ꤜꤢꤨꤊꤢ꤬ 23:2 - ลีเทส่อพ๊าอาเซ เร๊อ เห่ขุทวาลู๊

² เหย่ซี แด่ แลแค เตซื๊อ เด๊อ เหย่ซู่ อาลู เร๊อ อา เฮ๊ เน๊อ, “เป ปื่อหนิ แกแย เออเตเพร, เมเตเฮ๊เรอ อา อี๊หล่าเมซื๊อ เอ๊ลา เป แกแย เต๊เห่ อาแกล๊, เร๊อ อา เฮ๊ เร๊อ โหล่เด๊อะ เร๊อ โรมัน คุ๊ยซีซาร์ อาหมู่อาร๊า โต่, โท๊โต่ อา เฮ๊แลหนิ โป่ อาเหน่ เน๊อ แว หม่า ครี๊ เด๊อ อา หม่าดื่อ คุ๊ย เตเพร, อา เฮ๊ ฮู๊เนอ.”

Eastern Kayah Shadaw Dialect

² ꤛꤢꤩ꤬ꤞꤤ꤭ ꤘꤢꤧ꤬ ꤜꤢ꤭ꤋꤢꤧ꤭ ꤒꤢꤩ꤬ꤞꤢꤦ ꤘꤣ ꤛꤢꤩ꤬ꤏꤛꤢꤨ ꤢ꤬ꤜꤥ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤕꤢꤩ꤬ ꤕ꤫ꤢꤦ꤬ꤔ꤫ꤤ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤞꤢꤨ꤭ꤞꤢꤦ ꤢꤩꤜꤥ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤧ, ꤚꤣꤧ꤬ ꤢ꤬ ꤟꤢꤩ ꤔꤢꤧ ꤜ꤫ꤥ꤬ꤘꤣꤧ ꤔꤢꤧ ꤚꤥꤗꤢꤩ꤬ꤋꤝꤤ ꤢ꤬ꤗꤢꤨ꤬ꤢ꤬ꤚꤢ ꤒꤥ꤬, ꤓꤥ꤭ꤒꤥ꤬ ꤢ꤬ ꤟꤢꤩꤜꤢꤧ꤬ꤚꤣꤧ ꤕ꤫ꤥ꤬ ꤢ꤬ꤔ꤫ꤢꤩ꤬ ꤔꤢꤧ ꤠꤢꤧ꤭ ꤗꤢ꤬ ꤋꤚꤤ ꤘꤣ ꤢ꤬ ꤗ꤫ꤢ꤬ꤘꤢꤦ꤬ ꤋꤝꤤ ꤒꤣ꤬ꤖꤚꤢꤩ꤬, ꤢ꤬ ꤟꤢꤩ ꤟꤢꤨꤔꤣꤧ꤬꤯”

ꤜꤢꤨꤊꤢ꤬ 23:2 ပူးပေါင်းရင်းမြစ်များ

ꤛꤥ꤭ꤟꤢ꤬ 19:12

เป๊อแถ่ เบ๊อะอา เฮ๊โท ฮู๊เนอ เนอ, คุ๊ยปีลาต แอ๊จื๊อ แม๊ปู แกล๊ เด๊อ อา เก่ ปลวาเถ่แก เหย่ซู่. หม่าแน๊เรอ แกแยยิวพู๊ เต๊เห่ เอ๊โท เป่แฮ ตือดื๊อโป่ เน๊อ, “เน เก่ ปลวาเถ่แก แกแย เนอเตเพร เฮ๊หม่า, เน หม่า จ๊อแผ่ ซีซาร์ อาโคแบ๊ซว๊า หม่าโต่. แกแย เตเพรเพร เด๊อ อา ดี๊กว๊า แล เกอเร๊อ อาเหน่ เร๊อ จ๊อแผ่ เนอ, หม่าเฮ๊อ แกแย เด๊อ อา เท๊ฉื่อ คุ๊ยซีซาร์ เฮ๊อ.”

ꤜꤢꤨꤊꤢ꤬ 23:14

เร๊อ อา เฮ๊ เหย่ซี เน๊อ, “ซี แฮซู แกแย เออเตเพร เด๊อ แว โอ่, เร๊อ ซี เฮ๊ เร๊อ อา อี๊หล่าเมซื๊อ แกแย เบ๊หมู่ เต๊เห่ อาแกล๊, ซี เฮ๊ ฮู๊เนอ. กู๊แหน่เออ แว แด๊เฮอเจแม๊ เฮ๊อ อา เด๊อ ซี เป๊เส่เง เฮ๊อ ตื๊อดื่อเรอ ฮู๊ ซี แก่เช ลู เนอ, แว แม๊เถอะ อาเตซื๊อ เตอเจ๋อ โต่.

เพรโด่แนพู๊ เต๊เห่ 24:5

“เป ซิเง เร๊อ แกแย เออเตเพร หม่า แกแย เด๊อ อา แม๊ปู เมดี๊แด อู. แกแย เด๊อ อา เมโอ่แถ่ลอ เตตอปลอตือซือ เด๊อ แกแยยิวพู๊ เต๊เห่ อาเกล จว๊าโต่ลอ เด๊อ เห่ขุต๊าบ่า เออเนอหมา อาเฮ๊อ. อา หม่า นาซาเร็ธพู๊ อาตู๊หมู่ตอกล๊อ อากู่กล๊อ เตเพร.

ꤛꤥ꤭ꤟꤢ꤬ 18:30

เหย่ซี เฮ๊ฉื่อ เน๊อ, “อา เก่ เมซื๊อ โต่ เร๊อ เป เอ๊แฮ ลู เด๊อ เนโอ่ แตแค๋ โต่,” อา เฮ๊ฉื่อ ลู ฮู๊เนอ.

ꤗꤢ꤬ꤊꤢꤨ 12:17

โทเรอ เหย่ซู่ เฮ๊ เหย่ซี เน๊อ, “คุ๊ยดุ ซีซาร์ อาเตเก่เฮ๊เรอ เด๊อ เร๊อ คุ๊ยดุเนอ, จอแปแหร่ อาเต่ เก่เฮ๊เรอ เด๊อ เร๊อ จอแปแหร่ เนอ.” เหย่ซู่ เฮ๊ เหย่ซี ฮู๊เนอ เร๊อ เหย่ซี อาคย๊าอายื๊อ ลอปลี เจ๊อ เหย่ซู่ อาเหล่ เจ๊อ.

มัทธิว 22:21

เร๊อ เหย่ซี เฮ๊ฉื่อ เน๊อ, “คุ๊ย ซีซาร์ อา กู่กล๊อแหย่โย เร๊อ คุ๊ยซีซาร์ อามุย.” โทเรอ แบ่เจ่ เหย่ซู่ เฮ๊ฉื่อ เหย่ซี เน๊อ, “คุ๊ยดุ ซีซาร์ อาเต เก่เฮ๊เรอ เด๊อ เร๊อ คุ๊ยดุเนอ, จอแปแหร่ อาเต เก่เฮ๊เรอ เด๊อ เร๊อ จอแปแหร่ เนอ.”

เพรโด่แนพู๊ เต๊เห่ 24:13

ตื๊อเนอโทโต่ เหย่ซี แด่เตซื๊อ เด๊อ แวลู กู๊แหน่เออ เต๊เห่เนอหม่า, อา ยูโลเบ๊ เร๊อ เหย่ซี แด่เตซื๊อ เออเนอหมา อา โตแพ๊ เนอ อา โอ่ เตอเจ๋อ โต่.

ꤜꤢꤨꤊꤢ꤬ 23:5

หม่าแน๊เรอ, เหย่ซี ลื๋อ เอ๊โทแถ่ ฉว่าฉว่าเล๊อ โป่ เน๊อ, “อา จว๊าเล เมตอปล่อตือซือจว๊า ลอ แกแยยิวพู๊ เต๊เก่เล เร๊อ อา เตอิซว๊าอี๊แส่ เออเนอ. อา เป๊อแถ่ เม เด๊อ กาลิลีเก่ เร๊อ อา แฮโต่เฮ๊อ เบ๊อะเออ เฮ๊อ.”

มัทธิว 17:27

หม่าแน๊เรอ แซ่ฮู๊ เหย่ซี เก่ ซิปล่อดุ แต่ เป แต่เหม่เนอ, จว๊าบี๊มอ เต๊ว เด๊อ กาลิลี อาเทออ่อกู เน. เต๊วฮู๊ เด๊อ อา หนิ เหร่อเล๊อ เต๊เบ่เนอ, โบแอ แม๊ เด๊อ อาแกกู เนอ นี๋. เน เก่ แม๊เถอะ รือหย่า เต๊เบ่ ปา. พย๊า รือเออ เร๊อ จว๊าเด๊อะ เน๊อ เนเง เน๊อ แวเง เน๊อ เตหลู่แตโฮ อาหมู่อาร๊า อาเงเนอ.”

มัทธิว 27:11

เบ๊อะเนออาเค เหย่ซู่ ก๊อถ่อ โอ่เด๊อ คุ๊ยปีลาต อาเป๊เส่เง เร๊อ อา แด๊เฮอ ลู เน๊อ, “เน หม่า แกแยยิวพู๊ อาคุ๊ย เตเพร หม่าแหน่ แอ?” เร๊อ อา เฮ๊ฉื่อ คุ๊ย เน๊อ, “อ่อ, อา หม่าแหน่ ฮู๊ เน เฮ๊เนอ เฮ๊อ”

ꤗꤢ꤬ꤊꤢꤨ 15:2

คุ๊ยปีลาต แด๊เฮอ เหย่ซู่ เน๊อ, “เน หม่า แกแยยิวพู๊ อาคุ๊ย เตเพร หม่าแหน่ แอ?” เร๊อ อา เฮ๊ฉื่อ คุ๊ย เน๊อ, “อ่อ, อา หม่าเนอ ฮู๊ เน เฮ๊เนอ เฮ๊อ.”

ꤛꤥ꤭ꤟꤢ꤬ 18:29

ฮู๊เนอ อาขว่าอาคยา, คุ๊ยปีลาต เถ่ เด๊อ โฮกลอ เร๊อ อา แม๊เถอะ เฮ๊เบ่ฉื่อ เร๊อ เหย่ซี เน๊อ อา แด๊เฮอ เหย่ซี เน๊อ, “ซี จว๊า แด่เตซื๊อ ลู เร๊อ อิเต อาขว่าอาคยา เต?”

ꤚꤥꤗꤢꤩ꤬ 13:7

ฮู๊เนอเรอ, ซี โหล่ เด๊อ อู เต๊เห่เนอ, เด๊อ แลแค, เก่ ซี โหล่ เด๊อะ ซีเงเร๊อดื่อ อาหมู่อาร๊า เก่เฮ๊เรอ เด๊อ แลแค นี๋. ซี เก่ โหล่เด๊อะ อาหมู่อาร๊า เด๊อ อาโร เต๊เห่ เฮ๊เรอ ตูรู๊ เด๊อ แลแค นี๋. ซี โต เบ่หยื่อเบ่แหน่ อู เต๊เห่เนอ เบ่หยื่อเบ่แหน่ แลแค อู นี๋. ซี โต เมลีเมเตเค อู เต๊เห่เนอ เมลีเมเตเค แลแค อู นี๋.