ꤜꤢꤨꤊꤢ꤬ 9:11 - ลีเทส่อพ๊าอาเซ เร๊อ เห่ขุทวาลู๊

¹¹ เบ๊อะแกแย เบ๊หมู่ หนิโฮ เร๊อ แบ่เจ่ เหย่ซู่ เร๊อ อา โคเจ่ เต๊เห่ จว๊าเฮ๊อ เด๊อ เมอ เนอตีวี เบ๊อะเนอ, เหย่ซี ครวาจว๊าเกอ แลแค เบ๊อะเนอ เหย่ซู่ เอ๊โมฉื่อ เหย่ซี เร๊อ แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อา แหย่โอ่เหม่ เป่ แกแย เต๊เห่ อา เตชุ๊ยเตเช.

Eastern Kayah Shadaw Dialect

¹¹ ꤙꤣꤧ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤔ꤫ꤤ꤬ꤟꤥ꤭ ꤔꤢꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤔꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤡꤝꤢꤟꤣꤧ ꤘꤣ ꤠꤤ꤭ ꤔꤣꤧ꤬ꤒꤣ꤬ꤠꤤ꤭ ꤢ꤬ꤋꤢꤩ꤭, ꤛꤢꤩ꤬ꤞꤤ꤭ ꤋꤚꤝꤢ꤭ꤡꤝꤢꤊꤣꤧ꤭ ꤜꤢ꤭ꤋꤢꤧ꤭ ꤙꤣꤧꤔꤣꤧ꤬꤯ ꤛꤢꤩ꤬ꤏꤛꤢꤨ ꤢꤩꤗꤥ꤬ꤏꤢꤦ꤬ ꤛꤢꤩ꤬ꤞꤤ꤭ ꤚꤣꤧ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤚꤣꤧ꤬ ꤢ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤏꤝꤤꤒꤢꤩ꤬ꤏꤢꤩ꤭꤯

ꤜꤢꤨꤊꤢ꤬ 9:11 ပူးပေါင်းရင်းမြစ်များ

ꤟꤤꤙꤚꤢꤨ 4:16

ฮู๊เนอเรอ, เป โหล่เบ่ เต เบ๊อะเกเต๋ เบ่เบ่เนอ, เป โต แฮโน ฮาฮา เด๊อ เป จอแปแหร่ เด๊อ อา ซิยอเร๊อ อู เออเตเพร อา เหล่โอ่แน อาเป๊เส่เง เนอ. เร๊อ เป เก่ พย๊าหนิ อา เตซิยอ ปา เร๊อ เป เก่ แม๊เถอะเบ่ อาบุ๊ยดุอาเตอเรอทู เด๊อ อา เก่ เมจว่า เป เออเนอ ปา.

ทิโมธี เนอบ่า ต๊าบ่า 4:2

แด๊โฉ่โด่แน แลแค เตซิครือมีลา นี๋. ค๊าขิ แร๊ เบ่เบ่, ค๊าขิ แร๊โต่ เบ่เบ่, ตูรู๊ โด่แน แฮเง ตื๊อดื่อ ลาโป่ เตซิครือมีลา เออเนอ นี๋. โทเร๊อ ซิพรวาหนิ เหย่ซี นี๋, อิซว๊าอี๊แส่ แร๊กาคยา เหย่ซี นี๋, เร๊อ เด๊อะอ๊าเด๊อะเหร่ เหย่ซี, อิซว๊าอี๊แส่ เหย่ซี เน๊อ เตแด่ทูซิปล่อ เนอ นี๋.

ꤚꤥꤗꤢꤩ꤬ 15:3

เมเตเฮ๊เรอ, ครี๊ อาเหน่แบ่เจ่ เร๊อดื่อ เจ๊อ เรอ อา ลือเมโม เกอเร๊อ อาเหน่ โต่. โท๊โต่ ลีเทส่อพ๊ากู เฮ๊ เน๊อ, “เต เด๊อ อู เป๊อเจ่ออิแช๊ เน เต๊เห่เนอ, อา แฮเบ่ เกอเฮ๊อ แว เฮ๊อ.”

ꤚꤥꤗꤢꤩ꤬ 10:14

เก่ เมฮู๊เนอเรอ, เหย่ซี เตหยื่อ เก่ โอ่โต่ เฮ๊เรอ อา จว๊า กุยแถ่แจ่ เตเมจว่า เด๊อ แบ่เจ่ เหย่ซู่ อา โอ่ ฮู๊เต? เก่ เหย่ซี หนิโฮน๊อ โต่ เฮ๊เรอ อา จว๊า หยื่อเอ่แจ่ แบ่เจ่ เหย่ซู่ ฮู๊เต? เพรโด่แนพู๊ เต๊เห่แด๊โฉ่ เป่ เหย่ซี เก่ โอ่โต่ เฮ๊เรอ เหย่ซี จว๊าหนิโฮแจ่ ฮู๊เต?

เพรโด่แนพู๊ เต๊เห่ 28:31

คูเปาโล แด๊โฉ่โด่แน เป่ อู เร๊อ จอแปแหร่ อาเทออาเก่ อาหรี่อาแก, เร๊อ อา อิซว๊าอี๊แส่ ตา เป่ อู เร๊อ แบ่เจ่ เหย่ซู่ครี๊ อาหรี่อาแก. โทเร๊อ อา เฮ๊เบ่คือเฮ๊เบ่บื่อ เร๊อ อู เมตาตือ เหย่ซีเนอ อา โอ่ เตเพร่ว โต่.

ꤛꤥ꤭ꤟꤢ꤬ 6:37

ล๋อ แกแย เด๊อ แวเพ เด๊อะ แว เต๊เห่เนอ, อา เก่ แฮ เด๊อ แวโอ่ ปา. อูเปเป๋ เบ่เบ่, อา เก่ แฮ เด๊อ แวโอ่ เนอ, แว เหว่เถ่แก เร๊อ อา ตีกี๋ โต่.

ꤛꤥ꤭ꤟꤢ꤬ 4:34

เหย่ซู่ เฮ๊ เหย่ซี เน๊อ, “แว เมโต เพร เด๊อ อา นอแฮ แว เออเตเพร อา เตซิหยื่อ เร๊อ แว เมโทแก เตเม เด๊อ อา เด๊อ แว เออเนอหมา หม่าเฮ๊อ แวเหล่เอ่ เฮ๊อ.

ꤜꤢꤨꤊꤢ꤬ 9:2

โทเร๊อ อา ปลวาจว๊าแก เหย่ซี เด๊อ อา เก่ จว๊า แด๊โฉ่โด่แน เป่ อู เร๊อ จอแปแหร่ อาเทออาเก่, เร๊อ อา เก่ แหย่โอ่เหม่ เป่ แกแยชุ๊ยแกแยเช เต๊เห่.

ꤜꤢꤨꤊꤢ꤬ 8:10

เร๊อ อา เฮ๊ เป่ เหย่ซี เน๊อ, “จอแปแหร่ เด๊อซิเงโปล เป่เฮ๊อ ซี เร๊อ อา เทอเลเก่กู อา เตซิคว๊าซิเง เด๊อ อา ด๊อโอ๊ด๊อบี๊ เต๊เห่ เฮ๊อ ตื๊อดื่อเรอ แกแย เด๊อ อาโร เต๊เห่ อาเงเนอ แว เฮ๊เบ่ เป่ เหย่ซี เร๊อ โหง่ค๊าโข่ แพ๊. ‘เหย่ซี แม๊ แลแค เต เด๊อ แว เม เนอเต๊เห่ ตื๊อดื่อเรอ แซ่ฮู๊ เหย่ซี แม๊เถอะ ซิเงโปล เกออู อาโหง่แลช๊า โต่, เหย่ซี หนิดา ตื๊อดื่อเรอ แซ่ฮู๊ เหย่ซี ซิเงโปล เกอ อู โต่,’” อาเงเนอ, แว เฮ๊ เป่ เหย่ซี เร๊อ โหง่ค๊าโข่ แพ๊.

ꤜꤢꤨꤊꤢ꤬ 8:1

เด๊อเง งยาแต๋โต่ เนอ, เหย่ซู่ เถ่จว๊าแก เร๊อ อา จว๊าโน ตอดอ โท ตอดอ, ตีวี โท ตีวี, เร๊อ อา จว๊าเล แด๊โฉ่โด่แน เป่ อู เร๊อ จอแปแหร่ อาเทออาเก่ อา เตซิครือมีลา อาหรี่อาแก. เร๊อ อา โคเจ่ เช๊อซิเนอ ครวาจว๊า เกอ ลูคยา.

ꤜꤢꤨꤊꤢ꤬ 5:31

เหย่ซู่ เฮ๊ฉื่อ เหย่ซี เน๊อ, “แกแย เด๊อ อาโอ่โมโอ่รี โอ่ฉว่าโอ่ชอ เต๊เห่เนอ อา โหล่ เร๊อ เตขุซ๊าร๊าดุ โต่ แกแย เด๊อ อาชุ๊ยอาเช เต๊เห่เนอ ตื๊อหม่า อา โหล่ แพ๊เตขุซ๊าร๊าดุ แพ๊.

ꤜꤢꤨꤊꤢ꤬ 1:53

อา เด๊อะเอ่ก๊อ เด๊อะโอบา เฮ๊อ แกแย เด๊อ อา โอ่วีโอ่กอ เต๊เห่ เร๊อ อา ปลวากา โกโยแก แกแย ดุแหย่แถ่เซ เต๊เห่ เฮ๊อ.

มัทธิว 21:43

“ฮู๊เนอเรอ แว เฮ๊ ซี ม๊อขุ เทอเลเก่กู เด๊อ ซี โต พย๊าหนิเนอ จอแปแหร่ พย๊าเผ่แก ซี ปา. เร๊อ อา เก่ เด๊อ เร๊อ แกแย เด๊อ อา จูเอ่ จอแปแหร่ อาโหง่ เนอเต๊เห่ ปา.

มัทธิว 21:31

“พู๊เพรคู เออซิเนอเนอ, อา หนิดา อา เพ เต เบ๊อะเต เตเพรเต?” เร๊อ เหย่ซี เฮ๊ฉื่อ ลู เน๊อ, “อาดุ เตเพร.” เร๊อ แบ่เจ่ เฮ๊ เหย่ซี เน๊อ, “แว เฮ๊จ๊อจ๊อ ซี, เพรกุยอาหมู่อาร๊า เร๊อ แม๊เผ่โหมะ จว๊าโน เผ่แก เฮ๊อ ซี เด๊อ ม๊อขุ เฮ๊อ.

มัทธิว 14:14

เบ๊อะแบ่เจ่ เหย่ซู่ เถ่โคขุเออ เบ๊อะเนอ, อา แม๊เถอะ แกแย เบ๊หมู่ดุ จว๊า โอ่ป่อ โอ่หนื่ออื่อ เหร่อ ลอเฮ๊อ เด๊อ เงเฮ๊อ. เบ๊อะอา แม๊เถอะ เหย่ซี เนอ อา ซิยอ เกอเร๊อ เหย่ซี เร๊อ อา แหย่โอ่เหม่ เป่ลอ แกแยชุ๊ย เด๊อ เหย่ซีเกล เนอเต๊เห่.

ꤚꤥꤗꤢꤩ꤬ 10:17

เมฮู๊เนอเรอ, เตหยื่อ หม่า อา โอ่ เด๊อ เตหนิโฮ เตหรี่เตแก อาโอ่ แฮ แพ๊. เด๊อ อู โด่แนแด๊โฉ่ เป่ ครี๊ อาหรี่อาแก อาขว่าอาคยาเร๊อ, อู หนิโฮน๊อ เกอ เตหรี่เตแก แพ๊.

มัทธิว 12:15

แบ่เจ่ เหย่ซู่ ซิเง เหย่ซี อาเตเตเน มู๊แหม่ เร๊อ อา เถ่จว๊าแก เร๊อ เหล่โอ่ เบ๊อะเนอ แกแย ครวาปลูครวาเผ่ เกอลู ลูคยา เร๊อ อา แหย่โอ่เหม่ เป่ ลอปลี เจ๊อ อู เตชุ๊ยเตเช ปว๋า เตเพร เจ๊อ.

ꤜꤢꤨꤊꤢ꤬ 9:10

เพรโด่แนพู๊ เต๊เห่ กาคยา เร๊อ กาแด๊โฉ่ ลอ เหย่ซู่ เร๊อ ล๋อ เหย่ซี เมโทเฮ๊อ เตเนอเต๊เห่ อาหรี่อาแก. เหย่ซู่ เอ๊หนิ เหย่ซี เร๊อ อา เถ่จว๊า ตื๊อดื่อ แลแค เด๊อ วีตีวี เด๊อ อู เอ๊ เร๊อ เบธไซดา เนอตีวี.

ꤜꤢꤨꤊꤢ꤬ 9:12

เบ๊อะเหมาะ เตเร ตา เฮ๊อ เบ๊อะเนอ, อา โคเจ่ เช๊อซิเนอเออ แฮ เด๊อ ลูโอ่ เร๊อ อา แฮเฮ๊ ลู เน๊อ, “แซ่ ฮู๊ เหย่ซี เก่ จว๊า แม๊ปูเอ่ แม๊ปูโอ, เก่ จว๊าแม๊ปู เกอเร๊อ แลแค ดื่อ เหย่ซี เหล่โอ่เมอ เหล่โอ่เหล่แบ่ อาเงเนอเนอ, นอกาแก เมอ เหย่ซี เด๊อ อาดออาโฉ่ เด๊อ อา โอ่ ตีวี๊ตาวา เบ๊อะเออ โต๊โผ่ เนอ, เมเตเฮ๊เรอ เหล่โอ่ เบ๊อะเออโต๊โผ่ หม่า ดอ โอ่ผื่อ ตอด๋อ โต่.”