ꤜꤢꤨꤊꤢ꤬ 22:30 - ลีเทส่อพ๊าอาเซ เร๊อ เห่ขุทวาลู๊

³⁰ เมเตเฮ๊เรอ แซ่ฮู๊ ซี เก่ เอ่โอ เต่อเกอ เร๊อ แว เด๊อ แว ดีเหร่ขุ ช๊า เด๊อ แวเทอแวเก่กู ปา. โท๊โต่ แซ่ฮู๊ ซี เก่ โอ่แนโอ่ เต่อน๊อ เกอดื่อ เร๊อ แว เด๊อกู่แกล๊เท แถ่โล อาขุ ปา. เร๊อ ซี เก่ เจแม๊ เมโต เร๊อดื่อ อิสราเอล เช๊อเนอโหมะ เออเนอ ปา.

Eastern Kayah Shadaw Dialect

³⁰ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤢꤩ꤬ꤥ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤠꤢꤧ꤭ ꤘꤣ ꤠꤢꤧ꤭ ꤘꤤ꤭ꤚ꤫ꤢꤩ꤬ ꤊꤢꤧ꤭ꤏꤢ ꤘꤣ ꤠꤢꤧ꤭ꤓꤣꤧ꤭ꤠꤢꤧ꤭ꤊ꤫ꤢꤩ꤬ꤊꤢꤨ꤭ ꤕꤢ꤭, ꤓꤥ꤭ꤒꤥ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤔꤢꤧ꤭ꤥ꤬ ꤒ꤫ꤣ꤬ꤔꤢꤪ ꤊꤣꤧ꤭ꤘꤢꤦ꤬ ꤔꤢꤧ ꤠꤢꤧ꤭ ꤘꤣ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤋꤢꤨ꤬ ꤕꤢ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤘꤣꤧꤡꤢ꤭ ꤚꤣꤧꤘꤢꤦ꤬ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤏꤣꤧꤔꤣꤧ꤭ꤗ꤫ꤥ꤬ ꤣꤧ꤭ꤔꤣꤧ꤬ ꤕꤢ꤭꤯

ꤜꤢꤨꤊꤢ꤬ 22:30 ပူးပေါင်းရင်းမြစ်များ

มัทธิว 19:28

แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี๋, เบ๊อะจอแปแหร่ ตี๊หรี่แตแร เห่ขุเซ, เด๊อ เห่ขุเซปา, โทเรอ แกแยอาพู๊คู หม่าเฮ๊อ แวเออ เก่ โอ่แน เด๊อ กู่แกล๊เท แถ่โล ปา. ซี เด๊อ อา ครวา เกอแว เออเต๊เห่ เก่ โอ่แนน๊อ เกอดื่อ เด๊อ กู่แกล๊เท แถ่โล เช๊อเนอเม อาโอ่ เออเนอ ปา, เร๊อ ซี เก่ เมจากาคยา เร๊อ ดื่อ อิสราเอลพู๊ เช๊อเนอโหมะ เออเนอ ปา.

มัทธิว 8:11

แว เฮ๊ ซี, แกแย โอ่ เด๊อ เก่ซิเถ่ เก่แบ๊โน เต๊เห่ อา แฮ โร๊ลู ปา. เหย่ซี อา แฮ โอ่แน เอ่เต่อเกอ เร๊อ เปโพ อับราฮัม, โพอิสอัค, โพยาโคบ เด๊อ ม๊อขุ อา เทอเลเก่กู ปา.

เตเด๊อะโลแถ่ 3:21

“แว เมเป่ โทเฮ๊อ เร๊อ แว โอ่แนหนิ เต่อเกอ เฮ๊อ เร๊อ แวเพ เด๊อ กู่แกล๊เท แถ่โล อาขุ เฮ๊อ. ฮู๊เนอเรอ แกแย เด๊อ อา เมเป่เต เต๊เห่เนอ, แว เก่ นอโอ่แนโอ่ เต่อเกอ เหย่ซี เร๊อ แว เด๊อ แว กู่แกล๊เท แถ่โล อาขุ เออเนอ ปา.

ꤜꤢꤨꤊꤢ꤬ 14:15

แกแย โอ่แนโอ่ เกอ เร๊อ เหย่ซู่ เบ๊อะเหล่เอ่ ดีเหร่อาช๊า เนอเต๊เห่ อาเกล เตเพรเนอ, อา หนิโฮ เตเฮ๊เบ่เออ เร๊อ อา เฮ๊ เหย่ซู่ เน๊อ, “แกแย เด๊อ อา โอ่แน เอ่โอน๊อ เด๊อ จอแปแหร่ อาเทออาเก่กู ปา เต๊เห่เนอ, อา เก่ พย๊าหนิ หม่าแหน่ เจ๊อ เตเด๊อะบุ๊ยเด๊อะเตอเรอปา เจ๊อ!”

ꤜꤢꤨꤊꤢ꤬ 12:37

หลู่ เด๊อ อาแบ่เจ่ กาแม๊เถอะ เหย่ซี เร๊อ อา โอ่ส่าเซ, อา โอ่ตี๊หรี่แตเร หนื่ออื่อ แลแค อาเหน่ เต๊เห่เนอ, อา พย๊าหนิ แลแค เตบุ๊ยเตเตอเรอ. แว เฮ๊ หม่าแหน่ เจ๊อ ซี, แบ่เจ่ เออเตเพรเนอ อา เก่ กือแถ่แซ๊แถ่ เพรเมเออเนอ อาเห่อจา เร๊อ อา เก่ นอโอ่แนโอ่ เหย่ซี แซ่เร๊อ ซิเผระ เต๊เห่เนอ ปา, เร๊อ อา เก่ โบ่เอ่โบ่โอ่ เหย่ซี ปา.

เตเด๊อะโลแถ่ 19:9

โทเรอ เตเน่วพู๊ เฮ๊ แว เน๊อ, “ราม๊าแก เมอ เออเนอ. แกแย เด๊อ อู เอ๊แฮ เต่อเกอ ลู เด๊อ ซิหมิพู๊ เออโตโด อาป่วย เออเต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ.” โทเรอ เตเน่วพู๊ เฮ๊ โป่ เน๊อ, “โหง่ เออเต๊เห่ หม่า จอแปแหร่ อาลาอาโหง่ หม่าแหน่ เจ๊อ.”

เตเด๊อะโลแถ่ 4:4

จ๊อแผ่ กู่แกล๊เท แถ่โล เด๊อ อาโร เนอเชอ เร๊อ ลุยเม เออเนอ อา โอ่ตาวา เร๊อ จ๊อแผ่ กู่แกล๊เท แถ่โล เออ เร๊อ จ๊อแผ่ กู่แกล๊เท แถ่โล เออเต๊เห่ อาขุ เนอ, โหมะพรูโหมะเผร่ เนอเชอ เร๊อ ซิลุย เด๊อ อา กือแซ๊แถ่ เห่อจาบู เร๊อ อา โก่แถ่ กู๊โก่เท เต๊เห่ โอ่แนโอ่ แลแค เบ๊อะเนอ.

มัทธิว 5:3

“แกแย เด๊อ อา ซิเลแถ่ หนิ ตื๊อแพ๊ จอแปแหร่ เด๊อ เตล๋อ ปลี เออ เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ ม๊อขุ เทอเลเก่กู เนอหม่า แกแย ฮู๊เนอ เต๊เห่ อาเต เฮ๊อ.

ทิโมธี เนอบ่า ต๊าบ่า 2:12

เป เก่ แด่ทูซิปล่อ เต เฮ๊เรอ, เป เก่ เป๊อ เต่อเกอ เต เน๊อ อา ปา. เป เก่ เท๊แก อา เร๊อ อา เก่ เท๊แกเกอ เป ปา.

ꤡꤛꤢꤩ꤭ꤗꤢ꤬ꤎꤣ꤬ 1:1

แว หม่า คูยากอบ, แว ทวา จอแปแหร่ เร๊อ แบ่เจ่ เหย่ซู่ครี๊ อาหลู่ เตเพร. แว เฮ๊โมเฮ๊แร๊ จว๊า เป่ จอแปแหร่ อาแกแย กลุยแล เช๊อเนอโหมะ เด๊อ อา จว๊าโอ่ปีชี แลแค เด๊อ เหล่โอ่ ปว๋า โต๊โผ่ เต๊เห่ อาโอ่.