ꤜꤢꤨꤊꤢ꤬ 6:28 - ลีเทส่อพ๊าอาเซ เร๊อ เห่ขุทวาลู๊

²⁸ เด๊อะบุ๊ยเด๊อะเตอเรอ แกแย เด๊อ อา อิชอ ซี เนอเต๊เห่, เร๊อ กุยจ๊อเบ เป่ แกแย เด๊อ อา เม มู๊แหม่รีแจ่ ซี เนอเต๊เห่ อาเง นี๋.

Eastern Kayah Shadaw Dialect

²⁸ ꤏꤢꤪ꤭ꤚꤤ꤬ꤚꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤤ꤬ꤏꤢꤪ꤭ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬, ꤚꤣꤧ꤬ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤤ꤮꤯

ꤜꤢꤨꤊꤢ꤬ 6:28 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 3:9

เมมู๊แหม่รีแจ่ ฉื่อ แต่ อู แต่เหม่ นี๋, อิชอ กาคยา ฉื่อ แต่ อู แต่เหม่, หม่าแน๊เรอ เด๊อะบุ๊ยเด๊อะเตอเรอ กาคยา ฉื่อ อู นี๋. เมเตเฮ๊เรอ จอแปแหร่ เอ๊ ซี เด๊อ ซี เก่ เมแร๊ กาคยาฉื่อ อู ฮู๊เนอ. แซ่ฮู๊ จอแปแหร่ เก่ เด๊อะบุ๊ยเด๊อะเตอเรอ ซี เนอ เร๊อ เม แลแค ฮู๊เนอ นี๋.

โครินธ์ อาเหร่อเล๊อ ต๊าบ่า 4:12

แซ่ฮู๊ เป เก่ เอ่เบ่โอน๊อ อาเงเนอ, เป เบ่ จ่าเพรอจ่าหร่อ เอ่แร ดื่อเง เต. เบ๊อะอู อิชอ เป เบ๊อะเนอ, เป เด๊อะบุ๊ยเด๊อะเตอเรอ กาคยาฉื่อ อู. เบ๊อะอู เมจาเมจือ เป เบ๊อะเนอ, เป แด่ทูซิปล่อ ฉื่อ แพ๊ อู แพ๊.

ꤚꤥꤗꤢꤩ꤬ 12:14

เด๊อะบุ๊ยเด๊อะเตอเรอ ดื่อ แกแย เด๊อ อา เมจาเมจือ ซี เนอเต๊เห่ นี๋. กุยจ๊อเบ เด๊อ จอแปแหร่ เก่ เด๊อะบุ๊ยเด๊อะเตอเรอ เหย่ซี เนอ นี๋, อี๊ชออี๊บ่าฉื่อ แต่ เหย่ซี แต่เหม่ นี๋.

ꤡꤛꤢꤩ꤭ꤗꤢ꤬ꤎꤣ꤬ 3:10

เด๊อ แกกู ตูกูกู๋ แพ๊ เอออากูเนอ, เตถู่เซ๊แถ่ เร๊อ อา เถ่เถ่, เตอิชอ ฮามู๊แหม่ เต๊เห่ เร๊อ อา เถ่เถ่. แว โป่แหว่ ซี๋, อา โตเบ่ เถ่ ฮู๊เนอ โต่.

ꤜꤢꤨꤊꤢ꤬ 23:34

เหย่ซู่ เฮ๊ เน๊อ, “เพ๋, ปลวาแก เหย่ซี เตเหล่ซื๊อ นี๋, เมเตเฮ๊เรอ เหย่ซี เม เตฮู๊เออเนอ, อา ซิเง เกอเร๊อโต่.” เร๊อ เกลอฮู๊ เต๊เห่ เก่ เบพย๊า หนิโหร่ลู เหย่ซู่ เห่อจ่า เออเนอเร๊อ เหย่ซี บ๊อ เต แบบุ๊ย เต๊อเจ่อ เด๊อ จู๊ ดื่อ อา ตาโตเบ่ เบ๊อะเตเพร โต พย๊า เบ๊อะตากยา เต ฮู๊เนอแพ๊.

ꤜꤢꤨꤊꤢ꤬ 6:27

“หม่าแน๊เรอ ซี เก่ ซิหยื่อ หนิดา เฮ๊เรอ แว ซิหยื่อ เฮ๊โฉ่หนิ เป่ ซี เตเต๊เห่, โมเร๊อ แลแค แกแย เด๊อ อา ซิเถ่ ซี เนอเต๊เห่, เร๊อ เมแร๊ฉื่อ แกแย เด๊อ อา ซิโตโค ซี เนอเต๊เห่ นี๋.

มัทธิว 5:44

หม่าแน๊เรอ แว เฮ๊ ซี, โมหนิเกอเร๊อ แกแย เด๊อ อา ซิเถ่ ซี เนอเต๊เห่ เร๊อ กุยจ๊อเบ เป่ แกแย เด๊อ อา เมจาเมจือ ซี เนอ เต๊เห่.

เพรโด่แนพู๊ เต๊เห่ 7:60

อา แด๊งือแล เร๊อ อา เอ๊โทแถ่ เน๊อ, “เก๋อ แบ่เจ่, ปลวาแกเหร่อ เหย่ซี เตซื๊อ นี๋” อา เฮ๊ โทเรอ อา เซอแก.

ꤜꤢꤨꤊꤢ꤬ 6:35

โตเบ่ เมหนิ ฮู๊เนอ โต่! โมหนิเรอ แกแย เด๊อ อา ซิเถ่ ซี เนอเต๊เห่ เร๊อ เมแร๊ เหย่ซี เนอ, เด๊อะบ่อ เต เร๊อ แม๊ชือ พย๊าหนิ กาคยา เต เตเต๊อเจ๋อ แต่เหม่. ซี เก่ เมฮู๊เนอ เฮ๊เรอ จอแปแหร่ เก่ เด๊อะบุ๊ยเด๊อะเตอเรอ ตาป่อตาเป เจ๊อ ซี ปา. ซี เก่ เด๊อะบ่อ อู เร๊อ ซี เก่ แม๊ชือ พย๊าหนิ กาคยา คยาแซ๊ เต เตอเจ๋อ โต่ เฮ๊เนอหม่า, อู เก่ แม๊เถอะ ซี เร๊อ เตดุเตทูตื๊อดื่อ จอแปแหร่ อาพู๊ ซีเต๊เห่ ปา. เมเตเฮ๊เรอ จอแปแหร่ เมแร๊ฉื่อ แกแย เด๊อ อา ซิเง ฉื่อ เกอ อูบุ๊ยอูเตอเรอ โต่ เนอเต๊เห่ เร๊อ แกแย เด๊อ อาจาอาจือตื๊อดื่อ ดื่อเง เนอเต๊เห่.

เพรโด่แนพู๊ เต๊เห่ 14:5

แกแยยิวพู๊ หม่าโต่ เต๊เห่ เร๊อ แกแยยิวพู๊ เต๊เห่ จว๊าโอ่เต่อเกอ เร๊อ เหย่ซี กู่กล๊อดุกู๊ฉู่ทู เร๊อ เฮ๊เบ่ ปลื๊อโทแก โหร่ลู โหง่ เน๊อ เก่ เมจาเมจือ เพรโด่แนพู๊ เต๊เห่ เร๊อ เก่ ต่า เหย่ซี เร๊อ หล่อ ปา.