ꤜꤢꤨꤊꤢ꤬ 7:2 - ลีเทส่อพ๊าอาเซ เร๊อ เห่ขุทวาลู๊

² เบ๊อะวีกูเนอ โรมัน เกลอฮู๊กู่กล๊อ โอ่ เตเพร, เร๊อ อาหลู่ เด๊อ อา โมเกอเร๊อ แหน่เจ๊อ ลู เออเตเพรเนอ, อา ชุ๊ย เร๊อ อา ผื่อ เซเร เซอตีลี๊ ลา เจ๊อ เฮ๊อ.

Eastern Kayah Shadaw Dialect

² ꤙꤣꤧ ꤠꤤ꤭ꤊꤢꤨ꤭ꤔꤣꤧ꤬ ꤚꤥꤗꤢꤩ꤬ ꤊꤜꤣꤧ꤭ꤊꤢꤨ꤬ꤊꤜꤢꤪ ꤥ꤬ ꤒꤣ꤬ꤖꤚꤢꤩ꤬, ꤚꤣꤧ꤬ ꤢ꤬ꤜꤢꤨ꤬ꤜꤢꤩ ꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤗꤥ꤬ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤜꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤏꤝꤤ ꤚꤣꤧ꤬ ꤢ꤬ ꤊ꤫ꤢꤦ꤬ꤚꤢꤩ꤭ ꤞꤣꤧ꤭ꤒꤣꤧ꤬ꤜꤤ ꤜꤢ꤭ ꤡꤣꤧ ꤟꤣꤧ꤯

ꤜꤢꤨꤊꤢ꤬ 7:2 ပူးပေါင်းရင်းမြစ်များ

เห่ขุทวาลู่ 24:27

เร๊อ อา เฮ๊ เน๊อ, “ถู่เซ๊แถ่ จอแปแหร่ ตูจูเพร, แวแบ่เจ่ เพอับราฮัม อาจอแปแหร่ดุ. อา หม่า อา โมเร๊อ แวแบ่เจ่ เน๊อ อาเตโม เด๊อ อาลอเป่แจ่ โต่ เออ เร๊อ อา จ๊อ เน๊อ อาโหง่. อา ซูแฮ แว เร๊อ อา นอ แม๊เถอะ โตตื๋อ เจ๊อ แว เน๊อ แวแบ่เจ่ อากลุยอาแล เจ๊อ.”

โคโลสี 3:22

หลู่ ซี๋ หนิดา แลแค ซีแบ่เจ่ เต๊เห่ อาโหง่ เด๊อ เตล๋อ ปลี อากู นี๋. ซี ซิหยื่อ พย๊าหนิ อา เตถู่เซ๊ ซี เร๊อ ซี เมแร๊ แลแค แพ๊ตื๊อ เบ๊อะอา เป๊เส่เง แพ๊. เม แลแค ฮู๊เนอ แต่เหม่ นี๋. เมแร๊ แลแค ปว๋า โตโพ๊ เด๊อ เตซิปล่อจ๊อ ซิปล่อเต อากู นี๋. เมเตเฮ๊เรอ, เด๊อ ซี ย๋อ แด่หยื่อแด่แหน่ แลแค จอแปแหร่ อาขว่าอาคยา, ตูรู๊ เมแร๊ แลแค นี๋.

ꤜꤢꤨꤊꤢ꤬ 23:47

โรมัน เกลอฮู๊เตเย กู่กล๊อ เออเตเพร แม๊เถอะ เตเมอาเหน่ เออเต๊เห่ เร๊อ อา ถู่เซ๊แถ่ จอแปแหร่ เร๊อ อา เฮ๊ เน๊อ, “แกแย เออเตเพร หม่า แกแยจ๊อ แกแยเต หม่าแหน่ เจ๊อ แหน่ เฮ๊อ!”

ꤜꤢꤨꤊꤢ꤬ 8:42

เมเตเฮ๊เรอ อา พู๊เพร เหมาะ โอ่แพ๊ เตเพรเพร่ว แพ๊ เร๊อ อา หน่าโอ่เฮ๊อ เช๊อเนอหน่า เออเตเพร เตเร เซอตีลี ลาเฮ๊อ อาขว่าอาคยา, อา จว๊า เอ๊กา เหย่ซู่ เด๊อ อาหี่ แพ๊. เบ๊อะเหย่ซู่ ครวากาเกอ ลู เด๊อ แกล๊ลู เบ๊อะเนอ, แกแย ครวา ดุ๊ยแฮยาแฮ โอ่ปลูโอ่บี๊ลอ อา ดีโค๊ดีเง เจ๊อ.

มัทธิว 27:54

เบ๊อะโรมัน เกลอฮู๊เตเย กู่กล๊อ เออเตเพร เร๊อ แกแย เด๊อ อา โอ่ป่อแม๊เร๊อ เหย่ซู่โล เออเต๊เห่ แม๊เถอะ เตเน่วท๊อดี เร๊อ ล๋อ เตทวาแถ่ อาเหน่ เออเต๊เห่ เบ๊อะเนอ, เหย่ซี ซิอิเช เร๊อ อา เฮ๊ แลแค เน๊อ, “อา หม่า จอแปแหร่ อาพู๊ หม่าแหน่ แหน่ เฮ๊อ.”

เห่ขุทวาลู่ 35:8

งยาแต๋โต่เร๊อ, เหมาะเดโบราห์ หม่าดื่อ โหมะเรเบคาห์ อาหลู่เล๊ เออ อา เซอแก เร๊อ อู โล๊ตาแก ลู เบ๊อะ วีเบธเอล แบ๊แล, เก่ตอกู ส่อเหมาะดุเล เนอโต๊โผะ. ฮู๊เนอเร๊อ อู เอ๊ แก เหล่โอ่ เนอโต๊โผะ อามุย เน๊อ อัลโลนบาคูท. อัลโลนบาคูท อาโหง่แลช๊า หม่า เตโหง่เตเห่ อาส่อเหมาะดุ.

เพรโด่แนพู๊ เต๊เห่ 27:43

หม่าแน๊เรอ เกลอฮู๊เตเย อา กู่กล๊อเออ อา ซิหยื่อ เมแลเปล๊ คูเปาโล อาขว่าอาคยา, เฮ๊ ดี๊แดตาตือ เกลอฮู๊ เต๊เห่ เร๊อ อา เก่ เมเซอ แต่ เหย่ซี เตเพร่ว แต่เหม่. ฮู๊เนอ อาขว่าอาคยา, อา เฮ๊ตา อาโหง่ เร๊อ แกแย เด๊อ อา เป๊เหย่แจ่ เทอ เต๊เห่เนอ อี๊ฉ่าตา เหร่อเล๊อมอ เด๊อ เทอกูเนอ เร๊อ เป๊เหย่เถ่เหร่อมอ เด๊อ โคขุ เนอ.

เพรโด่แนพู๊ เต๊เห่ 27:3

ช๊าป่าโร เนอ, เป จว๊าโต่ เด๊อ วีไซดอน. คูยูเลียส ซิยอ เกอเร๊อ คูเปาโล. เร๊อ แซ่ฮู๊ อา โคแบ๊ซว๊า เต๊เห่ เก่ เด๊อะเป่ เกอ ลู เต เด๊อ อา โอ่ เต๊เห่เนอ เร๊อ อา ปลวาจว๊าโอ่เล เกอ ลู เด๊อ อา โคแบ๊ซว๊า เต๊เห่ อา โอ่.

เพรโด่แนพู๊ เต๊เห่ 27:1

เบ๊อะอู เฮ๊ปลื๊อเฮ๊โท เฮ๊อ โหง่ เด๊อ เป เบ่ แถ่แด๊หนิ ส่อเกลอดุ เร๊อ เบ่ เถ่จว๊า เด๊อ อิตาลีเก่ เบ๊อะเนอ, คูเปาโล เร๊อ แกแย อาโร เด๊อ อู ด๊อตา เหย่ซี เด๊อ ทอกู เต๊เห่เนอ, อู เด๊อะตาแก เหย่ซี เด๊อ คูยูเลียส อา กู๊ยากู. คูยูเลียส หม่า เกลอฮู๊เตเย อากู่กล๊อ เตเพร. อา หม่า อา โอ่ ป่าโนเต่อ เกอ เด๊อ โรมัน เกลอฮู๊ เด๊อ อา โอ่ อาเพร ตีรี๊ ตู๊หมู่, เร๊อ อู เอ๊ เร๊อ “ออกัสตัส อาเกลอฮู๊ เบ๊หมู่ดุ.”

เพรโด่แนพู๊ เต๊เห่ 23:17

เออโตโพ๊เรอ คูเปาโล เอ๊ เกลอฮู๊เตเย อา กู่กล๊อดุ เต๊เห่ อาเกล เตเพร เร๊อ อา เฮ๊ ลู เน๊อ, “ซูจว๊า เป๊เจ่ เพรคูพู๊ เออเตเพร เด๊อ เกลอฮู๊ตีรี๊ กู่กล๊อ เนอเตเพร อา โอ่ เนอ. เร๊อ เตหรี่เตตแก เด๊อ อา ซิหยื่อ แด๊โฉ่โล เป่ ลู เนอ, อา โอ่ เตอ เจ่อ.”

เพรโด่แนพู๊ เต๊เห่ 22:26

เบ๊อะเกลอฮู๊เตเย อากู่กล๊อ เออเตเพร หนิโฮ เตเออ เบ๊อะเนอ, อา จว๊า แด๊โฉ่ แฮเง เป่ เร๊อ เกลอฮู๊ตีรี๊ อากู่กล๊อ เร๊อ อา จว๊าแด๊เฮอ เกลอฮู๊ตีรี๊ อากู่กล๊อ เออ เน๊อ, “เน เตเร เม อา ฮู๊เต ปา? อา หม่า โรมัน เทอพู๊เก่พู๊ เตเพร ว๊า!”

เพรโด่แนพู๊ เต๊เห่ 10:7

เตเน่วม๊อขุพู๊ เถ่จว๊าแก โทเรอ, เพโครเนลิอัส เอ๊แฮ อาหลู่เล๊ เด๊อ อา หี่ด๊อกู ซิเนอ เร๊อ เกลอฮู๊ เตเพร เด๊อ อา แด่ดุหยื่อแหน่ จอแปแหร่ เร๊อ อา เหล่หยื่อเอ่ เกอเร๊อ ลู เออเตเพร. เร๊อ อา แด๊โฉ่โล เป่ลอ เหย่ซี เร๊อ เตเมทวาแถ่ โทเฮ๊อ อาเหน่ เร๊อ อา เออเต๊เห่, โทเรอ อา นอจว๊า เหย่ซี เด๊อ วียัฟฟา.

เพรโด่แนพู๊ เต๊เห่ 10:1

เบ๊อะวีเก่ซารียา อากู เนอ, เกลอฮู๊ ทวาดุ เด๊อ อามุย เร๊อ เพโครเนลิอัส โอ่เตเพร. อา หม่า โรมัน เกลอฮู๊ เตเย อากู่กล๊อ เด๊อ อู เฮ๊ เร๊อ อิตาเลีย เกลอฮู๊โกล.

ꤜꤢꤨꤊꤢ꤬ 7:1

เบ๊อะเหย่ซู่ เฮ๊ เป่ โทลอ เฮ๊อ อู เนอ ล๋อ เตเออเต๊เห่ เบ๊อะเนอ, อา กาคยา เด๊อ วีคาเปอรนาอูม.

ꤜꤢꤨꤊꤢ꤬ 7:3

เบ๊อะเกลอฮู๊กู่กล๊อ เออเตเพร หนิโฮ เหย่ซู่ อาหรี่อาแก เบ๊อะเนอ, อา นอจว๊า ยูดาห์ โหมะพรูโหมะเผร่ เด๊อ อา ทวา ทวาดุทวาเต เต๊เห่ เด๊อ เหย่ซู่ อา โอ่ เร๊อ อา นอจว๊า กูยซิยอ ลู เร๊อ อา เก่ จว๊า แหย่โอ่เหม่ เป่ ลู หลู่เล๊ เออเตเพร.