หม่าแน๊เรอ, เด๊อ ซีเกล เนอ, โลเน๊มู๊แหม่ กู่กล๊อ โอ่โตโด, อา เฮ๊ เหย่ซี ฮู๊เนอ.”


(อา เฮ๊ฮู๊เออหม่า อา ซิหยื่อ เฮ๊ เพซีโมน อิสคาริโอท อาพู๊ คูยูดาส. อา หม่า อา โอ่เต่อเกอ เด๊อ เช๊อซิเนอเออ อาเกล ตื๊อดื่อเรอ เด๊อคยาปาเนอ อา อิเชตาแก แบ่เจ่ เหย่ซู่.)


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ