มัทธิว 10:17 - ลีเทส่อพ๊าอาเซ เร๊อ เห่ขุทวาลู๊

¹⁷ รอ หนิ แลแค ซีเหน่, เมเตเฮ๊เรอ อู เก่ ปื่อ ซูจว๊า ซี เด๊อ เตจ๊อเบโฮ กู่กล๊อ เต๊เห่ เหล่โอ่กู๊ แม๊เถอะ ตาฉื่อ ลู อาหี่กู ปา, เร๊อ อา เก่มือเก่ปอ ซี เด๊อ เตจ๊อเบโฮ เต๊เห่ อากู ปา.

Eastern Kayah Shadaw Dialect

¹⁷ ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢꤨ꤭ ꤊ꤫ꤢꤦ꤬ ꤕ꤫ꤢꤦ꤬ ꤞꤢꤨ꤭ꤡꤝꤢ ꤞꤤ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ ꤊꤢꤨ꤬ꤊꤜꤢꤪ ꤒꤣꤧ꤬ꤟꤢꤩ꤬ ꤜ꤫ꤢꤩ꤬ꤥ꤬ꤊꤢꤨ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ ꤜꤢꤨ꤭ ꤢ꤬ꤟꤤ꤬ꤊꤢꤨ꤭ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ꤗꤢꤦ꤭ꤊ꤫ꤢꤦ꤬ꤕꤢꤪ꤬ ꤞꤤ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤕꤢ꤭꤯

มัทธิว 10:17 ပူးပေါင်းရင်းမြစ်များ

ꤗꤢ꤬ꤊꤢꤨ 13:9

“ซี เบ่ รอหนิ แลแค ซีเหน่. เด๊อ แวขว่าแวคยา เร๊อ อู อา ปื่อ ซี ปา, เร๊อ อู เก่ ซูแถ่ ซี เด๊อ เพรเฮ๊เบ่เมโตเต เด๊อ ทวาดุทวาเต เต๊เห่ อา เป๊เส่เง ปา. อู เก่ มือปอ ซี เด๊อ เตจ๊อเบโฮกู ปา. ซี เบ่ ก๊อถ่อโอ่ เด๊อ เพรเป๊อเต เต๊เห่ เร๊อ จ๊อแผ่ เต๊เห่ อาเป๊เส่เง ปา. เร๊อ อา เก่ แด๊เฮอ เจแม๊ ซี ปา เร๊อ ซี เก่ ข่าเฮ๊โล หนิเป่ เหย่ซี เร๊อ เตซิครือมีลา อาหรี่อาแก ปา.

มัทธิว 23:34

ฮู๊เนอเรอ แว เก่ นอแฮ เป่ ซี เพรโพร เต๊เห่, เพรซิคว๊าซิเง เต๊เห่ เร๊อ ซ๊าร๊า ซีเต๊เห่ ปา, เต๊เห่เห่เนอ ซี เก่ มือเซอแถ่ เหย่ซี เด๊อ อี๊ถื่อดีเต่ลู ปา, เต๊เห่เห่เนอ ซี เก่ มือ ลู เร๊อ อิปลี๊แช๊ เด๊อ แกแยยิวพู๊ เตจ๊อเบโฮกูปา เร๊อ ซี เก่ จว๊าเล แม๊ปู เหย่ซี ตีวี โท ตีวี ปา.

เพรโด่แนพู๊ เต๊เห่ 26:11

แวมือแวปอ, เมจาเมจือ น๊อ เอ๊ลา เหย่ซี เด๊อ เตจ๊อเบโฮ เต๊เห่ อากู, เร๊อ แว เฮ๊ชอ เหย่ซี เร๊อ แว นอเฮ๊ เหย่ซี เน๊อ, ‘แว หยื่อเอ่ ปา เหย่ซู่ โต่’ ฮู๊เนอ, เร๊อ แว ซิปล่อดุ โกโน๋ เหย่ซี โต่. โต่ เจ๊อ เด๊อ แว เก่ เถ่จว๊า เด๊อ เมวเจอะโรพู๊ โอ่ เกอเร๊อ วีเต๊เห่ อากู เร๊อ, แว เก่ จว๊า เมจาเมจือ เจ๊อ เหย่ซี เจ๊อ.”

ꤛꤥ꤭ꤟꤢ꤬ 16:2

อู เก่ เหว่เถ่ แก ซี เด๊อ เตจ๊อเบโฮ เต๊เห่ อากลอ ปา. แกแย เด๊อ อา เมเซอ ซี เต๊เห่เนอ อา เตเน เกอเร๊อ อาเหน่ เน๊อ, ‘เป เม เฮ๊อ จอแปแหร่ อาเตเม เฮ๊อ,’ เบ๊อะฮู๊เออเนอ, อา เก่ แฮโต่ ปา.

ꤜꤢꤨꤊꤢ꤬ 12:11

“ช๋า อู ปื่อซูจว๊า ซี เด๊อ เตจ๊อเบโฮกู ปา เบ๊อะเนอ เบ่เบ่, เด๊อ คุ๊ยดุ เต๊เห่ อาเป๊เส่เง ปาเนอ เบ่เบ่, เร๊อ เด๊อ เพรเป๊อเทอเป๊อเก่ เต๊เห่ อา เป๊เส่เง อาเบ๊อะเนอปาเนอ ปาเบ่เบ่, เน โตเบ่ เฮ๊เบ่ เตเกบี๊ เกอเร๊อ เนเหน่ ฮู๊เต เร๊อ เน โตเบ่ เฮ๊ฉื่อ ฮู๊เตเนอ เบ่กู่เบ่แก แต่เหม่ นี๋.

มัทธิว 5:22

หม่าแน๊เรอ แว เฮ๊ ซี เน๊อ, แกแย เตเพรเพร เด๊อ อา ซิปล่อดุ อา โคแบ๊ซว๊า เต๊เห่เนอ, อู โตเบ่ เมจากาคยา อา. โท๊โต่ แกแย เตเพรเพร เด๊อ อา เฮ๊ แกแยจอครอ อา โคแบ๊ซว๊า เต๊เห่เนอ, อู โตเบ่ เอ๊จว๊า เมจากาคยา ลู. เด๊อ แกแยยิวพู๊ อา กู่กล๊อดุกู๊ฉู่ทู เต๊เห่ อาเป๊เส่เง. หม่าแน๊เรอ แกแย เตเพรเตเพร เก่ เฮ๊ อู เน๊อ, ‘โอ่เล๊อโอ่กลอ’ ฮู๊เนอ เฮ๊เนอหม่า, อา โต รอ เกอเร๊อ อาเหน่, เมเตเฮ๊เรอ อา แฮโต ผื่อเฮ๊อ เร๊อ หง่าหร่าปอรากยา อากูเฮ๊อ.

เพรโด่แนพู๊ เต๊เห่ 22:19

“แว เฮ๊ฉื่อ อา เน๊อ, ‘แบ่เจ๋, เหย่ซี ซิเง ตาเต เจ๊อเฮ๊อ เร๊อ แว จว๊า เด๊อ เตจ๊อเบโฮกู เตเม โท เตเม เร๊อ แกแย เด๊อ อา หยื่อเอ่แหน่ เน เต๊เห่เนอ, เต๊เห่เร๊อ แวมือแวปอ เหย่ซี, เต๊เห่เรอ แว ด๊อตา เหย่ซี เด๊อ ทอกู เฮ๊อ.

ꤟꤤꤙꤚꤢꤨ 11:36

เต๊เห่เห่เนอ, อู เม ซิเตเร ลอปลี เหย่ซี, อู เป๊อเจ่ออิแช๊ ลอปลี เหย่ ซี, เร๊อ อู มือ เหย่ซี เร๊อ สู่เปลออิปลี๊, เต๊เห่เห่เนอ อู จอ เหย่ซี เร๊อ สู่เปลอต่อเท๊, เร๊อ อู ด๊อโน เหย่ซี เด๊อ ทอกู.

ทิโมธี เนอบ่า ต๊าบ่า 4:15

โอ่รอโอ่เร เกอเร๊อ เกอ เนเหน่ เร๊อ อาเนอ นี๋, เมเตเฮ๊เรอ อา ซิเถ่ซิฮา เมตาตือ ชอแหน่เจ๊อ เป เตซิครือมีลา เจ๊อ.

ฟีลิปปี 3:2

รอหนิ แลแค ซีเหน่ เร๊อ แกแย เม เตมู๊แหม่รีแจ่ เด๊อ อา แซ่เน๊อ ถุ่ย เนอเต๊เห่ นี๋. แกแย เนอเต๊เห่ หม่า ซี เบ่ ดื๊อตีลี๊พ๊า อา นอฉว่า ลอ อู ฮู๊เนอ.

ꤛꤥ꤭ꤟꤢ꤬ 11:47

ฮู๊เนอเรอ เพรหลู่แต ทวาดุทวาเต เต๊เห่ เร๊อ ฟาริสี เต๊เห่ เอ๊ปล๊อ แกแยยิวพู๊ ทวาดุทวาเต เด๊อ อาโร เต๊เห่ เร๊อ โอ่กู๊โอ่แก๊ เกอเร๊อลู. เร๊อ เหย่ซี เฮ๊ เน๊อ, “เป เก่ เมฮู๊เต เออ? แกแย เออเตเพร เมโล เป่ อู เตโค๊ตีกลี๊คยา โร๊ลู เฮ๊อ.

ꤗꤢ꤬ꤊꤢꤨ 13:12

“เบ๊อะเบอ ปาเนอ, โป่ เก่ นอเมเซอ หนิเร๊อดื่อ อาแหม่ เร๊อ อูโร ปา, เร๊อ แหม่ เก่ นอเมเซอ หนิเร๊อดื่อ อาโป่ เร๊อ อูโร ปา, เพ เก่ นอเมเซอ เร๊อดื่อ อาพู๊ เร๊อ อูโร ปา, พู๊ เต๊เห่ อา วื๊อ กาคยาฉื่อ เกอเร๊อดื่อ อาโหมะอาเพ เต๊เห่ ปา, เร๊อ อา เก่ นอเมเซอ เกอเร๊อดื่อ อู เร๊อ อาโหมะอาเพ เต๊เห่ปา. เด๊อ แวขว่าแวคยา เร๊อ แกแย ปว๋า เตเพร เก่ ซิเถ่ ลอ ซี ปา. หม่าแน๊เรอ แกแย เด๊อ อา ก๊อถ่อโอ่หม่า โอ่แตแนแร๊ เด๊อ อา เตหยื่อเตแหน่ อากู โต่เด๊อ อาตื๊อดื่อ เต๊เห่เนอ จอแปแหร่ เก่ เมแลเปล๊กา เหย่ซี ปา.”

มัทธิว 26:59

แซ่ฮู๊ เหย่ซีเก่ เมจากาคยา เมเซอแก หนิ เหย่ซู่ อาเงเนอเรอ, เพรหลู่แต ทวาดุทวาเต เต๊เห่ เร๊อ แกแยยิวพู๊ โอ่ เร๊อ อาเตอเรอฉว่าชอ เล๊ออู เต๊เห่ แม๊ปู แลแค อาเหล่เกแหล่โฮ เหย่ซู่ อาเตซื๊อ เต๊เห่.

เพรโด่แนพู๊ เต๊เห่ 17:14

เพรหยื่อเอ่ เต๊เห่ ซูจว๊า โตโพ๊ ซูจว๊าแก คูเปาโล เด๊อ เทอดุซาวาทือ, หม่าแน๊เรอ คูสิลาส เร๊อ คูทิโมธี ซิเนอลอ โอ่แกปา เบ๊อะวีเบโรอา อากู เนอแพ๊.

มัทธิว 20:19

เหย่ซี เก่ เด๊อะตาโดโต่ อา เด๊อ แกแยยิวพู๊ หม่าโต่ เต๊เห่ อา กู๊ยากู ปา, เหย่ซี เฮ๊เบ่ โตโมจู๊แก่ กี๊นีโก๊โหนะ ลอ แวปา, โทเรอ เหย่ซี เก่ มือ แว เร๊อ สู่เปลอ อิปลี๊แช๊ ปา เร๊อ เหย่ซี เก่ มือเซอแถ่ อา เด๊อ อี๊ถื่อดีเต่ลู หม่าแน๊เรอ โซเนอ เตอเนอ ปาเนอ, จอแปแหร่ เก่ เมเซอเพร ก๊อถ่อ กาคยา คยาแซ๊ อาปา.”

มัทธิว 10:18

เด๊อ แวขว่าแวคยา เร๊อ อู เก่ จุ่ยตู๊หรู่ แฮ ซี เด๊อ เพรเป๊อเต เด๊อ อา ทวา กู่กล๊อ เต๊เห่ เน๊อ คุ๊ยเต๊เห่ อา โอ่ ปา. ซี เบ่ แด๊โฉ่โด่แน เด๊อะ โล หนิเป่ เหย่ซี เร๊อ แกแยยิวพู๊ หม่าโต่ เต๊เห่ เน๊อ แวหรี่แวแก ปา.

เพรโด่แนพู๊ เต๊เห่ 9:2

เร๊อ อา จว๊ากูยซิยอ ลู เร๊อ อา เก่ ราจว๊าหนิ ลี ข่าเฮ๊โล เต๊เห่ เร๊อ อา เก่ ราจว๊า เป่ยูดาห์เต่จ๊อเบโฮ เด๊อ อา โอ่ เด๊อ วีดามัสกัส อากู เนอเต๊เห่ อาโอ่. ลี ข่าเฮ๊โล เออ เต๊เห่ เนอ, อา เฮ๊ จว๊า เหย่ซี เร๊อ เพรเหมาะ เบ่เบ่, เพรคู เบ่เบ่, อูเปเป๋ เบ่เบ่, เบ๊อะคูเซาโล แม๊เถอะ เร๊อ เหย่ซี ครวาเมเกอ แบ่เจ่ เหย่ซู่ อาแกล๊ เต๊เห่ เฮ๊เนอ, อา เก่ ปื่อ เหย่ซี ปา เร๊อ อา เก่ ซูกาแก เหย่ซี เด๊อ วีเยรูซาเล็ม ปา, อา ราจว๊า ฮู๊เนอ.