ꤜꤢꤨꤊꤢ꤬ 8:44 - ลีเทส่อพ๊าอาเซ เร๊อ เห่ขุทวาลู๊

⁴⁴ อา แฮโน เด๊อ แกแย โอ่โหร่โอ่เอ๊ เกล เร๊อ อา ครวาจว๊าเกอ เด๊อ เหย่ซู่ คยา, เร๊อ อา แฮ เต่อเบ่ เหย่ซู่ จาแกแลแจ, เร๊อ อา เตเซ สุ่ยตา เออเนอ อา โอ่โก๊ โตโพ๊ โอ่เหม่แก เจ๊อ.

Eastern Kayah Shadaw Dialect

⁴⁴ ꤢ꤬ ꤟꤢꤧ꤭ꤔꤥ꤭ ꤘꤣ ꤊꤣꤧ꤬ꤛꤢꤧ꤭ ꤥ꤬ꤚ꤫ꤥ꤬ꤥ꤬ꤢꤩ ꤊꤜꤢꤩ꤭ ꤚꤣꤧ꤬ ꤢ꤬ ꤋꤚꤝꤢ꤭ꤡꤝꤢꤊꤣꤧ꤭ ꤘꤣ ꤛꤢꤩ꤬ꤏꤛꤢꤨ ꤋꤛꤢ꤭, ꤚꤣꤧ꤬ ꤢ꤬ ꤟꤢꤧ꤭ ꤒꤥ꤬ꤙꤢꤩ꤬ ꤛꤢꤩ꤬ꤏꤛꤢꤨ ꤡꤢ꤬ꤊꤢꤧ꤭ꤊꤢꤨꤗ꤫ꤤ꤬, ꤚꤣꤧ꤬ ꤢ꤬ ꤒꤢꤩ꤬ꤏꤢꤩ꤭ꤞꤝꤤ꤬ꤒꤢ꤭ ꤣꤧ꤭ꤔꤣꤧ꤬ ꤢ꤬ ꤥ꤬ꤊꤥ ꤒꤣ꤬ꤖꤥ ꤥ꤬ꤊꤥꤊꤢꤧ꤭ ꤡꤣꤧ꤯

ꤜꤢꤨꤊꤢ꤬ 8:44 ပူးပေါင်းရင်းမြစ်များ

เพรโด่แนพู๊ เต๊เห่ 19:12

ฮู๊เนอ อาขว่าอาคยา, คูเปาโล นอจ่อ เกอเร๊อ อา กู๊โทฮู๊ทื๊อเป๊เส่ เต๊เห่ เร๊อ อิเกพู๊ เด๊อ อา เหล่จอตาตือบี๊ เด๊อ เง เด๊อ อา นอเอ่น๊อ เกอเร๊อ โทเฮ๊อ เต๊เห่เนอ, อู เก่ พย๊าจว๊า เด๊อ แกแยชู๊ยแกแยเช เต๊เห่ อา โอ่, เน๊อ โลเน๊โลหน่า เมเบ่ ลู เต๊เห่ อา โอ่ เฮ๊เนอ, อา เตชุ๊ยเตเช อาโอ่เหม่แก เจ๊อ. โทเร๊อ โลเน๊โลหน่า เต๊เห่ เถ่แกล่ ตาพาแก ลอปลี เจ๊อ.

ꤛꤥ꤭ꤟꤢ꤬ 5:13

หม่าแน๊เรอ เหย่ซู่ หม่า อูเป เนอ แกแย เออเตเพร ซิเงโต่, เมเตเฮ๊เรอ แบ่เจ่ เหย่ซู่ เถ่จว๊า โอ่เหม่แก เด๊อ แกแย โอ่โหร่โอ่เอ๊ อาเกล.

ꤜꤢꤨꤊꤢ꤬ 13:13

เร๊อ อา แด่แถ่ อากู๊ขุ เด๊อ ลูเหน่ลู เร๊อ โตโพ๊โต อาแหง่ จ๊อแถ่คยา เร๊อ อา ถู่เซ๊แถ่ จอแปแหร่.

ꤜꤢꤨꤊꤢ꤬ 7:38

เร๊อ อา แฮก๊อถ่อโอ่ ผื่อต๊อต่อ เด๊อ เหย่ซู่ อาแบ๊คยา เร๊อ อา โหง่ เร๊อ อา เป๊เส่เทอ โตโจ ลอปลี เจ๊อ แบ่เจ่ เหย่ซู่ อากู๊โด่. เร๊อ อา ทื๊อซูปลี เป่แก แบ่เจ่ เหย่ซู่ กู๊โด่เออ เร๊อ อากู๊โล. เร๊อ อา โนมื๊อ ลู เร๊อ กู๊โด่. โทเร๊อ อา แล๊ตา เทอโนมื๊อเออ เด๊อ ลู กู๊โด่ โล.

ꤗꤢ꤬ꤊꤢꤨ 6:56

แบ่เจ่ เหย่ซู่ จว๊าโต เบ๊อะเต๋ โต๊โผ่ เบ่เบ่, อา จว๊า เด๊อ ดอกู เบ่เบ่, อา จว๊า เด๊อ วีกู เบ่เบ่, อา จว๊า เด๊อ วีกลอ เบ่เบ่, เหย่ซี แด่ตา แลแค แกแยชุ๊ยแกแยเช เต๊เห่ เด๊อ เกล๊กู เร๊อ เหย่ซี กุยซิยอ แบ่เจ่ เนอ นอโต่เบ่ แพ๊ เนจาจวาแก เออเนอ เร๊อ เพรชุ๊ย เพรเช เออเนอเต๊เห่ ตี๊กิแพ๊ เร๊อ แกแย เด๊อ อา โต่เบ่ ลู จาจวาแก เต๊เห่เนอ, อา เตชุ๊ยเตเช โอ่เหม่ ลอปลีเจ๊อ.

มัทธิว 20:34

แบ่เจ่ เหย่ซู่ ซิยอเกอเร๊อ เหย่ซี เร๊อ อา เต่อแฮ เหย่ซี เป๊เส่ปล่อ เร๊อ เหย่ซี เป๊เส่ ลีแถ่ คย๊า เจ๊อ. ตื๊อหื่อโต เร๊อ เหย่ซี เป๊อแถ่ ครวา ลอ เกอ ลูคยา.

มัทธิว 8:3

แบ่เจ่ บ๊อแฮ อากู๊ขุ เร๊อ อา โต่เบ่โท ลู เร๊อ อา เฮ๊ ลู เน๊อ, “แว ซิปล่อโอ่ แพ๊,” อา เฮ๊ โทเรอ “เตเช๋ โอ่เหม่แก มอ,” เร๊อ โตโพ๊โต เตเช อาโอ่เหม่แก เจ๊อ.

เพรโด่แนพู๊ เต๊เห่ 5:15

เพรโด่แนพู๊ เต๊เห่ ย๋อ เม อาโค๊ตีกลี๊ เป่ เฮ๊อ อู เตเออเต๊เห่ อาขว่าอาคยา, เบ๊อะคูเปโตร จว๊ารว๊า แกล๊กู เบ๊อะเหย่ซี แก่ช๊า เออ เบ๊อะเนอ, แซ่ฮู๊ อา แหย่โย เก๊โอ่ เก่ตาเบ่ เพรชุ๊ยเพรเช เออเต๊เห่ เนอเรอ, แกแย เต๊เห่ แย๊แฮหนิ แลแค แกแยชู๊ยแกแยเช เต๊เห่ เร๊อ อา แฮ เด๊แล เป่ เหย่ซี อาเหล่เมอ เต๊เห่, เหล่เด เต๊เห่ เด๊อ แกล๊ดุกู.

มัทธิว 9:20

เบ๊อะเหย่ซี จว๊า เด๊อ แกล๊ลู เบ๊อะเนอ, อาโอ่ เพรเหมาะ เตเพร เด๊อ อา เตชุ๊ยเตเช สุ่ยตา โอ่โก๊โต่ อางยา เจ๊อ เช๊อเนอหน่า เนอ, อา ครวาจว๊าเกอ แบ่เจ่ เหยซู่ เร๊อ อา แฮ เต่อเบ่ แบ่เจ่เหย่ซู่ จาจวาแก.

ꤜꤢꤨꤊꤢ꤬ 8:43

เพรเหมาะ เด๊อ อา ข่าเบ่ เตชุ๊ยเตเช เด๊อ อา งยา เจ๊อเฮ๊อ เช๊อเนอหน่า เนอ อา โอ่ เตเพร. หม่าแน๊เรอ อู แหย่โอ่เหม่เบ๊ เป่ ลูเนอ, อา โอ่ เตเพร่ว โต่.

ꤜꤢꤨꤊꤢ꤬ 8:45

เหย่ซู่ แด๊เฮอ อู เน๊อ, “อูเป เต่อเบ่ แว เป?” อู โซ๊โซ่อาโอ่ ลอปลี ปว๋า เตเพร เร๊อ คูเปโตร เฮ๊ฉื่อ ลู เน๊อ, “ซ๊าร๊า, อู ดุ๊ยแฮยาแฮ ลอ แหน่ เน เนอ.”