ꤜꤢꤨꤊꤢ꤬ 6:27 - ลีเทส่อพ๊าอาเซ เร๊อ เห่ขุทวาลู๊

²⁷ “หม่าแน๊เรอ ซี เก่ ซิหยื่อ หนิดา เฮ๊เรอ แว ซิหยื่อ เฮ๊โฉ่หนิ เป่ ซี เตเต๊เห่, โมเร๊อ แลแค แกแย เด๊อ อา ซิเถ่ ซี เนอเต๊เห่, เร๊อ เมแร๊ฉื่อ แกแย เด๊อ อา ซิโตโค ซี เนอเต๊เห่ นี๋.

Eastern Kayah Shadaw Dialect

²⁷ “ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤊꤢꤩ꤬ ꤞꤤꤛ꤫ꤢꤦ꤬ ꤔ꤫ꤤ꤬ꤘꤢ꤭ ꤟꤢꤩꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩꤏꤥ꤬ꤚꤣꤧ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤒꤣꤧ꤬ꤟꤢꤩ꤬, ꤗꤥ꤬ꤚꤣꤧ ꤜꤢ꤭ꤋꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤗꤢꤩ꤬ꤚꤢꤧꤏꤢꤦ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤒꤣꤧ꤬ꤋꤥ꤭ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯

ꤜꤢꤨꤊꤢ꤬ 6:27 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:15

จว๊าเมเลอ กาคยาฉื่อ แต่ แกแย เด๊อ อู เมซื๊อ ลู เนอเต๊เห่ แต่เหม่ นี๋. หม่าแน๊เรอ, แอ๊จื๊อ เมแร๊ เกอเร๊อ ลู เตเพร เร๊อ เตเพร ปว๋า โตโพ๊ เร๊อ แอ๊จื๊อ เมแร๊ หนิเป่เกอ แกแย เด๊อ อาโร เต๊เห่ นี๋.

ꤜꤢꤨꤊꤢ꤬ 6:35

โตเบ่ เมหนิ ฮู๊เนอ โต่! โมหนิเรอ แกแย เด๊อ อา ซิเถ่ ซี เนอเต๊เห่ เร๊อ เมแร๊ เหย่ซี เนอ, เด๊อะบ่อ เต เร๊อ แม๊ชือ พย๊าหนิ กาคยา เต เตเต๊อเจ๋อ แต่เหม่. ซี เก่ เมฮู๊เนอ เฮ๊เรอ จอแปแหร่ เก่ เด๊อะบุ๊ยเด๊อะเตอเรอ ตาป่อตาเป เจ๊อ ซี ปา. ซี เก่ เด๊อะบ่อ อู เร๊อ ซี เก่ แม๊ชือ พย๊าหนิ กาคยา คยาแซ๊ เต เตอเจ๋อ โต่ เฮ๊เนอหม่า, อู เก่ แม๊เถอะ ซี เร๊อ เตดุเตทูตื๊อดื่อ จอแปแหร่ อาพู๊ ซีเต๊เห่ ปา. เมเตเฮ๊เรอ จอแปแหร่ เมแร๊ฉื่อ แกแย เด๊อ อา ซิเง ฉื่อ เกอ อูบุ๊ยอูเตอเรอ โต่ เนอเต๊เห่ เร๊อ แกแย เด๊อ อาจาอาจือตื๊อดื่อ ดื่อเง เนอเต๊เห่.

ꤊꤢ꤬ꤜꤢ꤬ꤒꤤ 6:10

ฮู๊เนอ อาขว่าอาคยา, เบ๊อะเกเต๋ เบ่เบ่, เบ๊อะเป พย๊าหนิ ตาโตตาเบ่ แร๊ เบ๊อะเนอ, เป เบ่ เมแร๊ เป่ อู ปว๋า เตเพร. หม่าแน๊เรอ ซี เมเตแร๊เนอ แม๊ดุเหร่อเล๊อ โค๊เป่ดื่อ เพรหยื่อเอ่ เออ เนอเต๊เห่ นี๋.

ꤗꤢ꤬ꤊꤢꤨ 4:24

โทเรอ อา เฮ๊ โป่ เหย่ซี เน๊อ, “หนิดา ตาเต แลแค แว เตเฮ๊เบ่เออ. เน เก่ หนิดา ตาเต เฮ๊อเนอหม่า, จอแปแหร่ อา เด๊อ เน เตซิเงโปล ปา, โท๊โต่ อา เก่ นอซิเง เอ๊แถ่ เล๊อลอ โป่ เจ๊อ เน ปา.

เพรโด่แนพู๊ เต๊เห่ 10:38

โทเรอ จอแปแหร่ นว๊าแถ่ วีนาซาเร็ธพู๊ เหย่ซู่ เร๊อ อา เด๊อะ ลู แหย่โยบูโพ๊แบ่เจ่ เร๊อ อา เตโพรเตเตอเรออาฉว่าชอ ฮู๊เต เนอ, ซี ซิเง โทดื่อเฮ๊อ. เหย่ซู่ เลจว๊า เด๊อ เหล่โอ่ ปว๋า โต๊โผ่ เร๊อ จว๊า เมบุ๊ยเมเตอเรอ เป่ อู, แหย่โอ่เหม่ลอ แกแย โอ่ เด๊อ โลเน๊โลหน่า กู่กล๊อ เมนือเมจ๊า ลู เต๊เห่, เมเตเฮ๊เรอ จอแปแหร่ โอ่เกอ เน๊อ อา อาขว่าอาคยา, อา เมเฮ๊อ เต ฮู๊เนอ เฮ๊อ.

เพรโด่แนพู๊ เต๊เห่ 7:60

อา แด๊งือแล เร๊อ อา เอ๊โทแถ่ เน๊อ, “เก๋อ แบ่เจ่, ปลวาแกเหร่อ เหย่ซี เตซื๊อ นี๋” อา เฮ๊ โทเรอ อา เซอแก.

ꤜꤢꤨꤊꤢ꤬ 23:34

เหย่ซู่ เฮ๊ เน๊อ, “เพ๋, ปลวาแก เหย่ซี เตเหล่ซื๊อ นี๋, เมเตเฮ๊เรอ เหย่ซี เม เตฮู๊เออเนอ, อา ซิเง เกอเร๊อโต่.” เร๊อ เกลอฮู๊ เต๊เห่ เก่ เบพย๊า หนิโหร่ลู เหย่ซู่ เห่อจ่า เออเนอเร๊อ เหย่ซี บ๊อ เต แบบุ๊ย เต๊อเจ่อ เด๊อ จู๊ ดื่อ อา ตาโตเบ่ เบ๊อะเตเพร โต พย๊า เบ๊อะตากยา เต ฮู๊เนอแพ๊.

ꤜꤢꤨꤊꤢ꤬ 8:18

เบ๊อะซี หนิดา เต เบ๊อะเนอ, หนิดา ตาเต แลแค, เมเตเฮ๊เรอ แกแย เด๊อ อา ซิเง ตาเต โทเฮ๊อ จอแปแหร่ อาเทออาเก่ เต๊เห่เนอ, จอแปแหร่ เก่ เด๊อซิเง โอ่เอ๊แถ่ เล๊อโป่ ลู เร๊อ อา อาเหล่โกล เออเนอ ปา. หม่าแน๊เรอ แกแย เด๊อ อา ซิเง แพ๊ ตี๊กิแพ๊ เต๊เห่เนอ, จอแปแหร่ อา พย๊าเผ่แก ลอเผ่ โป่ อา ปา.”

ꤜꤢꤨꤊꤢ꤬ 8:15

เตกลุย ลูตาโต เด๊อ เห่หย่ารีหย่าแร๊ อาโหง่แลช๊า หม่า หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เร๊อ อา หยื่อเอ่ จ๊อจื้อ เร๊อ อา โตเร๊อ พย๊าหม่า เด๊อ อา ซิปล่อกู, โท๊โต่ อา หนิดา แร๊ จอแปแหร่ โหง่ เร๊อ อา ข่าแด่ทูซิปล่อ โต่ เจ๊อ เด๊อ อาเส่เถ่โพเถ่เจ๊อ.

ꤜꤢꤨꤊꤢ꤬ 8:8

เร๊อ เตกลุย เต๊เห่เห่เนอ อา ลูตาโต เด๊อ เห่หย่ารีหย่าแร๊ เร๊อ อา แด๊แถ่ดุแถ่ เร๊อ อาเส่เถ่ เอ๊เล๊อ เจ๊อ อาปุ๊ย เตเย.” โทเร๊อ เหย่ซู่ เอ๊โท เร๊อ อา เฮ๊ เน๊อ, “ฮู๊เนอเรอ, แกแย เด๊อ อาโอ่ เร๊อ อากู๊หลิโกะ เต๊เห่เนอ, นอ หนิดา แลแค เหย่ซี.”

ꤜꤢꤨꤊꤢ꤬ 6:22

ซี ย๋อหยื่อเอ่ แกแยพู๊คู หม่าเฮ๊อ แวเออ อาขว่าอาคยา, เร๊อ อู ซิเถ่ ซี, อู เอ๊โมฉื่อ ซี โต่, อู เป๊อเจ่ออิแช๊ ซี เร๊อ อู เฮ๊ มู๊แหม่รีแจ่ ซี อาขว่าอาคยา, ซี เก่ พย๊าหนิ หม่าแหน่ เจ๊อเฮ๊อ เตเด๊อะบุ๊ยเด๊อะเตอเรอ เฮ๊อ.

ยอห์น โซบ่า ต๊าบ่า 1:11

แว โคแบ๊ซว๊า, เตมู๊แหม่รีแจ่ ฮู๊เนอ เต๊เห่เนอ แม๊บือแม๊ตู่ เกอ แต่ อู แต่เหม่ นี๋. แม๊บือแม๊ตู่ เกอดื่อ อู เต เด๊อ อาแร๊ เนอเต๊เห่ นี๋. แกแย เตเพรเพร เด๊อ อา เมเตแร๊ เนอ, อา หม่า จอแปแหร่ อาแกแย เตเพร เฮ๊อ. แกแย เด๊อ อา เม เตมู๊แหม่ เตเพรเพร เนอหม่า หม่าเฮ๊อ แกแย เด๊อ อา ซิเง ตาเต แต่เกอลา อู จอแปแหร่ โต่.

เพรโด่แนพู๊ เต๊เห่ 16:28

เบ๊อะเนอเค คูเปาโล เอ๊โทจว๊า ลู เน๊อ, “ชือเซอ เร๊อดื่อ เนเหน่ แต่เหม่. เป โอ่ ลอปลี เบ๊อะเออ แพ๊.”