ꤜꤢꤨꤊꤢ꤬ 6:11 - ลีเทส่อพ๊าอาเซ เร๊อ เห่ขุทวาลู๊

¹¹ หม่าแน๊เรอ เพรอิซว๊า เตซว๊าเตแส่ อาซ๊าร๊า เต๊เห่ เร๊อ ฟาริสี เต๊เห่ ซิปล่อดุ แหน่เจ๊อ แบ่เจ่ เร๊อ เหย่ซี โตเบ่ เม แบ่เจ่เหย่ซู่ ฮู๊เตเนอ, เหย่ซี จว๊า โอ่กู๊ เฮ๊เบ่ เกอเร๊อ ลู.

Eastern Kayah Shadaw Dialect

¹¹ ꤗꤢ꤬ꤔꤢꤧꤚꤣꤧ꤬ ꤖꤚꤢꤩ꤬ꤤ꤬ꤞꤝꤢ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤞꤢꤚꤢ ꤒꤣꤧ꤬ꤟꤢꤩ꤬ ꤔꤢꤧ ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣꤧ꤬ꤟꤢꤩ꤬ ꤞꤤꤕꤜꤢꤪ꤬ꤘꤢꤨ꤬ ꤔꤢꤧ꤬ꤡꤣꤧ ꤙꤢꤧ꤬ꤡꤢꤩ꤬ ꤚꤣꤧ꤬ ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤗꤢꤩ꤬ ꤛꤢꤩ꤬ꤏꤛꤢꤨ ꤟꤢꤨꤒꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤡꤝꤢ ꤥ꤬ꤊꤢꤨ ꤟꤢꤩꤙꤢꤩ꤬ ꤚꤣꤧꤘꤢꤦ꤬ ꤜꤢꤨ꤭꤯

ꤜꤢꤨꤊꤢ꤬ 6:11 ပူးပေါင်းရင်းမြစ်များ

เพรโด่แนพู๊ เต๊เห่ 5:33

เบ๊อะแกแยยิวพู๊ กู่กล๊อดุ กู๊ฉู่ทู เต๊เห่ เร๊อ แกแยยิวพู๊ โหมะพรูโหมะเผร่ เด๊อ อา ทวา ทวาดุทวาเต เต๊เห่ หนิโฮ เตเฮ๊เบ่เออ เบ๊อะเนอ, อา ซิปล่อดุ โก๊โน๋ โต่. เร๊อ อา ซิหยื่อ เตเรเมเซอแก เจ๊อ เพรโด่แนพู๊ เต๊เห่ เออเต๊เห่ เจ๊อ.

เพรโด่แนพู๊ เต๊เห่ 26:11

แวมือแวปอ, เมจาเมจือ น๊อ เอ๊ลา เหย่ซี เด๊อ เตจ๊อเบโฮ เต๊เห่ อากู, เร๊อ แว เฮ๊ชอ เหย่ซี เร๊อ แว นอเฮ๊ เหย่ซี เน๊อ, ‘แว หยื่อเอ่ ปา เหย่ซู่ โต่’ ฮู๊เนอ, เร๊อ แว ซิปล่อดุ โกโน๋ เหย่ซี โต่. โต่ เจ๊อ เด๊อ แว เก่ เถ่จว๊า เด๊อ เมวเจอะโรพู๊ โอ่ เกอเร๊อ วีเต๊เห่ อากู เร๊อ, แว เก่ จว๊า เมจาเมจือ เจ๊อ เหย่ซี เจ๊อ.”

เพรโด่แนพู๊ เต๊เห่ 7:54

เบ๊อะแกแย ทวา กู่กล๊อ เต๊เห่ หนิโฮ คูสเทเฟน อา เตเฮ๊เบ่เออ เบ๊อะเนอ, เหย่ซี ซิปล่อดุ เร๊อ อา อาซิอ่าตาจ๊า จว๊าโต แลแค เจ๊อ อากู่เคอ เด๊อ ลูโอ่.

เพรโด่แนพู๊ เต๊เห่ 4:19

หม่าแน๊เรอ คูเปโตร เร๊อ คูยอห์น เฮ๊ฉื่อ เหย่ซี เน๊อ, “หม่า เป โตเบ่ หนิดา ซีโหง่ แอ? หม่าโต่เรอ เป โตเบ่ หนิดา จอแปแหร่ อาโหง่ แอ? เนอ, เตเนแล เกอเร๊อ แลแค ซีเหน่ เด๊อ จอแปแหร่ อา เป๊เส่เง เนอ.

เพรโด่แนพู๊ เต๊เห่ 4:15

โทเร๊อ เหย่ซี นอเถ่จว๊า ตาพาแก คูเปโตร เร๊อ คูยอห์น เด๊อ เพรหยื่อเอ่ ตู๊หมู่ตอกล๊อ หี่ด๊อกลอ เร๊อ เหย่ซี เนอเต๊เห่ โอ่กู๊โอ่แก๊แก ตื๊อ เร๊อดื่อ ลู.

ꤛꤥ꤭ꤟꤢ꤬ 11:47

ฮู๊เนอเรอ เพรหลู่แต ทวาดุทวาเต เต๊เห่ เร๊อ ฟาริสี เต๊เห่ เอ๊ปล๊อ แกแยยิวพู๊ ทวาดุทวาเต เด๊อ อาโร เต๊เห่ เร๊อ โอ่กู๊โอ่แก๊ เกอเร๊อลู. เร๊อ เหย่ซี เฮ๊ เน๊อ, “เป เก่ เมฮู๊เต เออ? แกแย เออเตเพร เมโล เป่ อู เตโค๊ตีกลี๊คยา โร๊ลู เฮ๊อ.

ꤛꤥ꤭ꤟꤢ꤬ 7:1

แบ่เจ่ เหย่ซู่ เฮ๊โท ฮู๊เออ เนอ, อา จว๊า เด๊อ กาลิลีเก่ เนอ, อา จว๊าเล ตอดอ โท ตอดอ เบ๊อะเนอ. แกแยยิวพู๊ ทวาดุทวาเต เต๊เห่ ย๋อ แม๊ปู เมเซอ ลู อาขว่าอาคยา, อา ซิหยื่อ จว๊า เด๊อ ยูดาห์ เก่กู โต่.

ꤜꤢꤨꤊꤢ꤬ 4:28

เร๊อ ล๋อ แกแย โอ่ เบ๊อะเตจ๊อเบโฮกู เนอเต๊เห่ หนิโฮ เหย่ซู่ เฮ๊เบ่ เออเต๊เห่ เบ๊อะเนอ, เหย่ซี ซิปล่อดุ ลู โกโน๋ โต่.

มัทธิว 21:45

เบ๊อะเพรหลู่แต ทวาดุทวาเต เต๊เห่ เร๊อ ฟาริสี เต๊เห่ หนิโฮ แบ่เจ่ เหย่ซู่ แด๊ค๊าโข่ เบ๊อะเนอ, เหย่ซี ซิเง เร๊อ แบ่เจ่ เฮ๊โข่ เหย่ซี.

มัทธิว 16:7

เร๊อ เหย่ซี โด่แน เกอเร๊อ ลู เหย่ซู่ เฮ๊ โหง่ เออเนอ เตเพร เน๊อ เตเพร เร๊อ อา เฮ๊ แลแค ฮู๊เออ, “แบ่เจ่ เฮ๊ เป ฮู๊เออเนอหม่า, หม่าเด๊อ เป โชตาปา พย๊าจว๊าหนิ เป่ ลู ค๊อมูเนอ เฮ๊อ.”

ꤜꤢꤨꤊꤢ꤬ 6:10

อา แม๊ ตีรี๊ตาวา โทลอ เหย่ซี เร๊อ อา เฮ๊ แกแย กู๊ขุเซอ โตโค๊ เออเตเพร เน๊อ, “บ๊อเถ่ เน กู๊ขุเนอ,” เร๊อ อา ครวาเม เกอฮู๊ เหย่ซู่ เฮ๊ ลู เนอ, เร๊อ อากู๊ขุ แร๊กาคยา ปลื๊อลอ คยาแซ๊.

ꤜꤢꤨꤊꤢ꤬ 6:12

เบ๊อะเนอโทเรอ, เหย่ซู่ เตเร จว๊า กุยจ๊อเบ เร๊อ อา จว๊าแถ่ เด๊อ โฉ่ลู. เร๊อ อา จว๊า กุยจ๊อเบแถ่ จอแปแหร่ เบ๊อะเนอ เตเซ เตเซ เจ๊อ.

ทิโมธี เนอบ่า ต๊าบ่า 3:9

หม่าแน๊เรอ เหย่ซี เตเม เออเนอ งยาแต๋โต่ ปาหม่า อา โอ่เหม่แก แพ๊. อู ปว๋า เตเพร เก่ แม๊เถอะ เน๊อ เหย่ซี ซิปล่อ เนอหม่า อา บูบย่า แพ๊. เตฮู๊เออ เต๊เห่ เนอหม่า อา ทวาแถ่ โทเฮ๊อ เด๊อ คูหย่าหนิ เร๊อ คูหย่าหรี่ อาทือเค เนอเฮ๊อ.