ꤜꤢꤨꤊꤢ꤬ 9:20 - ลีเทส่อพ๊าอาเซ เร๊อ เห่ขุทวาลู๊

²⁰ เร๊อ เหย่ซู่ แด๊เฮอ เหย่ซี, เร๊อ อา เฮ๊ เหย่ซี เน๊อ, “ซี เกอเล๊, ซี เฮ๊ แว เร๊อ อูเป?” เร๊อ คูเปโตร เฮ๊ฉื่อ ลู เน๊อ, “เน หม่า ครี๊ เด๊อ จอแปแหร่ นว๊าแถ่ อา เร๊อ อา เก่ เตเมแลเปล๊กา แกแยเห่ขุพู๊ เออเต๊เห่ เนอเตเพร เฮ๊อ.”

Eastern Kayah Shadaw Dialect

²⁰ ꤚꤣꤧ꤬ ꤛꤢꤩ꤬ꤏꤛꤢꤨ ꤘꤣꤧꤟꤣꤧ꤭ꤜꤢ꤭ꤒꤢꤩ꤬ ꤛꤢꤩ꤬ꤞꤤ꤭, ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤞꤤ꤭ ꤊꤣꤧ꤭ꤜꤢ꤭ꤒꤢꤩ꤬ꤜꤢꤩ꤭꤮, ꤞꤤ꤭ ꤟꤢꤩ ꤠꤢꤧ꤭ ꤔꤢꤧ ꤢꤨ꤭ꤕꤢꤩ꤭?” ꤚꤣꤧ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤔꤢꤧ꤬ ꤗꤢ꤬ ꤋꤚꤤ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤢ꤬ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤖꤚꤢꤩ꤬ꤜꤢꤨ꤬ꤟꤢꤩ꤬ꤋꤢꤨ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯”

ꤜꤢꤨꤊꤢ꤬ 9:20 ပူးပေါင်းရင်းမြစ်များ

ꤛꤥ꤭ꤟꤢ꤬ 7:41

เต๊เห่เห่ เร๊อ อา เฮ๊ เน๊อ, “เมสิยาห์ หม่าเฮ๊อ เพรเมแลเปล๊กา หม่าแหน่ เฮ๊อ,” หม่าแน๊เรอ เต๊เห่เห่เนอ อา เฮ๊ เน๊อ, “เมสิยาห์ หม่าเฮ๊อ เพรเมแลเปล๊กา โอ่ เด๊อ กาลิลีเก่ เร๊อ อา เก่ แฮ ปา หม่าโต่.

ꤛꤥ꤭ꤟꤢ꤬ 4:29

“แฮ แม๊เกอ แลแค มอ แว แกแย เตเพร เล๊! อา เฮ๊โพร ลอปลี เจ๊อ ล๊อ แว เมกาโทเฮ๊อ เนอเต๊เห่ เจ๊อ. อา หม่า ครี๊ เจ๊อ แอ?”

เพรโด่แนพู๊ เต๊เห่ 17:3

เร๊อ อา แด๊โฉ่ เป่ เหย่ซี เร๊อ อู ราหนื่ออื่อ ลีเทส่อพ๊า อาหรี่อาแก เนอเต๊เห่ เร๊อ อา ยูโลโปล เป่ อู เร๊อ ครี๊ อาหรี่อาแก. เร๊อ อา เฮ๊ เน๊อ, ครี๊ เด๊อ จอแปแหร่ นว๊าแถ่ อา เนอ เพรเมแลเปล๊กา อู เออเตเพร เนอหม่า อู เมจาเมจือ ลู โทปาเรอ อา เก่ ก๊อถ่อ เซอเพร กาคยา คยาแซ๊ เด๊อ เตเซอ เนอปา อา เฮ๊โฉ่โปล เป่ อู ฮู๊เนอ. เร๊อ อา เฮ๊ เน๊อ, “เหย่ซู่ เด๊อ แว แด๊โฉ่โล เป่ ซี กู๊แหน่เออ เตเพร เนอหม่า หม่าเฮ๊อ ครี๊ เด๊อ จอแปแหร่ นว๊าแถ่ ลู เด๊อ อา เก่ เมแลเปล๊ อู เออเนอ เตเพร เฮ๊อ.”

เพรโด่แนพู๊ เต๊เห่ 9:22

คูเซาโล อา เหล่แด๊โฉ่โด่แน เป่ อู เออเนอ, อา เตอเรอฉว่าชอ ดุแถ่ เร๊อ ดุแถ่ เจ๊อ เร๊อ อา ข่าเฮ๊โล ตาเต เป่ อู เร๊อ เหย่ซู่ หม่า ครี๊ หม่าแหน่ เจ๊อ เตเพร อาขว่าอาคยา, โต่ เจ๊อ เด๊อ แกแยยิวพู๊ โอ่ เบ๊อะวีดามัสกัส อากู เนอเต๊เห่ เฮ๊ฉื่อกาคยา แจ่ ปา เจ๊อ ลู เตอเจ๋อ โต่.

ꤛꤥ꤭ꤟꤢ꤬ 20:31

หม่าแน๊เรอ อู ราโอ่ ลี เออต๊าบ่า หม่า แซ่ฮู๊ ซี เก่ หยื่อเอ่ เร๊อ เหย่ซู่ หม่า เพรเมแลเปล๊กา เมสิยาห์, อา หม่า จอแปแหร่ อาพู๊คู เตเพร, เร๊อ เด๊อ ซี หยื่อเอ่ ลู อาขว่าอาคยา, เร๊อ ซี เก่ พย๊าหนิ ซิปล่อเซอเพร อาเงเนอ, อู รา เป่ ซี แพ๊.

ꤛꤥ꤭ꤟꤢ꤬ 11:27

“อ่อ, แว หยื่อเอ่ ว๊า, แบ่เจ่,” อา เฮ๊ฉื่อ ฮู๊เนอ. “แว หยื่อเอ่ หม่าแหน่ เจ๊อ เร๊อ เน หม่า เมสิยาห์ หม่าเฮ๊อ เพรเมแลเปล๊กา หม่าเฮ๊อ จอแปแหร่ อา พู๊เพรคู เด๊อ อา เตเร แฮ เด๊อ เห่ขุ เออเตเพร เนอเฮ๊อ.”

ꤛꤥ꤭ꤟꤢ꤬ 4:42

เหย่ซี เฮ๊ เพรเหมาะ เนอเตเพร เน๊อ, “เป หยื่อเอ่ เหย่ซู่ กู๊แหน่เออ เนอหม่า หม่าเด๊อ เน แด๊โฉ่ เป่ เป อาขว่าอาคยา เนอ หม่าโต่. เด๊อ เป หนิโฮ อา เตแด๊โฉ่โด่แน เร๊อ เปเหน่ โทเรอ เป ซิเง เร๊อ อา หม่า ครี๊ เด๊อ อา เมแลเปล๊กา เห่ขุพู๊ เออเนอ เตเพร หม่าแหน่ เฮ๊อ, อาขว่าอาคยา เนอแพ๊.”

ꤛꤥ꤭ꤟꤢ꤬ 1:49

คูนาธานาเอล เฮ๊ฉื่อ ลู เน๊อ, “รับบี เน หม่า จอแปแหร่ อาพู๊คู หม่าแหน่ เฮ๊อ, เน หม่า อิสราเอล อาคุ๊ยจ๊อแผ่ หม่าแหน่ เจ๊อ เฮ๊อ.”

ꤛꤥ꤭ꤟꤢ꤬ 1:41

อา จว๊า แม๊ปู เหร่อเล๊อ อาแหม่ คูซีโมน เร๊อ อา แด๊โฉ่ เป่ ลู เน๊อ, “เป แม๊เถอะเฮ๊อ เมสิยาห์ เฮ๊อ” (เมสิยาห์ อาโหง่แลช๊า หม่า ครี๊)

ꤗꤢ꤬ꤊꤢꤨ 8:29

เร๊อ อา แด๊เฮอ เหย่ซี เน๊อ, “ซี เกอเล๋ เออ, ซี เก่ เฮ๊ ลาติ แว เร๊อ อูเป?” คูเปโตร เฮ๊ฉื่อ อา เน๊อ, “เน หม่า เพรเมแลเปล๊กา อู เด๊อ จอแปแหร่ นว๊าเเถ่ อา เนอเตเพร เฮ๊อ.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:1

อูเป๋ เตเพร เบ่เบ่ อา เก่ หยื่อเอ่ เร๊อ เหย่ซู่ หม่า ครี๊ เฮ๊เนอ, อา ทวาเฮ๊อ จอแปแหร่ อาพู๊อาเลอ เตเพรเฮ๊อ, โท๊โต่ อูเป๋ เตเพร เบ่เบ่ อา เก่ โมเร๊อ เพ เนอหม่า, อา โมเร๊อ เกอดื่อเฮ๊อ อาพู๊อาเลอ เต๊เห่ เฮ๊อ.

เพรโด่แนพู๊ เต๊เห่ 8:36

เร๊อ เบ๊อะเหย่ซี เออซิเนอ จว๊า เป่แฮ โป่ เด๊อ เง เบ๊อะเนอ, เหย่ซี จว๊าโต่ เด๊อ เทอเหล่โอ่ โต๊โผ่. เออโตโพ๊เรอ แกแย ทวา กู่กล๊อ เออเตเพรเนอ อา เฮ๊ ลู เน๊อ, “เทอ โอ่ เบ๊อะเออ ว๊า! แว เก่ ซิหยื่อ เจ แวเหน่ เร๊อ เทอ เฮ๊เนอหม๋า เตเมดี๊แด ตาตือ แวแกล๊ โอ่ เต๊อเจ่อเจ่อ แอ?”

ꤜꤢꤨꤊꤢ꤬ 22:67

เร๊อ เหย่ซี เฮ๊ เน๊อ, “แด๊โฉ่ เป่แม๊ เป, เน หม่า ครี๊ เด๊อ จอแปแหร่ นว๊าแถ่ อา เด๊อ อา เก่ เมแลเปล๊กา แกแย เนอเตเพร เฮ๊อแอ?” เร๊อ อา เฮ๊ฉื่อ เหย่ซี เน๊อ, “แว เก๊ เฮ๊ เป่ ซี๋ หม่า ซี หยื่อเอ่ แหน่ เร๊อ แว โต่โต่.

ꤗꤢ꤬ꤊꤢꤨ 14:61

หม่าแน๊เรอ เหย่ซู่ โอ่แด๊ต๊ากลว่า เป อู แพ๊, อา เฮ๊เบ่ กาคยาฉื่อ อู ตือมื๋อ โต่. เร๊อ เพรหลู่แต กู่กล๊อดุเล๊อ เออเตเพร แด๊เฮอ โป่ คยาแซ๊ ลู เน๊อ, “เน หม่า จอแปแหร่ เด๊อ อู ถู่เซ๊แถ่หนิ ลู เออเตเพร อาพู๊เพรคู ครี๊ เด๊อ อา เมแลเปล๊ อู เนอ เตเพร แอ?”

มัทธิว 22:42

“ครี๊ เด๊อ อาเมแลเปล๊ กาอู เออเตเพร อาหรี่อาแก เนอ, ซี เตเน ลู ฮู๊เต? อากลุยอาแล ตากาแล เด๊อ อูเป โอ่เป?” เร๊อ เหย่ซี เฮ๊ฉื่อ เน๊อ, “คุ๊ยดาวิด อากลุยอาแล.”

มัทธิว 5:47

ซี เก่ เฮ๊โมเฮ๊แร๊ แพ๊ตื๊อ ซีโป่ซีแหม่ เก่เฮ๊เรอ, อา เหล่โค๊แต๊แกละ โต ฮู๊เต? แกแย เด๊อ อา หยื่อเอ่แหน่ เกอ อู จอแปแหร่ โต่ เต๊เห่ เร๊อ ฮู๊ ซี เมเน๋อ หม่า อา เมแจ่แพ๊ แวเฮ๊แต?

มัทธิว 26:63

หม่าแน๊เรอ อา แด๊ต๊ากลว่า แพ๊. เพรหลู่แต กู่กล๊อดุเล๊อ เนอเตเพร เฮ๊ เน๊อ, “แว แบ แวโหง่ เร๊อ จอแปแหร่ เด๊อ อา เซอเพร เออเตเพร เร๊อ แว เก่ แด๊เฮอ เน, เน หม่า เมสิยาห์ หม่าเฮ๊อ จอแปแหร่ อาพู๊ เนอเตเพร หม่าแหน่ ฮ๊อแอเนอ, เฮ๊เป่แม๊เป.”

ꤜꤢꤨꤊꤢ꤬ 9:19

เร๊อ เหย่ซี เฮ๊ฉื่อ เน๊อ, “เต๊เห่เห่เร๊อ อา เฮ๊ เน เน๊อ เพรเจเทอ คูยอห์น, เต๊เห่เห่ เกอ ลาติเรอ อา เฮ๊ เร๊อ เพรโพร เอลียาห์, เต๊เห่เห่เร๊อ อา เฮ๊ เร๊อ เพรโพร เด๋อ งย๊า เค เต๊เห่ อาเกล เตเพร๊เตเพร ก๊อถ่อเซอเพร กาคยา แพ๊,” อา เฮ๊ แลแค ฮู๊เนอ.