ꤜꤢꤨꤊꤢ꤬ 8:13 - ลีเทส่อพ๊าอาเซ เร๊อ เห่ขุทวาลู๊13 เตกลุย ตา เด๊อ หล่อเกล อาโหง่แลช๊า เนอหม่า หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เต๊เห่ เร๊อ อา ซิครือซิลอ พย๊าฉื่อ แลแค ตื๊อดื่อเรอ อาแซ่เน๊อ เตกลุย เด๊อ อาหรุ่ย ช๊าตาแยโต่. เร๊อ เหย่ซี หยื่อเอ่ แลแค แพ๊ แตแปล๊เตอเปลอ แพ๊ เร๊อ เบ๊อะเหล่จา ป่อชิเต่อ เหย่ซี เบ๊อะเนอ, อา เตหยื่อเตแหน่ โอ่เหม่แก แพ๊. အခန်းကိုကြည့်ပါ။Eastern Kayah Shadaw Dialect13 ꤒꤢꤩ꤬ꤊꤜꤝꤤ꤭ ꤒꤢ꤭ ꤘꤣ ꤜ꤫ꤢꤪ꤬ꤊꤜꤢꤩ꤭ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤟꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤖꤛꤢꤏꤢꤦ꤬ ꤜꤢ꤭ꤋꤢꤧ꤭ ꤒꤣꤧ꤬ꤘꤢꤦꤚꤣꤧ꤬ ꤢ꤬ꤞꤢꤧꤔꤢꤧ ꤒꤢꤩ꤬ꤊꤜꤝꤤ꤭ ꤘꤣ ꤢ꤬ꤚꤝ꤫ꤤ꤬ ꤏꤢꤒꤢ꤭ꤛꤢꤧ꤭ꤒꤥ꤬ ꤔꤣꤧ꤬꤯ ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ ꤜꤢ꤭ꤋꤢꤧ꤭ ꤖꤢꤧ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧꤟꤢꤨ ꤖꤢꤧ꤯ ꤚꤣꤧ꤬ ꤙꤣꤧ ꤒꤢꤩ꤬ꤗꤢꤩ꤬ꤗꤢꤧ ꤟꤢꤧ꤭ꤙꤢꤩ꤬ ꤛꤢꤩ꤬ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤥ꤬ꤗ꤫ꤢꤩ꤬ꤊꤢꤧ꤭ ꤖꤢꤧ꤯ အခန်းကိုကြည့်ပါ။ |
ꤜꤢꤨꤊꤢ꤬ 8:13
37 ပူးပေါင်းရင်းမြစ်များ
เบ๊อะซี แบ๊ซว๊าแบ๊โค โอ่ปล๊อโอ่ปลูโร๊ลู เหล่เอ่ เบ๊อะเนอ, แกแย เออเต๊เห่ แฮโนเม โตโพร๊ตาผร่า เกอ เร๊อ ซี. เหย่ซี เออเต๊เห่ เนอหม่า อาแซ่แพ๊ เร๊อ เพรเกซิหมิ เต๊เห่ เด๊อ อา แม๊ดุ แพ๊ตื๊อ อา เหล่เอ่น๊อ โอแด๊ อาเงแพ๊, เร๊อ อา เหล่ซิเตเร เนอ อา โอ่ เกอ แลแค อู เตอเจ๋อ โต่. เหย่ซี เนอหม่า อาแซ่เน๊อ อ๊อโหล่ เต๊เห่ เด๊อ อา โก จว๊าแก เร๊อ อา จือตา เป่ อู โต่ เนอเต๊เห่ แพ๊. เหย่ซี เออเต๊เห่เนอ อาแซ่เน๊อ ส่อเหมาะ เด๊อ อาเส่อาโพ เถ่ เกออู เร๊อ อาโตอาเบ่ โต่ เต๊เห่, เร๊อ อู ท๊อเถ่ เตเทหรุ่ยแก เฮ๊อ เหย่ซี เร๊อ อา เซอแก ลอ เฮ๊อ.
เด๊อ เหย่ซี ซิเง เป แบ่เจ่ เร๊อ เหย่ซู่ครี๊ เด๊อ อา เมแลเปล๊กา เป เออเตเพร อาขว่าอาคยา, เหย่ซี แลเปล๊เถ่แกเฮ๊อ เร๊อ เห่ขุ อา เตมู๊แหม่รีแจ่ เออเต๊เห่ เฮ๊อ. หม่าแน๊เรอ กู๊แหน่เออ เหย่ซี เก่ โนเม โต๊โผ่ตอตอ เต่อคย๊าแซ๊ เร๊อ เตมู๊แหม่รีแจ่ เออเต๊เห่ เฮ๊เรอ เตมู๊แหม่ เออเต๊เห่ ทวาแกเฮ๊อ ลูแบ่เจ่ เฮ๊อ. แกแย ฮู๊เนอเต๊เห่ อา เตโอ่เซอเพร เนอหม่า, อา จาเล๊อ ปา เจ๊อ เร๊อ อา เหล่โกลเลอ เนอ เจ๊อ.
โท๊โต่ เด๊อ ซี เตหยื่อเตแหน่ อาขว่าอาคยาเร๊อ, แซ่ฮู๊ ครี๊ เก่ แฮ โอ่หม่าโอ่กลอ เด๊อ ซี ซิปล่อกู อาเงเนอเรอ, แว กุยจ๊อเบ เป่ เด๊อ ซีเง. แว กุยจ๊อเบ เร๊อ ซี เก่ โมแฮ เร๊อ โมแฮ หนิ จอแปแหร่, โทเรอ ซี เก่ โมแฮ เร๊อ โมแฮ เกอเร๊อ ลู เตเพร เร๊อ เตเพร. ซี เก่ เมฮู๊เนอ เฮ๊เรอ ฮู๊ ส่อหรุ่ย ช๊าตาแยแย เนอ, ซี เตโม เก่ จว๊าแยเกอ ฮู๊เนอ ปา. โทเรอ ฮู๊ อู แบ๊แล กลอหม่าแร๊ หี่ เตเม อาแก่ช๊าเนอ, ซี เตโม เก่ กลอหม่าแร๊ แซ่เกอดื่อ ฮู๊เนอ ปา.
แว โอ่แค ปาโต่ อาขว่าอาคยา, แซ่ฮู๊ คูทิโมธี เก่ ซิเง เร๊อ ซี โอ่หม่าโอ่กลอปา เด๊อ ซี เตหยื่อ แอ, หม่า ซี โอ่หม่า ปา โต่ แอ เนอ, แว ซูแล อา เด๊อ ซี โอ่. แว เบ่ยอ เร๊อ โลเน๊มู๊แหม่รีแจ่ กู่กล๊อ เกล๊ อิลออี๊โหล่ แหน่ ซี เฮ๊อ. โทเรอ ล๋อ เตเอ่เตแร เด๊อ เป เมโท ลอเฮ๊อ เต๊เห่เนอ, อา เก่ แกเด ลอแหน่เฮ๊อ, แว เบ่ยอ ฮู๊เนอ.
แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.
แว เก่ พย๊าหนิ เจ๊อ เตแจ่เตลีแม เด๊อ แว เก่ แด๊โฉ่โด่แน แจ่ เป่ เจ๊อ อู เร๊อ จอแปแหร่ อาลาอาโหง่ เต๊เห่ เจ๊อ เบ่เบ่, แว เก่ ซิเง ลอหล่าตี๊กลิ เจ๊อ เต อาจ่ออาแย เต๊เห่ เน๊อ ล๋อ เตซิคว๊าซิเง เต๊เห่เนอ เจ๊อ เบ่เบ่, แว พย๊าหนิ เจ๊อ เตหยื่อ เด๊อ อา นอซ๊อซื๊อ จว๊าแกเบ๊ เจ๊อ โฉ่ เต๊เห่ เบ่เบ่, แว เก่ โมเร๊อ อู โต่ เฮ๊เนอ, แว หม่า แกแย โอ่เล๊อโอ่กลอ เตเพร แพ๊.
เหย่ซี เถ่จว๊าแก เด๊อ เปเกล เฮ๊อ. เหย่ซี เออเต๊เห่ เนอหม่า อา โอ่เต่อ แม๊เกอ หม่าแหน่ เร๊อ เป เตแบ๊ซว๊าแบ๊โค ลู เออเนอ หม่าโต่. เหย่ซี เก่ โอ่ป่าเต่อ หม่าเกอ หม่าแหน่ เร๊อ เป เฮ๊เนอหม่า, เหย่ซี แกล๊ โอ่เต่อเกอ แหน่ เร๊อ เป แพ๊. หม่าแน๊เรอ เหย่ซี เถ่จว๊าแก เด๊อ เปเกล เร๊อ เหย่ซี อาเตเถ่จว๊าแก เออเนอ อา เด๊อะโล หล่าลีแก เจ๊อ เฮ๊อ เร๊อ เหย่ซี โอ่เต่อเกอ หม่าแหน่ ปา เร๊อ เป เตเพร่ว โต่ เฮ๊อ.
เตกลุย เด๊อ อา เว๊อตาแก จว๊ารว๊า แกล๊ลู อาโหง่แลช๊า หม่า หม่าเฮ๊อ แกแย เด๊อ อา หนิโฮ แลแค จอแปแหร่ อาลาอาโหง่ ตื๊อดื่อเรอ โลเน๊ กู่กล๊อ แฮพย๊า ตาพาเผ่แก จอแปแหร่ อาลาอาโหง่ เด๊อ เหย่ซี ซิปล่อกู. โท๊โต่ แซ่ฮู๊ เหย่ซี ซิปล่อ อา ดี๊ดู๊ดี๊แด เด๊อ เตหยื่อเตแหน่ อากู เร๊อ อา พย๊าหนิ ดื่อ เตเมแลเปล๊กา แต่เหม่เนอ เร๊อ โลเน๊ กู่กล๊อ แฮเม ฮู๊เนอ แพ๊.
เตกลุย ลูตาโต เด๊อ ส่อแช๊ส่อกิเกล อาโหง่แลช๊า เออเนอหมา หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เออเต๊เห่เนอ เฮ๊อ. หม่าแน๊เรอ, เบ๊อะอา โอ่เซอเพร แฮเง เบ๊อะเนอ, เตเนกู่เตเนแก, เตดุแหย่แถ่เซ เต๊เห่ เร๊อ อา โมแหน่เร๊อ เออเตอทือ อา เตซิหยื่อซิลอ เต๊เห่ แค๊บี๊ปุยบี๊ ลอ เหย่ซี ฮู๊ ส่อแช๊ส่อกิ แค๊ปุยบี๊ เนอ อาขว่าอาคยา, อาเส่อาโพ เบ๊เกอ ปา อู โตโพ๋ โต่ เฮ๊อ.
ကြော်ငြာတွေ