ꤜꤢꤨꤊꤢ꤬ 21:17 - ลีเทส่อพ๊าอาเซ เร๊อ เห่ขุทวาลู๊

¹⁷ เด๊อ แวขว่าแวคยา เร๊อ แกแย ปว๋า เตเพร อา ซิโตโค ลอ ซี ปา.

Eastern Kayah Shadaw Dialect

¹⁷ ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤚꤣꤧ꤬ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤞꤤꤒꤣꤧ꤬ꤋꤥ꤭ ꤜꤢꤪ꤭ ꤞꤤ꤭ ꤕꤢ꤭꤯

ꤜꤢꤨꤊꤢ꤬ 21:17 ပူးပေါင်းရင်းမြစ်များ

ꤛꤥ꤭ꤟꤢ꤬ 15:19

ซี เก่ แซ่เน๊อ แกแย เห่ขุพู๊ เออเต๊เห่ เฮ๊เนอ, อา เก่ โม เกอเร๊อ ซี ฮู๊ เหย่ซี แกแย เร๊อดื่อ เนอเต๊เห่ ปา. หม่าแน๊เรอ ซี เนอ, ซี โค๊ดื่อ เน๊อ เหย่ซี เฮ๊อ. แว นว๊าเถ่โค๊แก เฮ๊อ ซี เด๊อ แกแย เห่ขุพู๊ เต๊เห่ อาเกล เฮ๊อ. เหย่ซี ซิเถ่ ซี อาแก่ช๊าแกแร หม่า หม่าเฮ๊อ เด๊อ ซี ย๋อโค๊ดื่อ เร๊อ เหย่ซี เฮ๊อ, โท๊โต่ แว ย๋อ นว๊าเถ่โค๊แก เฮ๊อ ซี เน๊อ เหย่ซี เออ อาขว่าอาคยาเร๊อ เหย่ซี ซิเถ่ซิฮา เฮ๊อ ซี เฮ๊อ.

ꤜꤢꤨꤊꤢ꤬ 6:22

ซี ย๋อหยื่อเอ่ แกแยพู๊คู หม่าเฮ๊อ แวเออ อาขว่าอาคยา, เร๊อ อู ซิเถ่ ซี, อู เอ๊โมฉื่อ ซี โต่, อู เป๊อเจ่ออิแช๊ ซี เร๊อ อู เฮ๊ มู๊แหม่รีแจ่ ซี อาขว่าอาคยา, ซี เก่ พย๊าหนิ หม่าแหน่ เจ๊อเฮ๊อ เตเด๊อะบุ๊ยเด๊อะเตอเรอ เฮ๊อ.

โครินธ์ เนอบ่า ต๊าบ่า 12:10

ฮู๊เนอเรอ แว โอ่ เร๊อ เตอ๊าเจ่เหร่เจ่ เต๊เห่, แว แม๊เถอะ ป่อชิเต่อเบ่ เร๊อ เตจาเตจือ เต๊เห่, อู เป๊อเจ่ออิแช๊ แว เต๊เห่, อู เมจาเมจือ แว เต๊เห่, แว แม๊เถอะ ป่อชิเต่อเบ่ เร๊อ เตแป่เตเช ซี เต๊เห่, ล๋อ เต เด๊อ แว แม๊เถอะ ป่อชิเต่อเบ่ เออเต๊เห่ เนอหม่า ครี๊ อาเง แพ๊, หม่าแน๊เรอ แว ซิปล่อโอ่ ซิปล่อโม แพ๊ เมเตเฮ๊เรอ เบ๊อะแว อ๊าเจ่เหร่เจ่ เบ๊อะเนอ, ตื๊อหม่า แว อ๊าฉว่าเหร่ชอ แพ๊.

ꤛꤥ꤭ꤟꤢ꤬ 15:21

ซี ทวา แว โคเจ่ อาขว่าอาคยา แกแย เห่ขุพู๊ เต๊เห่ เก่ เมจาเมจือ ซี ปา, เมเตเฮ๊เรอ เหย่ซี ซิเง แลแค เพ เด๊อ อา นอแฮ แว เออเนอ เตเพร่ว โต่.

เตเด๊อะโลแถ่ 2:3

เด๊อ แวมุย อาขว่าอาคยาเร๊อ, เน เมแคเมแอ่ เน ข่าเบ่ เตจาเตจือ เร๊อ เน ซิปล่อ ปย๊าโต่ เนอหม๋า ซิเงเง.

ฟีลิปปี 1:29

เมเตเฮ๊เรอ, จอแปแหร่ เด๊อ ตื๊อแพ๊ ซี เตเด๊อะบุ๊ยเด๊อะเตอเรอ เด๊อ ซี เก่ หยื่อเอ่ ครี๊ เออเนอ หม่าโต่, อา ซิปล่อโอ่ เกอดื่อ เร๊อ ซี เก่ ข่าเกอ เตเมจาเมจือ เด๊อ ครี๊ อาเงเง.

โครินธ์ เนอบ่า ต๊าบ่า 4:11

เป เตโอ่เซอเพร เออตือทือ แกแย เนอ, เป ย๋อ ครวา เหย่ซู่ คยา อาขว่าอาคยา, เป เบ่ แม๊เถอะเบ่ เน๊อ เตต๊อหร่อเซ๊ ซิอิเช เด๊อ อู เก่ เมเซอ เจ๊อ เป เจ๊อ. แซ่ฮู๊ อู เก่ แม๊เถอะ เร๊อ ครี๊ โอ่เซอเพร เด๊อ เปเหน่กล่อ เด๊อ เตอเนอเค ปา อา เซอแจ่เออ อากูเนอ, เป เบ่ แม๊เถอะเบ่ ฮู๊เออ แพ๊.

ꤛꤥ꤭ꤟꤢ꤬ 17:14

แว เด๊อซิเง เป่เฮ๊อ เหย่ซี เร๊อ เนลาเนโหง่, เร๊อ แกแย เด๊อ อา หยื่อเอ่ แว โต่ เต๊เห่เนอ, อา ซิเถ่ซิฮา ลอ เหย่ซี เมเตเฮ๊เรอ ฮู๊ แว โอ่จิจือเต่อ เร๊อ เห่ขุ โต่ เนอ, เหย่ซี แซ่เกอ เฮ๊อ เร๊อ แว อาขว่าอาคยา, อู ซิเถ่ซิฮา ลอ เหย่ซี.

มัทธิว 24:9

“โทเรอ อู เก่ปื่อ เก่จอ ลอ ซี ปา, อู เก่มือ เก่ปอ ลอ ซีปา, โท๊โต่ อูเก่ เมเซอ ซี ปา. เด๊อ ซี จ๊อ เร๊อแว อาขว่าอาคยา, เร๊อ แกแย ปว๋า เตเพร ซิโตโค ซี ปา.

มัทธิว 10:22

เด๊อ แวขว่าแวคยา เนอ, อู ปว๋า เตเพร เก่ ซิเถ่ ลอ ซี ปา. หม่าแน๊เรอ แกแย เด๊อ อา ก๊อถ่อแตแน โอ่กลอช๊อหม่า เด๊อ อา เตหยื่อเตแหน่ อากู โต่เด๊อ อาตื๊อดื่อ เต๊เห่เนอ, จอแปแหร่ เก่ เมแลเปล๊กา เหย่ซี ปา.”

เปโตร อาเหร่อเล๊อ ต๊าบ่า 4:14

เก่ ซี ข่าเบ่ เตเป๊อเจ่ออิแช๊ เด๊อ ซี ครวาเกอ ครี๊ อาคยา เก่เฮ๊เรอ ซี พย๊าหนิ เตเด๊อะบุ๊ยเด๊อะเตอเรอ, เมเตเฮ๊เรอ จอแปแหร่ อา แหย่โยบูโพ๊ เด๊อ เตอเรอดุเตอเรอทู เออเนอ, อา โอ่เต่อเกอ เร๊อ ซี เฮ๊อ.

เพรโด่แนพู๊ เต๊เห่ 9:16

ล๋อ เตจาเตจือ เด๊อ อา โตเบ่ ข่าจา เด๊อ แวขว่าแวคยา เต๊เห่เนอ, แว เก่ เด๊อะโล ซิเง เจ๊อดื่อ ลู เร๊อ แวเหน่ ปา.”

ꤛꤥ꤭ꤟꤢ꤬ 7:7

แกแย เห่ขุพู๊ เต๊เห่ ซิเถ่ แจ่ ซี โต่. หม่าแน๊เรอ อา ซิเถ่ แลแค แว, เมเตเฮ๊เรอ แว ย๋อ เฮ๊เถ่โล เหย่ซี เม เตมู๊แหม่ เต๊เห่ เน๋อ.

มัทธิว 5:11

“เบ๊อะอู เป๊อเจ่ออิแช๊ ซี, อู เมจาเมจือ ซี, อู เกบูเกบย่า ซี เร๊อ อู เฮ๊ มู๊แหม่รีแจ่ ซี เด๊อ แวขว่าแวคยา เต๊เห่เนอ, ซี พย๊าหนิ เตเด๊อะบุ๊ยเด๊อะเตอเรอ.

โครินธ์ เนอบ่า ต๊าบ่า 4:5

เป เล แด๊โฉ่โด่แน เกอเร๊อ เปหรี่เปแก หม่าโต่. หม่าแน๊เรอ เป เล แด๊โฉ่โด่แน โล เป่ อู เร๊อ เหย่ซู่ครี๊ หม่า แบ่เจ่ เตเพร อาหรี่อาแก. ฮู๊เนอเรอ เด๊อ ครี๊ อาขว่าอาคยา, เป ทวาเป่ ซี หลู่เล๊ เต๊เห่ เฮ๊อ.

ꤜꤢꤨꤊꤢ꤬ 21:16

ซี โป่แหว่, โหมะเพ, กลุยแล, โคซว๊า เต๊เห่ อา อิแช๊เซอ เกอ เร๊อ ดื่อ ซีมุย ปา. เหย่ซี เก่ เมเซอ ซีเต๊เห่ ปา.

ꤜꤢꤨꤊꤢ꤬ 21:18

หม่าแน๊เรอ เบ๊อะซี กู๊โล โตโบ๊ แพ๊ ปาเนอ, อาโอ่เหม่แก เป่ โต่.