มัทธิว 1:22 - ลีเทส่อพ๊าอาเซ เร๊อ เห่ขุทวาลู๊

²² ล๋อ เตเออ เต๊เห่ เก่ เมเล๊อเมบาแถ่ จอแปแหร่ เฮ๊หนื่ออื่อ เพรโพร เตเพร เฮ๊ เน๊อ,

Eastern Kayah Shadaw Dialect

²² ꤜꤢꤪ꤭ ꤒꤢꤩ꤬ꤣꤧ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤗꤢꤩ꤬ꤜꤣꤗꤢꤩ꤬ꤙꤢ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤥ꤬ꤔꤢꤩ꤬ ꤖꤚꤢꤩ꤬ꤖꤚꤥ꤬ ꤒꤣ꤬ꤖꤚꤢꤩ꤬ ꤟꤢꤩ ꤔꤢꤧ,

มัทธิว 1:22 ပူးပေါင်းရင်းမြစ်များ

ꤜꤢꤨꤊꤢ꤬ 24:44

โทเรอ อา เฮ๊ เป่ เหย่ซี เน๊อ, “เบ๊อะแว โอ่เกอปา เร๊อ ซี เบ๊อะเนอ, ล๋อ อู ราโอ่ โทเฮ๊อ แวหรี่แวแก เด๊อ คูโมเสส อาลีกู เนอเต๊เห่ เบ่เบ่, เพรโพร ราโอ่แก เนอเต๊เห่ เบ่เบ่, เด๊อ ลีถู่เซ๊แถ่ อากู เนอเต๊เห่ เบ่เบ่, อา เบ่ เล๊อบาแถ่ ลอปลี ปว๋า เต๊อเจ่อ ปาเนอ, แว แด๊โฉ่โล เป่ โทลอเฮ๊อ ซี เฮ๊อ.”

มัทธิว 2:23

เหย่ซี กาโอ่ เกอเร๊อ วีเนอ เตอวี หม่า อู เอ๊ เร๊อ วีนาซาเร็ธ. เออ หม่า อา เมเล๊อเมบาแถ่ เฮ๊อ เพรโพร เต๊เห่ เฮ๊หนื่ออื่อ เน๊อ, “อู เก่ เอ๊ ลู เน๊อ วีนาซาเร็ธพู๊ ปา,” เนอเฮ๊อ.

เพรโด่แนพู๊ เต๊เห่ 3:18

จอแปแหร่ เฮ๊หนื่ออื่อโทลอเฮ๊อ อาโหง่ เน๊อ เพรโพร เต๊เห่ ล๋อ ปลี เฮ๊อ. เร๊อ อา เฮ๊หนื่ออื่อ เป่ เหย่ซี เน๊อ ครี๊ เบ่ ข่าเซอแหน่ เตจาเตจือ ปา. เร๊อ อา เล๊อแถ่บาแถ่ เฮ๊อ ฮู๊ อา เฮ๊ เออเนอ เฮ๊อ.

ꤛꤥ꤭ꤟꤢ꤬ 18:9

เตเฮ๊เบ่ เออตือมือเนอ, อา เม เล๊อบาแถ่ โหง่ เด๊อ อา เฮ๊โทเฮ๊อ เน๊อ, “แกแย เด๊อ เน เด๊อะ แว เต๊เห่เนอ, อา โอ่เหม่แกน๊อ เตเพร่ว โต่,” เออเนอเฮ๊อ.

มัทธิว 13:35

เมฮู๊เนอเรอ เออ หม่า อา แฮโต ฮู๊ จอแปแหร่ เฮ๊หนื่ออื่อ เพรโพร เร๊อ อา เฮ๊ เน๊อ, “แว เก่ เฮ๊เบ่ อู เร๊อ โหง่ค๊าโข่ เต๊เห่ ปา, แว เก่ แด๊โฉ่โล เป่ เหย่ซี เร๊อ เต เด๊อ อู ด๊อโอ๊ด๊อบี๊ อา เด๊อ เห่ขุ ทวาลู่ปา เนอเต๊เห่ ปา.”

ꤛꤥ꤭ꤟꤢ꤬ 17:12

เบ๊อะแว โอ่เต่อเกอ เร๊อ เหย่ซี เบ๊อะเนอ, แว ตอกอเตเกบี๊ เกอเร๊อ เหย่ซี เฮ๊อ, แว โอ่ป่อ แม๊ตู่หนิ เหย่ซี เร๊อ มุย เด๊อ เน เด๊อะ แว เนอ เฮ๊อ. อา โอ่เหม่แก เร๊อ เตเพร่ว โต่. แซ่ฮู๊ ลีเทส่อพ๊า เก่ เล๊อบาแฮ อาเงเนอ, อา โอ่เหม่แก ตือแพ๊ แกแย เนอเตเพร เด๊อ อู แด่ หนื่ออื่อ แหน่เฮ๊อ อา เด๊อ อา เก่ ปย๊าแหน่ ปา เนอเตเพร ตื้อดื่อ แพ๊.”

ꤛꤥ꤭ꤟꤢ꤬ 15:25

หม่าแน๊เรอ เออเนอหม่า, เหย่ซี เมเล๊อเมบาแถ่ เป่เฮ๊อ ฮู๊ ลีเทส่อพ๊า เฮ๊โอ่ โทเฮ๊อ เน๊อ, ‘แว เม ซิเถ่ซิฮาน๊อ เหย่ซี เน๊อ แวเหน่ เตอเจ๋อ โต่ ตื๊อดื่อเรอ เหย่ซี ซิเถ่ แว.’

ꤛꤥ꤭ꤟꤢ꤬ 10:35

จอแปแหร่ อาลาอาโหง่ เนอหม่า อาโตอาเบ่ ตูจูเพร เจ๊อ. อู ถู่แหล่ เต๊เปล่ แจ่ ลู เตเพร่ว โต่.

มัทธิว 13:21

หม่าแน๊เรอ อา หยื่อเอ่ แลแค เตอเปลอฮู๊ แพ๊, เมเตเฮ๊เรอ จอแปแหร่ อาลาอาโหง่ เนอ, อา โน โอ่หม่าโอ่กลอ เด๊อ เหย่ซี ซิปล่อกู โต่. เด๊อ อา หยื่อเอ่ จอแปแหร่ อาลาอาโหง่ เออ อาขว่าอาคยา, อา ข่าเบ่ เตแป่เตเช, เตเมจาเมจือ เร๊อ อา วีแก คยาแซ๊ อา เตหยื่อเตแหน่.

มัทธิว 12:17

เต เด๊อ จอแปแหร่ เมฮู๊เนอ อาโต จว๊าโตโคร ฮู๊ เพรโพร อิสยาห์ เฮ๊หนื่ออื่อ เน๊อ,

มัทธิว 2:15

อา จว๊าโอ่ เบ๊อะเนอ โต่เด๊อ คุ๊ยเฮโรด อาเซอ. เตทวาแถ่ อาเหน่ ฮู๊เออเนอหม่า อา เมเล๊อเมบาแถ่ แบ่เจ่ จอแปแหร่ นอ เฮ๊หนื่ออื่อแก อาเพรโพร คูโฮเชยา เน๊อ, “แว เอ๊เถ่กาแก แวพู๊ เด๊อ อียิปต์เก่.”

มัทธิว 8:17

เต เออเต๊เห่เนอ อา เมเล๊อะเมบาแถ่ เพรโพร อิสยาห์ อา เตเฮ๊หนื่ออื่อ เน๊อ, “อา พย๊าจว๊าแก เป เตชุ๊ยเตเช เต๊เห่.”

มัทธิว 5:17

“เตเนซื๊อ แต่ แลแค แว เน๊อ แว แฮเมปย๊า คูโมเสส อา เตซว๊าเตแส่ เร๊อ ลี เด๊อ เพรโพร ราแก เนอเต๊เห่ แต่เหม่ นี๋. แว แฮ เด๊อ แว เก่ แฮ เมปย๊าเมหลู่ เตเนอ เต๊เห่ หม่าโต่. แว แฮ เมเล๊อเมบา เป่ เต รา หนื่ออื่อ เออเต๊เห่ เนอแพ๊.

ꤜꤢꤨꤊꤢ꤬ 21:22

เมเตเฮ๊เรอ, ฮู๊ ลีเทส่อพ๊า ราหนื่ออื่อ เตแด๊เฮอ เจแม๊ อาม๊อเนอม๊อเซ เออเต๊เห่ อาหรี่อาแก เก่ เล๊อแถ่บาแถ่ ปา อาเง แพ๊.

เตเด๊อะโลแถ่ 17:17

เมเตเฮ๊เรอ แซ่ฮู๊ เหย่ซี เก่ เมเล๊อบาแถ่ จอแปแหร่ อา เตเตเนหนื่ออื่อ เออ อาเงเนอ, จอแปแหร่ ฉู่โน โทเฮ๊อ อา เตเตเนหนื่ออื่อ เออ เด๊อ เหย่ซี ซิปล่อกู เร๊อ เหย่ซี เก่ ซิปล่อโอ่ เด๊อะตาแก อา เตอเรอฉว่าชอ เออเนอ เร๊อ เตมีเตแหม่ เด๊อ อา เก่ เป๊อ โต่เด๊อ จอแปแหร่ อาลาอาโหง่ เล๊อแถ่บาแถ่ เฮ๊อ ปาเนอ.

ꤚꤥꤗꤢꤩ꤬ 1:2

เตซิครือมีลา เออเนอ, จอแปแหร่ อ๊อแล หนื่ออื่อ อางย๊าลาเฮ๊อ อาโหง่ มู๋ หนู่เค เร๊อ อาเพรโพร เต๊เห่ ฮู๊ อา ราหนื่ออื่อ โทเฮ๊อ เด๊อ ลีเทส่อพ๊า อากูเนอ.