มัทธิว 10:14 - ลีเทส่อพ๊าอาเซ เร๊อ เห่ขุทวาลู๊

¹⁴ แกแย เตเพรเพร เก่ เอ๊ฉื่อ ซี โต่, เก่ หม่าโต่ เรอ อา เก่ หนิดา ซีโหง่ โต่ เก่เฮ๊เรอ, เบ๊อะซี เถ่จว๊าแก เฮ๊อ เร๊อ หี่ เนอเตเม เบ๊อะเนอ, หม่าโต่เรอ ดอเนอตอดอ เบ๊อะเนอ, โซตาแก เห่หมื่อ เด๊อ ซี กู๊โด่ลู เนอเต๊เห่.

Eastern Kayah Shadaw Dialect

¹⁴ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤢꤩꤏꤢꤦ꤬ ꤞꤤ꤭ ꤒꤥ꤬, ꤢ꤬ ꤊꤢꤩ꤬ ꤔ꤫ꤤ꤬ꤘꤢ꤭ ꤞꤤ꤭ꤍ꤫ꤥ꤬ ꤒꤥ꤬ ꤊꤢꤩ꤬ꤟꤢꤩꤚꤣꤧ꤬, ꤙꤣꤧ ꤞꤤ꤭ ꤓꤢꤩ꤬ꤡꤝꤢꤊꤢꤧ꤭ ꤟꤣꤧ ꤔꤢꤧ ꤟꤤ꤬ ꤔꤣꤧ꤬ꤒꤣ꤬ꤗꤢꤩ꤭ ꤢ꤬ꤋꤢꤩ꤭, ꤊꤢꤩ꤬ꤗ꤫ꤢ꤬ꤒꤥ꤬ꤚꤣꤧ꤬ ꤘꤢꤪ꤭ ꤔꤣꤧ꤬ꤒꤣ꤬ꤘꤢꤪ꤭ ꤢ꤬ꤋꤢꤩ꤭ꤔꤣꤧ꤬, ꤞꤥ꤭ꤒꤢ꤭ꤊꤢꤧ꤭ ꤟꤢꤩ꤬ꤗꤢꤦ꤬ ꤘꤣ ꤞꤤ꤭ ꤋꤢꤧꤘꤥ꤬ꤜꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

มัทธิว 10:14 ပူးပေါင်းရင်းမြစ်များ

เพรโด่แนพู๊ เต๊เห่ 18:6

หม่าแน๊เรอ แกแยยิวพู๊ เต๊เห่ เคร๊ฉื่อ เป๊อเจ่ออิแช๊ คูเปาโล อาขว่าอาคยา, คูเปาโล ท๊อโพร๊ ตาแก เห่หมื่อ เด๊อ อา เห่อจาลู. อา ท๊อโพร๊ ตาแก เห่หมื่อ ฮู๊เออเนอหม่า อา เด๊อะโลเฮ๊อ เตม๊าเตแด เต๊อเจ่อ เด๊อ อู เคร๊ฉื่อ เหย่ซี ฮู๊เนอ. โทเร๊อ อา เฮ๊ฉื่อ เหย่ซี เน๊อ, “ซี เก่ โต่เด๊อ เตปย๊าเตหลู่ เฮ๊เนอหม่า ซีเร๊อซี หนิดื่อเฮ๊อ เตซื๊อเตปล๊า โอ่ปา เด๊อ แวลู โต่ เฮ๊อ. เป๊อแถ่ กู๊แหน่เออ ตาเป่แฮ เนอ, แว เก่ จว๊า แด๊โฉ่โด่แน เป่ดื่อเฮ๊อ เด๊อ แกแยยิวพู๊ หม่าโต่ เต๊เห่ อาเกลเฮ๊อ.”

เพรโด่แนพู๊ เต๊เห่ 13:51

ฮู๊เนอเรอ เพรโด่แนพู๊ เต๊เห่ โซตาแก เห่หมื่อ เด๊อ อา กู่ยาเล. เออ หม่า อา เด๊อะโลซิเงแก วีกู เบ๊อะเนอ เต๊เห่ เนอ เตม๊าเตแด เต๊อเจ่อ เฮ๊อ, เมเตเฮ๊เรอ เหย่ซี วีกู เต๊เห่เนอ, อา เคร๊ฉื่อ เหว่เถ่แก เหย่ซี, เร๊อ เหย่ซี เถ่จว๊าแก เด๊อ วีอิโคเนยูม.

ꤜꤢꤨꤊꤢ꤬ 9:5

อู เก่ เอ๊โมฉื่อ ซี โตโพ๋ โต่ เฮ๊เนอ, โซตาแก เห่หมื่อ เด๊อ ซี กู๊โด่ลู เนอเต๊เห่ เร๊อ เถ่จว๊าแก เด๊อ เมอเนอ ตีวี อากู นี๋. ซี เก่ เมฮู๊เนอ เฮ๊หม่า อาแซ่เน๊อ ซี เฮ๊โฉ่โทเฮ๊อ เตม๊าเตแด เต๊อเจ่อ เด๊อ จอแปแหร่ เก่ เด๊อะจาเหย่ซี ปา เนอเฮ๊อ.”

ꤗꤢ꤬ꤊꤢꤨ 6:11

ดอ ตอดอดอ เด๊อ อา เก่ ซิหยื่อ เอ๊ฉื่อ ซี โต่, โทเรอ อา เก่ หนิดา ซีโหง่ โต่ เฮ๊เรอ เบ๊อะซี เถ่จว๊าแก เบ๊อะเนอ, โซตาแก เห่หมื่อ เด๊อ ซี กู๊โด่ลู เนอเต๊เห่. ซี เก่ เมฮู๊เนอ เฮ๊หม่า อาแซ่เน๊อ ซี ข่าเด๊อะโล แกเออ เร๊อ เตม๊าเตแด เต๊อเจ่อ จอแปแหร่ อา เก่ เมจากาคยา เหย่ซี ปา.”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:8

ฮู๊เนอ อาขว่าอาคยา, แกแย เตเพรเพร เด๊อ อา เท๊ฉื่อ เตอิซว๊าอี๊แส่ เออเนอหมา, อา เท๊ฉื่อ แกแยเห่ขุพู๊ หม่าโต่. อา เท๊ฉื่อเฮ๊อ จอแปแหร่ เด๊อ อา เด๊อ ซี แหย่โยบูโพ๊ แบ่เจ่ เออเตเพร เนอเฮ๊อ.

ꤛꤥ꤭ꤟꤢ꤬ 13:20

แว เฮ๊จ๊อจ๊อ ซี, แกแย เตเพรเพร เด๊อ อา เอ๊โมฉื่อ แกแย เด๊อ แว นอแฮ อา เออเตเพร เนอหม่า, อา เอ๊โมฉื่อ เฮ๊อ แว เฮ๊อ. แกแย เตเพรเพร เด๊อ อา เอ๊โมฉื่อ แว เนอหม่า อา เอ๊โมฉื่อ เฮ๊อ เพร เด๊อ อา นอแฮ แวเออ เนอเตเพร เฮ๊อ.”

ꤗꤢ꤬ꤊꤢꤨ 9:37

“แกแย เด๊อ อา แม๊ แวเป๊เส่ เร๊อ อา เก่ เอ๊โมฉื่อ พู๊เจ่ฮู๊ แซ่เน๊อ เออเตเพร เตเพรเพรเนอ อา เอ๊โมฉื่อ เฮ๊อ แว เฮ๊อ โทเรอ แกแย เด๊อ อา เอ๊โมฉื่อ แว เตเพรเพรเนอ อาแซ่เน๊อ อา เอ๊โมฉื่อ เฮ๊อ เพร เด๊อ อา นอจว๊า แว เบ๊อะเออ เนอเตเพร เฮ๊อ.”

มัทธิว 18:5

“แกแย เด๊อ อา แม๊ แวเป๊เส่ เร๊อ อา เก่ เอ๊โมฉื่อ เป๊เจ่ฮู๊ แซ่ เร๊อ เออเตเพร เตเพรเพรเนอ, อา เอ๊โมฉื่อ เกอ เฮ๊อ แว เฮ๊อ.”

ꤜꤢꤨꤊꤢ꤬ 9:48

เร๊อ อา เฮ๊ เหย่ซี เน๊อ, “แกแย เด๊อ อา แม๊ แวเป๊เส่ เร๊อ อา เก่ เอ๊โมฉื่อ เป๊เจ่พู๊ แซ่เน๊อ เออเตเพร เตเพร เพรเนอ, อา เอ๊โมฉื่อ เฮ๊อ แว เฮ๊อ. เร๊อ แกแย เตเพร เพร เด๊อ อา เอ๊ฉื่อ แว เนอหม่า, อา เอ๊ฉื่อ เพร เด๊อ อา นอแฮแล แว เออเตเพรเนอ เฮ๊อ. เมเตเฮ๊เรอ, แกแย เด๊อ อา เตเนปีตี๊ แลปีเล๊อ อาเหน่ เด๊อ ซีเกล เตเพร เพร เนอหม่า, แกแย เด๊อ อา ทวาดุเล๊อ อู เฮ๊อ.”

มัทธิว 10:13

หี่เนอ เตเม เก่ อา โตเบ่ พย๊าหนิ เตเด๊อะบุ๊ยเด๊อะเตอเรอ เก่เฮ๊เรอ แด่โอ่แก ซี เตโมเตแร๊ อา เตเด๊อะบุ๊ยเด๊อะเตอเรอ เด๊อ เหย่ซี อาหี่กู เนอ. เก่ เหย่ซี เอ๊โมฉื่อแร๊ ซี โต่ เก่เฮ๊เรอ พย๊ากาคยา คยาแซ๊ ซี เตโมเตแร๊ เนอ นี๋.