มัทธิว 10:18 - ลีเทส่อพ๊าอาเซ เร๊อ เห่ขุทวาลู๊

¹⁸ เด๊อ แวขว่าแวคยา เร๊อ อู เก่ จุ่ยตู๊หรู่ แฮ ซี เด๊อ เพรเป๊อเต เด๊อ อา ทวา กู่กล๊อ เต๊เห่ เน๊อ คุ๊ยเต๊เห่ อา โอ่ ปา. ซี เบ่ แด๊โฉ่โด่แน เด๊อะ โล หนิเป่ เหย่ซี เร๊อ แกแยยิวพู๊ หม่าโต่ เต๊เห่ เน๊อ แวหรี่แวแก ปา.

Eastern Kayah Shadaw Dialect

¹⁸ ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤡꤝꤤ꤬ꤒꤣꤧ꤬ꤚ꤫ꤢꤨ꤬ꤓꤢꤪꤓꤢꤧ꤬ꤢꤩ꤭ ꤟꤢꤧ꤭ ꤞꤤ꤭ ꤘꤣ ꤖꤚꤢꤩ꤬ꤕꤣꤒꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪ ꤒꤣꤧ꤬ꤟꤢꤩ꤬ ꤔꤢꤧ ꤋꤝꤤꤒꤣꤧ꤬ꤟꤢꤩ꤬ ꤢ꤬ ꤥ꤬ ꤕꤢ꤭꤯ ꤞꤤ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤔ꤫ꤤ꤬ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤕꤢ꤭꤯ ꤞꤤ꤭ ꤊ꤫ꤢꤦ꤬ ꤋꤢꤧꤟꤢꤩꤏꤥ꤬ꤜꤥ꤭ ꤔ꤫ꤤ꤬ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤕꤢ꤭꤯

มัทธิว 10:18 ပူးပေါင်းရင်းမြစ်များ

ꤗꤢ꤬ꤊꤢꤨ 13:9

“ซี เบ่ รอหนิ แลแค ซีเหน่. เด๊อ แวขว่าแวคยา เร๊อ อู อา ปื่อ ซี ปา, เร๊อ อู เก่ ซูแถ่ ซี เด๊อ เพรเฮ๊เบ่เมโตเต เด๊อ ทวาดุทวาเต เต๊เห่ อา เป๊เส่เง ปา. อู เก่ มือปอ ซี เด๊อ เตจ๊อเบโฮกู ปา. ซี เบ่ ก๊อถ่อโอ่ เด๊อ เพรเป๊อเต เต๊เห่ เร๊อ จ๊อแผ่ เต๊เห่ อาเป๊เส่เง ปา. เร๊อ อา เก่ แด๊เฮอ เจแม๊ ซี ปา เร๊อ ซี เก่ ข่าเฮ๊โล หนิเป่ เหย่ซี เร๊อ เตซิครือมีลา อาหรี่อาแก ปา.

มัทธิว 8:4

เร๊อ แบ่เจ่ เหย่ซู่ เฮ๊ โป่ลู เน๊อ, “แด๊โฉ่โล เป่ แต่ อู เตเพร่ว แต่เหม่ นี๋, หม่าแน๊เรอ จว๊า เด๊อะโลแม๊ เนเหน่ เออเนอ เด๊อ เพร หลู่แตเต เนอเตเพร อา โอ่ เนอ นี๋. โทเร๊อ แซ่ฮู๊ อา เก่ ทวาแถ่ เตข่าเด๊อะโล เด๊อ อู ปว๊า เตเพร เป๊เส่เง เร๊อ เนเตเช โอ่เหม่แกเฮ๊อ. เร๊อ อา โพ๊แปละ เฮ๊อ อาเง เนอ, จว๊า หลู่แถ่ เตหลู่เตแต ฮู๊ คูโมเสส เฮ๊แก เนอ นี๋.”

เตเด๊อะโลแถ่ 11:7

เบ๊อะเหย่ซี ข่า เด๊อะโลโทเฮ๊อ อาซิปล่อ เบ๊อะเนอ, เตมีเตแหม่ โตโด โอ่ เด๊อ ครอกูดุ ครอกูแย เร๊อ อา แฮแถ่ ปา. อา เก่ แฮแถ่ ช๊าฉื่อ เหย่ซี เออซิเนอ ปา. อา เก่ เมเป่ เหย่ซี เออซิเนอ เร๊อ เมเซอแก เหย่ซี ปา

เตเด๊อะโลแถ่ 6:9

โทเรอ ซิหมิพู๊ เนอโตโด ปาอ๊าโมแถ่ เตม๊าเตแด เด๊อ อู เมหม่า อา แงโก่โต๊โก่. แว แม๊เถอะ แกแย เด๊อ อา แด๊โฉ่โด่แน เป่ อู เร๊อ จอแปแหร่ อาลาอาโหง่, โท๊โต่ อา เด๊อะโล จ๊อจ๊อเตเต, เร๊อ อู เมเซอโทเฮ๊อ เหย่ซี เต๊เห่เนอ, แว แม๊เถอะ เหย่ซี ซิปล่อเซอเพร เต๊เห่ โอ่เด๊อ เตหลู่อาเหร่ อาเล เนอ.

เตเด๊อะโลแถ่ 1:9

แว หม่า ซี โป่แหว่ คูยอห์น เด๊อ อา หยื่อเอ่ ครี๊ แซ่เกอ เร๊อ ซี เตเพร. แว หม่า ซี โคแบ๊ซว๊า เด๊อ อา ข่าจาข่าจือ โหร่เกอเต เน๊อ ซี เตเพร, แว หม่า จอแปแหร่ อา เทอพู๊เก่พู๊ แซ่เกอ เร๊อ ซีซี, เร๊อ แว แด่ทูซิปล่อ โหร่เกอเต เร๊อ ซี เตเพร แพ๊. เด๊อ แว แด๊โฉ่โด่แน เป่ อู เร๊อ แบ่เจ่ จอแปแหร่ อา เตหรี่เตแก เร๊อ เตเด๊อ เหย่ซู่ครี๊ เด๊อะโล เป่ แว เต๊เห่ อาขว่าอาคยา, อู จว๊า แด่โอ่แก แว เด๊อ ปัทมอส กลื๊อขุ เฮ๊อ.

ทิโมธี เนอบ่า ต๊าบ่า 1:8

ฮู๊เนอเร๊อ, เน เตเร ข่าเฮ๊โล เนเหน่ เด๊อ เป แบ่เจ่ อาเงเนอ ซิเตเร แต่เหม่, เด๊อ แบ่เจ่ อาขว่าอาคยาเร๊อ, อู ด๊อตา แว เด๊อ ทอกู เออเนอ เบ่เบ่, ซิเตเร แต่เหม่เหม่. โท๊โต่ ข่าโหร่เกอ เตโซพ๊าโซแร เน๊อ แว เด๊อ เตซิครือมีลา อาเง ฮู๊ จอแปแหร่ เด๊อะ เน เตอ๊าเหร่เตเหร่เนอ.

มัทธิว 10:17

รอ หนิ แลแค ซีเหน่, เมเตเฮ๊เรอ อู เก่ ปื่อ ซูจว๊า ซี เด๊อ เตจ๊อเบโฮ กู่กล๊อ เต๊เห่ เหล่โอ่กู๊ แม๊เถอะ ตาฉื่อ ลู อาหี่กู ปา, เร๊อ อา เก่มือเก่ปอ ซี เด๊อ เตจ๊อเบโฮ เต๊เห่ อากู ปา.

มัทธิว 10:19

หม่าแน๊เรอ เบ๊อะเหย่ซี ปื่อ ซี เบ๊อะเนอ, เบ่กู่เบ่แก หนื่ออื่อ แต่ เน๊อ ซี เก่ เฮ๊เบ่ แต่เหม่ปา. หม่าโต่เรอ ซี เก่ เฮ๊เบ่ ฮู๊เตเนอ แต่เหม่. เบ๊อะแฮโต่เบ่ ปาเนอ, จอแปแหร่ เก่ เด๊อะ ซี โหง่ เด๊อ ซี โต เฮ๊เบ่ เนอเต๊เห่ ปา.