ꤜꤢꤨꤊꤢ꤬ 6:35 - ลีเทส่อพ๊าอาเซ เร๊อ เห่ขุทวาลู๊

³⁵ โตเบ่ เมหนิ ฮู๊เนอ โต่! โมหนิเรอ แกแย เด๊อ อา ซิเถ่ ซี เนอเต๊เห่ เร๊อ เมแร๊ เหย่ซี เนอ, เด๊อะบ่อ เต เร๊อ แม๊ชือ พย๊าหนิ กาคยา เต เตเต๊อเจ๋อ แต่เหม่. ซี เก่ เมฮู๊เนอ เฮ๊เรอ จอแปแหร่ เก่ เด๊อะบุ๊ยเด๊อะเตอเรอ ตาป่อตาเป เจ๊อ ซี ปา. ซี เก่ เด๊อะบ่อ อู เร๊อ ซี เก่ แม๊ชือ พย๊าหนิ กาคยา คยาแซ๊ เต เตอเจ๋อ โต่ เฮ๊เนอหม่า, อู เก่ แม๊เถอะ ซี เร๊อ เตดุเตทูตื๊อดื่อ จอแปแหร่ อาพู๊ ซีเต๊เห่ ปา. เมเตเฮ๊เรอ จอแปแหร่ เมแร๊ฉื่อ แกแย เด๊อ อา ซิเง ฉื่อ เกอ อูบุ๊ยอูเตอเรอ โต่ เนอเต๊เห่ เร๊อ แกแย เด๊อ อาจาอาจือตื๊อดื่อ ดื่อเง เนอเต๊เห่.

Eastern Kayah Shadaw Dialect

³⁵ ꤒꤥ꤭ꤙꤢꤩ꤬ ꤗꤢꤩ꤬ꤔ꤫ꤤ꤬ ꤟꤢꤨꤔꤣꤧ꤬ ꤒꤥ꤬! ꤗꤥ꤬ꤚꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤗꤢꤩ꤬ꤚꤢꤧ ꤛꤢꤩ꤬ꤞꤤ꤭ ꤔꤣꤧ꤬꤯ ꤘꤣꤧꤙꤢꤪ꤬ ꤒꤢꤩ꤬ ꤚꤣꤧ꤬ ꤗꤢꤧꤏꤢꤦ꤭ ꤔ꤫ꤤ꤬ꤙꤢꤩ꤬ ꤊꤢ꤬ꤋꤛꤢ꤭ ꤒ꤫ꤢꤧ꤬ ꤒꤢꤩ꤬ꤒꤣ꤬ꤡꤣ꤬꤮ ꤒ꤫ꤢꤧ꤬ꤗꤢꤩ꤬꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤏꤢꤪ꤭ꤚꤤ꤬ꤏꤢꤪ꤭ꤙꤢꤨ꤭ ꤒꤢ꤭ꤕꤢꤪ꤬ꤒꤢ꤭ꤕꤢꤩ꤭ ꤡꤣꤧ ꤞꤤ꤭ ꤕꤢ꤭, ꤞꤤ꤭ ꤊꤢꤩ꤬ ꤘꤣꤧꤙꤢꤪ꤬ ꤢꤨ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤗꤢꤧꤏꤢꤦ꤭ ꤔ꤫ꤤ꤬ꤙꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤒꤢꤩ꤬ ꤒꤣ꤬ꤡꤣ꤬꤮ ꤒꤥ꤬ ꤟꤢꤩꤔꤣꤧ꤬ꤗꤢ꤬ ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤞꤤ꤭ ꤔꤢꤧ ꤒꤢꤩ꤬ꤓꤢꤨ꤭ꤒꤣꤧ꤬ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤗꤢꤪ꤬ꤖꤢꤨꤖꤚꤢꤩ꤬ꤋꤢꤨ꤭ ꤞꤤ꤭ꤒꤣꤧ꤬ꤟꤢꤩ꤬ ꤕꤢ꤭꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤚꤢꤧꤏꤢꤦ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤏꤢꤦ꤬ ꤊꤣꤧ꤭ ꤢꤨ꤭ꤙꤝꤤꤢꤨ꤭ꤒꤣꤧ꤬ꤚꤣꤧ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤘꤢꤦ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

ꤜꤢꤨꤊꤢ꤬ 6:35 ပူးပေါင်းရင်းမြစ်များ

ꤛꤥ꤭ꤟꤢ꤬ 13:35

ซี เก่ โม เกอเร๊อ ลู เตเพร เร๊อ เตเพร เฮ๊เนอ, อู ปว๋า เตเพร เก่ ซิเง เร๊อ ซี ทวา แว โคเป๊เจ่ ปา.”

โครินธ์ เนอบ่า ต๊าบ่า 8:9

เป แบ่เจ่ เหย่ซู่ครี๊ เออเนอ อาบุ๊ยดุอาเตอเรอทู เจ๊อ บ๋า เตเนอ, ซี ซิเงดื่อ เฮ๊อ. อา โอ่ เด๊อ ม๊อขุ เบ๊อะเนอ, อา ดุแหย่แถ่เซ แหน่เจ๊อ หม่าแน๊เรอ เบ๊อะอา แฮ กลว่าอาเหน่ ฮู๊ แกแย เห่ขุพู๊ เตเพร เบ๊อะเนอ, อา เบ่แฮ ทวา เจ๊อ แกแย โซพ๊าโซแรพู๊ เตเพร เด๊อ เปเง เจ๊อ. แซ่ฮู๊ ซี เก่ ดุแหย่แถ่เซ เกออู อาเงเนอเรอ, อา เบ่แฮ ทวา เจ๊อ แกแย โซพ๊าโซแรพู๊ เตเพร ฮู๊เนอ เจ๊อ.

ꤛꤥ꤭ꤟꤢ꤬ 15:8

เด๊อ ซี เส่เถ่โพเถ่ เอ๊ ส่อเส่ เด๊อ อา หม่าเฮ๊อ เมเตแร๊ เออเต๊เห่ อาขว่าอาคยา, อู เก่ แม๊เถอะ แวเพเตอเรอดุ เตอเรอทู ปา. เด๊อ ซี เส่เถ่เอ๊ ฮู๊เนอ อาขว่าอาคยา, ซี เด๊อะโลเฮ๊อ เร๊อ ซี ทวา แว โคเจ่ เต๊เห่ เฮ๊อ.

เพรโด่แนพู๊ เต๊เห่ 14:17

หม่าแน๊เรอ จอแปแหร่ เด๊อะโลโทเฮ๊อ อู เน๊อ อา เตข่าเฮ๊โล ปว๋า โตโพ๊ เฮ๊อ. อา เตข่าเฮ๊โล เออเต๊เห่ หม่า อิเต เฮ๊เรอ อา เมเตแร๊ เต๊เห่ เด๊อ ซิเง อาขว่าอาคยา, เออหม่า หม่าเฮ๊อ อา เด๊อะโล เน๊อ อา โอ่ หม่าแหน่ เนอเฮ๊อ. อา นอเก๊จือตา เป่ ซี เก่, อา นอเส่เถ่โอ่ โตมู๊เนอมู๊เซ เป่ ซี โบ๊โฮดี เร๊อ ส่อเส่เหว่โพ เต๊เห่, อา เด๊อะตา เล๊อบา เป่ ซี เหล่เอ่เหล่โอ เร๊อ อา เม ซิครือซิลอ เป่ ซี ซิปล่อ.”

ꤜꤢꤨꤊꤢ꤬ 1:32

อา หม่า แกแย เด๊อ อาบุ๊ยดุอาเตอเรอทู เตเพร ปา เร๊อ อู เก่ เอ๊ อา เร๊อ เตดุเตทู ตื๊อดื่อ จอแปแหร่ อาพู๊คู เตเพร ปา. แบ่เจ่ จอแปแหร่ เก่ เด๊อ ทวา อา เร๊อ จ๊อแผ่ เตเพร พู๊ อากลุยแล ดาวิด เนอ ปา.

ꤗꤢ꤬ꤊꤢꤨ 5:7

เร๊อ อา เอ๊โทแถ่ เร๊อ อา เฮ๊ เน๊อ, “เตดุเตทู ตื๊อดื่อ จอแปแหร่ อาพู๊ เหย่ซู๋, เน เตเร แฮเม แคร๋ แว อิเต? แว กุยซิยอ เจ๊อ เน เด๊อ จอแปแหร่ อา เป๊เส่เง เนอ, เมจาเมจือ แต่ แว แต่เหม่ นี๋.”

มัทธิว 5:9

แกแย เด๊อ อา เมเปเมดวา เต เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ จอแปแหร่ เก่ เอ๊ เหย่ซี เน๊อ อาพู๊ เต๊เห่ ปา.

ꤜꤢꤨꤊꤢ꤬ 6:36

ซี เบ่ ซิยอเร๊อ เกอ อู ฮู๊ ซีเพ จอแปแหร่ ซิยอเร๊อ อู เนอ.

ทิโมธี เนอบ่า ต๊าบ่า 3:2

เบ๊อะเนอ อาเคปาเนอ, แกแย เต๊เห่เห่ เนอ, อา เก่ โมแล เกอเร๊อดื่อ อาเหน่, อา เก่ โมหนิเร๊อ รือ, อา แด่ดุ อาเหน่, อา เก่ แด่แถ่โล อาซิปล่อ ปา. เหย่ซี หม่า แกแย เด๊อ อา เป๊อเจ่ออิแช๊ เต, จูลาพย๊าหนิ โหมะโหง่เพโหง่ โต่, ซิเง อูบุ๊ยอูเตอเรอ โต่, ซิเง เตบูโพ๊ โต่.