ꤜꤢꤨꤊꤢ꤬ 8:2 - ลีเทส่อพ๊าอาเซ เร๊อ เห่ขุทวาลู๊

² โท๊โต่ เพรเหมาะ เด๊อ โลเน๊ เมเบ่ ลู เร๊อ เหย่ซู่ เหว่เถ่แก เป่ ลู เต๊เห่, เร๊อ อาชุ๊ยอาเช แลแค เร๊อ เหย่ซู่ แหย่โอ่เหม่ เป่ ลู เต๊เห่เนอ, อา ครวาจว๊า เต่อเกอ. เหย่ซี เออเต๊เห่ เนอหม่า แคร๋ อูเป เฮ๊เนอหม่า, เหมาะมารีย์ (เด๊อ อู เอ๊ ลู เร๊อ มักดาลา ดอกูโหมะ), อา หม่า โลเน๊ โซซว๊าโตโด โอ่ เด๊อ ลูเหน่ เร๊อ เหย่ซู่ เหว่เถ่แก เป่ ลู เนอเตเพร เฮ๊อ เร๊อ อา ครวาจว๊า เต่อเกอ.

Eastern Kayah Shadaw Dialect

² ꤓꤥ꤭ꤒꤥ꤬ ꤖꤚꤢꤩ꤬ꤗꤢꤪ꤬ ꤘꤣ ꤜꤥ꤭ꤔꤢꤩꤜꤥ꤭ꤔꤢ꤬ ꤗꤢꤩ꤬ꤙꤢꤩ꤬ ꤜꤢꤨ꤭ ꤚꤣꤧ꤬ ꤛꤢꤩ꤬ꤏꤛꤢꤨ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤕ꤫ꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬, ꤔꤢꤧ ꤢ꤬ꤏꤝꤤꤢ꤬ꤏꤢꤩ꤭ ꤜꤢ꤭ꤋꤢꤧ꤭ ꤚꤣꤧ꤬ ꤛꤢꤩ꤬ꤏꤛꤢꤨ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤕ꤫ꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤋꤚꤝꤢ꤭ꤡꤝꤢ ꤒ꤫ꤣ꤬ꤊꤣꤧ꤭꤯ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤋꤚꤢꤧ꤮ ꤢꤨ꤭ꤕꤢꤩ꤭ ꤟꤢꤩꤔꤣꤧ꤬ꤗꤢ꤬, ꤗꤢꤪ꤬ꤗꤢ꤬ꤚꤤ (ꤘꤣ ꤢꤨ꤭ ꤢꤩ ꤜꤢꤨ꤭ ꤔꤢꤧ ꤗꤢ꤬ꤊꤢ꤬ꤘꤢ꤬ꤜꤢ ꤘꤢꤪ꤭ꤊꤢꤨ꤭ꤗ꤫ꤥ꤬), ꤢ꤬ ꤗꤢ꤬ ꤜꤥ꤭ꤔꤢꤩ ꤞꤥ꤭ꤞꤝꤢꤒꤣ꤬ꤘꤥ꤭ ꤥ꤬ ꤘꤣ ꤜꤢꤨ꤭ꤊꤢꤨ꤭ ꤚꤣꤧ꤬ ꤛꤢꤩ꤬ꤏꤛꤢꤨ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤕ꤫ꤢꤩ꤬ ꤜꤢꤨ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ ꤚꤣꤧ꤬ ꤢ꤬ ꤋꤚꤝꤢ꤭ꤡꤝꤢ ꤒ꤫ꤣ꤬ꤊꤣꤧ꤭꤯

ꤜꤢꤨꤊꤢ꤬ 8:2 ပူးပေါင်းရင်းမြစ်များ

ꤗꤢ꤬ꤊꤢꤨ 16:9

เหย่ซู่ เซอก๊อถ่อ เซอ เพร กาคยา เบ๊อะม๊อเนอ โซซว๊าเตอเนอ อากู อากูลู่เล๊อ เนอเตอเนอเหมาะลีโรมื่อ เนอโตโร. โทเรอ เบ๊อะเนอปา อา จว๊าเด๊อะโล เหร่อเล๊อ เป่ อาเหน่ เร๊อ มักดาลา ดอกูโหมะ เหมาะมารีย์. เร๊อ เหมาะมารีย์. เออเตเพร เนอหมา อา หม่า เฮ๊อ เพรเหมาะ เด๊อ เหย่ซู่ เหว่เถ่แก เป่ ลู โลเน๊ โซซว๊าโตโด เด๊อ อาเหน่ลู เนอเตเพร เฮ๊อ.

ꤛꤥ꤭ꤟꤢ꤬ 19:25

เบ๊อะแบ่เจ่ เหย่ซู่ อา อี๊ถื่อดีเต่ อาแก่ช๊าเนอ, แบ่เจ่ อาโหมะ อาโป่เพรเหมาะ, เร๊อ โคลปัส อาเม โหมะมารีย์ เร๊อ แกแย มักดาลา ดอกูโหมะ เหมาะมารีย์ ก๊อถ่อ โอ่ แลแค เบ๊อะเนอ.

เพรโด่แนพู๊ เต๊เห่ 1:14

เหย่ซี เออเต๊เห่เนอ อา แฮ แม๊เถอะ ตาฉื่อ ตาปล๊อ โตโมโม เร๊อ เพรเหมาะ เด๊อ อาโรเต๊เห่ เร๊อ เหย่ซู่ อาโหมะ มารีย์ เร๊อ เหย่ซู่ อา โป่เพรคู เต๊เห่ เร๊อ เหย่ซี กุยจ๊อเบ โหร่ลอ ลู เบ๊อะเนอ.

ꤜꤢꤨꤊꤢ꤬ 23:55

เพรเหมาะ โอ่ เด๊อ กาลิลีเก่ เหร่อ อา อาแฮเกอ เหย่ซู่ อาคยา เออ เต๊เห่เนอ, อา ครวาแฮเกอ เร๊อ คูโยเซฟ เร๊อ อา แม๊โตหม่า หนิแก อู เหล่แด่โน เหย่ซู่ อาเหล่โอ่ เออโต๊โผ่.

ꤜꤢꤨꤊꤢ꤬ 23:49

ล๋อ แกแย เด๊อ อา ซิเง เหย่ซู่ เต๊เห่ เร๊อ เพรเหมาะ เด๊อ อา โอ่ เด๊อกาลิลี เก่กู เร๊อ อา ครวา แฮเกอ ลู เต๊เห่เนอ, อา จว๊า ก๊อถ่อโอ่ โลตาพายา เร๊อ อา แม๊ แลแค ล๋อ อา ทวาแถ่ เออเต๊เห่.

ꤜꤢꤨꤊꤢ꤬ 23:27

แกแย ครวาจว๊าปลู ครวาจว๊าเผ่ เอ๊แหน่เกอ เหย่ซู่ อาคยา, เร๊อ เด๊อ แกแย เออเต๊เห่ อาเกลเนอ, เพรเหมาะ เด๊อ อา ซิเปล ซิหย่อ แหน่เจ๊อ เต๊เห่เนอ, อา โอ่ป่า จว๊าเต่อเกอ เบ๊อะเนอ, เร๊อ อา โหง่เซอโหง่โอ่ แลแค เจ๊อ.

ꤜꤢꤨꤊꤢ꤬ 8:30

เหย่ซู่ แด๊เฮอ ลู เน๊อ, “เนมุย เร๊อ อูเป?” เร๊อ อา เฮ๊ฉื่อ เน๊อ, “แวมุย เร๊อ โอ่ปล๊อโอ่ปลู,” เมเตเฮ๊เรอ โลเน๊ ย๋อ แฮ โนโอ่ เอ๊แหน่เจ๊อ เฮ๊อ เด๊อ ลูเหน่กู เฮ๊อ.

ꤗꤢ꤬ꤊꤢꤨ 16:1

เบ๊อะแกแยยิวพู๊ อา ม๊อเนอโด่ ตาลว๊าแก โท เนอโตโรเนอ, ดอ มักดาลา เหมาะมารีย์, คูยากอบ อาโหมะ โหมะมารีย์ เร๊อ เหมาะสะโลเม พรีหนิ เทอ โนมื๊อ เร๊อ อา เตเร จว๊าโปล่ แลแค เร๊อ แบ่เจ่ เหย่ซู่โล.

มัทธิว 4:24

แบ่เจ่ อามุย โลปีชี จว๊าลอ ซีเรียเก่ เต๊เก๋เล อาขว่าอาคยา, อู เอ๊แฮ แกแย เด๊อ อา เบ่ เตชุ๊ยเตเช ปว๊าเต๊อเจ่อ เด๊อ ลูโอ่. เร๊อ อู เอ๊แฮ แกแย เด๊อ อา เชจาเชจือ ลูเหน่ เต๊เห่, โลเน๊โลหน่า เมเบ่ ลู เต๊เห่, อา ตีมุยแท๊ ซี เต๊เห่, เร๊อ อา เซอชิกยา ซี เต๊เห่ เด๊อ อา โอ่ เร๊อ อา แหย่โอ่เหม่ ลอเป่ อู ปว๋า เตเพร.