ꤜꤢꤨꤊꤢ꤬ 5:24 - ลีเทส่อพ๊าอาเซ เร๊อ เห่ขุทวาลู๊

²⁴ หม่าแน๊เรอ แกแยพู๊คู หม่า แวเออ, แซ่ฮู๊ ซี เก่ ซิเง แลแค เนอ, เด๊อ เห่ขุ เออเนอ, แว โอ่ เร๊อ เตอเรอฉว่าชอ เด๊อ แว ปลวาแกเบ๊ อู เตซื๊อเตปล๊า เต๊เห่เนอเรอ, แว เก่ เด๊อะโล เป่ ซี,” อา เฮ๊โท ฮู๊เนอ เร๊อ อา เฮ๊ เพร เซอชี๊กยา เออเตเพร เน๊อ, “แว เฮ๊ เน, ก๊อถ่อ ถู่ลูหนิ เน เหล่เมอ เด๊เนอ เนอเรอ กามอ เด๊อ เน หี่เนอ.”

Eastern Kayah Shadaw Dialect

²⁴ ꤗꤢ꤬ꤔꤢꤧꤚꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤔꤢꤧ, ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬, ꤠꤢꤧ꤭ ꤥ꤬ ꤔꤢꤧ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤘꤣ ꤠꤢꤧ꤭ ꤕꤜꤝꤢ꤭ꤊꤢꤧ꤭ꤙꤢꤩ ꤢꤨ꤭ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤒꤣꤧ꤬ꤟꤢꤩ꤬ꤔꤣꤧ꤬ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤘꤣꤧꤜꤥ꤭ ꤕ꤫ꤢꤩ꤬ ꤞꤤ꤭,” ꤢ꤬ ꤟꤢꤩꤓꤥ꤭ ꤟꤢꤨꤔꤣꤧ꤬ ꤚꤣꤧ꤬ ꤢ꤬ ꤟꤢꤩ ꤖꤚꤢꤩ꤬ꤞꤣꤧ꤭ꤡꤤꤊꤛꤢ꤭ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ, “ꤠꤢꤧ꤭ ꤟꤢꤩ ꤔꤢꤧ꤬, ꤊꤣꤧ꤬ꤓꤢꤪ꤬ ꤒꤣꤧ꤬ꤜꤢꤨ꤭ꤔ꤫ꤤ꤬ ꤔꤢꤧ꤬ ꤊꤜꤥ꤬ꤜ꤫ꤢꤩ꤬ꤗꤣꤧ꤭ ꤔꤣꤧ꤬ꤚꤣꤧ꤬ ꤊꤢ꤬ꤗꤣꤧ꤭ ꤘꤣ ꤔꤢꤧ꤬ ꤟꤤ꤬ꤔꤣꤧ꤬꤯”

ꤜꤢꤨꤊꤢ꤬ 5:24 ပူးပေါင်းရင်းမြစ်များ

เตเด๊อะโลแถ่ 1:13

เร๊อ เด๊อ หมิกอเท โซซว๊าเตเมเออ อากลาเมกู เนอ อาแซ่เน๊อ แกแยเห่ขุพู๊ อาพู๊คู โอ่ เตเพร. เร๊อ อา แซ๊หนิ จาจวาทู ล๋ายโต่ เด๊อ อาแข่แด๊พ๊าขุ ตือปือ เร๊อ อา ชา ตาวา แถ่หนิ เทต๊าบย่า ต๊าบ่า.

เพรโด่แนพู๊ เต๊เห่ 9:40

คูเปโตร นอเถ่แก ลอ อู เด๊อ อากลอ เร๊อ อา แด๊งือแล กุยจ๊อเบ เต. โทเรอ อา ตีรี๊ แม๊จว๊า เด๊อ เหมาะโดรคัส โลโอ่เนอ เร๊อ อา เฮ๊ เน๊อ, “เหมาะทาบิธ๋า ก๊อถ่อมอ” อา เฮ๊ เร๊อ เหมาะทาบิธา แม๊กอลอเถ่ เร๊อ อา แม๊เถอะ คูเปโตร อาเค, อา ก๊อถ่อ โอ่แนโอ่.

เพรโด่แนพู๊ เต๊เห่ 9:34

เร๊อ คูเปโตร เฮ๊ อา เน๊อ, “คูไอเนอัส, เหย่ซู่ครี๊ แหย่โอ่เหม่เฮ๊อ เน เฮ๊อ. ก๊อถ่อ มอ เร๊อ กิกย๊าดว้า เน เหล่เมอเนอ” เร๊อ ไอเนอัส ก๊อถ่อ โตโปล่ตา ปยา เจ๊อ.

เพรโด่แนพู๊ เต๊เห่ 5:31

แซ่ฮู๊ จอแปแหร่ เก่ เด๊อ เป่ อิสราเอล เต๊เห่ เตถู่แหล่แต๊แกละกา อา ซิปล่อ เน๊อ ปลวาแก เตซื๊อ เต๊เห่ อาเงเนอ, อา แด่โอ่เฮ๊อ เหย่ซู่ เด๊อ อากู๊ขุ จ๊อทว๊า ตากยา ฮู๊ แกแย ทวาดุทวาทู เตเพร เร๊อ เพรเมแลเปล๊กา อู เตเพรเนอ เฮ๊อ.

ꤛꤥ꤭ꤟꤢ꤬ 17:2

เมเตเฮ๊เรอ แซ่ฮู๊ ล๋อ แกแย เด๊อ เน เด๊อะ แว เต๊เห่ เก่ พย๊าหนิ ซิปล่อเซอเพร ตูจูเพร อาเงเนอ, เน เด๊อะ โทลอเฮ๊อ แว เตเตอเรอฉว่าชอ เด๊อ แว เก่ เป๊อ ลอ แกแย เออเต๊เห่ เฮ๊อ.

ꤛꤥ꤭ꤟꤢ꤬ 11:43

เบ๊อะแบ่เจ่ เหย่ซู่ กุยจ๊อเบ โทเนอ, อา เอ๊โทแถ่ เน๊อ, “คูลาซารัส! เถ่มอ!”

ꤛꤥ꤭ꤟꤢ꤬ 5:27

เร๊อ อา หม่า แกแยเห่ขุ พู๊คู อาขว่าอาคยา, จอแปแหร่ เด๊อะตาเกอ เฮ๊อ อา เตอเรอฉว่าชอ เด๊อ อา เก่ เมจากาคยา เกออู เฮ๊อ.

ꤛꤥ꤭ꤟꤢ꤬ 3:13

แกแย แถ่โต่น๊อ เด๊อ ม๊อขุ เนอ อา โอ่ เตเพร่ว โต่. แกแยเห่ขุ อาพู๊คู เด๊อ อา โอ่ เด๊อ ม๊อขุ แฮแล เออเตเพร แถ่โต่ ตื๋อ ดื่อ แพ๊.

ꤜꤢꤨꤊꤢ꤬ 8:54

หม่าแน๊เรอ เหย่ซู่ ปื่อ เป๊เจ่โหมะพู๊ เออเตเพร อากู๊ขุ เร๊อ อา เฮ๊ ลู เน๊อ, “พู๊หม๋อ ก๊อถ่อ ม๋อ!”

ꤜꤢꤨꤊꤢ꤬ 7:14

เร๊อ เหย่ซู่ จว๊าโต เด๊อ โลโอ่ เร๊อ อา จว๊าเต่อ โล. เบ๊อะเนออาเค แกแย เด๊อ อา แย๊แฮ โล เต๊เห่ โอ่โก๊. เร๊อ เหย่ซู่ เฮ๊ เน๊อ, “เพรคูฮู๊เส่ ก๊อถ่อ มอ.”

ꤜꤢꤨꤊꤢ꤬ 5:13

เหย่ซู่ บ๊อแฮ อากู๊ขุ เร๊อ อา โต่เบ่โท ลู เร๊อ อา เฮ๊ ลู เน๊อ, “แว ซิปล่อโอ่ แพ๊,” อา เฮ๊ โทเร๊อ “เตเช๋ โอ่เหม่แกม๊อ,” อา เฮ๊ โป่ ฮู๊เนอ, เร๊อ อี๊. เตชุ๊ยโอ่เหม่แก เจ๊อ.

มัทธิว 28:18

เร๊อ แบ่เจ่ เหย่ซู่ แฮ เด๊อ เหย่ซี โอ่ เร๊อ อา เฮ๊ เหย่ซี เน๊อ, “เตอเรอฉว่าชอ เด๊อ ม๊อขุ เบ่เบ่, เด๊อ เห่ขุเออเนอ เบ่เบ่, อู เด๊อะ ลอเฮ๊อ เน๊อ แว เฮ๊อ.

มัทธิว 26:64

เร๊อ แบ่เจ่ เหย่ซู่ เฮ๊ฉื่อ ลู เน๊อ, “อ่อ, เน เฮ๊เนอหม่า อาหม่า, หม่าแน๊เรอ แว เก่ เฮ๊เป่ ลอ ซี ปว๋า เตเพร เร๊อ เนอปาเนอ ซี เก่ แม๊เถอะ แกแย อาพู๊คู เก่โอ่แน เด๊อ จอแปแหร่ อาเตโพร เตเตอเรอฉว่าชอ ฉว่าชอเล๊ออู เออเตเพร อากู๊ขุ จ๊อทว๊า เนอตากยา ปา. โทเรอ แว แถ่แฮ อ๊อโหล่ ปาเนอ ซี เก่ แม๊เถอะปา.”

มัทธิว 25:31

“ช๊า แกแย อาพู๊คูเออ แฮ เร๊อ อาเตอเรอดุเตอเรอทู ปา, เร๊อ อาม๊อขุ เตเน่วพู๊ เต๊เห่ เก่ แฮ เต่อเกอ เน๊อ ลู เบ๊อะเนอ, อา เก่ โอ่แนโอ่ เด๊อ อา กู่แกล๊ แถ่โล เตเค อาขุ ปา.

มัทธิว 16:13

เบ๊อะแบ่เจ่ เหย่ซู่ จว๊าโต่ เด๊อ วีแกซารียา คูฟีลิปปี เบ๊อะเนอ, อา แด๊เฮอ อา โคเจ่ เต๊เห่ เน๊อ, “อู เฮ๊ แลแค แกแยเห่ขุ อาพู๊คูหม่า หม่าแวเออ เน๊อ แว หม่า อูเป?”

มัทธิว 9:6

หม่าแน๊เรอ แซ่ฮู๊ ซีเก่ ซิเง แลแค เน๊อ เด๊อ เห่ขุ เออเนอ, แว อาโอ่ เร๊อ เตอเรอฉว่าชอ เด๊อ แว ปลวาแกเบ๊ อู เตซื๊อเตปล๊า เต๊เห่ อาเง เนอเรอ แว เก่ เด๊อะโล เป่ ซี,” อา เฮ๊ แกแยเพ เซอชิกยา เออเตเพร เน๊อ, “ก๊อถ่อ ถู่ลูหนิ เน เหล่เมอเด๊เนอ เร๊อ กามอ เด๊อ เน หี่เนอ.”

มัทธิว 4:24

แบ่เจ่ อามุย โลปีชี จว๊าลอ ซีเรียเก่ เต๊เก๋เล อาขว่าอาคยา, อู เอ๊แฮ แกแย เด๊อ อา เบ่ เตชุ๊ยเตเช ปว๊าเต๊อเจ่อ เด๊อ ลูโอ่. เร๊อ อู เอ๊แฮ แกแย เด๊อ อา เชจาเชจือ ลูเหน่ เต๊เห่, โลเน๊โลหน่า เมเบ่ ลู เต๊เห่, อา ตีมุยแท๊ ซี เต๊เห่, เร๊อ อา เซอชิกยา ซี เต๊เห่ เด๊อ อา โอ่ เร๊อ อา แหย่โอ่เหม่ ลอเป่ อู ปว๋า เตเพร.

ꤜꤢꤨꤊꤢ꤬ 5:18

แกแย เต๊เห่ แย๊แฮ แกแย เซอชิกยา เตเพร, เร๊อ เหย่ ซี แย๊แฮ ซีเท เร๊อ เหล่เมอ. เร๊อ แซ่ฮู๊ อา เก่ แด่ตาหนิ ลู เด๊อ เหย่ซู่ อา เป๊เส่เง เนอเรอ, อา จ่าเพรอ แอ๊จื๊อ จอโน ลู เด๊อ หี่ด๊อกู.

ꤜꤢꤨꤊꤢ꤬ 5:23

เก่ เฮ๊ เน๊อ, ‘อาปลวาแกเฮ๊อ เน เตซื๊อเตพี๊ เฮ๊อ,’ หม่าโต่เรอ ‘ก๊อถ่อ เร๊อ จว๊ามอ,’ เก่เฮ๊หม่า เบ๊อะเต๊อเจอะ อายูเล๊อ?