ꤜꤢꤨꤊꤢ꤬ 9:1 - ลีเทส่อพ๊าอาเซ เร๊อ เห่ขุทวาลู๊

¹ เหย่ซู่ เอ๊แฮ ปล๊อลอ อา โคเจ่ เช๊อซิเนอ เร๊อ แซ่ฮู๊ เพรโด่แนพู๊ เต๊เห่ เออเต๊เห่ อา เหว่เถ่แกเบ๊ ลอ โลเน๊เต๊เห่ เร๊อ อา เก่ แหย่โอ่เหม่เบ๊ ลอ เตชุ๊ยเตเช เต๊เห่ อาเงเนอเนอ, อา เด๊อ เป่ เหย่ซี เตโพรเตเตอเรอ เร๊อ เตเตอเรอฉว่าชอ เต๊เห่.

Eastern Kayah Shadaw Dialect

¹ ꤛꤢꤩ꤬ꤏꤛꤢꤨ ꤢꤩꤟꤢꤧ꤭ ꤕꤜꤢꤪꤜꤢꤪ꤭ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤏꤣꤧꤞꤤꤔꤣꤧ꤭ ꤚꤣꤧ꤬ ꤞꤢꤧꤟꤢꤨ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤠ꤫ꤢꤩ꤬ꤓꤢꤩ꤬ꤊꤢꤧ꤭ꤙꤢꤩ ꤜꤢꤪ꤭ ꤜꤥ꤭ꤔꤢꤩꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ꤙꤢꤩ ꤜꤢꤪ꤭ ꤒꤢꤩ꤬ꤏꤝꤤꤒꤢꤩ꤬ꤏꤢꤩ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤘꤣꤧ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤔꤢꤧ ꤒꤢꤩ꤬ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤒꤣꤧ꤬ꤟꤢꤩ꤬꤯

ꤜꤢꤨꤊꤢ꤬ 9:1 ပူးပေါင်းရင်းမြစ်များ

ꤛꤥ꤭ꤟꤢ꤬ 14:12

แว เฮ๊จ๊อจ๊อ ซี, แกแย เด๊อ อา หยื่อเอ่ แว เต๊เห่เนอ, อา เก่ เมเต เด๊อ แว เมโทเฮ๊อ เออเนอเต๊เห่ ปา. แว เตเร จว๊าเฮ๊อ เด๊อ เพ อา โอ่ อาขว่าอาคยา, อา เก่ เมดุ เมแหล่ เมเอ๊เล๊อ เล๊อปา เจ๊อ เร๊อ เออเต๊เห่ ปา.

ꤜꤢꤨꤊꤢ꤬ 10:19

หนิดา แลแค! แซ่ฮู๊ ซี เก่ เคหยิจว๊า เด๊อ หรู่เต๊เห่ เร๊อ แดเมเต๊เห่ อาขุ ปา, เร๊อ ซี เก่ เมเป่แก โลเน๊ กู่กล๊อ เด๊อ อา ซิเถ่ ซี เออโตโด อา เตโพรเตเตอ เรอ เต๊เห่ ล๋อ ปลี อาเง ปาเนอ เนอ, แว เด๊อะเฮ๊อ ซี เตโพรเตเตอ เร๊อ เฮ๊อ. เร๊อ เต เด๊อ อา เก่ เมเบ่เมเช ซี เนอ อา โอ่ปา เตอเจ๋อ โต่.

เพรโด่แนพู๊ เต๊เห่ 4:30

เด๊อะโล เน เตโพรเตเตอเรอ เด๊อ อา เก่ แหย่โอ่เหม่ อู อาเง, เร๊อ เตเม อาโค๊ตีกลี๊ เต๊เห่ เร๊อ เตเม ตาปาคย๊ายื๊อ เต๊เห่, เร๊อ เด๊อ เน หลู่เล๊บูโพ๊ แบ่เจ่เหย่ซู่ เออเตเพร อามุยคยา เร๊อ นอโอ่โลแถ่ ดื่อ เตเออเต๊เห่ นี๋.”

มัทธิว 16:19

แว เก่ เด๊อะ เน ม๊อขุ เทอเลเก่กู ชอถี่ ปา. ล๋อ เน จอกลอหม่า อู เด๊อ เห่ขุ เออเนอ, จอแปแหร่ เก่ จอกลอหม่า เกอดื่อ อู เด๊อ ม๊อขุ ปา. ล๋อ เน ฉิย๊า ปลวาแก เด๊อ เห่ขุ เออเต๊เห่เนอ, จอแปแหร่ เก่ ฉิย๊า ปลวาแก เกอดื่อ ฮู๊เนอ เด๊อ ม๊อขุ ปา.”

เพรโด่แนพู๊ เต๊เห่ 1:8

หม่าแน๊เรอ เบ๊อะแหย่โยบูโพ๊แบ่เจ่ ตากาแลโอ่เฮ๊อ เด๊อ ซีกู ปา เบ๊อะเนอ, ซี เก่ เล๊อบา เร๊อ เตฉว่าเตชอ ปา เร๊อ ซี เก่ ทวาแถ่ เป่แว เพรข่าเฮ๊โล เต๊เห่ เด๊อ วีเยรูซาเล็ม อากู, เร๊อ ยูดาห์เต๊เก๋ เล, เร๊อ สะมาเรียเก่, โท๊โต่ อา เก่ โต่ เจ๊อเด๊อ เห่ขุต๊าบ่า ลอ เจ๊อ ปา,” อา เฮ๊ฮู๊เนอ.

เพรโด่แนพู๊ เต๊เห่ 9:34

เร๊อ คูเปโตร เฮ๊ อา เน๊อ, “คูไอเนอัส, เหย่ซู่ครี๊ แหย่โอ่เหม่เฮ๊อ เน เฮ๊อ. ก๊อถ่อ มอ เร๊อ กิกย๊าดว้า เน เหล่เมอเนอ” เร๊อ ไอเนอัส ก๊อถ่อ โตโปล่ตา ปยา เจ๊อ.

เพรโด่แนพู๊ เต๊เห่ 3:16

ซี แม๊เถอะซิเงเฮ๊อ เร๊อ แกแย กู๊โด่ด๊าตือรือ เออเตเพร เนอหม่า หม่าเด๊อ อา หยื่อเอ่ เหย่ซู่ อามุย อาขว่าอาคยาเร๊อ, อา แร๊กาคยา แพ๊. เป ซิเง เน๊อ เออเนอหมา หม่า เด๊อ อา หยื่อเอ่ เหย่ซู่ อาขว่าอาคยา, เหย่ซู่ เมแร๊ ลอหล่าตี๊กลิ ลอ เจ๊อ ลู ฮู๊ ซี ล๋อ ปลี แม๊เถอะ ลอดื่อเฮ๊อ กู๊แหน่ เออเนอเฮ๊อ.

มัทธิว 4:24

แบ่เจ่ อามุย โลปีชี จว๊าลอ ซีเรียเก่ เต๊เก๋เล อาขว่าอาคยา, อู เอ๊แฮ แกแย เด๊อ อา เบ่ เตชุ๊ยเตเช ปว๊าเต๊อเจ่อ เด๊อ ลูโอ่. เร๊อ อู เอ๊แฮ แกแย เด๊อ อา เชจาเชจือ ลูเหน่ เต๊เห่, โลเน๊โลหน่า เมเบ่ ลู เต๊เห่, อา ตีมุยแท๊ ซี เต๊เห่, เร๊อ อา เซอชิกยา ซี เต๊เห่ เด๊อ อา โอ่ เร๊อ อา แหย่โอ่เหม่ ลอเป่ อู ปว๋า เตเพร.

มัทธิว 8:9

หม่าเมเตเร๊อ แว เฮ๊ ฮู๊เออ เฮ๊เนอเรอ แว แหน่แบ่เจ่ แว เบ่ หนิดา แกแย เด๊อ อาดุเล๊อ เน๊อ แว เต๊เห่ อาโหง่. ฮู๊เนอ เกลอฮู๊ เด๊อ อาโอ่ เด๊อ แวเล เต๊เห่เนอ อา เบ่ หนิดา เกอดื่อ แวโหง่ ฮู๊เนอเนอ. เก่ แว เฮ๊ เกลอฮู๊ เตเพร เพร เน๊อ, ‘จว๊ามอ,’ เฮ๊เนอหม่า อา เบ่จว๊า แพ๊, เก่ แว เฮ๊ ลาติ เด๊อ อาโรเตเพร เน๊อ, ‘แฮมอ,’ เฮ๊เนอหม่า อา เบ่ แฮ แพ๊. โท๊โต่ แว เก่ เฮ๊ แวหลู่ เน๊อ, ‘เมมอเออ,’ เฮ๊เนอหม่า อา เบ่ เม แพ๊.”

ꤜꤢꤨꤊꤢ꤬ 10:1

โทเร๊อ แบ่เจ่ เหย่ซู่ นว๊าแถ่ โอ่โหร่เอ๊ โป่ เฮ๊อ อา โคเจ่ เด๊อ อาโร โซซว๊าเตอเชอ เร๊อ ซิเนอ เร๊อ อา นอจว๊า เหย่ซี โต๊โผ่ เร๊อ ซิเนอ. เร๊อ อา นอ จว๊า เหร่อ ลอ เหย่ซี เด๊อ ดอ ปว๊าตอดอ อากู, วี ปว๊าตีวี อากู เร๊อ เหล่โอ่ ปว๋า โต๊โผ่ เบ๊อะเหล่โอ่ เด๊อ แบ่เจ่ เตเร จว๊า เออเนอ เต๊เห่.