ꤜꤢꤨꤊꤢ꤬ 6:22 - ลีเทส่อพ๊าอาเซ เร๊อ เห่ขุทวาลู๊

²² ซี ย๋อหยื่อเอ่ แกแยพู๊คู หม่าเฮ๊อ แวเออ อาขว่าอาคยา, เร๊อ อู ซิเถ่ ซี, อู เอ๊โมฉื่อ ซี โต่, อู เป๊อเจ่ออิแช๊ ซี เร๊อ อู เฮ๊ มู๊แหม่รีแจ่ ซี อาขว่าอาคยา, ซี เก่ พย๊าหนิ หม่าแหน่ เจ๊อเฮ๊อ เตเด๊อะบุ๊ยเด๊อะเตอเรอ เฮ๊อ.

Eastern Kayah Shadaw Dialect

²² ꤞꤤ꤭ ꤜꤢ꤭ ꤛ꤫ꤢꤦ꤬ꤢꤩ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤚꤣꤧ꤬ ꤢꤨ꤭ ꤞꤤꤓꤢꤩ꤬ ꤞꤤ꤭, ꤢꤨ꤭ ꤢꤩꤗꤥ꤬ꤏꤢꤦ꤬ ꤞꤤ꤭ ꤒꤥ꤬, ꤢꤨ꤭ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤞꤤ꤭ ꤚꤣꤧ꤬ ꤢꤨ꤭ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧꤟꤣꤧ ꤒꤢꤩ꤬ꤏꤢꤪ꤭ꤚꤤ꤬ ꤟꤣꤧ꤯

ꤜꤢꤨꤊꤢ꤬ 6:22 ပူးပေါင်းရင်းမြစ်များ

มัทธิว 10:22

เด๊อ แวขว่าแวคยา เนอ, อู ปว๋า เตเพร เก่ ซิเถ่ ลอ ซี ปา. หม่าแน๊เรอ แกแย เด๊อ อา ก๊อถ่อแตแน โอ่กลอช๊อหม่า เด๊อ อา เตหยื่อเตแหน่ อากู โต่เด๊อ อาตื๊อดื่อ เต๊เห่เนอ, จอแปแหร่ เก่ เมแลเปล๊กา เหย่ซี ปา.”

เปโตร อาเหร่อเล๊อ ต๊าบ่า 3:14

หม่าแน๊เรอ เด๊อ เตจ๊อเตเต อาขว่าอาคยาเร๊อ, ซี เก่ ข่าเบ่ เตจาเตจือ เก่เฮ๊เนอ, ซี เก่ พย๊าหนิ เตเด๊อะบุ๊ยเด๊อะเตอเรอปา. เหย่ซี เมหน่าเมจา ซี หม่าแน๊เรอ ซิอิเช แต่ เหย่ซีเหล่ แต่เหม่ นี๋, ซิปล่อกู่ ซิปล่อแก แต่ เหย่ซี เหล่ แต่เหม่เหม่.

ꤛꤥ꤭ꤟꤢ꤬ 16:2

อู เก่ เหว่เถ่ แก ซี เด๊อ เตจ๊อเบโฮ เต๊เห่ อากลอ ปา. แกแย เด๊อ อา เมเซอ ซี เต๊เห่เนอ อา เตเน เกอเร๊อ อาเหน่ เน๊อ, ‘เป เม เฮ๊อ จอแปแหร่ อาเตเม เฮ๊อ,’ เบ๊อะฮู๊เออเนอ, อา เก่ แฮโต่ ปา.

ꤛꤥ꤭ꤟꤢ꤬ 7:7

แกแย เห่ขุพู๊ เต๊เห่ ซิเถ่ แจ่ ซี โต่. หม่าแน๊เรอ อา ซิเถ่ แลแค แว, เมเตเฮ๊เรอ แว ย๋อ เฮ๊เถ่โล เหย่ซี เม เตมู๊แหม่ เต๊เห่ เน๋อ.

ꤛꤥ꤭ꤟꤢ꤬ 12:42

หม่าแน๊เรอ เบ๊อะเนอเค แกแย หยื่อเอ่ โอ่โหร่โอเอ๊ แบ่เจ่ เหย่ซู่. แกแยยิวพู๊ กู่กล๊อดุ กู๊ฉู่ทู อาเกล เต๊เห่เนอ อา หยื่อเอ่เกอ เจ๊อ ลู เจ๊อ. หม่าแน๊เรอ ซิอิเช เร๊อ ฟาริสี เต๊เห่ เหว่เถ่แก เหย่ซี เด๊อ เตจ๊อเบ โฮกลอ เนอ, เหย่ซี เฮ๊โฉ่เถ่ โลบื่อ เป่ อู เร๊อ อาเตหยื่อ โต่.

เพรโด่แนพู๊ เต๊เห่ 24:5

“เป ซิเง เร๊อ แกแย เออเตเพร หม่า แกแย เด๊อ อา แม๊ปู เมดี๊แด อู. แกแย เด๊อ อา เมโอ่แถ่ลอ เตตอปลอตือซือ เด๊อ แกแยยิวพู๊ เต๊เห่ อาเกล จว๊าโต่ลอ เด๊อ เห่ขุต๊าบ่า เออเนอหมา อาเฮ๊อ. อา หม่า นาซาเร็ธพู๊ อาตู๊หมู่ตอกล๊อ อากู่กล๊อ เตเพร.

เพรโด่แนพู๊ เต๊เห่ 9:16

ล๋อ เตจาเตจือ เด๊อ อา โตเบ่ ข่าจา เด๊อ แวขว่าแวคยา เต๊เห่เนอ, แว เก่ เด๊อะโล ซิเง เจ๊อดื่อ ลู เร๊อ แวเหน่ ปา.”

ꤛꤥ꤭ꤟꤢ꤬ 17:14

แว เด๊อซิเง เป่เฮ๊อ เหย่ซี เร๊อ เนลาเนโหง่, เร๊อ แกแย เด๊อ อา หยื่อเอ่ แว โต่ เต๊เห่เนอ, อา ซิเถ่ซิฮา ลอ เหย่ซี เมเตเฮ๊เรอ ฮู๊ แว โอ่จิจือเต่อ เร๊อ เห่ขุ โต่ เนอ, เหย่ซี แซ่เกอ เฮ๊อ เร๊อ แว อาขว่าอาคยา, อู ซิเถ่ซิฮา ลอ เหย่ซี.

ꤜꤢꤨꤊꤢ꤬ 21:17

เด๊อ แวขว่าแวคยา เร๊อ แกแย ปว๋า เตเพร อา ซิโตโค ลอ ซี ปา.

มัทธิว 10:39

แกแย เตเพรเพร เด๊อ อา ซิโล เกอเร๊อ อาซิปล่อ เซอเพร เนอ, อา เก่ แลจุ แก อาซิปล่อ เซอเพร ปา. แกแย เด๊อ อา ชิโล เกอ เร๊อ อา เหล่ เซอเพร โต่ เด๊อ แวเงเนอ, อา เก่ พย๊าหนิ เหล่ เซอ เพร ตูจูเพร เง ปา.

เพรโด่แนพู๊ เต๊เห่ 22:22

เบ๊อะคูเปาโล เฮ๊เบ่ โต่เฮ๊อ เบ๊อะเออ อาคยาเนอ, แกแย เบ๊หมู่ เออเต๊เห่ หนิดาแคปาโต่ เร๊อ เหย่ซี จ่าเพรอ เอ๊โทแถ่ แลแค เน๊อ, “เมเซอแก อา! อาโต โอ่เซอเพร ปา โต่ เฮ๊อ!”

ꤛꤥ꤭ꤟꤢ꤬ 9:34

ฟาริสี เต๊เห่ เฮ๊ฉื่อ กาคยา ลู เน๊อ, “เน เตซื๊อดุปา เจ๊อ เด๊อ เน เด๊อะโอ่เป๊เจ่แล ปาเจ๊อ เร๊อ เน จว๊า อิซว๊า กาคยา เป่ เป ฮู๊เต?” อา เฮ๊ ลู ฮู๊เนอเร๊อ อา เหว่เถ่แก ลู เด๊อ เตจ๊อเบ โฮกลอ.

ꤜꤢꤨꤊꤢ꤬ 20:15

ฮู๊เนอ อาขว่าอาคยา, เหย่ซี จุ่ยตู๊หรู่ เถ่แก ลู เด๊อแท๊ทือเผ่ อากลอ เร๊อ เมเซอแก ลู. “เก่ เมฮู๊เนอเรอ เตโหล่เตโช แบ่เจ่ อา เม เพรเมเอ่โก๊ เตโหล่เตโช เออเต๊เห่ ฮู๊เต ปา?

มัทธิว 10:18

เด๊อ แวขว่าแวคยา เร๊อ อู เก่ จุ่ยตู๊หรู่ แฮ ซี เด๊อ เพรเป๊อเต เด๊อ อา ทวา กู่กล๊อ เต๊เห่ เน๊อ คุ๊ยเต๊เห่ อา โอ่ ปา. ซี เบ่ แด๊โฉ่โด่แน เด๊อะ โล หนิเป่ เหย่ซี เร๊อ แกแยยิวพู๊ หม่าโต่ เต๊เห่ เน๊อ แวหรี่แวแก ปา.

ꤜꤢꤨꤊꤢ꤬ 6:21

ซี เด๊อ อา ซิกู๊ซิวี กู๊แหน่ เออเต๊เห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ ซี เฮ๊อ, เมเตเฮ๊เรอ จอแปแหร่ เก่ เด๊อะ เอ่ก๊อโอบา ซี ปา! ซี เด๊อ อา โหง่อาเห่ กู๊แหน่ เออเตเห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ ซี เฮ๊อ, เมเตเฮ๊เรอ ซี เก่ งยาฮาน๊อ ปา!

ꤡꤛꤢꤩ꤭ꤗꤢ꤬ꤎꤣ꤬ 1:12

แกแย เด๊อ อา แด่ทูซิปล่อ เต๊เห่เนอ, ช๋า อา แม๊เถอะ ป่อชิเต่อเบ่ เน๊อ เตแป่เตเช เตอิลออี๊โหล่ เบ๊อะเนอปาเนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา, เมเตเฮ๊เรอ เบ๊อะเหย่ซี เมเป่แก โทเฮ๊อ เตแป่เตเช เตอิลออี๊โหล่ ฮู๊เออ เบ๊อะเนอ, จอแปแหร่ เก่ เด๊อ เหย่ซี เตเซอเพร ตูจูเพร. อาเชหยู่ เด๊อ อา อ๊อแล เน๊อ อา เก่ เด๊อ แกแย เด๊อ อา โมเร๊อ ลู เนอเต๊เห่ ปา.