ꤜꤢꤨꤊꤢ꤬ 7:16 - ลีเทส่อพ๊าอาเซ เร๊อ เห่ขุทวาลู๊

¹⁶ แกแย เบ๊หมู่ เออเต๊เห่ คย๊าอายื๊อ ลอปลี เจ๊อ เร๊อ ถู่เซ๊แถ่ แลแค จอแปแหร่ เร๊อ อา เฮ๊ แลแค เน๊อ, “เพรโพรดุ โอ่โลแถ่ เฮ๊อ เด๊อ เปเกล เตเพร เฮ๊อ” เร๊อ “จอแปแหร่ แฮแล เมจว่า เฮ๊อ อาแกแย เฮ๊อ.”

Eastern Kayah Shadaw Dialect

¹⁶ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤋꤛꤢꤛꤢꤦ ꤜꤢꤪ꤭ꤕꤜꤤ꤭ ꤡꤣꤧ ꤚꤣꤧ꤬ ꤓꤢꤨ꤬ꤞꤢꤩꤓꤢꤧ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤖꤚꤢꤩ꤬ꤖꤚꤥ꤬ꤘꤢꤨ꤬ ꤥ꤬ꤜꤥ꤭ꤓꤢꤧ꤬ ꤟꤣꤧ ꤘꤣ ꤕꤢꤩ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ ꤟꤣꤧ” ꤚꤣꤧ꤬ “ꤡꤢꤪꤗꤣꤧ꤬ꤚꤢꤧ꤬ ꤟꤢꤧ꤭ꤜꤢꤧ꤬ ꤗꤢꤩ꤬ꤡꤝ꤫ꤢ꤬ ꤟꤣꤧ ꤢ꤬ꤊꤣꤧ꤬ꤛꤢꤧ꤭ ꤟꤣꤧ꤯”

ꤜꤢꤨꤊꤢ꤬ 7:16 ပူးပေါင်းရင်းမြစ်များ

ꤜꤢꤨꤊꤢ꤬ 7:39

เบ๊อะฟาริสี เด๊อ อา เอ๊โมฉื่อ เหย่ซู่ เออเตเพร แม๊เถอะ อา เมพู๊เออ เบ๊อะเนอ, อา เตเน เด๊อ อา ซิปล่อกู เน๊อ, “แกแย เออเตเพรเนอ, อา เก่ หม่าแหน่ เพรโพร เตเพร เก่เฮ๊เรอ, เพรเหมาะ เด๊อ อา เต่อเบ่ ลู เออเตเพร เนอหม่า เพรเหมาะ ฮู๊เต เต๊อเจ่อเต, เร๊อ เด๊อ อาเหร่ออาเนอ เนอหม่า อา โอ่เซอเพร เมแคร๋ ฮู๊เตเนอ อา โต ซิเง วา.”

มัทธิว 9:8

จอแปแหร่ เด๊อะตาเป่แกแย อา เตอเรอฉว่าชอ ฮู๊เออ อาขว่าอาคยา, เบ๊อะแกแย เบ๊หมู่ แม๊เถอะ เตเมอาเหน่ ฮู๊เนอ เบ๊อะเนอ, เหย่ซี ซิอิเช ซิแหน่ซิเตเร แลแค จอแปแหร่ เร๊อ ถู่เซ๊แถ่ แลแค จอแปแหร่.

ꤜꤢꤨꤊꤢ꤬ 1:68

“เป เก่ ถู่เซ๊แถ่ โหร่ลู อิสราเอล อา แบ่เจ่ จอแปแหร่ โป๋ เมเตเฮ๊เรอ อา แฮเฮ๊อ เด๊อ อาแกแย เต๊เห่ อา โอ่ เฮ๊อ เร๊อ อา แฮ เมแลเปล๊กา เฮ๊อ อาแกแย เฮ๊อ.

ꤜꤢꤨꤊꤢ꤬ 5:26

อู คย๊าอายื๊อ ลอปลี เจ๊อ ปว๊า เพร เจ๊อ. เร๊อ เหย่ซี ถู่เซ๊แถ่ แลแค จอแปแหร่ เร๊อ อา เฮ๊ แลแค เน๊อ, “เออเตอเนอ, เป แม๊เถอะเฮ๊อ เตโค๊ตีกลี๊เจ๊อ เต๊เห่ เฮ๊อ!”

ꤜꤢꤨꤊꤢ꤬ 2:20

เพรเกซิหมิพู๊ เออเต๊เห่ กาคยา คยาแซ๊ เด๊อ เหย่ซี ซิหมิ เต๊เห่ อา โอ่. เร๊อ ฮู๊ เตเน่วม๊อขุ แด๊โฉ่โล เป่ เหย่ซี เร๊อ เหย่ซี หนิโฮน๊อ, เหย่ซี จว๊า แม๊เถอะเบ่น๊อ อาขว่าอาคยา, เหย่ซี ถู่เซ๊แถ่ จอแปแหร่, โท๊โต่ เหย่ซี แด่ดุแด่ทูหนิจอแปแหร่.

ꤜꤢꤨꤊꤢ꤬ 1:65

แกแย โอ่ผื่อโอ่ว๊า เบ๊อะเนอ เต๊เห่ คย๊าอายื๊อ ลอปลี เจ๊อ, เร๊อ เตทวาแถ่ ฮู๊เออเนอ อา โลปีซี จว๊าลอ เจ๊อ ยูดาห์เก่ เต๊เก่เล เจ๊อ.

มัทธิว 21:11

แกแย เบ๊หมู่เออ เฮ๊ฉื่อ เน๊อ, “อา หม่า เหย่ซู่. อา หม่า เพรโพรโอ่ เด๊อ วีนาซาเร็ธ, กาลิลีเก่ เตเพร.”

มัทธิว 15:31

เบ๊อะแกแย เต๊เห่ แม๊เถอะ เร๊อ แกแย เป๊ เต๊เห่ เฮ๊เบ่ แจ่ กาคยา, แกแย ด๊าตอ เต๊เห่ จว๊าแจ่ กาคยา, แกแย ด๊าตือรือ เต๊เห่ จว๊าแร๊ กาคยา, แกแย เป๊เส่คี๊ เต๊เห่ เป๊เส่ ลีกาคยา เบ๊อะเนอ, เหย่ซี คย๊ายื๊อ เร๊อ ถู่เซ๊แถ่ อิสราเอล อา จอแปแหร่.

ꤊꤢ꤬ꤜꤢ꤬ꤒꤤ 1:24

เด๊อ แวขว่าแวคยา, เร๊อ เหย่ซี ถู่เซ๊แถ่ แลแค เฮ๊อ จอแปแหร่ เฮ๊อ.

เพรโด่แนพู๊ เต๊เห่ 5:5

คูอานาเนีย หนิโฮ โหง่ เออเนอ เร๊อ โตโพ๊โต อา แลคื๊อเซอแก เจ๊อ. เร๊อ ล๋อ แกแย เด๊อ อา หนิโฮซิเง แลแค เตเมทวาแถ่ อาเหน่ เออเต๊เห่เนอ อา ต๊อหร่อเซ๊ ซิอิเช ลอปลี เจ๊อ.

ꤛꤥ꤭ꤟꤢ꤬ 9:17

เด๊อคยา เร๊อ เหย่ซี แด๊เฮอ คยาแซ๊ แกแยเพ เป๊เส่คี๊น๊อ โตโพ๊ เออเตเพร เน๊อ, “อา เม ลี กาเฮ๊อ เนเป๊เส่ เฮ๊อ, ฮู๊เนอเรอ เน เก่ เฮ๊ อา เน๊อ อา หม่า อา ทวา แกแย ฮู๊เต เตเพร เต?” เร๊อ อา เฮ๊ฉื่อ เหย่ซี เน๊อ, “อา หม่า เพรโพร เตเพร,” อา เฮ๊ฉื่อ ฮู๊เนอ.

ꤛꤥ꤭ꤟꤢ꤬ 6:14

เบ๊อะแกแย เออเต๊เห่ แม๊เถอะโท แบ่เจ่ เหย่ซู่ เม เตโค๊ตีกลี๊คยา เออเต๊เห่ เบ๊อะเนอ, เหย่ซี เฮ๊ แลแค เน๊อ, “เพรโพร เด๊อ อา เตเร แฮแล เด๊อ เห่ขุเออ ปา อู เฮ๊ เนอหม่า อา หม่า แหน่ เฮ๊อ อา เฮ๊อ,” อา เฮ๊ แลแค ฮู๊เนอ.

ꤛꤥ꤭ꤟꤢ꤬ 4:19

เพรเหมาะเออ เฮ๊ ลู เน๊อ, “ซ๊าร๋า, แว แม๊เถอะ ซิเง ตาเตเฮ๊อ เร๊อ เน หม่า เพรโพร เตเพร.

ꤛꤥ꤭ꤟꤢ꤬ 1:25

เร๊อ เหย่ซี แฮ แด๊เฮอ โป่ คูยอห์น เน๊อ, “เน เก่ หม่า ครี๊ หม่าโต่โต่, เพรโพร เอลียาห์ หม่าโต่โต่, เพรโพร เด๊อ จอแปแหร่ อ๊อแล เด๊อ อา นอแฮ ลู เนอเตเพร หม่าโต่โต่ เก่เฮ๊เรอ เน จว๊า เจ เป่ โต่ อู เทอ เมเต?” เหย่ซี เฮ๊ ลู ฮู๊เนอ,

ꤛꤥ꤭ꤟꤢ꤬ 1:21

เหย่ซี แด๊เฮอ โป่ เน๊อ, “เก่ เมฮู๊เนอเรอ, เน หม่า อูเป? เน หม่า เพรโพร เอลียาห์ แอ?” เร๊อ คูยอห์น เฮ๊ฉื่อ เหย่ซี เน๊อ, “หม่าโต่.” โทเรอ เหย่ซี แด๊เฮอ โป่ เน๊อ, “เน หม่า เพรโพร เด๊อ จอแปแหร่ อ๊อแล เด๊อ อา เก่ นอแฮแล ลู ปา เนอเตเพร แอ?” เร๊อ อา เฮ๊ฉื่อ เน๊อ, “หม่าโต่”

ꤜꤢꤨꤊꤢ꤬ 24:19

เร๊อ เหย่ซู่ เแด๊เฮอ ลู เน๊อ, “อู เมแคร๋ อิเตเออ?” เร๊อ เหย่ซี เฮ๊ฉื่อ ลู เน๊อ, “หม่าแหน่เฮ๊อ วีนาซาเร็ธอาพู๊ เหย่ซู่ อาหรี่อาแก เนอ กอก๋อ. อา หม่า เพรโพร เตเพร. อา เตเฮ๊เบ่เฮ๊โช เร๊อ อา เตเอ่เตแร เด๊อ จอแปแหร่ เร๊อ แกแย ล๋อ ปลี อาเป๊เส่เง เนอ, อา โอ่ เร๊อ เตโพรเตเตอเรอ เจ๊อ.

ꤜꤢꤨꤊꤢ꤬ 9:19

เร๊อ เหย่ซี เฮ๊ฉื่อ เน๊อ, “เต๊เห่เห่เร๊อ อา เฮ๊ เน เน๊อ เพรเจเทอ คูยอห์น, เต๊เห่เห่ เกอ ลาติเรอ อา เฮ๊ เร๊อ เพรโพร เอลียาห์, เต๊เห่เห่เร๊อ อา เฮ๊ เร๊อ เพรโพร เด๋อ งย๊า เค เต๊เห่ อาเกล เตเพร๊เตเพร ก๊อถ่อเซอเพร กาคยา แพ๊,” อา เฮ๊ แลแค ฮู๊เนอ.

ꤜꤢꤨꤊꤢ꤬ 8:37

เตเมโทอาเหน่ ฮู๊เนอเรอ, ล๋อ แกแย เด๊อ อา โอ่ ตีวี๊ตาวา เบ๊อะเกราชาเก่ ทือ เนอเต๊เห่ ซิอิเช ตาลว๊าซิลือ อาขว่าอาคยา, เหย่ซี กุยซิยอ เหย่ซู่ เร๊อ อา นอจว๊า ตาพาแก เร๊อ เหย่ซี เบ๊อะเนอ. เร๊อ เหย่ซู่ เถ่จว๊า แถ่โน เด๊อ ส่อเกลอกู เร๊อ อา กาเด๊อกาลิลีเก่.

ꤜꤢꤨꤊꤢ꤬ 5:8

เบ๊อะคูซีโมน เปโตร แม๊เถอะ เตเมอาเหน่ ฮู๊เออ เบ๊อะเนอ, อา แด๊งือแลเด๊อ เหย่ซู่ อา กู๊โด่ช๊า เร๊อ อา เฮ๊ เน๊อ, “แบ่เจ่, เถ่จว๊า ตาพาแก เร๊อ แว, แว หม่า แกแย เตซื๊อเตโอ่หร่าพู๊ แพ๊.”

มัทธิว 28:8

ฮู๊เนอเรอ เพรเหมาะ เออซิเนอ โอ่ เบ๊อะโลกู เนอ เร๊อ อา โต๊โปล่ตาปยา เถ่กา แลแค. เหย่ซี ซิอิเชเช, ซิครือครือ เจ๊อ เร๊อ อา แกล่กา แด๊โฉ่ เป่ แลแค อา โคเจ่ เต๊เห่.

เพรโด่แนพู๊ เต๊เห่ 7:37

“คูโมเสส หม่า แกแย เด๊อ อา แด๊โฉ่โล เป่ อิสราเอล อากลุยอาแล เต๊เห่ เน๊อ, ‘จอแปแหร่ เก่ นอแกแล เพรโพร เด๊อ ซีโอ่ ฮู๊ อา นอจว๊า แว เออเนอ ปา, เร๊อ อา หม่า ซี แกแยเมวเจอะ พู๊ เร๊อ ดื่อ แพ๊.’

ꤜꤢꤨꤊꤢ꤬ 19:44

โทปาเรอ เหย่ซี เก่ เม่ปย๊าแก ลอ เน เน๊อ ล๋อ แกแย โอ่ เด๊อ เกเร๊กู เด๊อ อูแบ๊ตาวาบี๊ลอ เน เร๊อ หล่อ เนอเต๊เห่ ปา. เบ๊อะหล่อเตเม แพ๊ เนอ อา เก่ โอ่จิจือ หม่า ปา เจ๊อ ลู โต่ ปา, เมเตเฮ๊เรอ จอแปแหร่ เก่ แฮแแล เมแลเปล๊กา เน อาเงเนอ, เน แด่หยื่อแด่แหน่ ลู เบ๊อะโต่ อาขว่าอาคยา, อา เก่ เมทวาแถ่ ฮู๊เนอ ปา.”

ꤜꤢꤨꤊꤢ꤬ 7:15

เร๊อ แกแย เซอ เออเตเพร ก๊อถ่อโอ่แนโอ่, เร๊อ อา เฮ๊เบ่ คยาแซ๊. เร๊อ เหย่ซู่ นอจว๊าโตคยา ลู เด๊อ อาโหมะ โอ่.