ꤜꤢꤨꤊꤢ꤬ 8:18 - ลีเทส่อพ๊าอาเซ เร๊อ เห่ขุทวาลู๊

¹⁸ เบ๊อะซี หนิดา เต เบ๊อะเนอ, หนิดา ตาเต แลแค, เมเตเฮ๊เรอ แกแย เด๊อ อา ซิเง ตาเต โทเฮ๊อ จอแปแหร่ อาเทออาเก่ เต๊เห่เนอ, จอแปแหร่ เก่ เด๊อซิเง โอ่เอ๊แถ่ เล๊อโป่ ลู เร๊อ อา อาเหล่โกล เออเนอ ปา. หม่าแน๊เรอ แกแย เด๊อ อา ซิเง แพ๊ ตี๊กิแพ๊ เต๊เห่เนอ, จอแปแหร่ อา พย๊าเผ่แก ลอเผ่ โป่ อา ปา.”

Eastern Kayah Shadaw Dialect

¹⁸ ꤙꤣꤧ ꤞꤤ꤭ ꤔ꤫ꤤ꤬ꤘꤢ꤭ ꤒꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤔ꤫ꤤ꤬ꤘꤢ꤭ ꤒꤢ꤭ꤒꤢꤩ꤬ ꤜꤢ꤭ꤋꤢꤧ꤭꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤓꤥ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤞꤤꤑꤢꤩ꤭ ꤢꤩꤓꤢꤧ꤬ ꤜꤣꤕ꤫ꤥ꤬ ꤜꤢꤨ꤭ ꤔꤢꤧ ꤢ꤬ ꤜ꤫ꤢꤩ꤬ꤊꤜꤥ꤭ꤜꤣꤧ꤬ ꤣꤧ꤭ꤔꤣꤧ꤬ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤖꤢꤧ ꤒꤣꤧ꤬ꤊꤤ꤬ꤟꤢꤨꤖꤢꤧ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤖꤛꤢꤖꤢꤩ꤬ꤊꤢꤧ꤭ ꤜꤢꤪ꤭ꤖꤢꤩ꤬ ꤕ꤫ꤥ꤬ ꤢ꤬ ꤕꤢ꤭꤯”

ꤜꤢꤨꤊꤢ꤬ 8:18 ပူးပေါင်းရင်းမြစ်များ

มัทธิว 13:12

เมเตเฮ๊เรอ แกแย เด๊อ อา โอ่ เร๊อ เตซิคว๊าซิเง หม่าดื่อ ม๊อขุ เทอเลเก่กู อาหรี่อาแก เต๊เห่เนอ จอแปแหร่ เก่ เด๊อะ ซิเง เอ๊แถ่ เล๊อโป่ ลู ปา. แกแย เด๊อ อา โอ่ เกอ เน๊อ เตซิคว๊าซิเง หม่าดื่อ ม๊อขุ เทอเลเก่กู อาหรี่อาแก โต่ เต๊เห่เนอ, อา เก่ โอ่ แพ๊ ตี๊กิแพ๊ เบ่เบ่, จอแปแหร่ เก่ พย๊าแกลอเผ่ ลู ปา.

ꤜꤢꤨꤊꤢ꤬ 19:26

“เร๊อ คุ๊ย เฮ๊ฉื่อ เหย่ซี เน๊อ, ‘แว เฮ๊ ซี, ล๋อ แกแย เด๊อ อาเตโอ่หนื่ออื่อ ลอ เจ๊อเฮ๊อ เนอเต๊เห่ เบ่เบ่, อู ลื๊อลื๊อ เด๊อะเอ๊แถ่ โป่ เจ๊อ ลู ปา, หม่าแน๊เรอ แกแย เด๊อ อาเต โอ่ โต่ เตเพรเนอ, อาเต โอ่แพ๊ ตี๊กิแพ๊ เบ่เบ่, อู เก่ พย๊าเผ่แกเผ่ ลอ โป่ ลูเต่ ปา.

มัทธิว 25:29

เมเตเฮ๊เรอ ล๋อ แกแย เด๊อ อูหยื่อเอ่ หนิลู เร๊อ อูแด่โอ่ ตาเต เด๊อ ลูโอ่ เนอเต๊เห่เนอ, อูเก่ เด๊อะ เอ๊แถ่ เล๊อโป่ ลูปา. เร๊อ อาเต เก่โอ่ ตาป่อตาเป เจ๊อปา หม่าแน๊เรอ อูแด่โอ่ ปีติ้วแพ๊ ตาเต เด๊อะ ลูโอ่ เร๊อ อู หยื่อเอ่ หนิ ลูโต่ เต๊เห่ เนอ, อู เก่ พย๊า เผ่ แก ลอ เหย่ซี ปา.

ꤛꤥ꤭ꤟꤢ꤬ 15:2

แท๊ทือแพ เด๊อ อา จิจือหมะ เร๊อ แว เร๊อ อาเส่อาโพ เถ่โต่ เต๊เห่เนอ, อา เก่ ปาแก ลอ ปา. อาแพ เด๊อ อาเส่อาโพเถ่ เต๊เห่เนอ เบ่เบ่, แซ่ฮู๊ อา เก่ เส่เถ่ เอ๊แถ่โป่ อาเงเนอ อา กล๊าแก แลเก่ อาแพ เต๊เห่.

ꤟꤤꤙꤚꤢꤨ 2:1

เด๊อ เป ซิเงเฮ๊อ เร๊อ จอแปแหร่ อาพู๊คู หม่า อาดุอาแย ฮู๊เนอ อาขว่าอาคยา, แซ่ฮู๊ เป เก่ จว๊าโค๊แก เตหมะเตจ๊อ เด๊อ เป หนิโฮ โทเฮ๊อ เออเนอ แต่เหม่ อาเงเนอ, เป เบ่ แด่หยื่อเล๊อ อา.

โครินธ์ อาเหร่อเล๊อ ต๊าบ่า 14:37

แกแย เตเพรเพร เก่ เตเน เกอเร๊อ อาเหน่ เนอ, แว หม่า เพร เด๊อ อา เฮ๊โพร เป่ จอแปแหร่ อา เตหรี่เตแก เตเพร, หม่าโต่เรอ แว หม่า แกแย เด๊อ อา พย๊าหนิ เชหยู่ เด๊อ แหย่โย ตากยา เตเพร เก่เฮ๊เรอ แว รา เต เออเต๊เห่เนอ แบ่เจ่ อา เตเฮ๊แก แพ๊ เนอ อา เบ่ ซิเง แพ๊.

โครินธ์ อาเหร่อเล๊อ ต๊าบ่า 8:2

แกแย เด๊อ อา เตเน เกอเร๊อ อาเหน่ เร๊อ แว ซิเง เอ๊ลู เฮ๊อ เต๊เห่เนอ, เต เด๊อ อา โตเบ่ ซิเง เต๊เห่เนอ, อา ซิเง เตอเจ๋อ โต่.

โครินธ์ อาเหร่อเล๊อ ต๊าบ่า 3:18

แลโฮแล เกอเร๊อ แต่ ซีเหน่ เตเพร่ว แต่เหม่. แกแย เตเพรเพร เก่ เตเนโต่ เกอเร๊อ อาเหน่ เร๊อ แว หม่า เพรลีแมลีเพ๊ เตเพร เฮ๊เนอ, อา เบ่ ทวาแถ่ แกแย โอ่เล๊อโอ่กลอ เตเพร แว ซิหยื่อ เฮ๊เนอหม่า ฮู๊เตเฮ๊เนอ, อา เก่ เตเน เกอเร๊อ อาเง เร๊อ แว หม่า เพรลีแมลีเพ๊ เตเพร เออเนอ อาแซ่เน๊อ แกแย เด๊อ อา ซิเง เกออู จอแปแหร่ โต่ เต๊เห่ อาเต เตเน เนอ เฮ๊อ. แซ่ฮู๊ อา เก่ ทวาแถ่ เพรลีแมลีเพ๊ หม่าแหน่ เด๊อ จอแปแหร่ อาเป๊เส่เง เตเพรเนอ, อา เบ่ ทวาแถ่ แกแย โอ่เล๊อโอ่กลอ เตเพร เด๊อ แกแย เห่ขุพู๊ เต๊เห่ อา เป๊เส่เง.

ꤚꤥꤗꤢꤩ꤬ 12:3

เด๊อ จอแปแหร่ อาบุ๊ยอาเตอเรอ ขว่าคยาเร๊อ อา แด่แถ่ แว เร๊อ แว เก่ ทวา เพรโด่แนพู๊ เต๊เห่ เตเพร อาขว่าอาคยา, แว เฮ๊ ซี ปว๋า เตเพร เน๊อ, เตเนดุ เล๊อ แต่ ซีเหน่ เร๊อ บ๊า ซี โตเบ่ เตเน เกอเร๊อ ซีเหน่เนอ แต่เหม่ นี๋. โท๊โต่ ซี โตเบ่ เตเนหนิ ซีเหน่ บ๊า อาโตอาเบ่ เนอแพ๊. แด๊เฮอ แลแม๊ เกอเร๊อ ซี เตหยื่อเตแหน่ เด๊อ จอแปแหร่ เด๊อะ ซี เนอหม่า อาดุ บ๋า เตเนอ เตเนแซ่ แลแค บ๊าเนอแพ๊ นี๋.

เพรโด่แนพู๊ เต๊เห่ 17:11

แกแยยิวพู๊ โอ่ เบ๊อะวีเบโรอา เต๊เห่เนอ อา ซิปล่อทู แม๊เถอะ ยาเล๊อ เร๊อ วีเธสะโลนิกา ซีเต๊เห่. เหย่ซี หนิดา ฉ่าเผร่ ฉ่าอ่อ แหน่เจ๊อ เตหรี่เตแก เด๊อ เตซิปล่อฉว่า อากูเจ๊อ. โทเร๊อ แซ่ฮู๊ เหย่ซี เก่ ซิเง ตาเต เร๊อ คูเปาโล อา เตเฮ๊เบ่ เออเนอหม่า, อาหม่า แอ? หม่า หม่าโต่ แอเนอ? เร๊อ อา แม๊ปูซิเง แลแค เจ๊อ ลีเทส่อพ๊า ปวาเนอเนอ ปวาเซเซ เจ๊อ.

เพรโด่แนพู๊ เต๊เห่ 10:33

ฮู๊เนอเรอ แว นอจว๊าเอ๊ อู เร๊อ เน โตโพ๊โต เจ๊อ, เน แฮเต่อเกอ เป เร๊อ อาแร๊ แหน่เจ๊อ. แซ่ฮู๊ เป เก่ หนิโฮน๊อ เกอลอ จอแปแหร่ แด๊โฉ่ตา โทเฮ๊อ เน เนอเต๊เห่ เร๊อ กู๊แหน่เออ เป แฮ ลอปลี เด๊อ จอแปแหร่ อา เป๊เส่เงเฮ๊อ.”

ꤜꤢꤨꤊꤢ꤬ 9:44

“หนิดา ตาเต แลแค โหง่ เด๊อ แว เก่ แด๊โฉ่โล เป่ ซี กู๊แหน่ เออเต๊เห่ นี๋. แกแยพู๊คู หม่าเฮ๊อ แวเออ, อู เก่ อิเช ตาแก อา เด๊อ แกแย อา กู๊ยากู ปา.”

ฟีลิปปี 3:4

ฮู๊ อู หยื่อเอ่ เกอเร๊อ แลแค อูเหน่เนอ, แว เหล่หยื่อเอ่แล เกอเร๊อเกอ แวเหน่ กู๋ อาโอ่ กอก๋อ. แกแย เต๊เห่เห่ เก่ เตเนลาติ เร๊อ เตหรี่เตแก เด๊อ อา หยื่อเอ่แล เกอเร๊อ อาเหน่เนอ อา โอ่ เต๊เห่ อา เก่ เตเน ฮู๊เนอเฮ๊เร๊อ, เตหรี่เตแก เด๊อ แว เหล่หยื่อเอ่แล เกอเร๊อ เกอ แวเหน่เนอ, อาโอ่ เอ๊เล๊อ ปา เจ๊อ เน๊อ เนอ เจ๊อ กอก๋อ.

ꤗꤢ꤬ꤊꤢꤨ 13:14

เหย่ซู่ เฮ๊แฮเง โป่ เน๊อ, “ซี เก่ แม๊เถอะ เร๊อ เตซิรอซิเร โตเบ่ ก๊อถ่อโอ่ เด๊อ เตหลู่แตโฮกู โต่ หม่าแน๊เรอ อา ก๊อถ่อโอ่ เบ๊อะเนอ ปา. เด๊อ เออ อาคยา, อูเก่ แด่โอ่แหร่แก เตจ๊อเบโฮกู ปา (แกแย เด๊อ อา แด๊ ลี เออเต๊เห่ โตเบ่ ซิเงโปล แลแค.) เบ๊อะซี แม๊เถอะ อา ทวาแถ่ เฮ๊อ ฮู๊เออ เนอ ปาเนอ, แกแย โอ่ เด๊อ ยูดาห์เก่กู เนอเต๊เห่ เบ่ แกล่แถ่ แลเปล๊ แลแค อาเหน่ เด๊อ โฉ่ขุ.