ꤜꤢꤨꤊꤢ꤬ 9:16 - ลีเทส่อพ๊าอาเซ เร๊อ เห่ขุทวาลู๊

¹⁶ เร๊อ เหย่ซู่ พย๊า ค๊อมูเนอ แงกล่อ เร๊อ เต๊วฮู๊เนอ เนอเบ่ เร๊อ อา โด่แดแถ่ เด๊อ ม๊อเล เร๊อ อา เฮ๊บุ๊ยเฮ๊เตอเรอแถ่ จอแปแหร่ โทเร๊อ อา บิกยา ค๊อมู เร๊อ เต๊วฮู๊เออ เร๊อ อา เด๊อะตา เร๊อ อา โคเจ่ เนอเต๊เห่. เร๊อ อา โคเจ่ เต๊เห่ เด๊อะจว๊าเอ่ เป่ เร๊อ แกแย เบ๊หมู่ เออเต๊เห่.

Eastern Kayah Shadaw Dialect

¹⁶ ꤚꤣꤧ꤬ ꤛꤢꤩ꤬ꤏꤛꤢꤨ ꤖꤛꤢ ꤋꤢꤪꤗꤢꤨ꤭ꤔꤣꤧ꤬ ꤍꤢꤧ꤭ꤊꤜ꤫ꤢꤪ꤬ ꤔꤢꤧ ꤒꤢꤩ꤭ꤟꤢꤨꤔꤣꤧ꤬ ꤔꤣꤧ꤭ꤙꤢꤩ꤬ ꤚꤣꤧ꤬ ꤢ꤬ ꤒ꤫ꤢꤨ꤬ꤓꤢꤧ꤬ ꤘꤣ ꤗꤢꤪꤜꤢꤩ꤭ ꤚꤣꤧ꤬ ꤢ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬꤯ ꤓꤥ꤭ꤚꤣꤧ꤬ ꤢ꤬ ꤙꤤ꤬ꤊꤛꤢ꤭ ꤋꤢꤪꤗꤢꤨ꤭ ꤔꤢꤧ ꤒꤢꤩ꤭ꤟꤢꤨꤣꤧ꤭ ꤚꤣꤧ꤬ ꤢ꤬ ꤘꤣꤧꤒꤢ꤭ ꤔꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤛ꤫ꤢꤨ꤬ꤒꤢ꤭ꤢꤩ꤬ ꤕ꤫ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬꤯

ꤜꤢꤨꤊꤢ꤬ 9:16 ပူးပေါင်းရင်းမြစ်များ

มัทธิว 14:19

เร๊อ อา นอโอ่แนแลลอ ล๋อ แกแย เนอเต๊เห่ เด๊อ มีออโซเลขุ. อา พย๊า ค๊อมู แงกล่อ เร๊อ เต๊ว เนอเบ่เออ เร๊อ อา โด่แด แม๊ตู่แถ่ เด๊อ ม๊อเล เร๊อ อา เฮ๊บุ๊ยเฮ๊ตาเร๊อแถ่ จอแปแหร่ โทเร๊อ อา บิกยา ค๊อมู. โทเรอ อา เด๊อะตา เด๊อ อา โคเจ่ เต๊เห่ อาลู. เร๊อ อา โคเจ่ เต๊เห่ เด๊อะจว๊า แฮเง เด๊อ แกแย เบ๊หมู่ เต๊เห่ อาโอ่.

ꤜꤢꤨꤊꤢ꤬ 24:30

เบ๊อะอา โอ่แน โอ่เอ่เต่อเกอ เร๊อ เหย่ซี เบ๊อะเนอ, อา พย๊า ค๊อมู เร๊อ อา เฮ๊บุ๊ยเฮ๊เตอเรอแถ่ จอแปแหร่ โทเรอ อา บิกยา ค๊อมู เร๊อ อา เด๊อะเอ่ เป่ เร๊อ เหย่ซี.

มัทธิว 15:36

อา พย๊าย๊อเก่ แถ่ ค๊อมูเออ โซซว๊าต๊อกล่อ เร๊อ เตวฮู๊ เออเต๊เห่ เร๊อ อา เฮ๊บุ๊ยเฮ๊เตอเรอ ถู่เซ๊แถ่ จอแปแหร่. เร๊ออา บิกยา ค๊อมู เออเต๊เห่, โทเรอ อา เด๊อะ ตา เร๊อ อาโคฮู๊เจ่ เต๊เห่. อาโคฮู๊เจ่ เต๊เห่ จว๊า เด๊อะเอ่ แฮเง เป่ลอ เร๊อ แกแย เบ๊หมู่เนอเต๊เห่.

ꤚꤥꤗꤢꤩ꤬ 14:6

แกแย เด๊อ อา เตเน เร๊อ ม๊อเนอ เต๊เห่เห่เนอ, อู โตเบ่ แด่บูโพ๊ ข่อดื่อ ลู อา เก่ เตเน เฮ๊เรอ, แด่บูโพ๊ ม๊อเนอ เออเนอ เด๊อ เตเมลีเมเตเค แบ่เจ่ อาเงเนอ. แกแย เด๊อ อา เอ่ เตปว๋า เต๊อเจ่อ เต๊เห่เนอ, เอ่ เด๊อ เตเมลีเมเตเค แบ่เจ่ อาเง เนอ, เมเตเฮ๊เรอ อา เฮ๊บุ๊ยเฮ๊เตอเรอ โท จอแปแหร่ เร๊อ อา เอ่ เต อาขว่าอาคยา, อา เมลีเมเตเค จอแปแหร่ เฮ๊อ. ฮู๊เนอเฮ๊อ แกแย เด๊อ อา โด่เอ่เฉ่ เต๊เห่เนอ, อา เฮ๊บุ๊ยเฮ๊เตอเรอ เกอ จอแปแหร่ เร๊อ อา เมลีเมเตเค แถ่เกอ จอแปแหร่ อามุย อาขว่าอาคยา, อา แซ่ลู แพ๊.

เพรโด่แนพู๊ เต๊เห่ 27:35

คูเปาโล เฮ๊โท เหย่ซี ฮู๊เออ เนอ, อา พย๊าหนิ ค๊อมู เร๊อ อา เฮ๊บุ๊ยเฮ๊เตอเรอ จอแปแหร่ เด๊อ เหย่ซี ล๋อ ปลี อา เป๊เส่เง. โทเร๊อ อา อาบิหมื่อ ค๊อมู เร๊อ อา เอ่ แลแค.

ꤛꤥ꤭ꤟꤢ꤬ 6:23

โทเรอ ส่อเกลอ โอ่ เด๊อ วีทิเบเรียส เร๊อ อา แฮ เต๊เห่เนอ, อา แฮ โอ่โก๊ ผื่อ แลแค เบ๊อะแบ่เจ่ เหล่ เฮ๊บุ๊ยเฮ๊เตอเรอ แถ่ จอแปแหร่ เร๊อ อา โบ่เอ่ แกแย เบ๊หมู่ เต๊เห่ เร๊อ ค๊อมู อาเหล่โอ่ เนอโต๊โผะ.

ꤛꤥ꤭ꤟꤢ꤬ 6:11

แบ่เจ่ เหย่ซู่ พย๊า ค๊อมู เออเต๊เห่ เร๊อ อา เฮ๊บุ๊ยเฮ๊เตอเรอแถ่ จอแปแหร่. โทเรอ อา เด๊อะตา เร๊อ อา โคเจ่ เต๊เห่ เร๊อ เหย่ซี เด๊อะตาแฮเง เป่ลอ เร๊อ แกแย โอ่แนโอ่ เบ๊อะเนอ เต๊เห่. อา พย๊า เต๊วฮู๊ปีตี๊ เออ เนอเบ่ เร๊อ อา เม แซ่เกอ ฮู๊ ค๊อมูเนอ. เร๊อ แกแย เออเต๊เห่ อา ซิเอ่ เกอ เจ๊อ บ๋า เตเนอ อา พย๊าเอ่ แลแค เจ๊อ.

ꤜꤢꤨꤊꤢ꤬ 22:19

โทเร๊อ เหย่ซู่ พย๊า ค๊อมู เร๊อ อา เฮ๊บุ๊ยเฮ๊เตอเรอแถ่ จอแปแหร่ โทเรอ อา บิกยา ค๊อมู เร๊อ อา เด๊อะตา เร๊อ เหย่ซี. เร๊อ อา เฮ๊ เหย่ซี เน๊อ, “เออ หม่า แว เหน่กล่อ เด๊อ แว เด๊อะแลแก เด๊อ ซีเง เนอเฮ๊อ. เอ่ แลแค เออ เร๊อ เตเนแถ่ โต่แว นี๋.”

โครินธ์ อาเหร่อเล๊อ ต๊าบ่า 11:24

เร๊อ อา เฮ๊บุ๊ยเฮ๊เตอเรอแถ่ จอแปแหร่, โทเรอ อา บิเพ๊กยา ค๊อมู เร๊อ อา เฮ๊ เน๊อ, “เออ หม่า แว เหน่กล่อ เด๊อ อา เด๊อะแลแก เด๊อ ซีเง. แซ่ฮู๊ ซี เก่ ซิเงแถ่เบ่ โต่ แว ปว๋า โตโพ๊ เนอเรอ, เม แลแค ฮู๊เออ ปว๋า โตโพ๊ นี๋.”

โครินธ์ อาเหร่อเล๊อ ต๊าบ่า 10:30

โต่หม่าแน๊, เด๊อ ซีเกล เด๊อ อาโร เตเพรเพร ลาติ เร๊อ อา เก่ แด๊เฮอลาติ เน๊อ, “เหล่เอ่เหล่โอ เด๊อ แว เก่ เอ่ เออเนอ, แว เก่ เฮ๊บุ๊ยเฮ๊เตอเรอแถ่ จอแปแหร่ เร๊อ แว เก่ เอ่ เฮ๊เนอ, เตเอ่เตโอ ฮู๊เนอ ตอกล๊อหม่า เตซื๊อ โอ่ แพ๊ แกแย เต๊เห่เห่ จว๊า เฮ๊ โต่ ฮู๊เนอ เร๊อ เมเต?”

ꤗꤢ꤬ꤊꤢꤨ 7:34

โทเรอ อา แม๊แถ่ เด๊อ ม๊อขุ เร๊อ อา เซ๊โหมะ, เร๊อ อา เฮ๊ ลู เน๊อ, “เอฟฟาธา!” อาโหง่แลช๊า หม่า “ลีแถ่เมอ!” เนอแพ๊.

ꤜꤢꤨꤊꤢ꤬ 9:15

อา โคเจ่ เต๊เห่ นอโอ่แนโอ่ แกแย เบ๊หมู่ฮู๊ อาเฮ๊ตา เหย่ซี เนอ.

ꤜꤢꤨꤊꤢ꤬ 9:17

เหย่ซี เอ่ โป่เอ่โป่โอ เอ่ก๊อโอบา ลอปลี เจ๊อ ปว๋า เตเพร เจ๊อ เร๊อ อา โคเจ่ เต๊เห่ พย๊าดว้าปล๊อ คยาแซ๊ ค๊อมู เร๊อ เต๊วฮู๊ เด๊อ อา บิกยา เร๊อ อา โอ่แกเล๊อ เต๊เห่เนอ อา โอ่บา ปา เจ๊อ เร๊อ ขริเนอ เช๊อเนอเม เจ๊อ.