ꤜꤢꤨꤊꤢ꤬ 7:37 - ลีเทส่อพ๊าอาเซ เร๊อ เห่ขุทวาลู๊

³⁷ เบ๊อะวี เนอตีวี อากูเนอ เพรเหมาะ เด๊อ อา เมเตซื๊อ โอ่เตเพร. อา หนิโฮ เด๊อ เหย่ซู่ แฮเอ่ดี เบ๊อะฟาริสี อาหี่ เร๊อ อา พย๊าแฮหนิ แป เด๊อ อู เม เร๊อ หล่อบู เด๊อ อา โอ่บา เร๊อ เทอโนมื๊อ แตแป.

Eastern Kayah Shadaw Dialect

³⁷ ꤙꤣꤧ ꤠꤤ꤭ ꤔꤣꤧ꤬ꤒꤣ꤬ꤠꤤ꤭ ꤢ꤬ꤊꤢꤨ꤭ꤔꤣꤧ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤗꤢꤩ꤬ꤞꤢꤦꤒꤢꤩ꤬ ꤥ꤬ꤒꤣ꤬ꤖꤚꤢꤩ꤬꤯ ꤢ꤬ ꤔ꤫ꤤ꤬ꤟꤥ꤭ ꤔꤢꤧ ꤛꤢꤩ꤬ꤏꤛꤢꤨ ꤟꤢꤧ꤭ꤢꤩ꤬ꤘꤤ꤭ ꤙꤣꤧ ꤖꤢ꤬ꤚꤤ꤬ꤏꤛꤢꤧꤖꤢꤨꤣꤧ꤭ ꤢ꤬ꤟꤤ꤬ ꤚꤣꤧ꤬ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤕꤢꤧ꤭ ꤘꤣ ꤢꤨ꤭ ꤗꤢꤩ꤬ ꤔꤢꤧ ꤜ꤫ꤢꤪ꤬ꤙꤢꤨ꤭ ꤘꤣ ꤢ꤬ ꤥ꤬ꤙꤢ꤭ ꤔꤢꤧ ꤓꤣꤧ꤭ꤔꤥ꤬ꤗꤢꤦ ꤒꤣ꤬ꤕꤢꤧ꤭꤯

ꤜꤢꤨꤊꤢ꤬ 7:37 ပူးပေါင်းရင်းမြစ်များ

ꤜꤢꤨꤊꤢ꤬ 5:32

แว แฮ เอ๊กา แกแย เด๊อ อาจ๊ออาเต เนอเต๊เห่ หม่าโต่. แซ่ฮู๊ เพรเตเหล่ซื๊อพู๊ เต๊เห่ เก่ ถู่แหล่แต๊แกละกา แลแค อาซิปล่อ เนอเรอ, แว แฮ เอ๊กา เหย่ซี แพ๊.”

มัทธิว 21:31

“พู๊เพรคู เออซิเนอเนอ, อา หนิดา อา เพ เต เบ๊อะเต เตเพรเต?” เร๊อ เหย่ซี เฮ๊ฉื่อ ลู เน๊อ, “อาดุ เตเพร.” เร๊อ แบ่เจ่ เฮ๊ เหย่ซี เน๊อ, “แว เฮ๊จ๊อจ๊อ ซี, เพรกุยอาหมู่อาร๊า เร๊อ แม๊เผ่โหมะ จว๊าโน เผ่แก เฮ๊อ ซี เด๊อ ม๊อขุ เฮ๊อ.

เปโตร อาเหร่อเล๊อ ต๊าบ่า 4:18

ฮู๊ ลีเทส่อพ๊า เฮ๊หนื่ออื่อ เนอ, “แกแย จ๊อเต เต๊เห่ เก่ พย๊าหนิ เมแลเปล๊กา อาเงเนอ, อาแป่อาเช แหน่เจ๊อ. เก่เฮ๊ฮู๊เนอ เร๊อ แกแย เด๊อ อา โชโด จอแปแหร่ เต๊เห่ เร๊อ เพรเหล่ซื๊อ เต๊เห่เนอ อา เก่แป่เก่เช เจ๊อ บ๋า เต ปาเนอ เหล่เฮ๊ โอ่ปา เจ๊อ โต่.”

ทิโมธี อาเหร่อเล๊อ ต๊าบ่า 1:9

เป ซิเง เร๊อ เตซว๊าเตแส่ เออเต๊เห่เนอ, อู เด๊อะโอ่แถ่ อา เด๊อ แกแยจ๊อแกแยเต เต๊เห่ อาเงเนอ หม่าโต่. โท๊โต่ อู เด๊อะโอ่แถ่ เป่ แกแย เด๊อ อา เมซื๊อ เตซว๊าเตแส่ เต๊เห่ เน๊อ แกแย เด๊อ อา หนิดา เกออู โต่ เต๊เห่. โทเรอ แกแย เด๊อ อา แด่หยื่อแด่แหน่ เกออู จอแปแหร่ โต่ เต๊เห่, เน๊อ แกแย เด๊อ อา เม เตซื๊อเตปล๊า เต๊เห่, เน๊อ อา จ๊อเบ เกออู จอแปแหร่ โต่ เต๊เห่, เน๊อ อา เตเน เกออู จอแปแหร่ โต่ เต๊เห่, เน๊อ อา เมเซอ อาเพ เก่หม่าโต่เรอ อาโหมะ เต๊เห่, เน๊อ อา เมเซอ แกแย เต๊เห่,

ꤜꤢꤨꤊꤢ꤬ 18:13

“หม่าแน๊เรอ เพรกุ่ยอาหมู่อาร๊า เออเตเพรเนอ, อา จว๊าก๊อถ่อโอ่ โล เด๊อ อายา, เร๊อ อา แม๊แถ่ บื่อ เจ๊อ อาเป๊เส่ เด๊อ ม๊อขุ โต่. อา ซิเปล เร๊อ อา แปล่แล เกอเร๊อ อาโตโอ่. เร๊อ อา เฮ๊ เน๊อ, ‘เก๋อ จอแปแหร่ ซิยอเกอเร๊อ แว. แว หม่า เพรเตเหล่ซื๊อพู๊ เตเพร.’”

ꤜꤢꤨꤊꤢ꤬ 5:30

ฟาริสี เต๊เห่ เร๊อ เพรอิซว๊า เตซว๊าเตแส่ อาซ๊าร๊า เด๊อ เหย่ซี อาตู๊หมู่ตอกล๊อกู เต๊เห่ แด่ ลอ เตซื๊อ เด๊อ แบ่เจ่ แบ่เจ่เหย่ซู่ อา โคเจ่ เต๊เห่ อาขุ เร๊อ อา เฮ๊ เน๊อ, “ซี จว๊า เอ่เต่อโอเต่อเกอ เร๊อ เพรกวาอาหมู่อาร๊า เต๊เห่ เร๊อ เพรโอ่หร่าพู๊ เนอเต๊เห่ เมเต?” เหย่ซี แด๊เฮอ แลแค ฮู๊เนอ.

ꤚꤥꤗꤢꤩ꤬ 5:8

หม่าแน๊เรอ จอแปแหร่ โม เจ๊อ เป บ๋า เต เฮ๊เรอ, เบ๊อะเป ทวาปา เจ๊อ เพรเมเตซื๊อ เตโอ่หร่าพู๊ เบ๊อะเนอ ปา เจ๊อ เนอเรอ, ครี๊ แฮข่าเซอ อาซิปล่อ เด๊อ เปเง. เออ หม่า จอแปแหร่ เด๊อะโลเป่เฮ๊อ เป เน๊อ อาเตโม เป เฮ๊อ.

ꤛꤥ꤭ꤟꤢ꤬ 11:2

เหมาะมารีย์ เออเตเพร หม่า หม่าเฮ๊อ อา แล๊ตา เทอโนมื๊อ เด๊อ แบ่เจ่ อา กู๊โด่ลู เร๊อ อา ทื๊อปลี เร๊อ อากู่โล เนอเตเพร เฮ๊อ. คูลาซารัส เด๊อ อาชุ๊ย เออเตเพร เนอหม่า อา โป่เพรคู เฮ๊อ.

ทิโมธี อาเหร่อเล๊อ ต๊าบ่า 1:15

แซ่ฮู๊ เหย่ซู่ครี๊ เก่ แฮ เมแลเปล๊กา แกแย เตซื๊อเตปล๊าพู๊ เต๊เห่ เรอ, อา แฮแล เด๊อ เห่ขุ เออ เฮ๊อ. เตเฮ๊เบ่ เออเนอหมา อาจ๊ออาเต เร๊อ แกแย ล๋อ ปลี โตเบ่ พย๊าฉื่อ ลอ อา ซีปล่อชีเม. เพรเมซื๊อเตพู๊ ล๋อ ปลี อาเกลเนอหม่า แว หม่า แกแย เด๊อ อา เมซื๊อ ดุเล๊ออู เตเพร เฮ๊อ.

ꤛꤥ꤭ꤟꤢ꤬ 9:31

เพรเตซื๊อพู๊ กุย เตเมจว่า เนอ, จอแปแหร่ หนิดา โต่ เนอหม่า เป ซิเง. อา หนิดา แพ๊ ตื๊อ แกแย เด๊อ อา หยื่อเอ่ ลู เร๊อ อา เมโต ลูซิปล่อ เนอเต๊เห่ แพ๊.

ꤛꤥ꤭ꤟꤢ꤬ 9:24

ฟาริสี เต๊เห่ เอ๊แฮ คยาแซ๊ แกแย เป๊เส่คี๊น๊อ เออเตเพร เร๊อ เหย่ซี เฮ๊ ลู เน๊อ, “แด๊โฉ่จ๊อจ๊อ เด๊อ จอแปแหร่ อาเป๊เส่เง เนอ, เป ซิเง เร๊อ แกแย เมลีแม๊เถอะ เน เป๊เส่ เนอเตเพร หม่า เพรเตซื๊อพู๊แพ๊,” อา เฮ๊ ลู ฮู๊เนอ.

ꤜꤢꤨꤊꤢ꤬ 19:7

ล๋อ แกแย เด๊อ อา แม๊เถอะ เหย่ซู่ จว๊า เกอ เด๊อ คูศักเคียส อาหี่ เต๊เห่เนอ, อา ตามวาเตเล ลอ แลแค เร๊อ อา เฮ๊ เน๊อ, “แกแย เออเตเพร จว๊าโอ่เล เต่อเกอ โต่เด๊อ เพรเตเหล่ซื๊อพู๊ อาหี่.”

ꤜꤢꤨꤊꤢ꤬ 7:34

แกแยพู๊คู หม่าเฮ๊อ แวเออ แฮเอ่แฮโอ เกอลาติ เร๊อ ซี เฮ๊ เน๊อ, ‘แม๊มอ, แกแย เออเตเพรเล๊, อา โอฉว่า แหน่เจ๊อ แท๊ทือเส่เทอแย, อา จว๊า แบ๊ซว๊าแบ๊โค ดื่อเง เร๊อ เพรกุย อาหมู่อาร๊า เร๊อ เพรเตเหล่ซื๊อโอ่ เนอเต๊เห่เล,’ ซี เฮ๊ ฮู๊เนอ.

ꤜꤢꤨꤊꤢ꤬ 7:36

ฟาริสีพู๊ เตเพร แฮเอ๊เอ่ เหย่ซู่ ดีเหมาะเฮ๊ เร๊อ เหย่ซู่ กาเกอ เด๊อ อาหี่ เร๊อ กาโอ่แน เอ่เกอ ลู เด๊อ ดีอาเหร่ อาช๊า.