ꤜꤢꤨꤊꤢ꤬ 5:11 - ลีเทส่อพ๊าอาเซ เร๊อ เห่ขุทวาลู๊

¹¹ เหย่ซี บ๊าเถ่โอ่แก ส่อเกลอ เออเต๊เห่ เด๊อ เทอทือ เนอ, แด่แก ลอ, ล๋อ ตาเต เด๊อ อา โอ่ เกอ เหย่ซี เนอเต๊เห่ โทเร๊อ เหย่ซี โครครวา เหย่ซู่ อาคยา. เร๊อ เหย่ซี ทวาแถ่เกอ แบ่เจ่ เหย่ซู่ครี๊ อา โคเจ่ เต๊เห่.

Eastern Kayah Shadaw Dialect

¹¹ ꤛꤢꤩ꤬ꤞꤤ꤭ ꤙꤢꤥ꤬ꤊꤢꤧ꤭ ꤞꤢꤪ꤬ꤊꤜꤣꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤓꤣꤧ꤭ꤓꤢꤦ꤭ ꤚꤣꤧ꤬, ꤘꤢꤧ꤬ꤊꤢꤧ꤭ ꤜꤢꤪ꤭ ꤜꤢꤪ꤭ ꤒꤢꤩ꤬ ꤘꤣ ꤢ꤬ ꤥ꤬ ꤔꤢꤧ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤋꤚꤝꤢ꤭ꤊꤣꤧ꤭ ꤛꤢꤩ꤬ꤏꤛꤢꤨ ꤢ꤬ꤋꤛꤢ꤭꤯ ꤚꤣꤧ꤬ ꤛꤢꤩ꤬ꤞꤤ꤭ ꤓꤝꤢ꤭ꤓꤢꤧ꤬ꤊꤣꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬꤯

ꤜꤢꤨꤊꤢ꤬ 5:11 ပူးပေါင်းရင်းမြစ်များ

มัทธิว 4:20

ตื๊อหื่อโต เหย่ซี แด่แก อา ตีวี เร๊อ อา ครวาจว๊าเกอ ลูคยา.

ꤜꤢꤨꤊꤢ꤬ 5:28

คูเลวี ก๊อถ่อ เร๊อ แด่แก ลอ ล๋อ ตาเต เด๊อ อา โอ่ เร๊อ ลู เนอเต๊เห่ เร๊อ อา ครวาจว๊าเกอ เหย่ซู่ อาคยา.

มัทธิว 19:27

เร๊อ คูเปโตร เฮ๊ฉื่อ อา เน๊อ, “แม๊มอ, เป แด่แก ลอ เจ๊อเฮ๊อ เตปว๋า เต๊อเจ่อ เร๊อ เป ครวาเกอเฮ๊อ เนคยาเฮ๊อ ฮู๊เนอเรอ เป เตเร พย๊าหนิ เกอ อาคว๊าอาเก่ อิเตเต ปา?”

ꤗꤢ꤬ꤊꤢꤨ 10:21

เร๊อ เหย่ซู่ แม๊ตา ต๋า ลู เร๊อ อา ซิยอเร๊อ ลู เร๊อ อา เฮ๊ เน๊อ, “เตเด๊อ เน โหล่เม เนอ อา โอ่ปา เต๊อเจ่อ, กา อิเชแกลอ เน ตาหมื่อตาเต เนอเต๊เห่ เร๊อ เด๊อะแก เร๊อ แกแย โซพ๊าโซแรพู๊ เนอ. เน เก่ เมฮู๊เนอ เฮ๊เรอ เน อา พย๊าหนิ เตดุแหย่แถ่เซ เด๊อ ม๊อขุ ปา. กาเมโทเฮ๊อ ฮู๊เนอ เร๊อ แฮครวา เกอแวคยา.”

มัทธิว 10:37

“แกแย เตเพรเพร เด๊อ อา โมเกอเร๊อ เล๊อ อาโหมะอาเพ เร๊อ แว เฮ๊เนอ, อา ต่า เกอ เร๊อ แว โต่. แกแย เตเพรเพร เด๊อ อา โมหนิเกอเร๊อ เล๊อ อา พู๊เหมาะพู๊คู เร๊อ แว เฮ๊เนอ, อา ต่า เกอ เร๊อ แว โต่.

มัทธิว 4:22

ตื๊อหื่อโต เหย่ซี แด่แก อาส่อเกลอ เร๊อ อาเพ เร๊อ อา ครวาจว๊าเกอ เหย่ซู่ อาคยา.

มัทธิว 19:29

โท๊โต่ อูเปเป๋ เบ่เบ่, เด๊อ แวขว่า แวคยาเรอ, อา แด่แก อาหี่อาเพร๊ เบ่เบ่, อาโป่อาแหม่ เต๊เห่ เบ่เบ่, อาโหมะอาเพ เบ่เบ่, อาพู๊ อาเลอ เต๊เห่ เบ่เบ่, อา เก่ พย๊าหนิ เอ๊เล๊อ ปา เจ๊อ เร๊อ อา แด่แก เนอเต๊เห่ อาโพ๊ เด๊อ อาเยกู ปา, โทเรอ อา เก่ พย๊าหนิ ซิปล่อเซอเพร ตูจูเพร ปา.