ꤜꤢꤨꤊꤢ꤬ 3:36 - ลีเทส่อพ๊าอาเซ เร๊อ เห่ขุทวาลู๊

³⁶ คูเซลาห์ อาเพหม่า คูไคนาน, คูไคนาน อาเพหม่า คูอารฟาซัส, คูอารฟาซัส อาเพหม่า คูเซม, คูเซม อาเพหม่า คูโนอาห์, คูโนอาห์ อาเพหม่า คูลาเมค,

Eastern Kayah Shadaw Dialect

³⁶ ꤋꤢꤨ꤭ꤏꤛꤢꤩ꤬ꤜꤢ ꤢ꤬ꤖꤢꤩ꤭ꤗꤢ꤬ ꤋꤢꤨ꤭ꤊꤢ꤬ꤤꤔꤢ꤬, ꤋꤢꤨ꤭ꤊꤢ꤬ꤤꤔꤢ꤬ ꤢ꤬ꤖꤢꤩ꤭ꤗꤢ꤬ ꤋꤢꤨ꤭ꤢ꤬ꤚꤣ꤬ꤠꤢ꤬ꤞꤢ, ꤋꤢꤨ꤭ꤢ꤬ꤚꤣ꤬ꤠꤢ꤬ꤞꤢ ꤢ꤬ꤖꤢꤩ꤭ꤗꤢ꤬ ꤋꤢꤨ꤭ꤏꤛꤢꤩ꤬ꤗꤢ, ꤋꤢꤨ꤭ꤏꤛꤢꤩ꤬ꤗꤢ ꤢ꤬ꤖꤢꤩ꤭ꤗꤢ꤬ ꤋꤢꤨ꤭ꤔꤥꤢ꤬, ꤋꤢꤨ꤭ꤔꤥꤢ꤬ ꤢ꤬ꤖꤢꤩ꤭ꤗꤢ꤬ ꤋꤢꤨ꤭ꤜꤢ꤬ꤗꤢꤧ,

ꤜꤢꤨꤊꤢ꤬ 3:36 ပူးပေါင်းရင်းမြစ်များ

เปโตร เนอบ่า ต๊าบ่า 2:5

แกแย เห่ขุพู๊ เด๊อ อา เบ่หยื่อเบ่แหน่ เกอ จอแปแหร่ โต่ มู๊หนู่มู๊ส่าเค เนอเต๊เห่เนอ, จอแปแหร่ แด่ลว๊าแก เหย่ซี โต่โต่, อา นอดุบี๊ เซอแก ลอ เหย่ซี เร๊อ เทอ. อา เมแลเปล๊แก แพ๊ตื๊อ เพโนอาห์ เด๊อ อา แด๊โฉ่โด่แน เป่ อู เร๊อ เตจ๊อเตเต เออเนอ เตเพร เร๊อ เด๊อ อาโร โซซว๊าเตเพร แพ๊.

เปโตร อาเหร่อเล๊อ ต๊าบ่า 3:20

ซิปล่อเซอเพร เออเต๊เห่ เนอหม่า หม่าเฮ๊อ เบ๊อะเพโนอาห์ เมแถ่ ส่อเกลอดุ มู๋ หนู่เค เร๊อ เบ๊อะจอแปแหร่ โอ่ป่อ ซิปล่อทูหนิ เป่ เหย่ซี เบ๊อะเนอ หม่าแน๊เรอ อา จูเอ่ เกอ ลูโหง่ โต่ เนอเต๊เห่ เฮ๊อ. เด๊อ ส่อเกลอดุ อากูเนอ แกแย โนหนิ ปีตี๊ แพ๊. ล๋อ จอแปแหร่ เมแลเปล๊กา เหย่ซี เร๊อ เทอ เนอหม่า อาโอ่ แพ๊ เพรลุยซว๊า แพ๊.

ꤟꤤꤙꤚꤢꤨ 11:7

เด๊อ เพโนอาห์ อาเตหยื่อ อาขว่าอาคยา, จอแปแหร่ เด๊อะรอ หนื่ออื่อ ลู เตเด๊อ อา แม๊เถอะ ซิเง ล๋ายโต่ เด๊อ อา เก่ ทวาแถ่ ช๋า เนอปา เนอเต๊เห่. อา เบ่หยื่อเบ่แหน่ จอแปแหร่, อา หนิดา ลูโหง่ เร๊อ อา เมแถ่ ส่อเกลอดุ เด๊อ อา เก่ เมแลเปล๊กา เน๊อ อา หี่ด๊อหี่แพพู๊ อาเง เต๊เบ่. เด๊อ เพโนอาห์ เตหยื่อ อาขว่าอาคยา, อา เด๊อะโล เน๊อ จอแปแหร่ เก่ เมจากาคยา แกแย เห่ขุพู๊ เต๊เห่ ปา. เร๊อ เด๊อ อาเตหยื่อ ขว่าคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพร เฮ๊อ.

ꤜꤢꤨꤊꤢ꤬ 17:27

เบ๊อะเนอเค แกแย เต๊เห่ โอเอ่แลแค, หนิพู๊พย๊าเม เต่อ แลแค เจ๊อเบ๊อะเพโนอาห์ โน เด๊อ ส่อเกลอดุกู เนอเตอเนอ เจ๊อ. เร๊อ เทอดุแถ่ เซอแก ลอปลี แกแย โอ่แก เด๊อ อากลอ เนอเต๊เห่.

เห่ขุทวาลู่ 9:18

เพโนอาห์ อาพู๊เพรคูเต๊เห่ เด๊อ อา เถ่ผรว่า เกอ เน๊อ อาเพ เด๊อ ส่อเกลอดุกู เต๊เห่ เนอหม่า คูเซม, คูฮาม เน๊อ คูยาเฟท ซี เออเนอ เฮ๊อ, เร๊อ คูฮาม หม่า คูคานาอัน อาเพ.

เห่ขุทวาลู่ 9:1

โทเร๊อ จอแปแหร่ดุ เด๊อะบุ๊ยเด๊อะเตอเรอ เพโนอาห์ เน๊อ อาพู๊เพรคู เต๊เห่ เร๊อ อา เฮ๊ เหย่ซี เน๊อ, “พู๊โอ่โหร่เลอโอ่เอ๊ แลแค เร๊อ โอ่บา ลอ แลแค เด๊อ เห่ขุเออ นี๋.

เห่ขุทวาลู่ 8:1

หม่าแน๊เรอ, เพโนอาห์ เน๊อ ล๋อ เตมีเตดอ เด๊อ อา โอ่เต่อเกอลอ เน๊อ ลู เด๊อ ส่อเกลอดุกู เนอเต๊เห่, อา แปล เบ่เบ่, อา แน เบ่เบ่, จอแปแหร่ โชตาปาแก เน๊อ เหย่ซี โต่. เร๊อ อา ปลวาพอแฮ เก่แลเซ๊ เด๊อ เห่ขุ, เร๊อ เทอ ซิตาแล.

เห่ขุทวาลู่ 7:23

ล๋อ เต เด๊อ อา โอ่ เซอเพร กู๊ก่าหรู่แร เด๊อ เห่ขุ เออเต๊เห่เนอ, อา เซอแก ลอปลี เฮ๊อ. แกแยเห่ขุพู๊ เบ่เบ่, ล๋อ เตมีเตดอ เด๊อ อา โอ่ เด๊อ มีเกล เนอเต๊เห่ เบ่เบ่, ล๋อ เตมีเตดอ เด๊อ อู โบ่ เด๊อ หี่ เนอเต๊เห่ เบ่เบ่, ถู่พู๊โหย่พู๊ โย เด๊อ ม๊อเล ซีเต๊เห่ เบ่เบ่, จอแปแหร่ ตูจูเพร เมเซอแก ลอปลี เฮ๊อ. เร๊อ อา โอ่ เซอเพรแก ตื๊อแพ๊ เพโนอาห์ เน๊อ แกแย เด๊อ อา โอ่ เกอ เน๊อ ลู เนอเต๊เห่ แพ๊.

เห่ขุทวาลู่ 7:13

เร๊อ เพโนอาห์ เน๊อ อาพู๊เพรคู ซิโซ คูเซม, คูฮาม, คูยาเฟท เน๊อ เพโนอาห์ อาเม เน๊อ อาแด่ ซีเต๊เห่ โน แลแค เด๊อ ส่อเกลอดุกู เบ๊อะ เก่จือตา เนอเตอเนอ เจ๊อ เฮ๊อ.

เห่ขุทวาลู่ 6:22

โทเร๊อ เพโนอาห์ ครวา เมเกอ ฮู๊ จอแปแหร่ดุ เฮ๊แก ลู เนอ ปว๋า เต๊อเจ่อ.

เห่ขุทวาลู่ 5:3

เบ๊อะ เพอาดาม หน่าโอ่ เฮ๊อ เตเย เน๊อ โซเชอ เบ๊อะเนอ, อา พู๊โอ่ หนิ พู๊เพรคู เตเพร เด๊อ อาแซ่เจ๊อ เน๊อ อาเหน่ เจ๊อ เร๊อ อา เอ๊ เกอเร๊อ ลูมุย เน๊อ คูเสท.

ꤜꤢꤨꤊꤢ꤬ 3:35

คูนาโฮร์ อาเพหม่า คูเสรุก, คู เสรุก อาเพหม่า คูเรอู, คูเรอู อาเพหม่า คูเปเลก, คูเปเลก อาเพหม่า คูเอเบอร์, คูเอเบอร์ อาเพ หม่า คูเซลาห์,

ꤜꤢꤨꤊꤢ꤬ 3:37

คูลาเมค อาเพหม่า คูเมธูเสลาห์, คูเมธูเสลาห์ อาเพหม่า คูเอโนค, คูเอโนค อาเพหม่า คูยาเรค, คูยาเรค อาเพหม่า คูมาหะลาเลเอล, คูมาหะลาเลเอล อาเพหม่า คูไคนาน,