มัทธิว 1:1 - ลีเทส่อพ๊าอาเซ เร๊อ เห่ขุทวาลู๊

¹ ลีเออหม่า อา ราม๊าราแด เหย่ซู่ครี๊ อากลุยอาแล เด๊อ อา จิจือตา แฮเง ลู เต๊เห่ อาหรี่อาแก. อา หม่า อากลุยอาแล จิจือตาแล เด๊อ คุ๊ยดาวิด เร๊อ เพอับราฮัม.

Eastern Kayah Shadaw Dialect

¹ ꤜꤤ꤬ꤣꤧ꤭ꤗꤢ꤬ ꤢ꤬ ꤚꤢ꤭ꤗꤢꤚꤢ꤭ꤒꤢꤩ꤭ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤘꤣ ꤢ꤬ ꤡ꤫ꤢꤩ꤬ꤡꤢꤦ꤭ꤒꤢ꤭ ꤘꤤ꤭ꤒ꤫ꤢꤦ꤬ ꤜꤢꤨ꤭ ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤢ꤬ ꤗꤢ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤡ꤫ꤢꤩ꤬ꤡꤢꤦ꤭ꤒꤢ꤭ ꤘꤣ ꤋꤝꤤꤘꤢ꤬ꤠꤤ꤬ ꤔꤢꤧ ꤖꤢꤩ꤭ꤢ꤬ꤙꤚꤢ꤬ꤟꤢ꤬꤯

มัทธิว 1:1 ပူးပေါင်းရင်းမြစ်များ

เห่ขุทวาลู่ 12:3

แว เก่ เด๊อะบุ๊ยเด๊อะเตอเรอ แกแย เด๊อ อา เด๊อะบุ๊ยเด๊อะเตอเรอ เน เนอเต๊เห่ ปา. แว เก่ อิชอฮา แกแย เด๊อ อา อิชอฮา เน เนอเต๊เห่ ปา. โทเร๊อ แกแย ล๋อ ปลี โอ่ เด๊อ เห่ขุ เออเต๊เห่เนอ, แว เก่ เด๊อะบุ๊ยเด๊อะเตอเรอ แฮเง เหย่ซี เน๊อ เน ปา.”

เห่ขุทวาลู่ 2:4

เตหรี่เตแก เออเต๊เห่ เนอหม่า หม่าเฮ๊อ เบ๊อะ จอแปแหร่ดุ แบ๊แลเตแล ม๊อขุ เน๊อ เห่ขุ เบ๊อะเนอ เต๊เห่ อาหรี่อาแก เฮ๊อ. เบ๊อะ แบ่เจ่ จอแปแหร่ ตูจูเพร แบ๊ตา เห่ขุ เน๊อ ม๊อขุ เต๊เห่ เบ๊อะเนอ,

เห่ขุทวาลู่ 22:18

เน หนิดา แวโหง่ อาขว่าอาคยา, ล๋อ เมวเจ่อ เด๊อ เห่ขุ เออเต๊เห่ อา เก่ พย๊าหนิ แฮเง เตเด๊อะบุ๊ยเด๊อะเตอเรอ เด๊อ เนกลุยเนลุ๊ย อาขว่าอาคยา ปา.’”

เห่ขุทวาลู่ 5:1

ลี เออหม่า เตราม๊าราแด หนิ เพอาดาม อากลุยอาแล ตากาแล ซีเต๊เห่ อาหรี่อาแก. เบ๊อะ จอแปแหร่ดุ แบ๊ แกแย เห่ขุพู๊ เบ๊อะเนอ, อา แบ๊ เหย่ซี แซ่เจ๊อเน๊อ อาเหน่ เจ๊อ.

มัทธิว 1:18

เหย่ซู่ครี๊ เนอ อา ตาแล โอ่เป๊เจ่แล ฮู๊เต เฮ๊เนอหม่า, คูโยเซฟ เนอ อา แฮ แด๊เฮอ เด๊อะม๊า โทเฮ๊อ เหย่ซู่ครี๊ อาโหมะ มารีย์ เด๊อ อา เก่ พย๊า ลู. หม่าแน๊เรอ เบ๊อะอา พย๊า แต่ล๋าย ลู โต่ เบ๊อะเนอ, จอแปแหร่ เด๊อะโหมะดอแถ่ ลู เร๊อ แหย่โยบู๊โพ๊ แบ่เจ่.

มัทธิว 1:2

เพอับราฮัม อาพู๊ตา แฮเง คูอิสอัค, คูอิสอัค อาพู๊ตา แฮเง คูยาโคบ, คูยาโคบ อาพู๊ตา แฮเง คูยูดาห์ เร๊อ อาโป่อาแหม่ เต๊เห่.

มัทธิว 15:22

เร๊อ คานาอัน เมวเจอะโหมะ เด๊อ อา โอ่ เด๊อ เก่เบ๊อะเนอ เตเพร แฮ เด๊อ แบ่เจ่ เหย่ซู่ อา โอ่ เร๊อ อา แฮ เอ๊โท กุย ซิยอ แถ่ ลู เน๊อ, “เก๋อ แบ่เจ่, คุ๊ยดาวิด อาพู๊คู๋, ซิยอ เร๊อ แว นี๋, โลเน๊ เมเบ่ แวพู๊เหมาะ เร๊อ อา เมหน่า แหน่เจ๊อ.”

มัทธิว 3:16

เบ๊อะเหย่ซู่ เจโท อาเหน่ เร๊อ เทอ เร๊อ อา งอก๊อถ่อ เด๊อ เทอขุขุ เน๊อ ม๊อขุ ลูโมแอ. เร๊อ อา แม๊เถอะ จอแปแหร่ อา แหย่โยบูโพ๊ แฮตา โอ่เด๊อ ลูเหน่ลู แซ่เน๊อ ถู่หลุ่ย เนอ.

มัทธิว 9:27

เบ๊อะแบ่เจ่ เหย่ซู่ เถ่จว๊าแก เบ๊อะเนอ โต๊โผ่ เบ๊อะเนอ, แกแย เป๊เส่คี๊ ซิเนอ ครวา เอ๊โท เกอ ลู เน๊อ, “เก๋อ เพดาวิด อาพู๊, ซิยอ เร๊อ เมจว่า เกอ เป นี๋.”

ꤜꤢꤨꤊꤢ꤬ 1:33

อา เก่ ทวาแถ่ อิสราเอล เต๊เห่ อาจ๊อแผ่ ปว๊าตือทือ ปว๊าเต๊เปล่ ปา เร๊อ อาเทออาเก่ เนอ อาตื๊อดื่อ เป่ แจ่ ปา เจ๊อ โต่.”

ꤛꤥ꤭ꤟꤢ꤬ 7:42

ลีเทส่อพ๊า เฮ๊ เนอ, เมสิยาห์ หม่าเฮ๊อ เพรเมแลเปล๊กาเก่ แฮ โอ่แถ่ เด๊อ คุ๊ยดาวิด อากลุย อาแล ปา, อา เก่ แฮโอ่เป๊เจ่แล เด๊อ คุ๊ยดาวิด โอ่ เกอเร๊อ วีเบธเลเฮม อากูเนอ ปา, แวเฮ๊โต่?” อา เฮ๊ แลแค ฮู๊เนอ.

เพรโด่แนพู๊ เต๊เห่ 2:30

โพดาวิด หม่า เพรโพร เตเพร. จอแปแหร่ อ๊อแล โทเฮ๊อ ลู เน๊อ เด๊อ อากลุยอาแล อาเกล เตเพรเนอ, จอแปแหร่ เก่ นอทวาแถ่ ลู เน๊อ คุ๊ย เด๊อ อากู๊เหล่ เออเนอ ปาเนอ, อา ซิเง แพ๊.

ꤚꤥꤗꤢꤩ꤬ 1:3

เตซิครือมีลา เออเนอหมา อา หม่าเฮ๊อ อาพู๊คู หม่าดื่อ เป แบ่เจ่ เหย่ซู่ครี๊ เออ อาหรี่อาแก เด๊อ อา แฮแล กลว่าอาเหน่ ฮู๊ แกแย เออเนอ เตเพร เฮ๊อ. เร๊อ อา แฮ โอ่เป๊เจ่แล เด๊อ คุ๊ย ดาวิด อากลุยอาแล อากู เออเนอ เตเพร เฮ๊อ.

ꤚꤥꤗꤢꤩ꤬ 4:13

จอแปแหร่ อ๊อแล เพอับราฮัม เร๊อ อากลุยอาแล เต๊เห่ เด๋อ เนอเค เน๊อ, เห่ขุ เออต๊าบ่าลอ, อา เก่ ทวาแถ่ เหย่ซีเต ปา. หม่าแน๊เรอ เด๊อ เหย่ซี จูเอ่ ลือครวา เมเกอ เตซว๊าเตแส่ อาคยา เร๊อ, อา เก่ ทวาแถ่ เหย่ซีเต ปา, อา อ๊อแล ลู ฮู๊เนอ หม่าโต่. จอแปแหร่ แด่จ๊อแด่เต เหย่ซี เร๊อ อา เตหยื่อเตแหน่ อาขว่าอาคยา, อา อ๊อแล เร๊อ อา เก่ เด๊อ เหย่ซี ปา แพ๊.

ꤚꤥꤗꤢꤩ꤬ 9:5

เหย่ซี เพอโพ กลุยแล หม่า ฮีบรู อากลุยอาแล เด๊อ อามีลาดุ มู๋ หนู่เค เต๊เห่. เบ๊อะครี๊ แฮแล โอ่เป๊เจ่ ฮู๊ แกแย เห่ขุพู๊ เบ๊อะเนอ, อา แฮโอ่ เด๊อ เหย่ซี อากลุยอาแล อากู. อา หม่า จอแปแหร่ เด๊อ อา เป๊อตี๊หรี่เต ล๋อ ปลี เตเพร, เร๊อ อู เก่ ถู่เซ๊แถ่ดื่อ อา ตูจูเพร แตแลเคร๊ นี๋. อาเม.

ꤊꤢ꤬ꤜꤢ꤬ꤒꤤ 3:16

ฮู๊เนอเฮ๊อ จอแปแหร่ เด๊อะตา อา เตอ๊อแล เน๊อ เพ อับราฮัม เร๊อ อากลุยอาลุ๊ย อาเกล เตเพร แพ๊. “เด๊อ อากลุยอาลุ๊ย เต๊เห่,” จอแปแหร่ เฮ๊ ฮู๊เนอ หม่าโต่. อาโหง่แลช๊า หม่า แกแย โอ่ เอ๊ หม่าโต่. อา เฮ๊ ดื่อเน๊อ, “เด๊อ เนกลุยเนลุ๊ย อาเกลเตเพร,” อา เฮ๊ ฮู๊เนอ ขว่าคยา, อาโหง่แลช๊า หม่า อา เฮ๊โล แพ๊ ตื๊อ เตเพร แพ๊. อา ซิหยื่อ เฮ๊ เออเนอหมา ครี๊ เออเนอ เฮ๊อ.

ทิโมธี อาเหร่อเล๊อ ต๊าบ่า 2:5

เมเตเฮ๊เรอ จอแปแหร่ โอ่ตื๊อ เตเพรเพร่ว แพ๊. โทเรอ แกแย เด๊อ อา เมเปเมดวา เป่ คยาแซ๊ จอแปแหร่ เร๊อ แกแยเห่ขุฮู๊เนอ อา โอ่ เตเพร. อา หม่า แกแย เหย่ซู่ครี๊ เออเนอเฮ๊อ.

ทิโมธี เนอบ่า ต๊าบ่า 2:8

ซิเหน่แถ่ แลแค เหย่ซู่ครี๊ เด๊อ จอแปแหร่ เมเซอเพร กาคยา อา เด๊อ เตเซอ เออเนอ เตเพร. อา หม่า หม่าเฮ๊อ ดาวิด อากลุยอาแล เฮ๊อ. เตซิครือมีลา เด๊อ แว แด๊โฉ่โด่แน เป่ ซี เออเนอหมา เหย่ซู่ เออ อาหรี่อาแก เฮ๊อ.

เตเด๊อะโลแถ่ 22:16

“แว หม่า เหย่ซู่. แซ่ฮู๊ แว เก่ แด๊โฉ่ โลเป่ เพรหยื่อเอ่ตู๊หมู่ตอกล๊อ เต๊เห่ เร๊อ เตหรี่เตแก เออเต๊เห่ อาเงเนอ, แว ซูแล เป่ ซี แว เตเน่วพู๊ เฮ๊อ. แว โป่แว กลุยแล หม่า หม่าเฮ๊อ คูดาวิด อากลุยอาแล กาแล เนอ โต๊โหมะเต๊อเจ่อเฮ๊อ. แว หม่า เฉ่ต่อโหร่ เด๊อ อา ลีเตเคโรโซ เนอเตเม เฮ๊อ.”