ꤜꤢꤨꤊꤢ꤬ 9:22 - ลีเทส่อพ๊าอาเซ เร๊อ เห่ขุทวาลู๊

²² โทเร๊อ อา เฮ๊ เป่ โป่ เหย่ซี เน๊อ, “แกแยพู๊คู หม่า แวเออ, อา เบ่ ข่าเบ่ แหน่ เตจาเตจือ ปว๊าเต๊อเจ่อ ปา, เร๊อ ยิวตู๊หมู่ตอกล๊อ อากู่กล๊อ เต๊เห่ เร๊อ เพรหลู่แต ทวาดุทวาเต เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ อา จู แว โต่, อา เก่ ซ๊อต๊าหน่า แก แว ปา. อู เมเซอแก แว ปา เร๊อ โซเนอ เตอเนอ ปาเนอ จอแปแหร่ เก่ เมเซอเพร กาคยา คยาแซ๊ แว ปา.”

Eastern Kayah Shadaw Dialect

²² ꤓꤥ꤭ꤚꤣꤧ꤬ ꤢ꤬ ꤟꤢꤩ ꤕ꤫ꤥ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ, “ꤖꤚꤢꤩ꤬ꤜꤢꤨ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ ꤠꤢꤧ꤭ꤣꤧ꤭, ꤢ꤬ ꤙꤢꤩ꤬ ꤋꤢꤧꤙꤢꤩ꤬ ꤔꤢꤧ꤭ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤢꤩꤗꤤ꤭ꤢꤩꤡꤣ꤬ ꤕꤢ꤭, ꤚꤣꤧ꤬ ꤛꤢꤨꤘꤢ꤬ꤖꤢꤨ ꤢ꤬ꤕꤜꤢꤪꤢ꤬ꤗꤢꤨ꤬ ꤢ꤬ꤊꤢꤨ꤬ꤊꤜꤢꤪ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤤ꤬ꤞꤝꤢ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤞꤢꤚꤢ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤡꤢꤨ꤭ ꤠꤢꤧ꤭ ꤒꤥ꤬, ꤢ꤬ ꤊ꤫ꤢꤦ꤬ ꤞꤢꤪꤒꤣꤧ꤬ꤔ꤫ꤢ꤬ꤊꤢꤧ꤭ ꤠꤢꤧ꤭ ꤕꤢ꤭꤯ ꤢꤨ꤭ ꤗꤢꤩ꤬ꤞꤣꤧ꤭ꤊꤢꤧ꤭ ꤠꤢꤧ꤭ ꤕꤢ꤭ ꤚꤣꤧ꤬ ꤞꤥ꤭ꤔꤣꤧ꤭ꤒꤣ꤬ꤔꤣꤧ꤭ ꤕꤢ꤭ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤠꤢꤧ꤭ ꤕꤢ꤭꤯”

ꤜꤢꤨꤊꤢ꤬ 9:22 ပူးပေါင်းရင်းမြစ်များ

ꤜꤢꤨꤊꤢ꤬ 24:7

‘แกแย อาพู๊ หม่าเฮ๊อ แวเออ, อู เก่ เด๊อะตาแก แว เด๊อ แกแย เตซื๊อพู๊ เต๊เห่ อา กู๊ยากู ปา. อู เก่ มือเซอแถ่ แว เด๊อ อี๊ถื่อดีเต่ โล ปา, เร๊อ เบ๊อะโซเนอ เตอเนอ ปาเนอ, แว เก่ ก๊อถ่อ เซอเพร กาคยา คยาแซ๊ ปา.’”

ꤜꤢꤨꤊꤢ꤬ 9:44

“หนิดา ตาเต แลแค โหง่ เด๊อ แว เก่ แด๊โฉ่โล เป่ ซี กู๊แหน่ เออเต๊เห่ นี๋. แกแยพู๊คู หม่าเฮ๊อ แวเออ, อู เก่ อิเช ตาแก อา เด๊อ แกแย อา กู๊ยากู ปา.”

เปโตร อาเหร่อเล๊อ ต๊าบ่า 1:11

ครี๊ อา แหย่โยบูโพ๊ โอ่ เด๊อ เพรโพร เต๊เห่ อา ซิปล่อกู เร๊อ อา เฮ๊หนื่ออื่อ เร๊อ ครี๊ อาหรี่อาแก เร๊อ อา เก่ ข่าเบ่เหร่อ เตจาเตจือ เต๊เห่ ปา. โทเร๊อ เตเตอเรอดุเตอเรอทู เต๊เห่ เก่ แฮเนอ เด๊อ คยา ปา, เหย่ซี แม๊ปู ซิเง แลแค เร๊อ ม๊อเนอ ตาโต ตาเบ่ เก่ เบ่ เบ๊อะเกเต ปา, โทเร๊อ อา เก่ เม อาเหน่ ฮู๊เต ปา ฮู๊เนอ.

ꤗꤢ꤬ꤊꤢꤨ 9:31

เมเตเฮ๊เรอ อา อิซว๊าอี๊แส่ อา โคเจ่ เต๊เห่ เร๊อ อา เฮ๊ เหย่ซี เน๊อ, “แกแยพู๊คู หม่าเฮ๊อ แวเออ, อู เก่ อิเช ตาแก อา เด๊อ แกแย อา กู๊ยากู ปา เร๊อ เหย่ซี เก่ เมเซอ แว ปา. แว เซอโท โซเนอ ปา เนอ, แว เก่ เซอเพร กาคยา คยาแซ๊ ปา.”

ꤗꤢ꤬ꤊꤢꤨ 8:31

เร๊อ เหย่ซู่ เป๊อแถ่ อิซว๊า อา โคเจ่ เต๊เห่ เน๊อ, “แว หม่า แกแยพู๊คู เร๊อ แว โตเบ่ ข่าเบ่ เอ๊แหน่เจ๊อ เตจาเตจือ ปา. เร๊อ แกแยยิวพู๊ ทวาดุทวาเตเนอ เต๊เห่, เพรหลู่แต ทวาดุทวาเต เต๊เห่. เร๊อ เพรอิซว๊า เตซว๊าเตแส่ อาซ๊าร๊า เต๊เห่ อาซ๊อต๊าหน่า ซ๊อตาพาแก แว ปา. เร๊อ เหย่ซี เก่ เมเซอแก แว ปา. เร๊อ แว เซอโทปา เร๊อ โซเนอ ปาเนอ, แว เก่ เซอ เพร กาคยา คยาแซ๊ เด๊อ เตเซอ ปา.”

มัทธิว 17:12

หม่าแน๊เรอ แว เฮ๊ ซี, เพรโพร เอลียาห์ แฮ โทเฮ๊อ หม่าแน๊เรอ เหย่ซี ซิเง ลู โต่, เร๊อ แกแย เต๊เห่ เม ลู จู๋ เหย่ซี ซิปล่อ ซิหยื่อ เม ลู เนอแพ๊. แซ่ฮู๊เนอเฮ๊อ, เหย่ซี เก่ เม จาเมจือ แกแยพู๊คู เออ เตเพรปา.”

โครินธ์ อาเหร่อเล๊อ ต๊าบ่า 15:4

โท๊โต่ ลีเทส่อพ๊ากู เฮ๊ โป่ เนอ, อู โล๊โท ครี๊ เร๊อ โซเนอ เตอเนอเนอ อา ก๊อถ่อเซอเพร กาคยา เด๊อ เตเซอ.

ꤜꤢꤨꤊꤢ꤬ 24:26

ครี๊หม่า อาโตเบ่ ข่า เตจาเตจือ เออเต๊เห่, โทเรอ อา เก่ จว๊าโน เด๊อ อา เตเตอเรอดุ เตอเรอทู อากู ปา หม่าโต่ แอ?”

มัทธิว 17:22

เบ๊อะเหย่ซี จว๊า แม๊เถอะ ตาฉื่อ โอ่ปล๊อลอ ลู เด๊อ กาลิลีเก่ เบ๊อะเนอ, แบ่เจ่ เหย่ซู่ แด๊โฉ่โล เป่ เหย่ซี เน๊อ, “แกแยเห่ขุ อาพู๊คู หม่าเฮ๊อ แวเออ, อู เก่ อิเช ตาแก อา เด๊อ แกแยเห่ขุพู๊ อา กู๊ยากู ปา.

เห่ขุทวาลู่ 3:15

แว นอ ทวาแถ่ เนเออ เน๊อ เพรเหมาะ เออเตเพร เก่ ซิเถ่ซิฮา ลู ปา, เนกลุยเนลุ๊ย เน๊อ เพรเหมาะ อากลุยอาลุ๊ย เก่ ช๊า ลู ปา, เร๊อ เพรเหมาะ อากลุยอาลุ๊ย เก่ หยิหมื่อ เนกู่กล๊อ ปา, เร๊อ เน เก่ อ่าติ เพรเหมาะ อากลุยอาลุ๊ย เพรคู เนอเตเพร อากู๊โหน่แก ปา.”

มัทธิว 27:63

เร๊อ เหย่ซี จว๊า เฮ๊ ลู เน๊อ, “คุ๊ย, เป เตเนหม่า ปา เร๊อ เบ๊อะเพแลโฮดุ เนอเตเพร โอ่เซอ เพรปา เบ๊อะเนอ, อา เฮ๊ เน๊อ, ‘โซเนอโทปา เนอ, แว เก่ ก๊อถ่อเซอเพร กาคยา ปา,’ อาเฮ๊ฮู๊เนอ.

ꤜꤢꤨꤊꤢ꤬ 17:25

หม่าแน๊เรอ แว เก๋ ข่าเบ่ เอ๊เล๊อ เหร่อ เจ๊อ เตจาเตจือ ปา, เร๊อ แกแย เออเตอทือ หยื่อเอ่ แว โต่.

ꤜꤢꤨꤊꤢ꤬ 24:44

โทเรอ อา เฮ๊ เป่ เหย่ซี เน๊อ, “เบ๊อะแว โอ่เกอปา เร๊อ ซี เบ๊อะเนอ, ล๋อ อู ราโอ่ โทเฮ๊อ แวหรี่แวแก เด๊อ คูโมเสส อาลีกู เนอเต๊เห่ เบ่เบ่, เพรโพร ราโอ่แก เนอเต๊เห่ เบ่เบ่, เด๊อ ลีถู่เซ๊แถ่ อากู เนอเต๊เห่ เบ่เบ่, อา เบ่ เล๊อบาแถ่ ลอปลี ปว๋า เต๊อเจ่อ ปาเนอ, แว แด๊โฉ่โล เป่ โทลอเฮ๊อ ซี เฮ๊อ.”