ꤜꤢꤨꤊꤢ꤬ 4:6 - ลีเทส่อพ๊าอาเซ เร๊อ เห่ขุทวาลู๊

⁶ โลเน๊ กู่กล๊อ เฮ๊ อา เน๊อ, “เตอเรอฉว่าชอ ล๋อปลี เออเต๊เห่ เร๊อ เตดุแหย่แถ่เซ เออเต๊เห่เนอ, แว เก่ เด๊อ เร๊อ เน ปา. ล๋อ เออเต๊เห่ เนอหม่า อา โอ่ ลอเฮ๊อ เด๊อ แว กู๊ยากู เฮ๊อ, แว เก่ เด๊อะเป่ แกแย เด๊อ แว ซิหยื่อ เด๊อ ลู เนอเต๊เห่ ปา.

Eastern Kayah Shadaw Dialect

⁶ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤟꤢꤩ ꤢ꤬ ꤔꤢꤧ, “ꤜꤢꤪ꤭ ꤒꤣꤧ꤬ꤚꤣꤧ꤭ꤖꤚꤥ꤬ꤖꤚꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤘꤣꤧ ꤔꤢꤧ ꤔꤢꤧ꤬ ꤕꤢ꤭꤯ ꤜꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤥ꤬ ꤜꤢꤪ꤭ꤟꤣꤧ ꤘꤣ ꤠꤢꤧ꤭ ꤊꤣꤧ꤬ꤘꤢ꤭ꤊꤢꤨ꤭ ꤟꤣꤧ, ꤠꤢꤧ꤭ ꤊ꤫ꤢꤦ꤬ ꤘꤣꤧꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤠꤢꤧ꤭ ꤞꤤꤛ꤫ꤢꤦ꤬ ꤘꤣꤧ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

ꤜꤢꤨꤊꤢ꤬ 4:6 ပူးပေါင်းရင်းမြစ်များ

เอเฟซัส 2:2

เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่.

ꤛꤥ꤭ꤟꤢ꤬ 14:30

แว เก่ เฮ๊เบ่ งยางยาเร๊อ ซี เนอหม่า เบ๊อะโอ่ เอ๊ ปาโต่เฮ๊อ. โลเน๊มู๊แหม่ กู่กล๊อ เด๊อ อา เป๊อ เห่ขุ เออเนอโตโดเนอ, อา เตเร แฮเฮ๊อ อา เตเตอเรอฉว่าชอ เออเนอ, อา เมเป่ เร๊อ แว โต่.

ꤛꤥ꤭ꤟꤢ꤬ 12:31

“กู๊แหน่เรอ เบ๊อะแฮโต่เฮ๊อ เด๊อ อู เก่ เมจากาคยา แกแย เห่ขุพู๊ เฮ๊อ. กู๊แหน่เรอ เบ๊อะแฮโต่เฮ๊อ เด๊อ อู เก่ เหว่เถ่แก โลเน๊มู๊แหม่รีแจ่ กู่กล๊อ ซาตาน เด๊อ อา เป๊อ แกแย เด๊อ อา หยื่อเอ่โต่ เต๊เห่ เออเนอ โตโด เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:19

เป ซิเง เร๊อ เป เออเต๊เห่ เนอหม่า จอแปแหร่ อาพู๊อาเลอ เต๊เห่ หม่าแน๊เรอ ล๋อ แกแย เด๊อ อาโร เต๊เห่ เนอหม่า อา โอ่ แลแค เด๊อ โลเน๊มู๊แหม่รีแจ่ กู่กล๊อ เด๊อ อา เม เตมู๊แหม่ เออโตโด อา เตเป๊อตี๊หรี่ อาเล.

เตเด๊อะโลแถ่ 13:7

อา พย๊าหนิ เต แร๊ เด๊อ อา เก่ ช๊า จอแปแหร่ อา แกแย เบ๊หมู่ เร๊อ อา เก่ เมเป่แก เหย่ซี ปา, เร๊อ อู เก่ เด๊อะ อา เตอเรอฉว่าชอ เด๊อ อา เก่ เป๊อหนิ ลออู ปวาโต๊โหมะ, แกแย ปวาตู๊หมู่, เร๊อ ล๋อ แกแย เด๊อ อา เฮ๊เบ่ โหง่ อิเตเต๊ เบ่เบ่ เร๊อ เมวเจอะ อิเตเต๊ เบ่เบ่ เนอเต๊เห่ ปา.

เตเด๊อะโลแถ่ 13:2

เตมีเตแหม่ เออโตโด เนอ, อาแซ่เน๊อ แอ๊ซี, อากู๊โด่ เนอ อาแซ่เน๊อ เท กู๊โด่ เร๊อ อาแกกู เนอ อาแซ่เน๊อ แอ๊ซี แกกู. แปล เนอโตโบ เด๊อะ เตมีเตแหม่ เนอโตโด เร๊อ อา เตโพรฉว่าชอ เร๊อ อา เหล่โอ่แน หม่าดื่อ จ๊อแผ่ กู่แกล๊เท แถ่โล เออเนอ เร๊อ เตอเรอฉว่าชอ เด๊อ อา เก่ เป๊อเต อาเง เต๊เห่.

เตเด๊อะโลแถ่ 12:9

แปล่ดุ มู๊หนู่มู๊ส่าเค โตโบ เด๊อ อู เอ๊ ลูมูย เร๊อ โลเน๊มู๊แหม่รีแจ่ กู่กล๊อ หม่าโต่เรอ ลูซีเฟอร เด๊อ อา จว๊า อิลออี๊โหล่ ลอ อู เห่ขุต๊าบ่า เออโตโบ เนอ, อู วีตาแก ลอ อา เร๊อ อา เตเน่วพู๊ เต๊เห่ เด๊อ เห่ขุ.

เปโตร อาเหร่อเล๊อ ต๊าบ่า 1:24

ฮู๊ ลีเทส่อพ๊า เฮ๊ เน๊อ, “แกแย เห่ขุพู๊ ล๋อ ปลี เนอ อาแซ่เน๊อ มีออเส่โพ เต๊เห่ เนอแพ๊. อา เตเตอดุเตอเรอทู เต๊เห่ เร๊อ อา เตตว่าเตแร๊ เต๊เห่เนอ, อาแซ่เน๊อ เตโพเตกี่ แด๊แถ่ เด๊อ ตอกู เนอเต๊เห่ แพ๊. มี ออ ซี เต๊เห่เนอ อา เก่ เซอคราแก ลอ ปา เร๊อ เตโพเตกี่ ซี เต๊เห่เนอ อา เก่ ตาโซแก ลอ ปา.

โครินธ์ เนอบ่า ต๊าบ่า 11:14

เหย่ซี เมฮู๊เนอ เร๊อ แว คย๊ายื๊อ เน๊อ เตอเจ๋อ โต่ โลเน๊มู๊แหม่รีแจ่ กู่กล๊อ กลว่าแลโฮ เจ๊อ อาเหน่ ฮู๊ ม๊อขุเตเน่วพู๊ เด๊อ อา เตเค เต๊เห่เนอ หม๋า อา เมแจ่ แพ๊.

ꤛꤥ꤭ꤟꤢ꤬ 8:44

ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.

ꤜꤢꤨꤊꤢ꤬ 4:7

ฮู๊เนอเรอ เน เก่ จ๊อเบแถ่ แว เฮ๊เนอ, ล๋อ เออเต๊เห่เนอ แว เก่ เด๊อ ลอ เร๊อ เน ปา.”