ꤜꤢꤨꤊꤢ꤬ 22:26 - ลีเทส่อพ๊าอาเซ เร๊อ เห่ขุทวาลู๊

²⁶ หม่าแน๊เรอ ซี เออเต๊เห่หม่า ซี เบ่เม หนิ เกออู ฮู๊เนอโต่. แกแย เด๊อ อา ทวาดุเล๊อ อู เด๊อ ซีเกล เตเพร เพรเนอ, อา โตเบ่ ทวา ฮู๊ แกแย เด๊อ อา ปีตี๊เล๊อ เตเพรเนอ, โทเรอ แกแย เด๊อ อา ทวา กู่กล๊อ เตเพร เพรเนอ, อา โตเบ่ ทวา ฮู๊ หลู่เล๊ เตเพรเนอ.

Eastern Kayah Shadaw Dialect

²⁶ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤗꤢ꤬ ꤞꤤ꤭ ꤙꤢꤩ꤬ꤗꤢꤩ꤬ ꤔ꤫ꤤ꤬ ꤊꤣꤧ꤭ꤢꤨ꤭ ꤟꤢꤨꤔꤣꤧ꤬ꤒꤥ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ꤘꤢꤨ꤬ꤜꤣ ꤢꤨ꤭ ꤘꤣ ꤞꤤ꤭ꤊꤜꤢꤩ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤓꤝꤢ꤭ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤕꤣꤧ꤬ꤒꤤꤜꤣ ꤒꤣ꤬ꤖꤚꤢꤩ꤬ꤔꤣꤧ꤬, ꤓꤥ꤭ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪ ꤒꤣ꤬ꤖꤚꤢꤩ꤬ꤖꤚꤢꤩ꤬ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤓꤝꤢ꤭ ꤟꤢꤨ ꤜꤢꤨ꤬ꤜꤢꤩ ꤒꤣ꤬ꤖꤚꤢꤩ꤬ꤔꤣꤧ꤬꤯

ꤜꤢꤨꤊꤢ꤬ 22:26 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 5:5

ฮู๊ แว เฮ๊ เป่ โทเฮ๊อ ซี เร๊อ เตแด่แลซิปล่อ อาหรี่อาแก เนอ เฮ๊อ, ซี เด๊อ อา หน่าเจ่เล๊อ เต๊เห่เนอ, ซี เบ่ แด่แล แลแค ซี ซิปล่อ เด๊อ โหมะพรูโหมะเผระ เต๊เห่ อาเล. ซี ปว๋า เตเพร โตเบ่ กือแซ๊แถ่ แลแค แด่แล ซิปล่อ เตเพร เร๊อ เตเพร แซ่เน๊อ ซี กือแซ๊แถ่ เห่อจาเนอ, เมเตเฮ๊เรอ, ลีเทส่อพ๊ากู เฮ๊ เนอ, “จอแปแหร่ เมตาตือแก แกแย เด๊อ อา แด่แถ่โล อาซิปล่อ เนอเต๊เห่ หม่าแน๊เรอ เตบุ๊ยเตเตอเรอ เออเนอ, อา เด๊อะ ตา เป่ เร๊อ แกแย เด๊อ อา แด่หยว่า อาซิปล่อ เนอเต๊เห่ แพ๊”

เปโตร อาเหร่อเล๊อ ต๊าบ่า 5:3

เพรหยื่อเอ่เต ตู๊หมู่ตอกล๊อ เด๊อ จอแปแหร่ นอแม๊ นอตู่หนิ ซี เออเต๊เห่เนอ, นอเอ่ ซี เตอเรอฉว่าชอ เร๊อ เป๊อฉว่าเป๊อชอ หนิ เหย่ซี แต่เหม่ นี๋. หม่าแน๊เรอ, ทวาเป่ดื่อ ซิหมิ เนอตู๊หมู่ อาเหล่แม๊บือเกอ ซี นี๋.

ꤜꤢꤨꤊꤢ꤬ 9:48

เร๊อ อา เฮ๊ เหย่ซี เน๊อ, “แกแย เด๊อ อา แม๊ แวเป๊เส่ เร๊อ อา เก่ เอ๊โมฉื่อ เป๊เจ่พู๊ แซ่เน๊อ เออเตเพร เตเพร เพรเนอ, อา เอ๊โมฉื่อ เฮ๊อ แว เฮ๊อ. เร๊อ แกแย เตเพร เพร เด๊อ อา เอ๊ฉื่อ แว เนอหม่า, อา เอ๊ฉื่อ เพร เด๊อ อา นอแฮแล แว เออเตเพรเนอ เฮ๊อ. เมเตเฮ๊เรอ, แกแย เด๊อ อา เตเนปีตี๊ แลปีเล๊อ อาเหน่ เด๊อ ซีเกล เตเพร เพร เนอหม่า, แกแย เด๊อ อา ทวาดุเล๊อ อู เฮ๊อ.”

ꤗꤢ꤬ꤊꤢꤨ 9:35

เหย่ซู่ โอ่แนโอ่ เร๊อ อา เอ๊แฮ เหย่ซี เด๊อ อาช๊า เร๊อ อา เฮ๊ เหย่ซี เน๊อ, “แกแย เด๊อ อา ซิหยื่อ ทวาดุเล๊อ อู เตเพร เนอหมา อา โตเบ่ โอ่ เด๊อ อู เลเล๊อ เร๊อ อา เบ่ ทวาเป่ ลอ อู ปว๋า เตเพร อา หลู่เล๊.”

ꤚꤥꤗꤢꤩ꤬ 12:2

โอ่เซอเพร แม๊บือเกอ เต ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ อาเหล่โกล โอ่เซอเพร เนอแต่เหม่ นี๋. แซ่ฮู๊ ซี เก่ โอ่เซอเพร โค๊ดื่อ เร๊อ เหย่ ซีเนอ เร๊อ, นอถู่แหล่ เต๊เปล่เซ โค๊แก ซี เหล่เตเน เต๊เห่เนอ เร๊อ จอแปแหร่ เนอ นี๋. ซี เก่ เมฮู๊เนอ ตื๊อหม่า ซี ซิเงแฮเบ๊ แพ๊ เต เด๊อ จอแปแหร่ ซิหยื่อ นอเม ซีเนอ เต๊เห่ แพ๊. ตื๊อเรอ ซี เก่ ซิเงแฮ เตแร๊, เตเมโม จอแปแหร่ อาซิปล่อ, เร๊อ เตซิเง เล๊อบาแฮ จอแปแหร่ อา เตซิหยื่อ เต๊เห่ ปา แพ๊.

มัทธิว 20:26

ซี ลาติ เร๊อ ซี โต เมฮู๊เนอ โต่. เด๊อ ซีเกลเนอ, แกแย เตเพรเพร เก่ ซิหยื่อ ทวาดุ เฮ๊เรอ อา โตเบ่ ทวา ซี หลู่เล๊.

ꤗꤢ꤬ꤊꤢꤨ 10:43

หม่าแน๊เรอ ล๋อ ซี เออเนอเต๊เห่เนอ ซี โตเบ่ เมฮู๊เนอ โต่. เด๊อ ซีเกลเนอ, แกแย เตเพรเพร อา ซิหยื่อ ทวาดุ เฮ๊เรอ อา โตเบ่ ทวา ซี หลู่เล๊.