ꤜꤢꤨꤊꤢ꤬ 3:22 - ลีเทส่อพ๊าอาเซ เร๊อ เห่ขุทวาลู๊

²² โทเร๊อ แหย่โยบูโพ๊แบ่เจ่ กลว่าอาเหน่ ฮู๊ ถู่หลุ่ย เร๊อ อา แฮ ตาโอ่ เด๊อ เหย่ซู่ ลู เบ๊อะเนออาเค โหง่พรา ตา เด๊อ ม๊อขุ เร๊อ อา เฮ๊ เน๊อ, “เน หม่า แวพู๊คู เด๊อ แว โม เกอเร๊อ เร๊อ อาโตอาเบ่ เร๊อ แว ซิปล่อสู่เทอ เตเพร.”

Eastern Kayah Shadaw Dialect

²² ꤓꤥ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤊꤜꤝꤢ꤬ ꤢ꤬ꤔ꤫ꤢꤩ꤬ ꤟꤢꤨ ꤓꤢꤨ꤬ꤜꤝ꤫ꤤ꤬ ꤚꤣꤧ꤬ ꤢ꤬ ꤟꤢꤧ꤭ ꤒꤢ꤭ꤥ꤬ ꤘꤣ ꤜꤢꤨ꤭ꤜꤥ꤬꤯ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤍ꤫ꤥ꤬ꤖꤚꤢ꤬ꤒꤢ꤭ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤔꤢꤧ꤬ ꤗꤢ꤬ ꤠꤢꤧ꤭ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤠꤢꤧ꤭ ꤗꤥ꤬ ꤚꤣꤧꤘꤢꤦ꤬ ꤚꤣꤧ꤬ ꤢ꤬ꤒꤥ꤭ꤢ꤬ꤙꤢꤩ꤬ ꤔꤢꤧ ꤠꤢꤧ꤭ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤒꤣ꤬ꤖꤚꤢꤩ꤬꤯”

ꤜꤢꤨꤊꤢ꤬ 3:22 ပူးပေါင်းရင်းမြစ်များ

ꤛꤥ꤭ꤟꤢ꤬ 1:32

โทเรอ คูยอห์น เฮ๊โฉ่ซิเง เป่ อู เน๊อ, “แว แม๊เถอะ โทเฮ๊อ แหย่โยบูโพ๊แบ่เจ่ โอ่ เด๊อ ม๊อขุ แฮแล โอ่ เด๊อ ลูโล แซ่เน๊อ ถู่หลุ่ย เนอเฮ๊อ.

มัทธิว 17:5

เบ๊อะอา เฮ๊เบ่ ปาแพ๊ เบ๊อะเนอ, อ๊อโหล่ อู ตาบา อู ตาบี๊แก เหย่ซี เร๊อ โหง่พราเถ่ ตือมือ เด๊อ อ๊อโหล่ อากู เน๊อ, “เออ หม่า แวพู๊ เด๊อ แว โมหนิเกอเร๊อ อา เร๊อ แว ซิปล่อโอ่ เกอเร๊อ อา เตเพร, หนิดา แลแค อาโหง่ นี๋.”

เพรโด่แนพู๊ เต๊เห่ 10:38

โทเรอ จอแปแหร่ นว๊าแถ่ วีนาซาเร็ธพู๊ เหย่ซู่ เร๊อ อา เด๊อะ ลู แหย่โยบูโพ๊แบ่เจ่ เร๊อ อา เตโพรเตเตอเรออาฉว่าชอ ฮู๊เต เนอ, ซี ซิเง โทดื่อเฮ๊อ. เหย่ซู่ เลจว๊า เด๊อ เหล่โอ่ ปว๋า โต๊โผ่ เร๊อ จว๊า เมบุ๊ยเมเตอเรอ เป่ อู, แหย่โอ่เหม่ลอ แกแย โอ่ เด๊อ โลเน๊โลหน่า กู่กล๊อ เมนือเมจ๊า ลู เต๊เห่, เมเตเฮ๊เรอ จอแปแหร่ โอ่เกอ เน๊อ อา อาขว่าอาคยา, อา เมเฮ๊อ เต ฮู๊เนอ เฮ๊อ.

มัทธิว 3:17

โทเรอ โหง่พราเถ่ ตือมือ เด๊อ ม๊อขุเนอ เร๊อ อา เฮ๊ เน๊อ, “เออเตเพร หม่า แวพู๊คู เด๊อ แว โมหนิเกอเร๊อ อา โท๊โต่ แวพู๊ เด๊อ แว แม๊ดุ เกอเร๊อ อา เตเพร.”

เปโตร อาเหร่อเล๊อ ต๊าบ่า 2:4

แฮ แลแค เด๊อ แบ่เจ่ โอ่เออ, อา หม่า อาแซ่เน๊อ หล่อเซอเพร เตเม เด๊อ อู เตเน ลู เร๊อ อางูอาพรี โอ่โต่. เร๊อ อู วีแก แก ลู หม่าแน๊เรอ จอแปแหร่ นว๊าพย๊าแถ่ คยาแซ๊ ลู เร๊อ อางูดุงูชอ แหน่เจ๊อ เด๊อ ลูเง.

มัทธิว 12:18

“เหย่ซู่ หม่า เพรแรเต เด๊อ จอแปแหร่ นว๊าแถ่ ลู, อา หม่า แกแย เตเพร เด๊อ แว โมหนิเกอเร๊อ ลู เร๊อ แว ซิปล่อ โอ่หนิเกอ ลู. แว เก่ นอแฮโอ่ แหย่โยบูโพ๊ แบ่เจ่ เด๊อ อาลู ปา เร๊อ อา เก่ แด๊โฉ่โล เป่ แกแยยิวพู๊ หม่าโต่ เต๊เห่ เน๊อ อาเบ่ พย๊าฉื่อ เตจ๊อเตเต เด๊อแวโอ่ ฮู๊ เตเนอ ปา.

โคโลสี 1:13

อา เมแลเปล๊กา เป เด๊อ โลเน๊มู๊แหม่ กู่กล๊อ อา เตฉว่าเตชอ เด๊อ อา เป๊อหนิ เตคี๊ ลอ เออโตโด อาเล เร๊อ อา ซูโน เป เด๊อ อาพู๊คู เด๊อ อา โม หนิเกอเร๊อ เออเตเพรเออ อาเทอเก่กู เฮ๊อ.

ꤜꤢꤨꤊꤢ꤬ 4:21

เร๊อ เหย่ซู่ เฮ๊ แลแค เหย่ซี เน๊อ, “จอแปแหร่ อาลาอาโหง่ เด๊อ ซี หนิโฮ แว แด๊ เป่ ซี เออตามา เนอหม่า อา เล๊อแถ่บาแถ่ เจ๊อ เฮ๊อ เออเตอเนอ เฮ๊อ.”

มัทธิว 27:43

อา หยื่อเอ่ จอแปแหร่ แวเฮ๊. จอแปแหร่ เก่ซิปล่อ โอ่เร๊อลู เฮ๊เรอ นอเมแลเปล๊กา มอลู กู๊แหน่เออเนอ กอกอ? เมเตเฮ๊เร๊อ อา เฮ๊ เด๊อะ อาเหน่ เน๊อ, ‘แว หม่า จอแปแหร่ อาพู๊คู เม’”

มัทธิว 3:13

โทเรอ แซ่ฮู๊ เหย่ซู่ เก่ เจ เกอ อาเหน่ เร๊อ เทอ เด๊อ คูยอห์น อา กู๊ยากู อาเหน่ เนอ อา โอ่เด๊อ กาลิลีเก่ เร๊อ อา แฮ เด๊อ จอร์แดน เทอแลโหมะ อา โอ่.

มัทธิว 3:16

เบ๊อะเหย่ซู่ เจโท อาเหน่ เร๊อ เทอ เร๊อ อา งอก๊อถ่อ เด๊อ เทอขุขุ เน๊อ ม๊อขุ ลูโมแอ. เร๊อ อา แม๊เถอะ จอแปแหร่ อา แหย่โยบูโพ๊ แฮตา โอ่เด๊อ ลูเหน่ลู แซ่เน๊อ ถู่หลุ่ย เนอ.

ꤗꤢ꤬ꤊꤢꤨ 1:9

เบ๊อะเนอ, เหย่ซู่ อาโอ่ เด๊อ วีนาซาเร็ธ, กาลิลีเก่ เร๊อ อา แฮ เด๊อ จอร์แดน เทอแลโหมะ อา โอ่. เร๊อ คูยอห์น เจ เป่ ลูเทอ เด๊อ จอร์แดน เทอแลโหมะกูเนอ.

ꤗꤢ꤬ꤊꤢꤨ 1:11

เร๊อ จอแปแหร่ โอ่ เด๊อะ ม๊อขุ, เร๊อ อา เฮ๊เบ่ตา ลู เน๊อ, “เน หม่า แวพู๊คู เด๊อ แว โมแหน่เกอ เร๊อเน เร๊อ เน เมโม แว ซิปล่อ เตเพร,” อา เฮ๊ ฮู๊เนอ.

ꤗꤢ꤬ꤊꤢꤨ 9:7

เร๊อ อ๊อโหล่ ตื๊อบื่อ แลปอ ตาบี๊แก เหย่ซี เร๊อ โหง่พราเถ่ เด๊อ อ๊อโหล่กู เร๊อ อา เฮ๊ เน๊อ, “เออเตเพร หม่า แวพู๊คู เด๊อ แว โม เกอเร๊อ อา เตเพร, เร๊อ หนิดา แลแค อาโหง่ นี๋.”

ꤜꤢꤨꤊꤢ꤬ 2:14

“อาลีอาเตเค ถู่เซ๊แถ่ แลแค จอแปแหร่ เด๊อ อา โอ่ เด๊อ อาเหล่โอ่แถ่โล ตื๊อดื่อเล๊อ อู เด๊อ ม๊อขุ เออเนอ เตเพร โป๋. เตเปเตดวา เร๊อ เตเตอเจ๊อตู๊จู่ เก่ โอ่แถ่ เกอดื่อ เด๊อ เห่ขุเออ เร๊อ อา เก่ โอ่เต่อเกอดื่อ เร๊อ แกแย เด๊อ จอแปแหร่ ซิปล่อ โอ่เร๊อ เกอ ลู เนอเต๊เห่ นี๋.”

ꤛꤥ꤭ꤟꤢ꤬ 5:37

เร๊อ เพ เด๊อ อา นอแฮ แว เออเตเพรเนอ, อา ข่าเฮ๊โล เด๊อ แวเง. ซี หนิโฮน๊อ เร๊อ อาตาลา โต่, โทเรอ ซี แม๊เถอะน๊อ เร๊อ อาเป๊เส่ โตโพ๋ โต่.

ꤛꤥ꤭ꤟꤢ꤬ 12:28

เก๋อ เพ๋, เน เตอเรอดุทู เจ๊อ บ๋า เต เนอ, เด๊อะโล เป่ อู นี๋.” เออโตโพ๊เรอ โหง่ โอ่ เด๊อ ม๊อขุ เฮ๊ตา เน๊อ, “แว เด๊อะโล โทเฮ๊อ แว เตเตอเรอดุ เตอเรอทู เฮ๊อ, แว เก่ เด๊อะโล คยาแซ๊ ปา.”