ꤜꤢꤨꤊꤢ꤬ 22:43 - ลีเทส่อพ๊าอาเซ เร๊อ เห่ขุทวาลู๊

⁴³ เตเน่ว ม๊อขุพู๊ เตเพร แฮ โอ่โลแม๊เถอะ เนอ, อา แฮ เด๊อะอ๊าเด๊อะเหร่ ลู.

Eastern Kayah Shadaw Dialect

⁴³ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣ꤬ꤖꤚꤢꤩ꤬ ꤟꤢꤧ꤭ ꤥ꤬ꤜꤥ꤭ꤓꤢꤧ꤬ ꤚꤣꤧ꤬, ꤢ꤬ ꤟꤢꤧ꤭ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤜꤢꤨ꤭꤯

ꤜꤢꤨꤊꤢ꤬ 22:43 ပူးပေါင်းရင်းမြစ်များ

มัทธิว 4:11

โลเน๊มู๊แหม่ กู่กล๊อ เถ่จว๊าแก โท ลูเหล่ เน๊อ, ม๊อขุ เตเน่วพู๊ เต๊เห่ แฮแม๊ตู่ เมจว่า เกอเร๊อ ลู.

ꤟꤤꤙꤚꤢꤨ 1:14

เก่เฮ๊ฮู๊เนอเรอ, ม๊อขุ เตเน่วพู๊ เต๊เห่ หม่า อูเป? เหย่ซี หม่า ซิปล่อเซอเพร เด๊อ อา เม เป่ จอแปแหร่ อาเตเม เต๊เห่. จอแปแหร่ นอเมจว่า เป่ เหย่ซี เร๊อ แกแย เด๊อ อา เก่ พย๊าหนิ เตเมแลเปล๊กา ปา เต๊เห่ อาเง แพ๊.

มัทธิว 26:53

แซ่ฮู๊ เตเน่วม๊อขุพู๊ เต๊เห่ เก่ แฮแล เตเกบี๊เกอเร๊อ แว อาเงเนอ, แว เก่ กุย แวเพ เด๊อ อา เก่ นอกี๊ตา เหย่ซี เกลอฮู๊หมู่ดุ เช๊อเนอหมู่ เฮ๊เนอ, แวเพ เด๊อะตา โตโพ๊ เด๊อะตา เจ๊อ แว หม่า อา หนิ เจ๊อ เจ๊อเนอหม่า ซี ซิเงโต่ แอ?

ꤟꤤꤙꤚꤢꤨ 1:6

เบ๊อะจอแปแหร่ นอกี๊ตาเฮ๊อ อาพู๊คู แหว่เพร่ว เด๊อ เห่ขุ เบ๊อะเนอ, อา เฮ๊ เน๊อ, “จอแปแหร่ อา เตเน่วพู๊ ล๋อ ปลี เบ่ จ๊อเบแถ่ พู๊คูเออ,” อา เฮ๊ ฮู๊เนอ.

ทิโมธี อาเหร่อเล๊อ ต๊าบ่า 3:16

เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.

ꤜꤢꤨꤊꤢ꤬ 22:32

หม่าแน๊เรอ, คูซีโมน, แซ่ฮู๊ เน เตหยื่อเตแหน่ อา ปย๊าแก แต่เหม่ เนอ, แว กุยจ๊อเบ เป่ เด๊อ เนเง. โทเรอ เบ๊อะเน ซิเหน่แลคยาแซ๊ กาคยา คยาแซ๊ เฮ๊อ เนเหน่ ปาเนอ, เน โตเบ่ เด๊อะอ๊าเด๊อะเหร่หนิ เน โป่แหว่ เต๊เห่ ปา นี๋.”

มัทธิว 4:6

เร๊อ อา เฮ๊ ลู เน๊อ, “เน เก่ หม่า จอแปแหร่ อาพู๊ เตเพร เก่เฮ๊เรอ, อี๊ฉ่าตามอ! เมเตเฮ๊เรอ, ลีเทส่อพ๊ากู เฮ๊ เน๊อ, ‘จอแปแหร่ นอ แม๊ตู่ ตอกอเตเกหนิเกอเร๊อ เน เร๊อ อา เตเน่วม๊อขุ เต๊เห่ เนอปา. เร๊อ แซ่ฮู๊ เน กู๊โด่ เก่ ต่าเบ่ เร๊อ หล่อ เตเม เนอ, เหย่ซี เก่ แพ๊แถ่ฉื่อดื่อ เน ปา.’”

ꤟꤤꤙꤚꤢꤨ 2:17

ฮู๊เนอ อาขว่าอาคยา แซ่ฮู๊ แบ่เจ่ เหย่ซู่ เก่ ทวาดื่อ เพร เด๊อ อา เม จอแปแหร่ อา เตเอ่เตแร ฮู๊ เพรหลู่แต กู่กล๊อดุเล๊อ เด๊อ อาจ๊อ เร๊อ อาโหง่ เร๊อ อา ซิยอแจ่ อู เตเพร. โท๊โต่ แซ่ฮู๊ อา เก่ ข่าเซอเป่ เด๊อ แกแย เต๊เห่ อา เตเมซื๊อ เต๊เห่ เก่ ปลวาแก อาเงเนอ, อา แฮแล พย๊า แกแยเห่ขุพู๊ อาเหล่โกล แซ่เน๊อ อาโป่อาแหม่ เออเนอเต๊เห่ เฮ๊อ.

เพรโด่แนพู๊ เต๊เห่ 18:23

อา จว๊าแล โอ่ เบ๊อะเนอ แตแปล๊เตอเปลอฮู๊ เร๊อ อา เถ่จว๊าแก คยา. อา จว๊าเล เบ๊อะกาลาเทียเก่ เร๊อ ฟรีเจีย เก่กูเนอ โต๊โผ่ โท โต๊โผ่. โทเรอ อา จว๊า เด๊อ ฉว่าเด๊อชอแถ่ เป่ เพรหยื่อเอ่ โอ่ เบ๊อะเนอ เต๊เห่ อาอ๊าอาเหร่.

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”