ꤜꤢꤨꤊꤢ꤬ 22:41 - ลีเทส่อพ๊าอาเซ เร๊อ เห่ขุทวาลู๊

⁴¹ โทเรอ อา เถ่จว๊า ตาพายา เร๊อ เหย่ซี เบ๊อะอู วีจว๊ายา หล่อ เตเม เนอ, เร๊อ อา จว๊าแด๊งือ กุยจ๊อเบ เบ๊อะเนอ.

Eastern Kayah Shadaw Dialect

⁴¹ ꤓꤥ꤭ꤚꤣꤧ꤬ ꤢ꤬ ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤛꤢ꤬ ꤔꤢꤧ ꤛꤢꤩ꤬ꤞꤤ꤭ ꤙꤢ ꤢꤨ꤭ ꤠꤤ꤭ꤡꤝꤢꤛꤢ꤬ ꤜ꤫ꤢꤪ꤬ ꤒꤣ꤬ꤗꤢꤩ꤭ ꤔꤣꤧ꤬, ꤚꤣꤧ꤬ ꤢ꤬ ꤡꤝꤢꤘꤢꤧꤍꤢꤦ꤬ ꤊꤝꤤ꤭ꤡꤢꤪꤙꤢꤩ꤭ ꤙꤣꤧꤔꤣꤧ꤬꤯

ꤜꤢꤨꤊꤢ꤬ 22:41 ပူးပေါင်းရင်းမြစ်များ

มัทธิว 26:39

อา จว๊า เป่แฮโป่ เด๊อ เง ตี๊กิแพ๊ เร๊อ อา โอ่เมอ โตโกลตา เด๊อ เห่ขุ เร๊อ อา กุยจ๊อเบ เร๊อ อา เฮ๊ เน๊อ, “เก๋อ เพ เก่ หม่าแน๊เรอ เน เก่ พย๊า ตาพาแก เป่ แว เบหล่อ เตจาเตจือ เออเต๊เบ่ เด๊อแวโอ่ หม่า อาหนิ แพ๊ หม่าแน๊เรอ แว ซิหยื่อ เม จู๊ ดื่อ แว ซิปล่อ โต่ จู๊ ดื่อแพ๊ เน ซิ ปล่อ นี๋.”

ꤗꤢ꤬ꤊꤢꤨ 14:35

อา จว๊า เป่แฮโป่ เด๊อ เง ตี๊กิฮู๊ เร๊อ อา โอ่เมอ โตโกลแล เด๊อ เห่ขุ เร๊อ อา กุยจ๊อเบ เร๊อ อา เฮ๊ เน๊อ, “เตจาเตจือ เด๊อ แว เบ่ ข่าเบ่ กู๊แหน่ เออเนอ, เน เก่ ปลวาตาลว๊า จว๊าแกเบ๊ เป่ แว เก่ อาหนิ เฮ๊เรอ ปลวาตาลว๊า จว๊าแก เป่ แว,” อา เฮ๊ ฮู๊เนอ เร๊อ อา กุยจ๊อเบ เน๊อ, “อับบา, เพ๋, เน เมแจ่ เตล๋อ ปลี, พย๊า ตาพาแก เป่ แว อาเบหล่อ หม่าเฮ๊อ เตจาเตจือ เออ. หม่าแน๊เรอ แว ซิหยื่อ เม จู๋ ดื่อ แว ซิปล่อ โต่. จู๊ ดื่อแพ๊ เน ซิปล่อ นี๋.”

ꤜꤢꤨꤊꤢ꤬ 18:11

ฟาริสี เตเพร จว๊า ก๊อถ่อโอ่ กุยจ๊อเบ เร๊อ อา เฮ๊ เน๊อ, ‘เก๋อ จอแปแหร่, แว เฮ๊บุ๊ยเฮ๊เตอเรอ เน, เมเตเฮ๊เรอ ฮู๊ อูโร เต๊เห่ จว๊าปื่อเผ่ แหย่เปล๊ เอ่ อูเต่, แลโฮแลแห่ อู, จว๊าซื๊อ อูพู๊อูเม เนอ แว เมน๊อ เกออู โต่. แว แซ่เกอ เร๊อ เพรกุยเอ่ อาหมู่อาร๊า เนอเตเพร โต่ อาขว่าอาคยา. แว เฮ๊บุ๊ยเฮ๊เตอเรอ แหน่เจ๊อ เน.

ꤜꤢꤨꤊꤢ꤬ 18:13

“หม่าแน๊เรอ เพรกุ่ยอาหมู่อาร๊า เออเตเพรเนอ, อา จว๊าก๊อถ่อโอ่ โล เด๊อ อายา, เร๊อ อา แม๊แถ่ บื่อ เจ๊อ อาเป๊เส่ เด๊อ ม๊อขุ โต่. อา ซิเปล เร๊อ อา แปล่แล เกอเร๊อ อาโตโอ่. เร๊อ อา เฮ๊ เน๊อ, ‘เก๋อ จอแปแหร่ ซิยอเกอเร๊อ แว. แว หม่า เพรเตเหล่ซื๊อพู๊ เตเพร.’”

เพรโด่แนพู๊ เต๊เห่ 7:60

อา แด๊งือแล เร๊อ อา เอ๊โทแถ่ เน๊อ, “เก๋อ แบ่เจ่, ปลวาแกเหร่อ เหย่ซี เตซื๊อ นี๋” อา เฮ๊ โทเรอ อา เซอแก.

เพรโด่แนพู๊ เต๊เห่ 9:40

คูเปโตร นอเถ่แก ลอ อู เด๊อ อากลอ เร๊อ อา แด๊งือแล กุยจ๊อเบ เต. โทเรอ อา ตีรี๊ แม๊จว๊า เด๊อ เหมาะโดรคัส โลโอ่เนอ เร๊อ อา เฮ๊ เน๊อ, “เหมาะทาบิธ๋า ก๊อถ่อมอ” อา เฮ๊ เร๊อ เหมาะทาบิธา แม๊กอลอเถ่ เร๊อ อา แม๊เถอะ คูเปโตร อาเค, อา ก๊อถ่อ โอ่แนโอ่.

เพรโด่แนพู๊ เต๊เห่ 20:36

เบ๊อะคูเปาโล เฮ๊เบ่โทเฮ๊อ อาเบ๊อะเนอ, อา แด๊งือแล เต่อเกอลอ เร๊อ เหย่ซี ปว๋า เตเพร เร๊อ อา กุยจ๊อเบ.

เพรโด่แนพู๊ เต๊เห่ 21:5

หม่าแน๊เรอ โซซว๊าเตอเนอ โทเร๊อ เป เถ่จว๊า คยาแซ๊ แกล๊. ล๋อ เพร หยื่อเอ่ เบ๊อะเนอ เต๊เห่ เร๊อ อาพู๊อาเม เต๊เห่ ซูเถ่ เป เด๊อ วีกลอ เร๊อ ซูจว๊าเต่อ เป เด๊อ เทอดุซาวาทือ. เร๊อ เหย่ซี แด๊งือแล ลอปลี เบ๊อะเนอ ปว๋า เตเพร เร๊อ กุยจ๊อเบ แลแค เต.

ꤟꤤꤙꤚꤢꤨ 5:7

เบ๊อะเหย่ซู่ โอ่เซอเพร เบ๊อะเห่ขุเออ เบ๊อะเนอ, อา กุยจ๊อเบ แถ่ ซิปล่อชีเมลอ จอแปแหร่ เด๊อ อา เมแลเปล๊แจ่ ลู เด๊อ เตเซอเออ เตเพร, เร๊อ อา เอ๊โทแถ่ เป๊เส่เทอ ตา เจ๊อ. อา แด่หยว่า อาซิปล่อ เร๊อ อา ซิปล่อฉว่า หนิดา จอแปแหร่ โหง่ อาขว่าอาคยา, จอแปแหร่ หนิดา ลู เตกุยจ๊อเบ.