ꤜꤢꤨꤊꤢ꤬ 9:2 - ลีเทส่อพ๊าอาเซ เร๊อ เห่ขุทวาลู๊

² โทเร๊อ อา ปลวาจว๊าแก เหย่ซี เด๊อ อา เก่ จว๊า แด๊โฉ่โด่แน เป่ อู เร๊อ จอแปแหร่ อาเทออาเก่, เร๊อ อา เก่ แหย่โอ่เหม่ เป่ แกแยชุ๊ยแกแยเช เต๊เห่.

Eastern Kayah Shadaw Dialect

² ꤓꤥ꤭ꤚꤣꤧ꤬ ꤢ꤬ ꤕꤜꤝꤢ꤭ꤡꤝꤢ ꤛꤢꤩ꤬ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤡꤝꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬, ꤚꤣꤧ꤬ ꤢ꤬ ꤊ꤫ꤢꤦ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ꤏꤝꤤꤊꤣꤧ꤬ꤛꤢꤧ꤭ꤏꤢꤩ꤭ ꤒꤣꤧ꤬ꤟꤢꤩ꤬꤯

ꤜꤢꤨꤊꤢ꤬ 9:2 ပူးပေါင်းရင်းမြစ်များ

ꤜꤢꤨꤊꤢ꤬ 10:9

แหย่โอ่เหม่ เป่ แกแย เด๊อ อาชุ๊ยอาเช เบ๊อะวีเนอ ตีวี อากู เนอ. เร๊อ แด๊โฉ่ เป่ แกแย โอ่ เบ๊อะเนอ เต๊เห่ เน๊อ, ‘จอแปแหร่ เตเร เป๊อเทอเป๊อเก่ อาม๊อเนอม๊อเซ เนอ อา แฮโต่ผื่อ เฮ๊อ เร๊อ ซี เฮ๊อ.’

มัทธิว 3:2

เร๊อ อา เฮ๊ เน๊อ, “ถู่แหล่แต๊แกละ แลแค ซีซิปล่อ, เมเตเฮ๊เรอ ม๊อขุ อาเทออาเก่ ผื่อแถ่เฮ๊อ.”

ꤜꤢꤨꤊꤢ꤬ 9:11

เบ๊อะแกแย เบ๊หมู่ หนิโฮ เร๊อ แบ่เจ่ เหย่ซู่ เร๊อ อา โคเจ่ เต๊เห่ จว๊าเฮ๊อ เด๊อ เมอ เนอตีวี เบ๊อะเนอ, เหย่ซี ครวาจว๊าเกอ แลแค เบ๊อะเนอ เหย่ซู่ เอ๊โมฉื่อ เหย่ซี เร๊อ แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อา แหย่โอ่เหม่ เป่ แกแย เต๊เห่ อา เตชุ๊ยเตเช.

ꤗꤢ꤬ꤊꤢꤨ 6:12

อา โคเจ่ เต๊เห่ เถ่จว๊าเล แด๊โฉ่โด่แน เป่ แกแย เต๊เห่ เร๊อ อา โตเบ่ เมเต๊เปล่ แลแค อาซิปล่อ, อา เหล่ แด๊โฉ่ เป่ อู ฮู๊เนอ.

มัทธิว 24:14

โทเรอ ม๊อขุ อาเทอ อาเก่ อา เตซิครือซิลอมีลา เออเนอ, อู เก่ แด๊โฉ่โด่แน หนิโฮ เป่ลอ แกแย โอ่ เด๊อ เห่ขุเออ ต๊าบ่า ลอ ปา, เทอเก่ ปว๊าเต๊เก่ อา หนิโฮน๊อ ลอโทเฮ๊อ เตข่าเฮ๊โล ปา ตื๊อหม่า เห่ขุเออ เก่ ตื๊อดื่อแก โหน่ แพ๊.”

มัทธิว 13:19

เบ๊อะแกแย เตเพรเพร หนิโฮโปล จอแปแหร่ อาเทออาเก่ เตหรี่เตแก เร๊อ อา ซิเงโปล โต่ เนอหม่า, อาแซ่เน๊อ เตกลุย ลูตา เด๊อ แกล๊เดกู เร๊อ โลเน๊มู๊แหม่รีแจ่ กู่กล๊อ แฮพย๊า ตาพาแก เตกลุย เด๊อ อู เว๊อตา เด๊อ เหย่ซี ซิปล่อกู เนอเต๊เห่.

ꤜꤢꤨꤊꤢ꤬ 16:16

“คูโมเสส เตซว๊าเตแส่ เด๊อ เพรโพร อา เตราแก เต๊เห่เนอ, อู แด๊โฉ่โด่แน โต่ ตื๊อดื่อ อา เบ๊อะเจเทอ คูยอห์น อา ทือเค เนอแพ๊. เด๊อคยาเออ แว แด๊โฉ่โด่แน เป่ อู เร๊อ จอแปแหร่ เทอเลเก่กู เตซิครือมีลา อาหรี่อาแก เร๊อ อู แอ๊จื๊อ โนเผ่ ลอ เจ๊อ ลู ปว๋า เตเพร เจ๊อ.

ꤜꤢꤨꤊꤢ꤬ 10:11

‘ซี วีกู เห่หมื่อ เด๊อ อา แบ๊หม่า เป กู๊ยาเล เออเต๊เห่เนอ, เป โซตาแก เป่เฮ๊อ ซี เฮ๊อ. เป ซิหยื่อ นอซิเง ซี เร๊อ เป แด่แกเฮ๊อ ซี เฮ๊อ. หม่าแน๊เรอ เตเนหม่า แลแค เร๊อ จอแปแหร่ เตเร เป๊อเทอเป๊อเก่ อาม๊อเนอม๊อเซ เนอ อา แฮโต่ผื่อ เฮ๊อ.’

ꤗꤢ꤬ꤊꤢꤨ 16:15

เร๊อ อา เฮ๊ เหย่ซี เน๊อ, “จว๊าปีชีลอ เด๊อเห่ขุต๊าบ่าลอ เร๊อ จว๊าเล แด๊โฉ่โด่แน เป่ ลอ อู ปว๋า เตเพร เร๊อ เตซิครือซิลอมีลา เออเนอ นี๋.

ꤜꤢꤨꤊꤢ꤬ 10:1

โทเร๊อ แบ่เจ่ เหย่ซู่ นว๊าแถ่ โอ่โหร่เอ๊ โป่ เฮ๊อ อา โคเจ่ เด๊อ อาโร โซซว๊าเตอเชอ เร๊อ ซิเนอ เร๊อ อา นอจว๊า เหย่ซี โต๊โผ่ เร๊อ ซิเนอ. เร๊อ อา นอ จว๊า เหร่อ ลอ เหย่ซี เด๊อ ดอ ปว๊าตอดอ อากู, วี ปว๊าตีวี อากู เร๊อ เหล่โอ่ ปว๋า โต๊โผ่ เบ๊อะเหล่โอ่ เด๊อ แบ่เจ่ เตเร จว๊า เออเนอ เต๊เห่.

มัทธิว 10:5

เบ๊อะแบ่เจ่ เหย่ซู่ นอจว๊า อา โคเจ่ เช๊อซิเนอ เออ เบ๊อะเนอ, อา แด๊โฉ่จว๊าหนิ เหย่ซี อาโหง่ เน๊อ, “จว๊า แต่ เด๊อ แกแยยิวพู๊ หม่าโต่ เต๊เห่ อาเกลเนอ แต่เหม่ นี๋, โทเรอ จว๊าโน แต่ เด๊อ แกแยสะมาเรีย อาดออาโฉ่กู เนอ แต่เหม่เหม่ นี๋.