ꤜꤢꤨꤊꤢ꤬ 4:1 - ลีเทส่อพ๊าอาเซ เร๊อ เห่ขุทวาลู๊

¹ เบ๊อะแบ่เจ่ เหย่ซู่ โอ่ เด๊อ เทอแลโหมะจอร์แดน เร๊อ อา กา เบ๊อะเนอ, อา เล๊อบา เร๊อ แหย่โยบูโพ๊แบ่เจ่. เร๊อ แหย่โยบูโพ๊แบ่เจ่ โอ่เกอ เร๊อ ลู เร๊อ อา ซูจว๊า ลู เด๊อ เก่เชเทอแก หล่อตาม๊าขุ.

Eastern Kayah Shadaw Dialect

¹ ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤥ꤬ ꤘꤣ ꤡꤛꤢꤪ꤬ꤘꤢ꤬ ꤜꤢꤧ꤭ꤗ꤫ꤥ꤬ ꤚꤣꤧ꤬ ꤢ꤬ ꤊꤢ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤜꤣꤙꤢ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤥ꤬ꤊꤣꤧ꤭ ꤔꤢꤧ ꤜꤢꤨ꤭ ꤚꤣꤧ꤬ ꤢ꤬ ꤞꤢꤨ꤭ꤡꤝꤢ ꤜꤢꤨ꤭ ꤘꤣ ꤊ꤫ꤢꤩ꤬ꤏꤢꤩ꤭ꤓꤣꤧ꤭ꤊꤢꤧ꤬ ꤜ꤫ꤢꤪ꤬ꤒꤣꤧ꤬ꤗꤢꤋꤢꤨ꤬꤯

ꤜꤢꤨꤊꤢ꤬ 4:1 ပူးပေါင်းရင်းမြစ်များ

เพรโด่แนพู๊ เต๊เห่ 10:38

โทเรอ จอแปแหร่ นว๊าแถ่ วีนาซาเร็ธพู๊ เหย่ซู่ เร๊อ อา เด๊อะ ลู แหย่โยบูโพ๊แบ่เจ่ เร๊อ อา เตโพรเตเตอเรออาฉว่าชอ ฮู๊เต เนอ, ซี ซิเง โทดื่อเฮ๊อ. เหย่ซู่ เลจว๊า เด๊อ เหล่โอ่ ปว๋า โต๊โผ่ เร๊อ จว๊า เมบุ๊ยเมเตอเรอ เป่ อู, แหย่โอ่เหม่ลอ แกแย โอ่ เด๊อ โลเน๊โลหน่า กู่กล๊อ เมนือเมจ๊า ลู เต๊เห่, เมเตเฮ๊เรอ จอแปแหร่ โอ่เกอ เน๊อ อา อาขว่าอาคยา, อา เมเฮ๊อ เต ฮู๊เนอ เฮ๊อ.

ꤜꤢꤨꤊꤢ꤬ 4:18

“จอแปแหร่ แหย่โยบูโพ๊แบ่เจ่ โอ่ เด๊อ แวกู, เมเตเฮ๊เรอ อา นว๊าแถ่ เฮ๊อ แว เร๊อ แว เก่ แด๊โฉ่ เป่ แกแย โซพ๊าโซแรฮู๊เต๊เห่ เร๊อ เตซิครือมีลา เออเนอ เฮ๊อ. แกแย เด๊อ อู ปื่อ ด๊อโอ ลู เด๊อ ทอกู เต๊เห่ อา พย๊าหนิ เตเมแลเปล๊กา อาเง, แกแย เด๊อ อา เป๊เส่คี๊ เต๊เห่ อา เป๊เส่ลี กาคยา อาเง, เร๊อ แกแย เด๊อ อู เมจาเมจือ ลู เต๊เห่ เก่ พย๊าหนิ เตเมแลเปล๊ กา อาเงเนอ, อา นอแฮ เฮ๊อ แว เด๊อ แว เก่ แด๊โฉ่ เป่ เหย่ซี เฮ๊อ.

ꤛꤥ꤭ꤟꤢ꤬ 3:34

แกแย เด๊อ จอแปแหร่ นอตา อา เตเพรเนอ, จอแปแหร่ เด๊อะ เล๊อบา เฮ๊อ ลู แหย่โยบูโพ๊แบ่เจ่ อาขว่าอาคยา, อา เฮ๊เบ่แพ๊ จอแปแหร่ อาลาอาโหง่ เต๊เห่ แพ๊.

ꤛꤥ꤭ꤟꤢ꤬ 1:32

โทเรอ คูยอห์น เฮ๊โฉ่ซิเง เป่ อู เน๊อ, “แว แม๊เถอะ โทเฮ๊อ แหย่โยบูโพ๊แบ่เจ่ โอ่ เด๊อ ม๊อขุ แฮแล โอ่ เด๊อ ลูโล แซ่เน๊อ ถู่หลุ่ย เนอเฮ๊อ.

มัทธิว 3:16

เบ๊อะเหย่ซู่ เจโท อาเหน่ เร๊อ เทอ เร๊อ อา งอก๊อถ่อ เด๊อ เทอขุขุ เน๊อ ม๊อขุ ลูโมแอ. เร๊อ อา แม๊เถอะ จอแปแหร่ อา แหย่โยบูโพ๊ แฮตา โอ่เด๊อ ลูเหน่ลู แซ่เน๊อ ถู่หลุ่ย เนอ.

ꤜꤢꤨꤊꤢ꤬ 4:14

โทเร๊อ แบ่เจ่ แบ่เจ่เหย่ซู่ กาคยา คยาแซ๊ เด๊อ กาลิลีเก่ เร๊อ อา เล๊อบา เร๊อ แหย่โยบูโพ๊แบ่เจ่ อา เตโพรเตเตอเรอ. อา อาหรี่อาแก เออเนอ อู แด๊โฉ่ เป่ชี โลจว๊าโต ลอปลี เด๊อ กาลิลีเก่ เร๊อ ดอโฉ่ โอ่ผื่อ ตีวี๊ตาวา เบ๊อะเนอ เต๊เห่.

เพรโด่แนพู๊ เต๊เห่ 8:39

เบ๊อะเหย่ซี โอ่ เด๊อ เทอกู กากิแถ่ เบ๊อะเนอ, แหย่โยบูโพ๊แบ่เจ่ พย๊าจว๊า โอ่เหม่แก เร๊อ คูฟีลิป. แกแย ทวา กู่กล๊อ เออเตเพร แม๊เถอะ ปา ลู โต่ ตื๊อดื่อเรอ อา ซิครือซิลอ เร๊อ อา กา เป่แฮ ลา เด๊อ อาดอ.

เพรโด่แนพู๊ เต๊เห่ 1:2

เบ๊อะอู เอ๊กา กาแถ่ แต่ล๋าย อา เด๊อ ม๊อขุ ล๋ายโต่ เนอ, เด๊อ แหย่โยบูโพ๊แบ่เจ่ อาขว่าอาคยา เร๊อ, อา เฮ๊แก อา เพรโด่แนพู๊ เต๊เห่ เด๊อ อา นว๊าแถ่ โทเฮ๊อ ลู เนอเต๊เห่ เร๊อ เหย่ซี เก่ เบ่ เมเต เต๊เห่ อาหรี่อาแก.

ꤜꤢꤨꤊꤢ꤬ 2:27

แหย่โยบูโพ๊แบ่เจ่ ซู เพสิเมโอน เร๊อ อา จว๊าโน เด๊อ เตหลู่แตโฮกู. เบ๊อะแบ่เจ่เหย่ซู่ อาโหมะอาเพ แพ๊แฮหนิ ลู, เร๊อ อา เก่ แฮเม เป่ ลู ฮู๊ จอแปแหร่ อา เตซว๊าเตแส่ เฮ๊หนื่ออื่อแก เบ๊อะเนอ,

ꤜꤢꤨꤊꤢ꤬ 3:3

ฮู๊เนอ อาขว่าอาคยา, ล๋อ ดอ โอ่ผื่อ ตีวี๊ตาวา เบ๊อะเทอแลโหมะจอร์แดน อาช๊า เต๊เห่เนอ, คูยอห์น จว๊าเล แด๊โฉ่โด่แน ลอ อู เร๊อ ถู่แหล่แต๊แกละ แลแค ซีซิปล่อ แลแค เร๊อ เจ แลแค ซีเหน่ เร๊อ เทอ ตื๊อเรอ จอแปแหร่ ปลวาแก ซี เตซื๊อ เนอเต๊เห่ แพ๊.

ꤜꤢꤨꤊꤢ꤬ 3:38

คูไคนาน อาเพหม่า คูเอโนส, คูเอโนส อาเพหม่า คูเสท, คูเสท อาเพหม่า คูอาดัม หม่าเฮ๊อ จอแปแหร่ อาพู๊คู เนอเตเพร เฮ๊อ.