ꤜꤢꤨꤊꤢ꤬ 8:1 - ลีเทส่อพ๊าอาเซ เร๊อ เห่ขุทวาลู๊

¹ เด๊อเง งยาแต๋โต่ เนอ, เหย่ซู่ เถ่จว๊าแก เร๊อ อา จว๊าโน ตอดอ โท ตอดอ, ตีวี โท ตีวี, เร๊อ อา จว๊าเล แด๊โฉ่โด่แน เป่ อู เร๊อ จอแปแหร่ อาเทออาเก่ อา เตซิครือมีลา อาหรี่อาแก. เร๊อ อา โคเจ่ เช๊อซิเนอ ครวาจว๊า เกอ ลูคยา.

Eastern Kayah Shadaw Dialect

¹ ꤘꤣꤋꤛꤢ꤭ ꤑꤢ꤭ꤒꤢꤧ꤬ꤒꤥ꤬ ꤔꤣꤧ꤬, ꤛꤢꤩ꤬ꤏꤛꤢꤨ ꤓꤢꤩ꤬ꤡꤝꤢꤊꤜꤢꤧ ꤚꤣꤧ꤬ ꤢ꤬ ꤡꤝꤢꤔꤥ꤭ ꤒꤣ꤬ꤘꤢꤪ꤭ ꤓꤥ꤭ ꤒꤣ꤬ꤘꤢꤪ꤭, ꤒꤣ꤬ꤠꤤ꤭ ꤓꤥ꤭ ꤒꤣ꤬ꤠꤤ꤭, ꤚꤣꤧ꤬ ꤢ꤬ ꤡꤝꤢꤜꤢꤩ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤚꤣꤧ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤏꤣꤧꤞꤤꤔꤣꤧ꤭ ꤋꤚꤝꤢ꤭ꤡꤝꤢꤊꤣꤧ꤭ ꤜꤢꤨ꤭ꤋꤛꤢ꤭꤯

ꤜꤢꤨꤊꤢ꤬ 8:1 ပူးပေါင်းရင်းမြစ်များ

มัทธิว 4:23

เหย่ซู่ เลจว๊า ลอ กาลิลี เต๊เก่เล เร๊อ อา เลจว๊า อิซว๊าอี๊แส่ อู เด๊อ เตจ๊อเบ โฮกู ปว๋า โต๊โผ่. อา แด๊โฉ่โด่แน เป่ แกแยยิวพู๊ เต๊เห่ เร๊อ จอแปแหร่ อาเทอ อาเก่ เตซิครือมีลา อาหรี่อาแก. เร๊อ อา แหย่โอ่เหม่ เป่ ลอ อู เตชุ๊ย ปว๊าโตเมว เตเช ปว๊าเต๊อเจ่อ.

ꤚꤥꤗꤢꤩ꤬ 10:15

อู เก่ ปลวาแฮ เพรโด่แนพู๊ เต๊เห่ แด๊โฉ่ เป่ เหย่ซี โต่ เฮ๊เรอ เหย่ซี จว๊า โด่แน แด๊โฉ่แจ่ เป่ อู ฮู๊เต? ลีเทส่อพ๊ากู เฮ๊ เน๊อ, “แกแย เด๊อ อา พย๊าแฮ เป่ เตซิครือมีลา เต๊เห่ อากู๊โด่ เนอ อาตว่า แหน่เจ๊อ.”

เพรโด่แนพู๊ เต๊เห่ 13:32

“กู๊แหน่เร๊อ เป แด๊โฉ่ เป่ ซี เตซิครือมีลา. เร๊อ เตซิครือมีลา เออเนอหมา จอแปแหร่ อ๊อแล เป่ โทเฮ๊อ เน๊อ เปเพอเปโพ เด๋อ งย๊าเค เนอเต๊เห่ เฮ๊อ,

เพรโด่แนพู๊ เต๊เห่ 10:38

โทเรอ จอแปแหร่ นว๊าแถ่ วีนาซาเร็ธพู๊ เหย่ซู่ เร๊อ อา เด๊อะ ลู แหย่โยบูโพ๊แบ่เจ่ เร๊อ อา เตโพรเตเตอเรออาฉว่าชอ ฮู๊เต เนอ, ซี ซิเง โทดื่อเฮ๊อ. เหย่ซู่ เลจว๊า เด๊อ เหล่โอ่ ปว๋า โต๊โผ่ เร๊อ จว๊า เมบุ๊ยเมเตอเรอ เป่ อู, แหย่โอ่เหม่ลอ แกแย โอ่ เด๊อ โลเน๊โลหน่า กู่กล๊อ เมนือเมจ๊า ลู เต๊เห่, เมเตเฮ๊เรอ จอแปแหร่ โอ่เกอ เน๊อ อา อาขว่าอาคยา, อา เมเฮ๊อ เต ฮู๊เนอ เฮ๊อ.

ꤜꤢꤨꤊꤢ꤬ 4:18

“จอแปแหร่ แหย่โยบูโพ๊แบ่เจ่ โอ่ เด๊อ แวกู, เมเตเฮ๊เรอ อา นว๊าแถ่ เฮ๊อ แว เร๊อ แว เก่ แด๊โฉ่ เป่ แกแย โซพ๊าโซแรฮู๊เต๊เห่ เร๊อ เตซิครือมีลา เออเนอ เฮ๊อ. แกแย เด๊อ อู ปื่อ ด๊อโอ ลู เด๊อ ทอกู เต๊เห่ อา พย๊าหนิ เตเมแลเปล๊กา อาเง, แกแย เด๊อ อา เป๊เส่คี๊ เต๊เห่ อา เป๊เส่ลี กาคยา อาเง, เร๊อ แกแย เด๊อ อู เมจาเมจือ ลู เต๊เห่ เก่ พย๊าหนิ เตเมแลเปล๊ กา อาเงเนอ, อา นอแฮ เฮ๊อ แว เด๊อ แว เก่ แด๊โฉ่ เป่ เหย่ซี เฮ๊อ.

ꤗꤢ꤬ꤊꤢꤨ 1:39

เร๊อ อา โคเจ่ จว๊าเล ตาวาลอ กาลิลี เต๊เก่เล เร๊อ อา เล แด๊โฉ่โด่แน, อิซว๊าอี๊แส่ เป่ อู เร๊อ จอแปแหร่ อาลาอาโหง่ เด๊อ แกแยกาลิลีพู๊ เต๊เห่ อา เตจ๊อเบโฮกู ปว๋า โต๊โผ่, เร๊อ อา เหว่เถ่แก เป่ อู โลเน๊โลหน่า เต๊เห่.

มัทธิว 13:19

เบ๊อะแกแย เตเพรเพร หนิโฮโปล จอแปแหร่ อาเทออาเก่ เตหรี่เตแก เร๊อ อา ซิเงโปล โต่ เนอหม่า, อาแซ่เน๊อ เตกลุย ลูตา เด๊อ แกล๊เดกู เร๊อ โลเน๊มู๊แหม่รีแจ่ กู่กล๊อ แฮพย๊า ตาพาแก เตกลุย เด๊อ อู เว๊อตา เด๊อ เหย่ซี ซิปล่อกู เนอเต๊เห่.

มัทธิว 11:1

เบ๊อะแบ่เจ่ เหย่ซู่ อิซว๊า ยูแกล๊ยูโกล โทเฮ๊อ อา โคเจ่ เช๊อซิเนอเออ เบ๊อะเนอ, แซ่ฮู๊ อาเก่ จว๊า อิซว๊าอี๊แส่ โด่แน เฮ๊โฉ่ เป่ อู เบ๊อะเนอ เต๊เห่ ปา อาเงเนอ, อา เถ่จว๊า เด๊อ วี โอ่ เด๊อ กาลิลีเก่กู เนอเต๊เห่.

มัทธิว 9:35

แบ่เจ่ เหย่ซู่ เล จว๊าลอ วี ปว๊าวี ดอ ปว๋า ตอดอ เร๊อ เล อิซว๊าอี๊แส่ เป่ อู เด๊อ แกแยยิวพู๊ เตจ๊อเบโฮ เต๊เห่ อากู, เร๊อ จว๊าโน โด่แนแด๊โฉ่ เป่ อู เร๊อ จอแปแหร่ อาเทออาเก่ อา เตซิครือมีลา อาหรี่อาแก, เร๊อ แหย่โอ่เหม่ เป่ ลอ อู เตชุ๊ยเตเช ปว๋า เต๊อเจ่อ.

ꤜꤢꤨꤊꤢ꤬ 1:80

เบ๊อะคูยอห์น ดุแถ่เฮ๊อ เบ๊อะเนอ, จอแปแหร่ อา แหย่โยบูโพ๊แบ่เจ่ เด๊อ ลู เตเตอเรอ อาฉว่าอาชอ, เบ๊อะอา เป๊อแถ่ อาโอ่โล แต่ลา อาเตเม เด๊อ อิสราเอล เต๊เห่ อา เป๊เส่เง ล๋ายโต่ เบ๊อะเนอ, อา จว๊าโอ่ แพ๊ เด๊อ เก่เชเทอแก อากู แพ๊.

ꤜꤢꤨꤊꤢ꤬ 9:6

เพรโด่แนพู๊ เต๊เห่ เถ่จว๊า เร๊อ อา จว๊าโน ตอดอ โท ตอดอ เร๊อ อา จว๊า แด๊โฉ่โด่แน เป่ อู เตซิครือซิลอมีลา, เร๊อ อา จว๊า แหย่โอ่เหม่ เป่ อู เตชุ๊ยเตเช เด๊อ เหล่โอ่ ปว๊า โต๊โผ่.

ꤜꤢꤨꤊꤢ꤬ 20:1

เตอเนอเค, เหย่ซู่ โอ่ เด๊อ เตเตหลู่แตโฮกู เร๊อ อา อิซว๊าอี๊แส่ตา เอ๊ลา แกแย, เร๊อ อา แด๊โฉ่โด่แน เป่ อู เร๊อ เตซิครือมีลา. เร๊อ เบ๊อะเนอเค, เพร หลู่แต กู่กล๊อ เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่, เร๊อ แกแยยิวพู๊ อาตู๊หมู่ตอกล๊อ ทวาดุทวาเต เต๊เห่ จว๊า เด๊อ ลูโอ่.